Охридско – Kurir.mk

Пожарот во охридско ставен под контрола, се работи на целосно гасење

Ивана Ефремовски — Tue, 09 Aug 2022 10:26:22 +0000

Пожарот што вчера попладне избувна на планината кај охридските села Вапила – Расино – Сирула е ставен под котрола и нема опасност од зафаќање на куќите, информира командирот на Територијалната против пожарна единица – Охрид, Борко Јанкулоски. Според него, Охридската пожарна е на терен со три возила и 10 пожарникари, а распоредени се и екипи на Национални шуми, Дирекцијата за заштита и спасување, Центарот за управување со кризи и доброволци. Пожарот е ставен под котрола. Се надевам дека во текот на денот ќе биде изгаснат. Не постои опасност од зафаќање на куќи, изјави Јанкулоски. Според јавното претпријатие Национални шуми, зафатена е поголема површина нискостеблеста дабова шума, а направената штета дополнително ќе ја проценуваат. Во моментот пожарот е ставен под контрола, но на терен остануваат дежурните екипи до негово целосно локализирање. Вкупната зафатена површина и направената штета дополнително ќе се проценуваат, соопшти Национални шуми. Градоначалникот на Општина Охрид, Кирил Пецаков информира дека од утрово на терен се и екипи од сите општински јавни претпријатија. -Дополнително на располагање е доставена и цистерната за вода од ЈП „Охридски комуналец“, додаде Пецаков.

Маж од охридско доби кривична пријава, еве што најде полицијата во неговиот дом

Ивана Ефремовски — Tue, 31 May 2022 18:20:14 +0000

СВР Охрид поднесе кривична пријава против К.Н.(30) од охридското село Долно Лакочереј, поради постоење основи на сомнение за сторено кривично дело „недозволено изработување, држење и тргување со оружје или распрскувачки материи“. При извршен претрес во неговиот дом, полициските службеници пронашле и одзеле 36 куршуми боева муниција, од кои 33 со калибар 7.62 милиметри и 3 куршуми со калибар 9 милиметри.

Кривична пријава против дилер на дрога од охридско

Тале Кристо — Sun, 29 May 2022 11:01:46 +0000

Поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори“, СВР Охрид поднесе кривична пријава против К.А.(35) од охридското село Долно Лакочереј. При претрес во неговиот дом и помошни простории што ги користел, извршен со судска наредба, полициските службеници пронашле и одзеле 8 тегли со марихуана, саксија со засадено растение канабис сатива и две отсечени растенија канабис, како и мешавина од марихуана и тутун.

Приведен маж од охридско, одземени ловен карабин и муниција

Тале Кристо — Sat, 19 Mar 2022 10:40:22 +0000

На 18.03.2022 во 16.05 часот во с. Ливоишта, охридско од полициски службеници од Одделот за криминалистичка полиција- Одделение за недозволена трговија со дрога и оружје и СВР Охрид е лишен од слобода Х.Д.(29) од с. Ливоишта поради постоење основано сомнение дека сторил кривично дело „Недозволено изработување, држење и тргување со оружје или распрскувачки материи“ казниво по чл.396 од Кривичниот законик затоа што кај него се пронајдени и одземени еден ловен карабин „заводи црвена застава“ кал.8x57 мм и 56 куршуми различен калибар. По целосно документирање на случајот ќе биде поднесен соодветен поднесок.

Автомобилот е превртен на кров, сообраќајна несреќа кај Рача во Охрид (ФОТО)

Ивана Ефремовски — Mon, 24 May 2021 16:51:24 +0000

Сообраќајна несреќа кај Рача, над Хидробилошкиот завод во Охрид. Автомобил со охридски регистрарски таблици е превртен на кров, објави Охрид1. Портпаролот на СВР Охрид, Стефан Димоски ја потврди несреќата. Димовски за Охрид 1 вели дека во моментов увидни полициски екипи ги истражуваат причините за несреаќата и додава дека автомобил Рено клио изгубил контрола и се излизгал на патот. Во несреќата возачот е лесно повреден.

Маж повреден од заталкан куршум во Лешани, Охридско

Александар Михаилов — Wed, 10 Jan 2018 09:47:35 +0000

Жител на село Лешани, Охридско, вчера попладне бил погоден од заталкан куршум. Како што соопшти МВР, инцидентот се случил во 16:50 часот, а бил пријавен во СВР-Охрид од охридската болница „Св.Еразмо“ каде бил донесен Ј.М. (38) од с.Лешани - Охрид, со прострелна рана во пределот на надлактицата од левата рака. - Од страна на полициски службеници бил извршен разговор со Ј.М., кој што кажал дека околу 16,30 часот додека се движел пеш со негов роднина од с.Лешани кон место викано „Гркополе“ бил погоден од заталкан куршум, наведуваат од МВР. Се преземаат мерки за расчистување на настанот.