ограбување – Kurir.mk

Притвор за двајцата арачиновци кои ограбија банкомат во Гостивар

Магдалена Андонова — Mon, 11 Jan 2021 10:13:49 +0000

Двете лица кои беа осомничени за тешка кражба на банкомат во Гостивар добија притвор од 30 дена од судија на претходна постапка од Основниот суд Гостивар. Од СВР Тетово потврдија дека Н.Р (47) и А.Б.(36) од Арачиново се спроведени во КПУ Затвор Скопје-Скопје. По нешто повеќе од еден месец истражни дејства, Одделението за внатрешни работи Гостивар ја расчисти тешката кражба која на први минатиот месец беше извршена од банкарски банкомат, поставен во маркет во Гостивар. Вчера до ОЈО Гостивар беше поднесена кривична пријава против пет лица: М.А.(32) и Р.Р.(33) од скопско Долно Свиларе, Н.Р.(47) и А.Б.(36) од скопско Арачиново и против М.К. (24) од Република Албанија. Н.Р и А.Б. беа лишени од слобода, а Р. Р. издржува притвор за друго кривично дело. Пријавените се сомничат дека со употреба на сила од банкомат одзеле милион и 800 илјади денари. (МИА)

Непознат сторител ограбил починат пациент во ковид-центарот во Комплекс клиники „Мајка Тереза“

Магдалена Андонова — Tue, 01 Dec 2020 15:58:24 +0000

Непознат сторител одзел паричник од хоспитализиран 72-годишен пациент, кој починал во ковид-центарот во Комплекс клиники „Мајка Тереза“. Случајот во полиција го пријавил вчера неговиот син, информираат од МВР. Во ковид-центарот во рамки на Комплекс клиники „Мајка Тереза“, вчера во полција бил пријавен и друг случај, каде пациент со остар предмет се заканувал на вработена. Од МВР информираат дека се преземаат мерки за расчистување на двата случаи. Првиот случај бил пријавен вчера во 9:30 часот во Полициска станица Центар. – Г. К. (48) од Скопје пријавил дека во периодот од 21 до 29.11.2020, во ковид-центарот во Комплекс клиники „Мајка Тереза“, каде бил хоспитализиран неговиот татко Д. К. (72), кој починал во центарот, од страна на непознат сторител одземен му е паричник во кој имало пари, лични документи и предмети, се вели во соопштението до МВР. Вториот случај бил пријавен вчера околу 23:50 часот, исто така, во Полициска станица Центар. – На 30.11.2020 околу 23.50 часот во Полициска станица Центар е пријавено дека во во ковид-центарот во рамки на Комплекс клиники „Мајка Тереза“, околу 22.30 часот пациент со употреба на остар предмет упатил закани кон вработената А.М.(31) од Скопје, информираат од МВР. Од МВР преземаат мерки за расчистување на случајот. (МИА)

На крушевчанец му застанало возилото – тие што му помогнале, потоа го ограбиле

Дарко Андоновски — Thu, 19 Jul 2018 13:17:27 +0000

Надворешната канцеларија за криминалистички работи Струга поднесе кривична пријава против 31-годишниот М.М. од село Радолишта-струшко поради постоење основи на сомнение за сторено кривично дело „изнуда“. На 02.07. околу 03.45 часот кај селото Франгово пријавениот се понудил да му помогне на Ѓ.А. (48) од Крушево, при отстранување на дефект на минибус кој го управувал истиот. Потоа двајцата се упатиле на бензинска пумпа во близина на населбата Теферич, и пријавениот му побарал на пари на Ѓ.А. затоа што му помогнал, по што физички го нападнал и му одзел 2.500 денари.