охридска болница – Kurir.mk

НЕМА ПЕДИЈАТРИ: Затворен одделот за детски болести во Охрид, кој ќе лекува деца?

Ивана Ефремовски — Tue, 02 Nov 2021 14:59:02 +0000

Се затвори одделот за детски болести во охридската болница. Нема специјалисти кои можат да лекуваат пациенти. Сега се вршат само амбулантски прегледи со работни време од 8 до 20 часот-а за викенди и останатото време болните дечиња ќе се упатуваат во струшката општа болница. Хоспитализирање нема. -Останавме само двајца педијатри во цела болница практично неиздржливо е, ние пробавме да работиме еден месец секој втор ден по 24 часа меѓутоа стварно е неиздржливо.Ќе мораме додека се најде некое решение да ја прекинеме работата како одделение со болнички пациенти, изјави Орхан Зекир-педијатар, пренесе Алфа. Иако ние долго време баравме,15 години не е пуштен доктор да специјализира педијатрија-едноставно не наидовме на разбирање вели доктор Зекир,кој како што рече се’ поизвесно е дека од фебруари ќе остане единственот педијатар во болницата. -Премногу, премногу непотизам, премногу партиски определби и сето тоа доведува до можноста за бирање на специјализации.Јас кога одев на специјализација мене ми беше речено или педијатрија или ништо.Овдека треба се да биде планирано потребни ни се толку педијатри,ако не сакате на педијатрија нема да одите нигде.Ние сега на сметка не некои специјалности кои што се во хиперпродукција останавме без многу специјалности кои што се потребни, а ги нема.Ние исто кубуриме со анестезиологија, директорот ја затвори и урологија наскоро тоа ќе се случи со транафизиологија, ние сме останати со еден трансфузиолог, вели Зекир. За ова е известено и Министерството за здравство,се бара начин како да се реши проблемот,можеби со ротација на кадри од други градови-вели директорот на болницата.Но, и тоа ќе биде проблематично бидејќи има недостиг на педијатри и во Струга, Кичево,Битола.Што се однесува на урологија и во овој оддел се вршат само амбулантски прегледи.Поради недостаток на кадар одринира само еден уролог,што е неиздржливо,бидејќи ја опслужува и битолската болница кога има потреба од вршење на операции. Само оваа година извршени се околу 300 операции на урологија,но ова е привремено,наскоро ќе почнат повторно да се изведуваат операции,вели директорот на охридската болицс доктор Горан Балев.

Во Охрид хоспитализирани 63 пациенти со коронавирус

Дарко Андоновски — Wed, 10 Mar 2021 14:16:01 +0000

Во Општата болница во Охрид моментно има вкупно 63 пациенти со симптоми на коронавиросот. Целосно е исполнет капацитетот на модуларната болница што работи во рамки на општинскиот ковид-центар, дел од пациентите се на интерното одделение, а суспектни случаи се сместени на Одделението за геријатрија. Директорот на установата Горан Балевски појасни дека 40-тина од хоспитализираните пациенти се на кислородна поддршка, некои од нив со потешка клиничка слика, а најмладиот од нив има 37 години. На барање на управата на болницата за потребите на ковид-центарот се обезбедени уште девет контејнери за модуларната болница. После нивното ставање во функција, откако ќе бидат климатизирани и поврзани на електричната и водоводната мрежа, капацитетот на модуларната болница ќе биде зголемен за дополнителни дваесеттина легла. Балевски уште истакна дека од сабота почнува ревакцинацијата на здравствените работници од ковид-центарот во Охрид. Втората доза од вакцината „Фајзер“ ќе ја примат 80-тина од медицинскиот персонал што беа вакцинирани во перидоот од 19 до 22 февруари. За руската вакцина „Спутник 5“ пријавени се 50 здравствени работници, воглавно персонал ангажиран врз принцип на ротација, односно лекари, сестри, лаборанти, болничари што се дополнително ангажирани на петте пунктови за прием и третман на случаи со коронавирус, а се од останатите болнички одделенија. Според последните податоци, Охрид е на четвртото место меѓу градовите со најголем број активни случаи на коронавирус. Моментно во градот има регистрирано 428 лица инфицирани со Ковид-19.

Лекарската комора го осуди однесувањето на докторите од инфективното одделение во охридската болница

Дарко Андоновски — Thu, 23 Apr 2020 11:23:06 +0000

Лекарската комора соопшти дека нејзиниот Извршен одбор и Комисијата за етички и правни прашања вчера на вонредна седница расправале за етичкиот аспект на однесувањето на докторите од инфективното одделение во ЈЗУ Општа болница Охрид, кои не овозможиле здравствена заштита на пациентот Мавлуле Ибрахими од село Татеши Струга со симптоми на Ковид – 19, која побарала здравствени услуги. Во денешното соопштение Лекарската комора го осуди однесувањето на докторите од инфективното одделение во ЈЗУ Општа болница Охрид, бидејќи, како што се наведува, во конкретниот случај тие постапиле несоодветно и несовесно со што го нарушиле угледот и достоинството на лекарската професија, како и моралните принципи, чесност и неопходна преданост кон вршење на медицинскиот повик и дисциплина во извршување на лекарската професија. Согласно етичките принципи, нагласуваат од Лекарската комора, докторот е обврзан да укажува медицинска помош и да ја покаже својата хуманост на секој пациент кој ќе се обрати за лекарска помош до стручни лица. Извршниот одбор и Комисијата за етички и правни прашања на Лекарската комора согласно законските прописи и подзаконските акти, донесоа одлука со која се осудува постапката на докторите од Инфективното одделение во ЈЗУ Општа болница Охрид за неукажување на медицинска помош на пациент со симптоми на Ковод – 19 кој се обратил за медицинска помош и покренаа иницијатива за поведување на постапка пред Судот на честа при Лекарската комора, кој е независен и надлежен орган на Комората да расправа за одговорноста на докторите за сторена повреда на Кодексот на медицинската деонтологија, стои во соопштението. Согласно со современите доктринарни начела за работа во вонредни услови здравствениот персонал особено докторите имаат посебна положба, но и одговорност, посочуваат од Комората и апелираат до докторите на медицина и до сите здравствени работници, да се однесуваат како што доликува на докторската професија професионално, одговорно и разумно.

Во случајот со пациентката од Струга утврдено прекршување во однос на неовозможување на здравствена заштита

Дарко Андоновски — Mon, 30 Mar 2020 11:57:04 +0000

Се уште трае инспекцискиот надзор во Охридската општа болница каде не беше примена 66-годишната пациентка од Струга која потоа почина од коронавирус. Во текот на денешниот ден треба да биде готов целиот извештај, но она што досега го потврдиле инспекторите е дека има прекршување во однос на неовозможување на здравствена заштита на пациент. Директорката на Државниот здравствен и санитарен инспекторат Иринка Сотирова денеска информира дека се уште се земаат изјави од сите оние кои работеле тој ден или следниот ден на Инфективната клиника во Охрид. – Инспекцискиот надзор се уште трае, но од досега добиените информации утврдено е прекршување во однос на неовозможување на здравствена заштита на пациент, се однесува на здравствен работник кој бил дежурен во времето кога пациентката е донесена на преглед. Точно е дека матичниот доктор има издадено упат. За сите други прашања ќе одговорам и ќе го информирам министерот во извештајот што ќе биде подготвен денеска затоа што се уште се земаат изјави од сите оние кои работеле тој или следниот ден на Инфективната болница во Охрид, рече Сотирова на прес-конференцијата во Владата. Посочи дека на Инфективното одделение во Охрид работат двајца специјалисти и двајца специјализанти и медицински персонал и оти одговорноста ќе се утврдува од страна на Дражвниот санитарен и здравствен инспекторат. Инфективното одделение, како што рече Сотирова, во овој момент функционира. Инфективното одделение, како што посочи, во овој момент работи. По обелденувањето на овој случај, министерот за здравство Венко Филипче викендов на прес-конференција најави разрешување на директорката на Охридската болница. Предмет отвори и Јавното обвинителство.

По кичевската скандал ја тресе и охридската болница: На конкурс примена последната на ранг-листата

Предраг Кукиќ — Sat, 18 Aug 2018 09:00:46 +0000

Откако изби скандалот со кичевската болница, каде прво рангираната кандидатка не е примена, а последната е примена иако има многу помалку бодови од првата на листата, скандал ја тресе и ЈЗУ Охрид Општа болница. Имено исто како во случајот со кичевската, така и во охридската болница од 31 кандидат рангиран според успех, за работно место медицинска сестра не е примен најдобриот кандидат, туку последниот. Упатените коментираат дека без разлика на квалификацииите според системот за бодирање, очигледно дека некои други параметри и квалитети се земаат во предвид при вработување.