огномет – Kurir.mk

Огномет пред хотелот во 2 наутро за „кралевите“ да не склопат око пред дуелот со Ливерпул (ВИДЕО)

Ристе Здравков — Tue, 21 Feb 2023 08:30:34 +0000

Фудбалерите на Реал Мадрид немаа пријатна ноќ во Ливерпул, каде вечерва треба да истрчаат на „Енфилд Роуд“ во првиот осминафинален мел од Лигата на шампионите. Фановите на англискиот клуб им приредија спектакуларен огномет на „кралевите“ пред хотелот во 2 часот наутро, со цел да го разбијат нивниот сон и можеби да ги оневозможат во пресрет на фудбалската пресметка. Ливерпул нема победа во последните шест меѓусебни дуели против Реал Мадрид и се надева дека вечерва ќе ја прекине лошата серија.

💥 ÚLTIMA HORA | Así está a esta hora el hotel del @RealMadrid en Liverpool

🔥 Numerosos fuegos artificiales a las 2:00h de la madrugada

🎥 @partidazocope

📻 #PartidazoCOPE pic.twitter.com/41yhWTimiY
— El Partidazo de COPE (@partidazocope) February 21, 2023

СПЕКТАКУЛАРНО: Еве со каков огномет Сиднеј ја дочека новата година (ВИДЕО)

Ивана Ефремовски — Sat, 31 Dec 2022 16:49:29 +0000

Државите Самоа, Кирибати и Нов Зеланд први влегоа во календарската 2023 година, а потоа полноќ пристигна во Фиџи и Австралија. Од 184 позиции на најпознатиот мост во светот, Сиднејскиот пристанишен мост, беа испукани вкупно 7.000 огномети, а од операта во Сиднеј 2.000.

Загреб без огномет за Нова година, прифатена иницијативата на „Пријатели на животните“

Ивона Петрова — Thu, 29 Dec 2022 12:00:05 +0000

Хрватскиот главен град Загреб ја прифати иницијативата на здружението „Пријатели на животните“ и за прославата на Нова година нема да организира огномет. Наместо тоа, граѓаните на централниот плоштад ќе ја дочекаат Новата година со шарени конфети, визуелни ефекти и богата музичка програма. Со оваа одлука, градот Загреб ја прифати иницијативата, која претходно ја поддржаа повеќе хрватски градови, меѓу кои Осијек, Риека, Пула, Опатија, Самобор и други. Хрватското здружение „Пријатели на животните“ претходно го повикаа Градот Загреб да не организира огномет за новогодишната ноќ, велејќи дека огнометот има негативни ефекти врз животната средина, влијае на респираторните и кардиоваскуларни проблеми кај луѓето и предизвикува паничен страв кај многу животни.

ВИДЕО: Ова дефинитивно е најдобрата снимка од спектакуларниот огномет во Белград

Тале Кристо — Sun, 02 Jan 2022 09:45:08 +0000

На социјалните мрежи се појави досега невидено и дефинитивно најдобро видео од огнометот во Белград, на кое во живо присуствуваа голем број граѓани. Спектаклот започна со сензационално одбројување од фасадата на Кулата, а огнометот се пукаше од дури 250 позиции. Целиот настап беше проследен со музика специјално составена за оваа пригода. Секретаријатот за одбрана и вонредни состојби во Белград купил над 13.000 чаури за огномет, кои ги платил 5 милиони динари (околу 42.500 евра), според Решението за доделување на договорот. Како што соопшти Нова економија, одлуката е донесена два дена пред новогодишната прослава, на 29 декември. Набавени се над 11.000 кутиски батерии (поединечни патрони), како и неколку стотици други видови огномети и пиротехнички средства.

Лондонскиот новогодишен огномет откажан вторпат по ред

Ивона Петрова — Wed, 13 Oct 2021 11:03:51 +0000

Познатиот лондонски новогодишен огномет е откажан вторпат по ред, а причината е „небезбедноста предизвикана од коронавирусот“, како што јави Би-Би-Си. Англија неколкупати беше под строг карантин, но и покрај укинувањето на сите ограничувања, традиционалниот лондонски огномет, сепак, нема да се случи ни оваа година. И покрај откажувањето на огнометот, Градскиот совет вети дека дочекот на Новата година ќе биде „спектакуларен“. Прославата ќе се одржи на плоштадот Трафалгар, но други подробности засега не се соопштуваат. Претходните години огнометот го гледаа околу 100.000 луѓе на улиците во Лондон. Последниот огномет се случи на дочекот на 2020 година.

Овој фудбалер може да остане слеп: Синоќа му експлодира огномет во рака

Ивана Ефремовски — Fri, 01 Jan 2021 09:18:44 +0000

Некогашниот играч на Манчестер сити, а сега член на Галатасарај, Омар Елабделауи доживеа тешка повреда за време на дочекот на Новата година. Како што пренесуваат турските медиуми, Елабделауи кој е и заменик капитен на норвешката репрезентација, сакал да запали огномет, кога огнометот му експлодирал во раката и заработил повреда на рацете, но и на лицето и очите. Некои пренесуваат дека повредите на очите се толку опасни, што Елабделауи може да остане слеп, пренесе Спортманија. Тренерот на Галатасарај Фатих Терим, заедно со челниците на клубот, но и со Арда Туран утрово биле во посета на повредениот фудбалер, кој за среќа не е животно загрозен.

Galatasaraylı Omar Elabdellaoui dün gece şanssız bir kaza yaşadı. Havai fişeğin patlaması sonucu yaralanan oyuncu hastaneye kaldırıldı! Galatasaraylı yöneticiler, Fatih Terim ve Arda Turan oyuncuyu ziyaret etti... Dün gece yaşananlar 👇https://t.co/bYIxFrzCi2 pic.twitter.com/65jcHi6XOh
— Fanatik #NoToRacism ✊🏻✊🏿 (@fanatikcomtr) January 1, 2021

Ќе има новогодишен огномет во Сиднеј, но без публика

Ивона Петрова — Mon, 28 Dec 2020 10:15:46 +0000

Познатиот новогодишен огномет во Сиднеј ќе се одржи, како што беше планирано, но нема да им биде дозволено на луѓето да се собираат и да набљудуваат од пристаништето доколку не се во некој од угостителските објекти. Властите на Нов Јужен Велс им се извинија на граѓаните за ова ограничување и рекоа дека оваа мерка е потребна за да се спречи традиционалната масовна манифестација, во ситуација кога се води борба против ширењето на Ковид-19 во Сиднеј, пренесува Си-Ен-Ен. „На новогодишната ноќ, не сакаме никаков масовен собир на бреговите околу Сиднеј“, се наведува во соопштението на премиерката на Нов Јужен Велс Гледис Берејиклијан. Нов Јужен Велс се бори против ширењето на пандемијата на коронавирусот по серијата случаи лоцирани во северен Сиднеј. Пет нови локални случаи на инфекција со коронавирус се пријавени во последните 24 часа, од кои четири се поврзани со тој дел од градот, пренесува Си-Ен-Ен.

Грците останаа дома, Велигден во Атина прославен со огномет

Тале Кристо — Sun, 19 Apr 2020 07:18:34 +0000

Со огномет во повеќе делови на Атина точно на полноќ, со запалени свеќи и светла на балконите и со „Христос воскресе“ што се слушаше од телевизорите, заедно со отчукувањата на камбаните од празните цркви, Грците го прославија најголемиот христијански празник, јави дописничката на МИА од Атина. Грците ги послушаа препораките на Владата, останаа дома, а позитивно одговорија и на повиците на градоначалниците и дел од митрополитите, на полноќ да излезат на балконите со запалени свеќи. Црквите останаа празни, свечената богослужба се одржа зад затворени врати, а верниците ја следеа на телевизија и преку интернет. Сликите со свеќи во рацете и довикување „Христос Воскресе“ со соседите, веројатно ќе останат засекогаш запаметени, како и импресивниот огномет точно на полноќ, но и празните улици во грчката престолнина. Пред црквите, дискретно беше присуството на полицијата.

Предновогодишен аздис: Потрошени 675 илјади евра за новогодишно украсување низ земјава, Шилегов највеликодушен со 285 илјади!

Ивона Петрова — Wed, 15 Jan 2020 10:37:00 +0000

Вкупно 675 илјади евра потроши Град Скопје и 20 општини за украсување на Новата 2020 година. Само Градот потрошил околу 285 илјади евра, што е удел од 42 отсто од вкупните пари за оваа намена. Споредено со претходната година, намален е бројот на општини што се украсени, но е зголемена вредноста на тендерите. Ова го покажува базата на податоци за сите тендери на локалните власти што денеска ја објави Центарот за граѓански комуникации. Според податоците, дури 91 отсто од парите за украсување на улиците и плоштадите за дочекот завршуваат кај две скопски фирми, Линк Медиа Плус и Метал-Вет-Ел. Околу 490 илјади евра односно 73 отсто од парите за новогодишното украсување се потрошени во Скопје и тоа од градските власти и од општините Центар, Аеродром, Карпош, Чаир, Бутел, Гази Баба и Шуто Оризари. -По Град Скопје најголемите договори за украсување ги имаат склучено скопските општини Центар и Аеродром истиснувајќи ги општините Карпош и Струмица кои лани беа на овие позиции. Промената се должи на тоа што Општина Центар годинава спроведе тендер по пауза од две години во вредност од 56.847 евра, а Општина Аеродром пак, ја зголеми вредноста на договорот за 54 отсто и за украсувањето потроши 48.519 евра, соопштува Центар за граѓански комуникации. Освен што договорите ги добиваат истите фирми, податоците велат дека продолжува и старата навика на задоцнето објавување на огласите за јавна набавка на новогодишно украсување што секако, според Центарот за граѓански комуникации, неповолно влијае врз конкуренцијата и ги оневозможува потенцијалните понудувачи потемелно да ја подготват реализацијата на договорите. Оваа база на податоци е дел од предвидените десет истражувања и бази на податоци за трошењето на јавните пари кои се реализираат во рамките на активноста Јавно трошење за јавно добро, поддржана од Проектот на УСАИД за граѓанско учество. Целта на оваа активност е зголемување на ефективноста на јавното трошење преку намалување на корупцијата и зголемување на транспарентноста.

Пожар од огномет во Скопје, едно лице во бесознание

Ивона Петрова — Wed, 01 Jan 2020 00:45:40 +0000

Пожарникарите околу еден час пред полноќ интервенирале на подрачјето на Бит Пазар каде од пиротехнички ракети настанал пожар. Сопственикот на објектот бил извлечен во бесознание. -Во 23 часот при дојава за пожар на ул. Крсте Мисирков позади 26 Јули Бит Пазар на тераса од употреба на пиротехнички ракети настанат е ПОЖАР во кој спасен е сопственикот кој беше во бесознание. Веднаш е повикана екипата на Брза Помош која го пренесе повредениот, информираат од скопската противпожарна бригада.