Охрид – Кичево – Kurir.mk

ВАЖНА ИНФОРМАЦИЈА ЗА СИТЕ КОИ ПАТУВААТ НАКАЈ ОХРИД – од Кичево натаму особено да внимавате, еве што се случува!

Дарко Андоновски — Sun, 21 May 2023 17:06:28 +0000

Од вчеравечер сообраќајот на патот Охрид - Кичево, кај Извор, се одвива по една лента, наизменично, информираат од АМСМ. Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Автомобил излетал од патот Охрид-Кичево кај село Горенци, тешко повредени две лица

Тале Кристо — Sun, 12 Mar 2023 10:36:38 +0000

На 11.03.2023 во 15,15 часот на магистралниот пат А2 Охрид-Кичево кај с.Горенци, патничко моторно возило „хонда“ со охридски регистарски ознаки, управувано од Б.С.(69) од Охрид излетало од коловозот. По несреќата, возачот Б.С. и сопатничката М.С.(72) од Охрид биле пренесени во болницата „Св.Еразмо“ каде од лекар им биле констатирани тешки телесни повреди, но при транспорт на сопатничката М.С. кон Комплекс клиники „Мајка Тереза“, таа им подлегнала на повредите и од лекар од итна медицинска помош била констатирана смрт. По наредба на Јавен обвинител врз телото ќе се врши обдукција. Увид на местото на настанот извршила екипа од СВР Охрид.

Детали за тешката сообраќајка на патот Охрид-Кичево: Познат идентитетот на загинатиот, повредени четири лица

Ивона Петрова — Mon, 26 Jul 2021 09:17:32 +0000

Едно лице загина, а четири лица се повредени во сообраќајната несреќа која вчера попладне се случи на магистралниот пат Охрид- Кичево, во близина на село Врбјани – општина Дебрца. Од МВР за Курир информираат дека во несреќата учествувале ,автомобил „фолксваген голф“, со струшки регистарски ознаки, управуван од Г.Р.(61) од село Долна Белица, струшко и автомобил „тојота корола“, со охридски регистарски ознаки, управувано од Б.Б.(64) од Охрид. На местото на незгодата починал Г.Р., а смрт констатирал лекар од Итната медицинска помош. -Со тешки телесни повреди се здобиле Б.Б., негов сопатник С.Б.(62) од Охрид и малолетен сопатник во патничкото возило „фолксваген голф“, а со телесни повреди се здобила малолетна сопатничка во патничкото возило „фолксваген голф“ од с.Долна Белица, струшко, констатирани во болницата „Св.Еразмо“ во Охрид, велат за Курир од МВР. Извршен бил увид на местото на незгодата од увидна екипа од СВР Охрид.

Тешка сообраќајка на патот Охрид-Кичево, сообраќајот се пренасочува

Ивона Петрова — Sat, 10 Jul 2021 14:22:33 +0000

Три патнички возила и едно товарно возило учествувале во сообраќајна несреќа која денеска околу 15 часот се случила на патот Охрид-Кичево кај Св. Еразмо, потврдуваат од СВР Охрид за Курир.

Неофицијално во несреќата има повредени лица, но засега не се знае карактерот на повредите и бројот на повредените.

Стефан Димоски, портпарол на СВР Охрид за Курир изјави дека полициски екипи се на терен и во тек е увид на местото на несреќата по што ќе бидат познати повеќе детали.

До завршување на полицискиот увид и расчистување на местото на несреќата, сообраќајот се пренасочува по стариот пат Охрид-Струга.

Детали за сообраќајката на патот Охрид-Кичево, повредено едно лице

Ивона Петрова — Wed, 12 Feb 2020 09:45:00 +0000

Едно лице е тешк повредено во сообраќајна несреќа која вчера во 18 часот се случи на магистралниот пат Охрид-Кичево, помеѓу с.Ботун и с.Климештани. -Несреќата се случила меѓу автомобил „мерцедес“, со бугарски национални ознаки, управувано од Ш.Ш.(74) од Охрид, товарно возило „даф“ со приколка, со турски национални ознаки, управувано од E.М.(45) од Р.Турција и патничко возило „сеат алхамбра“, со австриски национални ознаки, управувано од А.Л.(26) од с.Лабуништа, струшко, информира МВР. Во незгодата, возачот Ш.Ш. се здобил со тешки телесни повреди, по што бил пренесен во Болницата „Св.Еразмо“-Охрид за укажување на лекарска помош. Извршен бил увид на местото на настанот од увидна екипа од СВР Охрид.

Тешка сообраќајна несреќа вечерва во Македонија: Патниот правец Охрид- Кичево целосно во прекин (ФОТО)

Дарко Андоновски — Tue, 11 Feb 2020 18:17:27 +0000

Предмалку се случи тешка сообраќајна несреќа кај селото Ботун во општина Дебрца, oбјави Охрид1. Сообраќајот на патниот правец меѓу Охрид и Кичево е целосно запрен, а долги колони возила има во двата правци. Нема официјални информации за настрадани и повредени лица.

Тешка сообраќајна несреќа на патот Охрид – Кичево, сообраќајот е во прекин

Ивона Петрова — Sat, 01 Dec 2018 11:26:01 +0000

Тешка сообраќајна несреќа пред околу еден час се случи кај Ново Село на магистралниот пат Охрид – Кичево. Според првичните информации, до несреќата дошло при судар на камион и патничко возило „Ауди“ со кавадаречки регистерски таблички, а на самото место се наоѓаат екипи на СВР – Охрид, на Територијалната противпожарна служба и на Службата за итна медицинска помош. Моментално сообраќајот на патниот правец е во прекин, барем додека не се укаже помош на повредените во несреќата. Две лица веќе се на пат кон бочлница. Нема информации дали во несреќата има смртно настрадани. МИА