огњен вукојевиќ – Kurir.mk

Украинците се подготвени да ја платат казната на Вукојевиќ

Дарко Андоновски — Tue, 10 Jul 2018 11:47:44 +0000

Претседателот на Фудбалската федерација на Украина (ФФУ) Андриј Павелко му даде поддршка на поранешниот играч на Динамо Киев Огњен Вукојевиќ, кој доби казна од ФИФА од 15.000 франци по видео објавено на интернет. Хрватот кој на Мундијалот во Русија беше дел од стручниот штаб, по победата над Русија, заедно со играчот Домагој Вида ги поздравија своите пријатели од Киев, преку камера со „Слава на Украина“. Вида доби опомена, а Вукојевиќ беше вратен дома. - Поради изговорени зборови на почитување на Украина, членот на стручниот штаб на Хрватска е вратен дома. Јас сум убеден дека ова е едно недоразбирање, кој може да се коригира. ФИФА да ја преиспита својата одлука. Ако санкцијата остане на сила, ние решивме од сопствени средства да ја платиме казната на Вукојевиќ, напиша Павелко на својот Фејсбук профил.

ФИФА го казни Вукојевиќ, еве ја нивната одлука

Дарко Андоновски — Tue, 10 Jul 2018 08:54:10 +0000

Дисциплинската комисија на Светската фудбалска федерација (ФИФА) го осуди членот на стручниот штаб на хрватската репрезентација Огњен Вукојевиќ, со 15.000 франци за кршење на кодексот за фер-плеј по победата над Русија во четвртфиналето на Мундијалот. За време на прославата, Вукојевиќ сними видео порака во која триумфот е посветен на Украина и е споделен на социјални мрежи. Поради тоа, тој беше исклучен од составот на хрватскиот состав, а потоа јавно и се извини на Русија велејќи дека неговата порака немала политичка порака, туку сакал да им се заблагодари на пријателите од Динамо Киев, каде што играл, а сега е член на стручниот тим.

Вукојевиќ исфрлен од хрватската делегација

Дарко Андоновски — Mon, 09 Jul 2018 14:03:43 +0000

Скаутот Огњен Вукојевиќ беше отстранет од делегацијата на репрезентацијата на Хрватска од страна на федерацијата на земјата. Тоа се случи откако Вукојевиќ и актуелниот репрезентативец Домагој Вида, долгогодишни поранешни играчи на Динамо Киев, извикаа „Слава на Украина“ по победата на Хрватска на пенали над Русија во четвртфиналето на Мундијалот 2018 во Сочи. Казна за Вида, сепак, нема. - Хрватскиот фудбалски сојуз се извинува на руската јавност за однесувањето на претставници од тимот, се вели во официјалното соопштение. Претседателот на хрватската фудбалска централа, Давор Шукер, исто така, ја коментираше ситуацијата. - Се извинуваме за тоа што го направи Вукојевиќ. Тоа нема врска со хрватскиот фудбалски сојуз. По ова прашање ние ја поддржуваме ФИФА - никаква политика во фудбалот. Неговата акредитација е поништена и тој нема да биде на стадионот. Можам само да се извинам за неговата постапка. Не е убаво кога политиката и фудбалот се мешаат. Јас сум против тоа. Штом ја видов снимката, го искритикував, рече Шукер.