охриѓанка – Kurir.mk

Поради грешка на надлежните, матурантка од Охрид не може да се запише на факултет во Словенија: Ја немало на списокот за државна матура

Ивана Ефремовски — Sat, 27 May 2023 18:02:23 +0000

Матурантката Тијана Силјаноска од Охрид денеска не можеше да полага државна матура. На списокот меѓу 200-те матуранти нејзиното име изостана, па беше вратена дома. Таткото револтиран вели дека поради грешка од надлежните охриѓанката нема да може да се запише на посакуваниот факултет во Словенија. За овој случај реагирале до сите надлежни инспекторати, од каде велат дека ученичката е обесправена. На гимназијалката од Охрид и е ускратено и првото два пати да полага државна матура, таа ќе може само еднаш и тоа во август. Министерот за образование Шаќири најави дека ќе го испита случајот. Прилогот на Сител, погледнете го во продолжение:

Млада охриѓанка била агресивна кон полицајци во Скопје

Ивана Ефремовски — Sun, 05 Jun 2022 15:12:59 +0000

На 05.06.2022 во 00:10 часот на подрачјето на Аеродром од полициски службеници од Полициската станица Аеродром била приведена К.П.(29) од Охрид. Таа агресивно се однесувала кон полициски службеници кои извршувале службено дејство. По целосното документирање на случајот ќе следи соодветен поднесок.

Охриѓанка физички нападната во хотел додека била на работа- еве ги деталите

Дарко Андоновски — Fri, 11 Dec 2020 15:04:35 +0000

На 10.12.2020 во 18.10 часот во СВР Охрид И.Р.(26) од Охрид пријавила дека во хотел во Охрид, каде што била вработена, била физички нападната од Г.Д. од Охрид. По преземени мерки составен е записник за констатиран прекршок по член 11 став 3 од Законот за прекршоци против јавниот ред и мир.

Охриѓанка го напуштила своето 11-годишно неподвижно дете

Магдалена Андонова — Wed, 22 Jul 2020 10:57:05 +0000

Охриѓанка го напуштила своето 11-годишно неподвижно дете. Таа го оставила детето само во куќата во која живееле, без храна и надзор. Според информациите на СВР-Охрид, вчера во полиција телефонски било дојавено дека 39 годишна охриѓанка, во својот дом на улицата „Питу Гули“, без никаква грижа, храна и надзор, го оставила својот 11-годишен син кој бил неподвижен. Центарот за социјални грижи и Црвениот крст од Охрид преземаат мерки за пронаоѓање на згрижувачко семејство, а на детето му е дадена соодветна помош. Против лицето ќе биде поднесена соодветна пријава.

Охриѓанка казнета со 2000 евра: Требало да биде во домашна изолација, но излегла надвор

Ивана Ефремовски — Mon, 01 Jun 2020 11:02:35 +0000

Основното јавно обвинителство Охрид поднесе Предлог за издавање казнен налог против едно лице, 45 – годишна охриѓанка, која не постапила според донесено Решение од Државниот санитарен и здравствен инспекторат, со кое и била определена задолжителна домашна изолација со датум на започнување од 15 мај 2020 година. При проверка од надлежните органи, на 17 мај, обвинетата не била затекната во домот. -Обвинетата со своите дејствија го извршила кривичното дело – Непостапување според здравствените прописи за време на епидемија од член 206 став 1 од Кривичниот законик. За стореното, обвинителството му предложи на судот на обвинетата да и изрече парична казна од 100 дневни глоби, со определување на секоја дневна глоба во износ од по 20 евра во денарска противвредност, информираат од ЈОРМ.