ограбен – Kurir.mk

Дедо нападнат и ограбен среде бел ден на кејот на Вардар

Тале Кристо — Tue, 07 Jun 2022 17:00:17 +0000

На 06.06.2022 во 17.30 часот во Полициската станица Карпош, Т.Ј.(81) од Скопје пријавил дека на кејот на река Вардар на подрачјето на Карпош, две лица со употреба на физичка сила му одзеле пари и лични предмети. Се преземаат мерки за расчистување на случајот.

Кумановец физички нападнат и ограбен во Скопје

Тале Кристо — Thu, 17 Mar 2022 16:17:35 +0000

На 16.03.2022 во 17.30 часот во СВР Скопје било пријавено дека на ул.„Лазар Трповски“ во Скопје, неколку лица физички го нападнале Т.Т.(40) од Куманово и му одзеле пари. Се преземаат мерки за расчистување на случајот.

Ограбен апартманот на Меси во луксузниот хотел во Париз: Крaдцитe зeмaле гoлeма сумa на пaри и нaкит

Тале Кристо — Fri, 01 Oct 2021 10:52:34 +0000

Новиот фудбалер на ПСЖ, Лионел Меси бил ограбен во Париз од засега неидентификувани крадци, кои успеале да провалат во хотелскиот апартман во кој е сместен и за кој плаќа 20.000 евра, па крадците се офајдиле од поголема сума на пари и накит кои ги нашле. Како на филм се случил грабежот во хотелот во Париз, откако крадците преку помошните скали се качиле на кровот, а оттаму потоа се спуштиле на терасата од апартманот на Меси и влегле во него, искористувајќи го моментот на отворената балконска врата, па украле сѐ што е вредно, од поголема сума на евра и накит. Меси е сместен во хотелот „Ројал Монсео“, хотел со пет ѕвезди. Но, од грабежот не настрадал само Меси, туку крадците провалиле уште во четири други соби, крадејќи исто така пари и накит кој го затекнале оставен од луѓето кои претстојувале во овој хотел. -Да платиш толку пари за хотел кој е ‘фенси’, а треба да е и безбеден, е нешто што е многу разочарувачко. Полицијата ни рече дека виделе двајца како со торба бегаат на кровот после прегледаните безбедносни камери, но не можеле да ги идентификуваат. Имало уште двајца кои биле вклучени во грабежот, рекла една од оштетените од грабежот. Во хотелот прво не можеле да поверуваат дека имало грабеж, сѐ додека полицијата не дошла за да направи увид. Доаѓањето на Меси го крена Париз на нозе, ама очигледно буквално сите му се израдуваа на Аргентинецот, па и крадците кои добро се офајдиле од тоа што го затекнале во апартманот на фудбалскиот велемајстор. Меси во моментов бара куќа каде ќе се пресели со семејството, откако летово од Барселона дојде во ПСЖ, а во вторникот го даде својот прв гол за новиот клуб.

Нападнат и ограбен возач на Ф1 по финалето на ЕУРО2020 на „Вембли“

Тале Кристо — Tue, 13 Jul 2021 16:36:08 +0000

Разбојник го нападнал и ограбиле возачот во Формула 1 Ландо Норис по финалниот натпревар на Европското првенство меѓу Италија и Англија што во неделата се одигра на стадионот „Вембли“ во Лондон, јавија денеска светските медиуми. Британскиот возач и неговиот тим „Мекларен“ го потврдија инцидентот, наведувајќи дека Норис, за среќа, минал без повреди. Разбојникот го нападнал Норис на паркингот на „Вембли“ и му одзел рачен часовник од марката „Ришар Мил“ вреден околу 55.000 евра. На денот на одигрување на финалниот натпревар на Европското фудбалско првенство се случија неколку инциденти околу стадионот „Вембли“ поради што британската јавност ги критикуваше како недоволни преземените мерки за безбедност. Британската полиција уапси вкупно 53 лица во инцидентите околу стадионот „Вембли“ за време на финалниот натпревар.

Ограбен рускиот стратешки команден авион Ил-80

Тале Кристо — Tue, 08 Dec 2020 12:53:47 +0000

Крадци успеале да ограбат рускиот воен авион Иљушин 80, кој служи како стратешки команден авион на руските вооружени сили во случај на нуклеарен конфликт, познат како „авион за судниот ден“. Според руските медиуми авионот бил во регионот Ростов поради планираната модернизација и доградба, a на 4 декември беше пријавено дека се пронајдени траги од отворање на отворот за товар. Од авионот е украдена комуникациската опрема. Авионите Ил-80 наменети се за претседателот, министерот за одбрана и другите членови на највисокото воено раководство во случај на нуклеарен судир, ако се уништени или оштетени контролните структури. Од командното место во авионот Ил-80 претседателот на Русија може да издава наредби, вклучително и наредба за употреба на нуклеарно оружје.

ВИДЕО: Градоначалник „ограбен“ додека давал изјава во живо на телевизија!

Тале Кристо — Wed, 30 Sep 2020 09:46:09 +0000

Градоначалникот на градот Вентимиља, северозападна Италија, близу границата со Франција, беше „ограбен“ во директен пренос на телевизија. На видеото, коешто веднаш стана хит на интернет, новинарка го прашува Гаетано Скулино – кој е одговорен за редот и безбедноста во градот, но во мигот, тој, градоначалникот не ја слуша и гледа во спротивна насока. Сè тоа се случи во центарот на градот, пред неговите и очите на телевизиските гледачи. Крадецот го украл палтото на градоначалникот што тој го беше оставил на клупа на растојание од 2-3 метри од него. Инаку, се работи за свечен костим со којшто политичарот се беше упатил на прослава. По шокот, градоначалникот некако, си ја врати присебноста, одговори на прашањето за безбедноста, па на шега ја замоли ТВ-екипата да му ја надомести загубата.

Ограбен Австралиец во Скопје

Предраг Кукиќ — Wed, 22 Aug 2018 13:02:50 +0000

Три непознати лица вчера околу 17 часот извршиле разбојништво врз Д.П.(31) од Мелбурн, Австралија на улицата „Мирослав Крлежа“ во Скопје. Како што информира МВР, случајот синоќа, во 20:25 часот, во Полициската станица Центар го пријавил оштетениот. Според пријавата, сторителите со закана со нож на Д.П. му одзеле чанта со лични предмети, машки часовник и едно златно ланче. Полицијата презема мерки за расчистување на случајот. (МИА)

Нападнат со нож и ограбен 16-годишник во Скопје

Дарко Андоновски — Sat, 05 May 2018 12:33:52 +0000

Во Градската општа болница „Свети Наум Охридски“ во Скопје синоќа било донесено 16 годишно момче со расекотини од нож во пределот на грбот, откако претходно, според пријавата во полицијата, било нападнато од пет непознати лица на кејот на Вардар во близина на хотелот „Александар Палас“. Според пријавата, нападот се случил синоќа околу 19 часот, при штопетте непознати лица заканувајќи му се на малолетникот со нож, му одзеле 400 денари, а потоа физички го нападнале по што со ножот му нанеле расекотина во пределот на грбот. Се преземаат мерки за целосно расчистување на случајот.