Кисела Вода и оваа година ќе субвенционира набавка на огревно дрво

Тале Кристо — Fri, 04 Aug 2023 09:46:47 +0000

И оваа година, Општина Кисела Вода ќе субвенционира дел од трошоците на своите жители за купување на дрва за огрев. Право на користење на субвенцијата ќе имаат граѓаните кои купиле дрва за огрев од 01 април 2023 година, се до денот на објавување на Јавниот повик, кој ќе биде распишан во месец октомври и ќе ги содржи сите потребни критериуми и информации. Имено, финансиски надомест од 500 денари, со влучен персонален данок, ќе се добива за секој купен метар кубен (1 м³) дрва за огрев но до максимална вкупна количина до 10 метри кубни (10 м³) или по 350 денари (со вклучен персонален данок) за секој купен метар просторен (1 м просторен) дрва за огрев, но до максимална количина од 14 метри просторни (14 м просторни). За утврдување на исполнетоста на условите за субвенционирање ќе биде формирана петчлена комисија, задолжена да ја спроведе целата постапка на принципот прв дојден-прв услужен, се’ до исцрпувањето на предвидените средства во висина од 1.200 000, 00 денари за таа намена. Покрај субвенциите за огревно дрво, Општина Кисела Вода веќе обезбеди финансиска поддршка и за печки за пелети, за пелети како енергенс, за кофинансирање при набавка на термоизолациони материјали за реконструкција на фасади на станбени згради, како и за поправка и санација на постоечки лифтови во станбени згради на подрачјето на општината. Јавните повици за овие мерки се распишани, се во тек и се достапни на веб страницата на Општина Кисела Вода. Листата на мерки за финансиска поддршка кои оваа локална самоуправа ќе ги спроведува годинава, опфаќаат и проекти од образованието како што се “Ранче за секое прваче” и “Униформа за секој ученик”, а наскоро на бесплатно летување ќе заминат и повеќе ученици кои доаѓаат од социјално загрозени семејства.

Жителите на Кисела Вода од денеска можат да аплицираат за субвенции за огревно дрво

Тале Кристо — Thu, 20 Oct 2022 08:00:12 +0000

Општина Кисела Вода го објави повикот до граѓаните за субвенционирање на дел од трошоците за купување на дрва за огрев. Од денес, па во наредните 15 дена жителите на општината кои набавиле огревно дрво во периодот од 01 април 2022 година до денес, можат да аплицираат за финансиски надомест во износ од 500 денари за секој купен метар кубен (1 m³) дрва за огрев, но до максимална вкупна количина до 10 кубни метри (10 m³). Заедно со останатата потребна документација, треба да се достави доказ- потврда, испратница или официјален документ кој го потврдува купувањето на дрва за огрев. Исплатата ќе се врши по принципот прв дојден, прв услужен, се до исцрпување на средствата, обезбедени од Буџетот на општината во висина од 1.200.000,00 денари. Јавниот повик заедно со потребната документација е достапна на веб страницата на Општина Кисела Вода на следниот линк: http://www.kiselavoda.gov.mk/index.php/component/content/article/2-uncategorised/3453-2022-10-19-08-36-05

огнено дрво – Kurir.mk

Кисела Вода и оваа година ќе субвенционира набавка на огревно дрво

Жителите на Кисела Вода од денеска можат да аплицираат за субвенции за огревно дрво