ОЈО Прилеп – Kurir.mk

Поведена постапка за тренер кој извршил полови дејствија врз деца

Магдалена Андонова — Mon, 25 Jan 2021 09:20:12 +0000

Основното јавно обвинителство Прилеп поведе постапка против едно лице на возраст од 46 години, за кој постои основано сомнение дека сторил продолжено кривично дело – Обљуба со злоупотреба на положбата од член 189 став 2 во врска со став 1 и во врска со член 45 од Кривичниот законик. Осомничениот како тренер по џудо, од април до ноември 2020 година, во Прилеп и на други места, заради задоволување на полови страсти, со злоупотреба на својата положба извршил полови дејствија врз деца кои наполниле 14 години – ученички кои му биле доверени заради тренирање и воспитување. Против осомничениот надлежниот јавен обвинител поднесе предлог за определување на мерка притвор до судијата на претходна постапка при Основниот суд во Прилеп. Судот го прифати предлогот и со Решение на осомничениот му определи притвор во траење до 30 дена.

Еден осомничен за пренесување две торби со марихуана кај Прилеп

Магдалена Андонова — Thu, 10 Dec 2020 09:41:12 +0000

Постапувајќи по поднесена кривична пријава, Основното јавно обвинителство Прилеп донесе Наредба за спроведување истражна постапка против едно лице од струшко Калишта за кого постои основано сомневање дека сторил кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик. Осомничениот, на возраст од 46 години, на 8 декември на патниот правец Битола-Прилеп во неговото патничко моторно возило Ауди А3 неовластено заради продажба пренесувал наркотична дрога марихуана во количина од 53,066 килограми. Дрогата била спакувана во 2 патни торби, од кои во едната имало 30, а во другата 23 пакувања со наркотична дрога марихуана. Кога сообраќајната полиција му дала знак да застане, осомничениот не ја почитувал наредбата и со голема брзина се упатил кон Прилеп. Од полициски службеници бил пресретнат кај селото Тополчани и повторно му бил даден знак да застане, но тој не застанал туку продолжил да се движи со голема брзина. Кога со возилото стигнал во селото Штавица со голема брзина поминал низ центарот на селото и во местото викано Леништа го запрел возилото, излегол и во близина на патот ги исфрлил двете патни торби со наркотична дрога. Потоа влегол во возилото и повторно со голема брзина се упатил на патот кон Прилеп, па кога стигнал кај с.Старо Лагово бил сопрен и контролиран од страна на службени лица на ОВР Прилеп. Основното јавно обвинителство Прилеп до судијата на претходна постапка од Основниот суд Прилеп поднесе предлог за определување мерка притвор против осомничениот, ценејќи дека постои опасност тој да се даде во бегство, да ги прикрие трагите од кривичното дело или да го повтори делото. Судијата го прифати предлогот и на осомничениот му определи притвор во траење од 30 дена.

Две години е заглавен во државниот лавиринт: Сакал да започне бизнис со неговиот другар, па земал кредит- парите завршиле на сметката на ортакот

Дарко Андоновски — Fri, 24 Jan 2020 17:32:29 +0000

Јас Н.Х од Скопје со желба и надеж за просперитет во својата родна земја, а сакам да ја раскажам мојата приказна пред целата јавност со надеж дека ќе допре до сите, како и до надлежните институции, за тоа со што еден млад човек се соочува во нашата држава и каква неправда претрпува човек на многу млада возраст, со овие зборови преку отворено писмо до КУРИР се обраќа овој млад скопјанец кој мака мачи две години за да добие правда во Македонија. -На своја 22 годишна возраст, полн со надеж и желба за просперитет и успех во својата родна земја, каде што сум израснал и сакам да останам и тука да успеам, имав идеа и замисла за отпочнување на свој сопствен бизнис , каде што и впрочем нешто општествено ги поттикнува младите луѓе да вложуваат и градат нешто во својата сопствена земја и да не го бараат успехот и личната среќа надвор од нејзините граници. Заедно со уште една личност направивме бизнис план да ја реализираме нашата идеа, да основаме уникатен вид на маркетинг агенција, нешто ново кое што сметавме дека ќе допринесе за нашата земја и кое би било прифатено и добро дојдено, еден вид на иновација. За да го оствариме овој наш план ни беа потребни финансиски средства. Јас како млад човек, потенцирам на 22 годишна возраст , секако не можев сам по себе да ги имам во тој момент потребните средства и затоа решив истите да ги обезбедам преку подигнување на кредит од надлежна Банка. По испитување на продуктите што ги нудат нашите банки, за најповолна ја сметав *** Банка. Мојот познаник со кој заедно требаше да го започнеме бизнисот, ми кажа дека може да помогне да имам поволности во *** Банка преку негови контакти и дека треба да се аплицира за кредит во Прилеп. Паричниот износ за кој се договаравме да аплицираме изнесуваше 1.200.000,00 денари кој што беше лично за мене. Во средината на месец Јануари 2018, јас заедно со мојот познаник заминавме во Прилеп како би се сретнале со неговиот познаник вработен во *** Банка со цел да поднесеме апликација за кредит. Кога пристигнавме во Прилеп се упативме во експозитурата на *** Банка каде што не пречека пријателот на мојот познаник и воедно во разговор со истиот ми даде веќе спремни документи за потпишување, кои откако беа прочитани од моја страна , јас веднаш ги потпишав и му ги предадов на истиот. Откако се завршија сите потребни процедури од технички карактер добив известување од човекот кај кој што аплицирав дека кредитот ќе ми биде одобрен за краток временски период од една недела. На ден 08.02.2018 година на мојата лична банкарска смета пристигна прелив на парични средства од износ од 1.200.000,00 денари за кое нешто дознав преку електронско банкарство на мојот мобилен телефонски апарат. По извесен период во не повеќе од 1 час од кога пристигна преливот на горенаведените парични средства, се упатив во *** Банка експозитура Чаир за да ги подигнам целиот износ на паричните средства во износ од 1.200.000,00 за кое нешто дознав преку електронско банкарство на мојот мобилен телефонски апарат. По извесен период во не повеќе од 1 час од кога пристигна преливот на горе навадените парични средства, се упатив во *** Банка експозитура Чаир , за да го подигнам целиот износ на паричните средства кои пристигнаа на мојата лична сметка. Вработената во наведената експозитура ме извести дека на мојата лична банкарска сметка располагам со износ од 200.000,00 денари, кои тогаш ги подигнав од мојата сметка и ме упати да проверам електронско банкарство за преостанатиот износ за кој добив известување дека е пристигнат на мојата сметка. ( разликата од пристигнатите средства и средствата кои ги подигнав од експозитурата). Јас истото веднаш го направив, го проверив електронското банкарство, при што констатирав дека паричните средства во износ од 966.031,00 денари без мое знаење и без моја никаква дозвола се префрлени на личната сметка на мојот познаник кој требаше да биде мој партнер во бизнисот, како безготовински одлив на парични средства, за кој јас апсолутно не знаев дека сум потпишал никаков документ, односно во целата ситуација се чувствував тотално збунет и со свои очи не сум видел дека сум потпишал било каков документ со кој овој износ би бил префрлен од мојата лична сметка. Понатаму во целата ситуација ми беше укажано дека бидејќи сум многу млада личност ( сакам да потенцирам со полна доверба во институциите верував на тоа што ми беше кажано, бидејќи до сега не сум имал никаква потреба да бидам во контакт со банки заради подигнување на кредит), ми беше укажано дека поради фактот што сум многу млада личност целокупниот износ не може да ми биде префрлен на мене, туку треба да се почека најмалку еден месец и да аплицирам за лично банкарство, како би можело да ми биде префрлен на мојата сметка преостанатиот износ на кредитот. По извесен период од страна на мојот познаник, кој требаше да биде мој бизнис партнер , ми беше укажано дека ќе добијам е-маил порака со одреден документ кој ќе треба д го потпишам и со тоа дека ќе аплицирам за лично банкарство. По поднесената апликација, по извесен период од неколку дена од страна на мојот познаник ми беше кажано дека ќе ми бидат префрлени уште 150.000,00 денари , кои мислев дека се дел од кредитот, за што подоцна дознав дека тоа всушност преставувало апликација за одобрување на дозволен минус на мојата лична сметка како и апликација за златна платежна картичка “Visa Gold Revolving” ,и всушност овие 150.000,00 денари биле од дозволениот минус, а не од кредитот,а јас лично истите ги подигнав во готовина од мојата сметка. Тука сакам да потенцирам дека од денот на поднесувањето на апликацијата за потрошувачки кредит па се до ден денешен златната платежна картичка не сум добил ниту преку пошта ниту пак ми била доставена/додадена од било кој, односно не располагам со истата ниту со нејзиниот ПИН. По извесен период од мојот телефонски апарат преку СМС порака бев известен од Банката дека ми биле подигнувани парични средства од златната картичка и тоа на ден 03.04.2018 и тоа во износ од 16.000,00 денари и износ од 80.000,00 денари и тоа за време кога јас бев во Скопје, а СМС пораките кажуваа дека овие средства од златната картичка биле подигнувани од банкомат во Прилеп. Сметам за потребно да истакнам дека во меѓувреме беа подигнувани и други износи , помали од горенаведените, како и дека за истото ниту сум дал некакво одобрение, ниту јас истото сум планирал да го направам. По сите овие случувања, јас навистина добив впечаток дека нешто не е во ред и дека нешто чудно се случува околу целата ситуација со кредитот и сите овие подигнувања на парични средства од мојата лична сметка, за кои ниту сум знаел ниту сум дал некакво одобрување или овластување дека бидат подигнати од друго лице од мојата лична сметка, а ниту ден денешен не дознав со сигурност точно кој ги изврши овие дејствија и ги подигнување паричните средства на мојата сметка , иако имам одредени сознанија и сомневања, за кое нешто се известени надлежните институции. Запрепастен и потресен и воедно премногу збунет од целото случување, по подолго размислување и истражување и по сите разговори обавени со мои блиски луѓе, всушност сфатив дека јас сум измамен и дека сите случувања се невообичаени околу процедурата за земање на кредит. Оттогаш почна мојата голгота, талкање по институции, адвокати и сл. На ден 18.09.2018 година кога дефинитивно сфатив дека тоа нешто ми се случување е сериозно и дека јас во буквална смисла на зборот „заглавив“ во долг, по никаква моја вина, а напротив средствата кои ми ги ставаат на товар, никогаш не ги видов , поднесов кривична пријава во МВР. Во меѓу време се водеа и граѓански постапки, по нотарски платни налози за враќање на долг од мене како должник кон ***Банка како доверител, за кој повторно потенцирам не се сметам за должник и истото ќе се докаже, бидејќи јас единствено во целата ситуација сум измамен од ХХ лица. Сакам да напоменам дека во однос на граѓанските постапки за долг едната постапка од страна на Судот согласно законските одредби е прекината, поради водење на кривична постапка. Но, измачувањето, не проспиените ноќи, неизвесноста и стравот од целата ситуација и немир кој го чувствувам не застанаа тука. Повторно е поведена друга граѓанска постапка по однос на наводно друг долг кон *** Банка,за кое нешто повторно треба да се води постапка и да докажувам дека еден ден вистината ќе се докаже. Но, она што вистински посакувам да го постигнам со ова јавно изнесување на мојот проблем, е да допрам до надлежните институции кои ја водат постапката по кривичната пријава. По неколку кратко обраќање подолг временски период од ОЈО Скопје, добив информација дека предметот е испратен во ОЈО Прилеп некаде кон средината на декември 2019. Сакам да допрам до надлежните институции и ги замолувам да ги преземат сите дејства кои се во нивна надлежност и ингеренции заради расчистување на мојот случај, особено институциите надлежни за постапување по кривичната пријава. Овој немир и страдање, не проспиени ноќи, неможност за вработување, како и скршена желба за остварување на сон на еден млад и перспективен човек, односно еден заробен живот во прангите на ситуацијата, и безизлезност , немоќ , водење на постојна борба првенствено сам со себе , а потоа со надлежните институции, се надевам дека еден ден овој „кошмар“ ќе заврши и ќе можам да продолжам со мојот живот, без страв и со надеж за подобра иднина. Апелирам првенствено до ОЈО Прилеп и секоја друга надлежна институција, доколку оваа моја порака допре до нив, да ги преземат сите потребни дејствија во нивна надлежност и ингеренции, да постапат по предметот, односно по кривичната пријава, да запрат сите граѓански постапки,и да се докаже вистината која се крие зад целата оваа навидум за мене безизлезна ситуација, како и да се најдат одговорните сторител/ли за целокупната неправда која ми е нанесена. Сакам да допрам и до ушите на власта, како и на сите надлежни органи и институции во земјата, да им укажам дека јас сум само еден пример од многу останати млади луѓе на кои им се случуваат вакви или слични неправди, преку кои се оневозможени да го остварат својот сон, а притоа сакаат да останат во својата татковина и тука да вложуваат самите во себе и во државата, за подобро утре на сите. Сакам да допрам до нив да преземат се што е потребно сите механизми потребни за превенција над ваквите случувања. Сакам и убеден сум дека во мојата татковина, РМ има место за секој млад и просперитетен човек, дека може да ги оствари своите соништа. Но и да допринесе за развојот на земјата. Едноставно, не сакам да заминам од тука, но доколку ваквиот тренд на случувања продолжи, ќе бидам еден од многуте млади луѓе присилени да ги напуштат границите на сопствената земја, да живеат како странци, само во потрага по подобар живот и остварување на своите соништа, стои во неговото отворено писмо до КУРИР.

ОЈО Прилеп постапува по пријавите за говор на омраза на Мечки Камен

Ивана Ефремовски — Mon, 06 Aug 2018 10:41:52 +0000

Прилепското јавно обвинителство постапува по пристигната кривична пријава против две лица и други непознати лица за сторено кривично дело „Предизвикување омраза, раздор или нетрпеливост врз национална, расна, верска и друга дискриминаторска основа“ за време на одбележувањето на илинден на Мечкин Камен. - ОЈО Прилеп презема дејствија за утврдување на факти и прибирање докази во врска со нападите и говорот на омраза кои беа изречени за време на одбележувањето на државниот празник на Мечкин Камен, се вели во соопштението од Јавното обвинителство. Во обвинителството, како што се наведува, е пристигната кривична пријава поднесена од МВР – СВР Битола, против две лица и други непознати лица а за сторено кривично дело – Предизвикување омраза, раздор или нетрпеливост врз национална, расна, верска и друга дискриминаторска основа од член 319 од Кривичниот законик. - Со кривичната пријава на двајцата осомничени, жители на Битола, заедно со засега се уште непознати лица, им се става на товар дека за време на прославата употребувале говор на омраза кој бил забележан на видео запис и емитуван на една од националните телевизии. Надлежен обвинител од Основното јавно обвинителство Прилеп во континуитет презема дејствија за да го расчисти кривично правниот настан, се вели во соопштението.

ОЈО Прилеп – Kurir.mk

Поведена постапка за тренер кој извршил полови дејствија врз деца​

Еден осомничен за пренесување две торби со марихуана кај Прилеп

Две години е заглавен во државниот лавиринт: Сакал да започне бизнис со неговиот другар, па земал кредит- парите завршиле на сметката на ортакот

ОЈО Прилеп постапува по пријавите за говор на омраза на Мечки Камен

Поведена постапка за тренер кој извршил полови дејствија врз деца