ограничено движење – Kurir.mk

Поради градежни работи на патот Нова Брезница – Коломонт, ограничено движење низ НП Јасен

Дарко Андоновски — Thu, 15 Sep 2022 06:01:12 +0000

Денеска и утре, поради изведување градежни работи на патниот правец Р1106 Нова Брезница – Коломонт, сообраќајот низ Националниот парк „Јасен“ ќе биде во прекин во термините од 12.00 до 12.45 во правец од Скопје кон Македонски Брод, и од Македонски Брод кон Скопје во терминот од 10.30 до 11.00 и од 13.00 до 13.45 часот. Времен режим на сообраќајот до 19.09.2022 има и на патниот правец Охрид – Ресен преку Галичица. Поради изведување градежни работи (асфалтирање) сообраќајот на овој пат е во прекин помеѓу 09:00 и 15:30 часот. Работите се изведуваат само во работни денови. Сообраќајот на државните патишта се одвива непречено по суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ОД ДЕНЕСКА: Во Париз ограничена брзината на движење на 30 км/ч

Ивона Петрова — Mon, 30 Aug 2021 08:11:40 +0000

Ограничување на брзината на автомобилите од 30 километри на час, од денеска ќе се применува скоро во целиот град Париз. Одредбата не се однесува на периферијата и неколку од најважните булевари во француската престолнина. Мерката е поддржана од мнозинството парижани, но остро се спротивставуваат жителите на облласта Ил-де-Франс, пишува „Ле Паризиен“. И пред воведувањето на оваа мерка, на 60 отсто од париските улици брзината беше ограничена на 30 км/ч. Жителите на Париз ќе мора да се навикнат на тоа дека од денеска на повеќето улици во метрополата важи ново ограничување на брзината од 30 км/ч. Со брзина од 50 км/ч, возилата ќе можат да се движат само на одреден број булевари.

Нови ковид мерки во Косово

Магдалена Андонова — Wed, 23 Dec 2020 11:03:50 +0000

Актуелната Влада на Косово денеска одобри нови мерки за спречување на ширење на пандемијата на коронавирусите, според кои слободното движење на граѓаните и работата на економските оператори, трговските центри, хотели и гастрономијата ќе бидат од 05:00 до 20:00 часот. Според овие мерки, на лица над 65 години им е дозволено да ја напуштаат куќата само во часовите 6: 00-10: 00 и 16: 00-19: 00 часот, додека надвор од овие термини тие можат да излегуваат надвор само за итни и здравствени потреби со докажување релевантен документ потребата да се излезе од овој распоред до надлежното контролно тело. Исто така е одлучено дека: Работниците со хронични болести (според официјалниот циркулар издаден од Министерството за здравство подготвен за оваа намена), бремените жени и доилките се ослободени од пријавување за работа, како во јавни така и во приватни институции, додека работодавците се упатуваат, колку што е можно, да создадат услови за нивно ангажирање на работа од дома. Владата на Косово со цел спречување на епидемијата на коронавирус донесе одлука странските државјани кои влегуваат во Косово, вклучително и оние со привремен или постојан престој во Косово, а доаѓаат од земји со висок ризик мора да имаат негативен тест за ковид-19 не постар од 72 часа.

Индија повторно воведува ограничено движење, заразени речиси еден милион

Тале Кристо — Wed, 15 Jul 2020 08:36:36 +0000

Бројот на заразени лица со коронавирус во Индија е речиси еден милион, а во последните 24 часа има 29.429 новозаразени, поради што властите во десетина сојузни држави повторно воведоа мерки за ограничување на движењето. Од почетокот на епидемијата заразени се 936.118 лица. Министерството за здравство на Индија денеска соопшти дека од Ковид-19 починале уште 582 лица, со што вкупниот број починати изнесува 24.309. Двонеделно ограничување на движењето од денеска е воведено во источната држава Бихар, каде живеат 2,5 милиони работници кои работеа во други делови на земјата, а поради пандемијата тие беа отпуштени и се вратија дома, што придонесе за ширење на инфекцијата. За една недела ќе биде ограничено движењето во Технолошкиот центар на Бангалор, каде се наоѓаат седиштата на „Мајкрософт“, „Епл“ и „Амазон“. Десетина други држави, вклучувајќи ги Махараштра, Тамил Наду, Западен Бенгал и Асам, воведоа ограничувања на движењето во области со висок ризик, а дозволена е само продажба на основни намирници и здравствени услуги. Индискиот министер за здравство Харш Вардан изјави дека врвот на заразата во различни делови на земјата се очекува во различни периоди. Тој додаде дека повеќе од 280.000 луѓе се тестираат секој ден во Индија, а досега се тестирани речиси 12 милиони. (МИА)

Во Франција ограничено движење на граѓаните

Тале Кристо — Sun, 15 Mar 2020 09:10:26 +0000

Франција ќе ги затвори повеќето продавници, освен за прехранбени производи, ресторани, кина и игротеки, од полноќ денеска како дел од мерките за запирање на ширењето на новиот коронавирус, објави францускиот премиер Едуард Филип. Откако беше официјално објавено дека 91 лице починало од вирусот во Франција и речиси 4.500 луѓе се заразени во моментот, премиерот Филип во изјавата вели дека на Владата не и преостанало ништо друго освен да преземе такви чекори бидејќи премногу луѓе се уште се на улиците кои не ги применуваат превентивни мерки што се препорачани. Филип ги замоли граѓаните сериозно да ја сфатат ситуацијата и рече дека што е можно повеќе луѓе да работат од дома, дека јавниот превоз ќе продолжи да работи, но дека граѓаните треба да го користат како последно средство. Продавниците за храна, аптеките и бензинските пумпи ќе продолжат да работат, но секое движење на граѓаните ќе биде ограничено. Во Франција се забележува нагло зголемување на оние заболени кои се во сериозна состојба, вклучително и 300 пациенти на интензивна нега, од кои половината се над 60 години, соопшти француското Министерство за здравство.