оџак – Kurir.mk

Се запали вентилација од оџак во центарот на Скопје, пожарот е локализиран

Ивана Ефремовски — Thu, 23 Jun 2022 19:52:39 +0000

Во центарот на Скопје вечерва се запали вентилација од оџак во зграда, информира за МИА Ѕвонко Томески, командир на скопската бригада за противпожарна заштита. Пожарот е локализиран и нема опасност, рече Томески и апелираше вентилационите канали да се чистат на време. (МИА)

Се запали оџак од куќа во Кавадарци, пожарникарите спречија огнот да не предизвика поголеми штети

Ивона Петрова — Fri, 27 Nov 2020 07:41:06 +0000

Се запали оџак од куќа синоќа во центарот на Кавадарци. Пожарникарите спречија огнот да не предизвика поголеми штети. – Работата беше сериозна бидејќи пожарот имаше зафатено и дрвени греди од кровот на куќата, поради неправилно изведен оџак. На лице место бевме тројца пожарникари со две противпожарни возила. Не дозволивме огнот да направи штети врз куќата и да се прошири на другите куќи лепенки, изјавија утринава за МИА од Територијалната противпожарна единица Кавадарци. Пожарникарите останале подолго време на терен, за да бидат сигурни дека огнот е целосно изгаснат.

Гостиварец паднал од покрив на куќа додека чистел оџак

Ивона Петрова — Thu, 03 Jan 2019 13:45:13 +0000

Ќ.А.(64) од Гостивар е тешко повреден откако вчера чистејќи го оџакот на својата куќа, се лизнал и паднал од покривот. Тој околу 17:30 часот бил донесен во гостиварската oпшта болница каде му биле констатирани тешки повреди. По укажаната лекарска помош е префрлен во комплексот клиники „Мајка Тереза“ во Скопје. Извршен е увид на местото на настанот.

ФОТО: Крадец се заглавил во оџак, полицијата го спасила, а никогаш нема да ви падне на памет колкава казна му се заканува

Дарко Андоновски — Fri, 05 Oct 2018 09:43:30 +0000

Дваесет и тригодишен маж од Боливија бил уапсен поради кражба, а неговото дело не било тешко да се открие, со оглед на тоа што после кражбата и упадот во куќата, се заглавил во оџакот. На мета на момчето била една куќа во Буенос Аирес, а кога влегол, тој собрал се што му се нашло при рака – скапоцени одела, MP4 плејер и таблет, кои ги ставил во една торба. Во моментот кога сакал да го земе телевизорот, слушнал како некој доаѓа, го фатило паника, го вратил телевизорот на место, ја оставил торбата и почнал да бега. Со оглед на тоа што сопствениците влегле дома, единствениот излез му бил преку оџакот, но се покажало дека тоа било лоша одлука. Во обид да дојде до кровот, крадецот се заглавил на половина од оџакот, а потоа, свесен дека не може ништо да направи, почнал да моли за помош. Тогаш го слушнале комшиите, кои веднаш повикале полиција. Кога излегле на терен, полицајците морале на неверојатен начин да ја решат новонастанатата ситуација – да се качат на кровот на куќата и да се обидат да го извлечат. Нормално, целиот настан го набљудувале комшиите кои ги пријавиле инцидентот. После кратка интервенција го извлекле мажот од оџакот, а потоа му ставиле лисици и го привеле во полициската станица. Како што пишуваат медиумите, му се заканува повеќегодишна робија.

Дедо Мраз меѓу криминалците: Сакал да бега преку оџак, но експресно се покаја за одлуката

Ивана Ефремовски — Thu, 04 Oct 2018 18:31:19 +0000

Дваесетгодишно момче од Боливија е уапсено поради кражба, а неговото злосторство не било тешко да се открие со оглед на тоа што се заглавило во оџак по кражбата во една куќа. Овој несекојдневен инцидент се случил во Буенос Аирес. Крадецот украл скапа облека, МП4-плеер и таблет, кои ги спакувал во една торба. Во моментот кога тргнал да го краде и телевизорот, слушнал дека некој доаѓа и во паника го вратил телевизорот, ја оставил торбата и почнал да бега. Со оглед на тоа што сопствениците влегле преку вратата, негов единствен излез бил оџакот, но се покажало дека тоа не е добра идеја. Крадецот се заглавил и свесен дека не може ништо да направи, почнал да бара помош. Го слушнале соседите, кои повикале полиција.