огнено оружје – Kurir.mk

Синот на Бајден се изјасни за невин по обвиненијата за набавка на огнено оружје

Ивона Петрова — Tue, 03 Oct 2023 15:08:00 +0000

Синот на американскиот претседател Хантер Бајден денеска пред судот се изјасни за невин по трите обвиненија поврзани со огнено оружје што го купил во 2018 година, додека наводно користел недозволени супстанци. Неговата адвокатка, Аби Ловел, рече дека Бајден ќе поднесе барање за отфрлање на случајот, оспорувајќи ја неговата уставност, пренесува Си-Ен-Ен. Хантер Бајден беше обвинет за поседување огнено оружје и покрај тоа што бил зависник од дрога, како и за давање лажни изјави кога купил пиштол. Обвинителите тврдат дека Бајден лажел при пополнувањето на формуларот кога го купил пиштолот, бидејќи не навел дека користел забранети супстанци.

Маж повреден со огнено оружје, пукале на семејна веселба

Ивана Ефремовски — Thu, 14 Sep 2023 14:10:46 +0000

На 13.09.2023 во 21:23 часот во СВР Скопје, од Комплексот клиники „Мајка Тереза“ било пријавено дека кај нив со повреда од огнено оружје било донесено машко лице. Полициски службеници излегле на местото и било утврдено дека станува збор за М.И.(31) од Арачиново, скопско, кој според првичните информации бил повреден на семејна веселба во скопско. Се преземаат мерки за расчистување на случајот.

Скопјанец пукал кон лице со кое се расправал, погодил автомобил

Ивана Ефремовски — Fri, 09 Dec 2022 17:48:14 +0000

На 08.12.2022 во СВР Скопје било пријавено дека околу 12:30 часот на ул.„Вуковарска“, по претходна расправија помеѓу Р.Б.(34) и П.Б.(29), од една страна, и В.А., од друга страна, сите тројца од Скопје, В.А. испукал од огнено оружје кон П.Б.. Повредени лица нема, а од проектилот било оштетено паркирано патничко возило. Бил извршен увид и се работи на расчистување на случајот.

Рекордно висок бројот на смртни случаи од огнено оружје во САД

Катерина Бојаџиева — Wed, 30 Nov 2022 07:07:50 +0000

Бројот на смртни случаи од огнено оружје во САД минатата година беше рекордно висок во изминатите речиси три децении. Има исклучително зголемување на бројот на жени жртви – од 2010 година, бројот на убиени афроамериканки или оние кои извршиле самоубиство со огнено оружје е тројно зголемен, соопшти Дејвид Хеменвеј, Во споредба со 2015 година таа цифра е двојно зголемена. Студијата е најсеопфатната анализа на темата во изминатите години, истакна Пол Хеменвеј, директор на Центарот за контрола и истражување на повреди на Универзитетот Харвард. Минатиот месец, федералните центри за контрола и превенција на болести објавија дека во 2021 година во САД има повеќе од 47.000 смртни случаи од огнено оружје, што е најмногу во изминатите 40 години.

Момчето на Ријана обвинет за напад со огнено оружје

Ивона Петрова — Tue, 16 Aug 2022 09:17:57 +0000

Партнерот на познатата пејачка Ријана, американскиот рапер АСАП Роки е обвинет за учество во вооружен напад што се случил во ноември во Холивуд, соопштија властите на американската сојузна држава Калифорнија. Музичарот, чие вистинско име е Раким Мајерс (33), се соочува со обвинение за напад со полуавтоматско оружје. Според документите, раперот е обвинет дека вперил пиштол кон свој поранешен пријател, при расправија, лани во ноември, а потоа испукал двапати, нанесувајќи ѝ на жртвата „лесно ранување“, соопшти Окружното обвинителство на Лос Анџелес. АСАП Роки, кој наскоро треба да се појави на суд, беше уапсен во април на аеродромот во Лос Анџелес при симнување од приватен авион по лет од Барбадос, од каде што е неговата девојка Ријана. Со неа во мај добија и дете. Во август 2019 година, раперот беше осуден на условна затворска казна за насилство во тепачка во Стокхолм, Шведска.

Шведска: 18 лица застрелани од огнено оружје во првиот квартал годинава

Ивона Петрова — Thu, 31 Mar 2022 11:56:36 +0000

Насилството со огнено оружје бележи раст во Шведска, покажува извештајот на националната телевизија СВТ, базиран на полициски досиеја и сопствени истраги. Оваа година во Шведска досега се застрелани 18 лица, во споредба со пет во истиот временски период во 2021 година, 12 во 2020 година, 10 во 2019 година и осум во 2018 година. Повеќето од пукањата се поврзани со криминални банди, покажува извештајот. Последната жртва беше маж на 50-годишна возраст, кој почина во средата, откако беше застрелан во теретана во Стокхолм. Организираниот криминал е сè позастапен проблем во Шведска во последните години, ширејќи се од големите градови Стокхолм, Гетеборг и Малме во помалите градови. Со ширењето на организираниот криминал, насилството со огнено оружје и употребата на експлозив за конкретни цели, исто така, е во пораст. Шведскиот совет за спречување на криминалот, Бра, во четвртокот соопшти дека бројот на смртоносни напади со оружје врз мажи и момчиња се искачил на 43 во 2021 година, во споредба со 41, од пред една година. Бројот на жени и девојки убиени со огнено оружје се намали од седум на две во истиот временски период. Севкупно, бројот на луѓе убиени поради насилен криминал се намали на 113 во 2021 година, во споредба со рекордните 124 смртни случаи во 2020 година.

Драма на автопатот Тетово-Скопје: 5 полицајци му се заканувале на скопјанец, извадиле и огнено оружје

Магдалена Андонова — Mon, 28 Mar 2022 16:04:30 +0000

Вчера во 1 часот во Полициската станица Ѓорче Петров, Е.А.(30) од село Буковиќ, скопско, пријавил дека на 26.03.2022 околу 19:45 часот, по претходно недоразбирање во сообраќајот на автопатот Тетово – Скопје, пет лица му се заканиле, а двајца од нив имале огнено оружје. По преземени мерки било утврдено дека станува збор за лицата Ф.Р.(44), А.А.(38), Д.Н.(41), Н.С.(28) и Д.Д.(48), сите од Гостивар и сите вработени во МВР. За настанот бил известен Одделот за внатрешна контрола криминалистички истраги и професионални стандарди и се преземаат мерки за расчистување на случајот.

Парламентот им дозволи на Украинците да носат огнено оружје

Ивона Петрова — Wed, 23 Feb 2022 10:47:08 +0000

Украинскиот парламент денеска во прво читање го усвои предлог-законот со кој на Украинците им се дозволува да носат огнено оружје и да реагираат во самоодбрана. „Усвојувањето на овој закон е целосно во интерес на државата и општеството“, изјавија авторите на нацрт-законот, пренесува „Ројтерс“. Тврдат дека донесувањето на овој закон е неопходно поради, како што велат, заканите и опасностите со кои се соочуваат граѓаните на Украина. Украина денеска почна да регрутира припадници на резервните одбранбени сили на возраст меѓу 18 и 60 години, по указ на претседателот Вoлодомир Зеленски, откако рускиот претседател Владимир Путин ги призна самопрогласените републики Донецк и Луганск во источна Украина и одобри испраќање војници во областа.

Драма на Бит Пазар: Поради недоразбирање во сообраќајот му се заканувал со огнено оружје

Катерина Бојаџиева — Fri, 03 Dec 2021 21:15:03 +0000

Вчера во 13.00 часот во СВР Скопје, Р.К.(39) од Скопје пријавил дека околу 08.10 часот, на подрачјето на Бит Пазар, по претходно недоразбирање во сообраќајот, му биле упатени закани со огнено оружје од И.А. (29). Се преземаат мерки за расчистување на случајот, информираат од полицијата.

ВМРО-ДПМНЕ: На митинзите на ДУИ се пука од огнено оружје, а Спасовски молчи и не постапува, криминалната коалиција ги живее последните денови

Ивона Петрова — Fri, 01 Oct 2021 06:00:03 +0000

На митинзите на ДУИ се пука од огнено оружје, а Спасовски молчи и не постапува, криминалната коалиција ги живее последните денови, велат од ВМРО-ДПМНЕ. Од партијата посочуваат дека криминалната коалиција СДСМ - ДУИ е во паника, и затоа се и пукањата по митинзи на СДСМ. Знаат дека ќе загубат и ги фаќа паника. -Спасовски наместо да молчи да постапи по закон и да ги открие извршителите, тоа е кривично дело казниво по закон. Истовремено ги повикуваме и меѓународните претставници да ги следат овие акти на примитивизам и дивјаштво, кои се се само не демократски. СДСМ и ДУИ знаат дека ќе го изгубат Чаир, а ќе го изгубат и Скопје, причините заради кои ја формираа коалицијата. Затоа се во паника.Во ист контекст се и заканите на Арафат Муареми во Сопиште, каде се заканува со инспекции и истраги, а тоа веќе претходно истиот го направи во Петровец, каде неосновано го шиканира Борче Митевски, се наведува во соопштението на партијата. СДСМ и ДУИ ги чека огромен пораз. На 17 октомври доаѓа нова иднина за Македонија.