ОФКАТХ – Kurir.mk

ВИДЕО: Братот на Мартин пристигна во Грција и се вклучи во потрагата, попладне доаѓаат доброволци од Скопје

Ивона Петрова — Fri, 15 Jul 2022 11:03:52 +0000

Спасувачка служба ОФКАТХ и денеска ја продолжи потрагата по Мартин Јовановски кој пред седум дена заедно со двајца другари беше повлечен од морските струи кај плажата Мити во Посиди на првиот крак на Халкидики. На Фејсбук објавија известување за потрагата со видео на кое се гледа братот на Мартин, Горан. Како што беше и најавено, тој веќе е пристигнат во Грција од САД и активно е вклучен во потрагата на својот брат. -Потрагата продолжува седми ден по воден и воздушен пат за лоцирање на исчезнатиот Мартин. Втор ден полета авион од солунски аероклуб кој трага на плажите Катерини и Лариса. Во потрагата од денеска учествува и неговиот брат кој утринава дојде од Америка, а попладне ги чекаме и доброволците од Скопје кои ќе помогнат. Борбата продолжува, напишаа од ОФКАТХ.

ОФКАТХ се огласи со нови информации за Мартин: Борбата продолжува

Ивона Петрова — Thu, 14 Jul 2022 10:01:40 +0000

Објавувајќи фотографија на Мартин на својата Фејсбук страна, од волонтерската спасувачка екипа ОФКАТХ велат дека и денеска се трага по исчезнатиот Македонец, последен од тројцата кои беа повлечени од струите на морето. -Ова е Мартин кој го бараме шест дена. Потрагата продолжува и денеска со чамци. Утре доаѓа неговиот брат од САД и ќе биде со мајката. Подготвуваме голема потрага за утре по пловен, воздушен и копнен пат, како и со дронови. Борбата продолжува, објавија од ОФКАТХ. Спасувачката акција и потрагата започнаа во саботата во попладневните часови, кога тројцата државјани на Македонија влегле во морето на плажата Мити во Посиди на првиот крак на Халкидики, а поради лошото време се нашле во беспомошна ситуација и се оддалечиле од брегот. Дел од присутните на плажата забележале дека капачите ги снемало и веднаш ја информирале крајбрежната служба, по што започна и акцијата. Еден од тројцата пријатели, 25-годишниот Васил беше спасен во саботата по поминати околу два часа во вода, додека пак во неделата, по околу 20 часа во морето беше пронајден и 30-годишниот Иван. Се трага по Мартин…

ШЕСТИ ДЕН: Продолжува потрагата по исчезнатиот Мартин на Халкидики

Катерина Бојаџиева — Thu, 14 Jul 2022 07:28:10 +0000

Крајбрежната служба на Грција и спасувачките екипи и денеска, шести ден по ред, ја продолжуваат потрагата по исчезнатиот македонски државјанин на Халкидики, јави дописничката на МИА од Атина. Од Министерството за надворешни работи на Македонија синоќа соопштија дека „како и досега во потрагата ќе бидат вклучени неколку брода на грчката крајбрежна стража, хеликоптер, како и возило на копно и волонтери од локалното население“. Паралелно, додадоа, дека нашите претставништва остануваат во интензивен контакт со надлежните институции на Грција и семејството на исчезнатиот. Вообичаена пракса на грчката крајбрежна служба е потрагата да трае 72 часа, односно три дена по исчезнувањето, меѓутоа овој рок беше продолжен по телефонскиот разговор меѓу шефовите на двете дипломатии Бујар Османи и Никос Дедниас. Спасувачката акција и потрагата започнаа во саботата во попладневните часови, кога тројцата државјани на Македонија влегле во морето на плажата Мити во Посиди на првиот крак на Халкидики, а поради лошото време се нашле во беспомошна ситуација и се оддалечиле од брегот. Дел од присутните на плажата забележале дека капачите ги снемало и веднаш ја информирале крајбрежната служба, по што започна и акцијата. Еден од тројцата пријатели, 25-годишниот Васил беше спасен во саботата по поминати околу два часа во вода, додека пак во неделата, по околу 20 часа во морето беше пронајден и 30-годишниот Иван. Се трага по Мартин...