ограбена црква – Kurir.mk

ОГРАБИЛ ЦРКВА, ПА ГО СТИГНАЛО КАЗНАТА – еве каков пекол го чека овој 31 годишен битолчанец

Дарко Андоновски — Thu, 15 Jun 2023 14:54:36 +0000

Полициски службеници од криминалистичката полиција при битолскиот СВР денеска во Битола го лишиле од слобода 31-годишниот битолчанец Џ.А. Тој бил баран по централна потерница врз основа на судска наредба за издржување на казна затвор од една година и шест месеци за сторени кривични дела „тешка кражба“ по член 236 од кривичниот законик. Исто така, како што соопштија од МВР, тој бил баран и поради сомнение дека на 14.06 2023 се обидел да изврши „тешка кражба“ во црква на улица „Довлеџик“ во Битола. Лицето ќе биде спроведено во Казнено-поправната установа „Затвор Прилеп“ за издржување на казната.

Ограбена црквата „Константин и Елена“ среде центарот на Скопје – еве што било украдено

Дарко Андоновски — Fri, 21 Jan 2022 15:32:49 +0000

На 20.01.2022 во 09.40 часот било пријавено дека во временскиот период од 14.01. до 18.01.2022 на ул.„Македонија“ во црквата „Константин и Елена“ со употреба на сила било влезено во црквата и биле одземени предмети. Се работи на расчистување на случајот.

Ја ограбил црквата Свети Петар и Павле во Горно Лисиче и се обидел де ја запали – полицијата веднаш го уапсило ова 25 годишно момче

Дарко Андоновски — Sat, 18 Sep 2021 10:14:03 +0000

Полициски службеници од Единицата за внатрешни работи Аеродром и Драчево, на 14 септември при обид за тешка кражба во црква „Свети Петар и Павле“ на ул.„Горно Лисиче“ бил фатен и лишен од слобода Ѓ.П.(25) од Скопје. – Тој бил приведен во полициска станица и со него е извршен службен разговор, при што Ѓ.П. ги појаснил делата извршени во помошните простории на црквата. Имено, истиот ден, тој со употреба на сила влегол и во капелата „Христово воскресение“, одзел пари и предизвикал пожар, кој за кусо време се изгаснал, информираат од МВР. Во координација со Јавен обвинител, против него ќе следува кривична пријава по чл.236, чл.288 и чл.236 во врска со чл.19 од Кривичниот законик, додаваат од МВР.

Ограбена црква во кратовското село Сакулица

Магдалена Андонова — Wed, 15 Jul 2020 14:21:43 +0000

Непознат сторител со употреба на сила и подесен предмет насилно влегол во црквата „Св. Харалампие“ во кратовското село Сакулица и одзел пари, алат и икона. Како што информира МВР, грабежот на црквата се случил во периодот од 14:00 часот вчера до 9:00 часот утринава. Увид извршила екипа од Полициската станица Кратово. Се преземаат мерки за расчистување на случајот. (МИА)

По четврти пат годинава ограбена црквата Свети Димитриј на православните гробишта во Тетово

Предраг Кукиќ — Mon, 10 Sep 2018 16:49:05 +0000

Вторпат овој месец, а четврти пат годинава непознати сторители извршиле тешка кражба во црквата „Свети Димитриј“ што се наоѓа на улицата „Прохор Пчински“ внатре во православните гробишта во Тетово информираше портпаролот на СВР Тетово Марјан Јосифовски. Според неговите податоци последната кражба била извршена во неутврден периодот од недела до денеска. - Засега непознати сторители најпрвин го скршиле катинарот од дрвената влезна врата по што влегле во црквата и по пребарување на масата за продажба на свеќи одзеле 200 до 300 денари, а потоа ја отвориле и касата поставена на престолот од иконата од која одзеле 700 до 800 денари во разни апоени. На овој начин тие противправно се стекнале со вкупна имотна корист од околу 1.000 денари. Причинетата материјална штета дополнително ќе се утврдува, изјави Јосифовски. Претходно на почетокот од месецов, исто така, засега непознати сторители ги искршиле двата катинари од влезната врата по што од внатрешноста на црквата одзеле околу 1.400 денари. Првата од серијата кражби во оваа црква се случи на почетокот од февруари кога сторителите со хебла ги искршиле двата катинари и цилинадар бравата од влезната врата а потоа ги отвориле кутиите за прилози од верниците при што одзеле помеѓу 2.500 и 3.000 денари. По неа во мај годинава исто така по насилно отворање на вратата стоирителите одзеле околу 2.000 денари. (МИА)

По вторпат за четири месеци ограбена црквата на православните гробишта во Тетово

Предраг Кукиќ — Mon, 03 Sep 2018 13:07:16 +0000

Околу 1400 денари биле одземени, а била нанесена и материјална штета по тешката кражба што засега непознати сторители ја извршиле во црквата „Свети Димитрија“ на улица „Прохор Пчински“ во православните гробишта во Тетово, информираше портпаролот на СВР Тетово Масрјан Јосифовски. Според неговите податоци, кражбата била извршена ноќта помеѓу сабота и недела изминатиот викенд. - Непознатите сторители откако ги скршиле двата катинари од дрвената влезна врата насилно отвориле и две дрвени каси во внатрешноста од кои одзеле 200 и 800 денари како и уште 400 денари што биле оставени на друго место во црквата. Со тоа тие противправно се стекнале со вкупна имотна корист од 1400 денари рече Јосифовски. Полицијата извршила увид и презема мерки и активности за откривање на сторителите. Ова е втора кражба во истата црква на тетовските православни гробишта за нешто помалку од четири месеци откако во мај годинава исто така непознати сторители оделе околу 2000 денари од нејзината внатрешност. (МИА)

Ограбена црквата„Свети Димитрија“ во тетовско Теарце

Дарко Андоновски — Thu, 07 Jun 2018 10:08:39 +0000

Непознати сторители извршиле кражба во црквата „Свети Димитрија“ во Теарце, при што одзеле 20 илјади денари. Кражбата се случила во периодот од недела до среда оваа седмица, информираа од СВР Тетово, а случајот во полиција бил пријавен вчера од страна на Ф.С.(55) од Теарце. Според нејзината пријава, откако сторителите насилно ја отвориле влезната врата од црквата од нејзината внатрешност одзеле четири свеќници, два послужавника, три позлатени крстови и 200 денари во апоени од пет и 10 денари по што незабележани од никого ја напуштиле црквата причинувајќи вкупна материјална штета која се проценува на 20 илјади денари. Полицијата извршила увид во црквата и презема мерки и активности за расветлување на пријавеното и за откривање на сторителите.