огревни дрва – Kurir.mk

Исекол огревни дрва, па си фалсификувал документи за нив, кривична за маж од Лешани

Ивана Ефремовски — Wed, 04 Oct 2023 10:17:21 +0000

СВР Охрид поднесе кривична пријава против В.М.(41) од селото Лешани, општина Дебрца, поради постоење основи на сомнение за сторени кривични дела „кражба“, „фалсификување знаци за обележување на стоки, мери и тегови“ и „фалсификување службена исправа“. Тој, на 10.08.2023 на магистралниот пат Охрид-Кичево, кај селото Климештани, бил затекнат како со товарно моторно возило врши транспорт на огревни дрва кои претходно неовластено ги пресекол, по што извршил нелегално жигосување на дрвната маса и фалсификување на испратница за дрвата и ја прикажал како уредно издаден документ од ЈП „Национални шуми“.

Приведени две лица, превезувале бесправно исечени огревни дрва

Катерина Бојаџиева — Mon, 10 Jul 2023 10:21:04 +0000

Полициски службеници вчера кај Македонски Брод на местото наречено „Барбарас“ ги привеле Е.И.(32) и еден малолетник, двајцата од прилепското село Дебреште. При извршена контрола, во патничко возило „голф“ во кое се превезувале, им биле пронајдени огревни дрва без соодветна документација и моторна пила, соопштуваат од МВР. По целосно документирање ќе следи соодветен поднесок.

Бесправно исечени огревни дрва предадени на Шумската полиција

Ивана Ефремовски — Thu, 06 Jul 2023 19:16:06 +0000

На 05.07.2023 од страна на полициски службеници од ОВР Ресен, на место викано „Лева Река“ во Ресен, била пронајдена приколка натоварена со бесправно исечени огревни дрва. Истите биле предадени на Шумската полиција во Ресен.

Велешанец дал капар за огревни дрва, а не ги добил, СВР Велес апелира на внимателност

Катерина Бојаџиева — Thu, 23 Mar 2023 12:49:46 +0000

Седумдесет годишен велешанец дал капар за огревни дрва, а дрвата не му биле донесени. СВР Велес информира дека 70-годишен велешанец пријавил дека на 12 март годинава бил измамен од едно лице за сума од 5.000 денари. Според пријавеното, лицето му понудило огревни дрва по цена од 3.500 денари за кубен метар и му побарало капар од 5.000 денари, кои тој му ги дал, а дрвата сè уште не му биле донесени. -Се преземаат мерки за расчистување на случајот, изјави Ристе Самарџиев, портпарол на СВР Велес. Тој апелира до граѓаните, особено до повозрасните лица, да бидат претпазливи во комуникација со непознати лица, да не наседнуваат на измами во кои лажно се нудат услуги, во овој период претежно за дрва за огрев. Самарџиев им порачува да ги проверуваат податоците пред да станат жртва на измамата, да не даваат пари на измамниците и сите сомнителни случаи да ги пријавуваат во полиција.

Над 400 семејства добиваат субвенција за огревно дрво од Кисела Вода

Дарко Андоновски — Mon, 12 Dec 2022 12:28:38 +0000

34 граѓани кои ја доставија потребната документација од Општина Кисела Вода ќе добијат субвенција за набавеното огревно дрво. Општинската комисија ги разгледа поднесените барања на лицата кои се пријавија на објавениот повик на локалната самоуправа и го изготви списокот на одобрените апликации, за кои исплатата ќе се изврши до крајот на годинава. Се работи за финансиски надомест во износ од 500 денари за секој купен метар кубен (1 m³) дрва за огрев, но до максимална вкупна количина до 10 кубни метри (10 m³). Вкупно беа отворени 447, одобрени 434, додека 13 барања беа одбиени поради некомплетна документација. Останатите пристигнати барања не беа отворени заради запазување на критериумот наведен во јавниот повик, дека селекцијата ќе се прави по принципот прв дојден – прв услужен, се до исцрпување на предвидените средства во висина од 1.200 000,00 денари. Одобрени се барањата со реден архивски број од 08-9550/002 до 08-9550/447, со исклучок на 08-9550/22, 08-9550/26, 08-9550/84, 08-9550/108, 08-9550/201, 08-9550/252, 08-9550/261, 08-9550/272, 08-9550/312, 08-9550/322, 08-9550/359, 08-9550/432 и 08-9550/436, кои се одбиени поради некомплетна документација. Покрај субвенциите за огревно дрво, Општина Кисела Вода веќе обезбеди донација за субвенционирање на сметките за електрична енергија на социјално загрозените семејства, како и субвенција за купување печки на пелети, со цел во услови на претерано зголемени цени на енергенсите, граѓаните полесно да го поминат зимскиот период. Воедно, оваа локална самоуправа го започна и проектот “Грижа и сигурност за секое дете”, кој содржи социјални мерки за финасиска поддршка на социјално загрозените и еднородителските семејства, а мерките за помош на населението, Општина Кисела Вода ќе ги продолжи и во наредниот период.

Внимавајте од кого купувате дрва: Скопјанец жртва на голема измама

Ивана Ефремовски — Sat, 10 Dec 2022 18:01:22 +0000

На 09.12.2022 во 16:30 часот во Полициско одделение Сарај 64-годишен маж од Скопје пријавил дека на 13.08.2022 околу 11:00 часот во с.Сарај, скопско на плац за огревни дрва со едно лице договорил купопродажба на огревни дрва кои однапред ги платил. Истите требало да му бидат доставени следниот ден, но услуга не била извршена. Тој во неколку наврати се обидел да стапи во контакт со лицето со кое ја договорил услугата, но безуспешно, по што пријавителот сфатил дека е измамен. Се преземаат мерки за расчистување на случајот.

Приведено лице, пронајдени огревни дрва без документација

Ивана Ефремовски — Sun, 20 Nov 2022 13:02:44 +0000

На 19.11.2022 од страна на полициски службеници од Единицата за внатрешни работи Аеродром и Драчево бил приведен А.И.(26) од с.Палиград.

Имено, на влез во с.Долно Количани, при преглед на патничко возило „лада“ со скопски регистарски ознаки, управувано од А.И., биле пронајдени огревни дрва без потребната документација.

По документирање на случајот против него ќе биде поднесен соодветен поднесок.

Приведен маж кој пренесувал огревни дрва без потребните документи

Ивана Ефремовски — Wed, 16 Nov 2022 16:34:34 +0000

На 15.11.2022 околу 13:45 часот во тетовско Горно Палчиште, полициски службеници на СВР Тетово го привеле 31-годишниот Е.М. од ова село. Тој бил затекнат на локалниот пат како пренесувал огревни дрва без потребните документи. Дрвата и моторна пила му се одземени и предадени на Шумска полиција за натамошна постапка, по што против Е.М. ќе следува соодветен поднесок.

Во три запрежни возила и дворно место најдени бесправно исечени огревни дрва

Ивана Ефремовски — Tue, 04 Oct 2022 19:38:18 +0000

На 03.10.2022 полициски службеници од Одделението за внатрешни работи Радовиш, при преземање на зајакнати мерки и активности, пронашле и одзеле бесправно исечени огревни дрва. Имено, околу 12.00 часот на место викано „Градска река“, атар на Радовиш, биле запрени три запрежни возила управувани од У.Б.(54), И.Д.(37) и А.Б.(34), сите од Радовиш, кои биле натоварени со бесправно исечени огревни дрва, а околу 16.00 часот во дворно место на В.И.(57) од село Ињево, радовишко, исто така, биле пронајдени огревни дрва за кои сопственикот не поседувал соодветна документација. Од страна на вработени во Шумска полиција Радовиш дрвата и запрежните возила биле одземени и пренесени во кругот на Јавното претпријатие „Национални шуми“, подружница Плачковица - Радовиш, а по целосно документирање на случаите против лицата ќе бидат поднесени соодветни пријави.

Полицијата одзема огревни дрва без соодветна документација

Ивана Ефремовски — Wed, 07 Sep 2022 19:59:03 +0000

На 06.09.2022 во 19.35 часот полициски службеници од СВР Штип, по преземени мерки со шумска полиција, на имот сопственост на С.П. во Штип пронашле и одзеле огревни дрва без соодветна документација. Дрвата биле предадени на Јавното претпријатие Серта-Штип, а по целосно документирање на случајот ќе следува соодветна пријава.. На 06.09.2022 во атар на с.Кривени, ресенско, полициски службеници од СВР Битола - ОВР Ресен затекнале трактор „имт”, сопственост на Г.Б.(41) од с.Болно, ресенско, натоварен со бесправно исечено огревно дабово дрво. Тракторот и дрвата биле одземени и предадени на шумска полиција. По документирање на случајот против Г.Б. ќе следува соодветна пријава.