огрев – Kurir.mk

Мигранти зеле дрва за огрев од затворено кафуле и оставиле 10 евра

Ристе Здравков — Wed, 05 Dec 2018 10:20:09 +0000

Група мигранти, кои од Турција стигнале во Грција, во селото Неа Виса во близина на грчко-турската граница кај Еврос за да се стоплат во текот на ноќта и да ги издржат ниските температури се послужиле со дрва за огрев, оставени пред локално кафуле, кое било затворено. Но, не сакале да ги украдат дрвата, па затоа на сопственикот му оставиле писмо и 10 евра. – Синоќа, група луѓе дојдовме од Турција, а поради ладното време требаше да запалиме оган и ги искористивме вашите дрва. Ве молам земете ги парите, пишува во писмото што му го оставиле на сопственикот. За невообичаената случка објавија локалните медиуми, а сопственикот во изјава за солунското „Радио Тесалоники“, изјави дека кога вчера наутро го отворил кафулето го чекало изненадување, јави дописничката на МИА од Атина. – Ова ми направи огромен впечаток. Беше спакувано и не се гледаа 10 евра. Си помислив што може да биде ова. На англиски беше напишано, раскажува за солунското радио, Димитрис Казанѕис, сопственикот на кафулето и објаснува дека писмото со парите биле закачени на влезната врата. Тој додава дека такво нешто до сега не му се случило, иако во неговото кафуле често поминуваат мигранти, кои никогаш не предизвикале некаков проблем

Велешанец измамен за огревни дрва

Ристе Здравков — Sat, 04 Aug 2018 11:44:27 +0000

Т.К.(67) вчера во Полициската станица во Велес пријавил дека истиот ден околу 14 часот во неговиот дом на улицата „Никола Оровчанец“ дошло непознато лице кое се претставило дека бил од село Бузалково и му понудило на продажба огревно дрво по цена од 2.300 денари за метар кубен. Пријавителот се согласил и потоа заедно отишле кон местото каде требало да ги земе дрвата. Лицето му рекло да почека да дојде камионот со дрва, а тој ќе одел да донесел испратница. Тогаш лицето се вратило во неговиот дом и на неговата сопруга и рекол да му даде 4.700 денари за дрвата што требало да им бидат доставени и откако ги зел парите заминал. Оштетениот почекал околу еден час по што се вратил во неговиот дом и кога сопругата му кажала што се случило разбрале дека биле измамени. Се преземаат мерки за целосно расчистување на случајот.

Сакала поевтини дрва, па останала покуса за 14.000 денари

Ристе Здравков — Sat, 04 Aug 2018 11:44:15 +0000

Р.Т.(63) вчера во 10.30 часот во Полициската станица Аеродром пријавила дека на 1 август 2018 година околу 12 часот на булеварот „Трета македонска бригада“ непознат сторител ја измамил за 14.000 денари. Непознато лице додека истоварало огревни дрва кај нејзин сосед и понудило дрва за цена од 2.800 денари. Таа се согласила да и се донесат пет кубика и му дала 14.000 денари, а сторителот откако ги зел парите рекол дека ќе оди да го донесе камионот, но тој не се вратил. Се преземаат мерки за целосно расчистување на случајот.