ок вмро-дпмне берово – Kurir.mk

ОК ВМРО-ДПМНЕ Берово: Елитата на власт во Берово и нејзиното нетранспарентно и отчетно работење

Катерина Бојаџиева — Thu, 01 Dec 2022 11:00:24 +0000

ОК ВМРО ДПМНЕ Берово, повторно излезе со соопштение за јавноста и граѓаните на Берово и Малешевијата, во кое ги изнесува матните и пристрасни вработувања на партиските послушници на локалната власт. Во третото продолжение од нивната реакција се осврнуваат на неколку вработувања во институциите во градот, за кои како што велат по заслуга и амин на елитата на власт на крајот некој ќе одговара. Еве ја во целост нивната реакција: Продолжуваме каде што застанавме, во разобличувањето на елитата на власт во Берово и нејзиното транспарентно и отчетно работење. Претседателката на советот на општина Берово, инаку блиска и послушна соработничка на Пекевски, првин беше вработена како наставничка по Француски јазик во основното училиште и воедно од таму продолжи како советник во советот на општина Берово. Малку беше да биде само советник, па успешно станува претседателка на советот поради сплет на други околности. Бидејќи не се пронајде во образованието, реши да си дојде експресно до решение во библиотеката во склоп на домот на културата „Димитар Беровски“. Имаме претходна приказна, кој не успева да дојде до решение на неопределено време во училиштето, оди на оглас или во општината, или во некоја од институциите под општината. И ова работно место трпи специјална измена на правилникот за систематизација, по наредба на Пекевски, за да може да се вметне и видот на образование на претседателката на советот, затоа што за библиотекар беше предвидено да биде некој што има завршено Македонски јазик, а не Француски јазик. Побогу, ништо лично против Францускиот јазик, но се уште живееме во Македонија. Меѓутоа, кај нас се’ е можно со ваквата структура на локална власт, биро за вработување по желба и заслуга. Важното во ситуацијата е дека на огласот се пријавуваат уште дополнително две кандидатки, од кои едната има завршено Македонски јазик и воедно е самохран родител. Но за жал, не е важен тој статус, важно е партиска заслуга и послушност. Еклатантен пример за бескрупулозниот и нетранспарентен однос на елитата на власт во Берово. За жал, ова не завршува овде. По примерот на екс генсекот Кирацовски, со истата пракса и приказна е и кланот во Берово. Успешните приказни надалеку се шират. Добрата државна пракса уште подобро се развива и како локална пракса. Својата партиска фризерка ја вработија првин како товарач во Македонски Шуми. Родова еднаквост, нема зошто да се чудите, кај нас во Берово жените се силни и извршуваат тешки товарни работи. Но изгледа не и се погоди тешката физичка работа, па потоа поради други заслуги, експресно ја презедоа во МВР во Берово. Дека најсезнајни и најуспешни се фризерките, посебно кога се работи за институција како МВР. Но елитата не би била елита, односно СДС не би бил СДС во Берово, ако по истиот партиски клуч не вработи и некоја собарка. Ни помалку ни повеќе, на работно место со безбедносен сертификат во МВР. Очигледно дека собарките од туристичките комплекси низ Берово се малку позаслужни од останатите соодветно образовани. Лечиме компплекси елитно. Да не го заборавиме во оваа епизода и самопрогласениот крал на Ромите од Берово. Блискиот роднина од соседно Делчево кој доаѓа само за избори во Берово и собира гласови за сопствено лично пазарење со власта, за лично богатење и лична корист, си ја вработи внуката во детската градинка, а зетот, односно кралот, по желба си менува работни места на секои три месеци каде што ќе му се посака. Во исто време бесправно држат социјален стан, за кој навистина биле релевантни пред некоку години да го добијат. Но не се и сега. Ни случајно нема никаква непотистичка врска тука. Но, Пекевски многу многу не е загрижен за оваа ситуација, нему му е важно самопрогласениот крал да ги малтретира Ромите од Берово за избори и да му носи гласови, барем да си ги отплати работните места и кралскиот статус. Господо елито од СДС, за ова некој ќе одговара. Продолжува…

ОК ВМРО-ДПМНЕ Берово: Роди ме мајко со членска од СДС и фрли ме во Берово

Катерина Бојаџиева — Wed, 23 Nov 2022 19:27:12 +0000

ОК ВМРО ДПМНЕ од Берово, денес излезе со соопштение каде ги истакнува сите блиски вработувања на членови и фунционери на партијата на власт СДСМ во Берово, посочувајќи дека истите имаат и по неколку функции на локално ниво. Како што се вели во партиската реакција институциите во Берово се одличен пример за напотизам, заглавени до гуша од партиски кадри. Од ОК ВМРО-ДПМНЕ Берово, додадоа дека ова е само почеток на приказната, за која најавуваат неколку продолженија, за граѓаните на Берово и Малешевијата конечно да се запознаат со вистинските лица и пристрасноста кон партиските послушници и роднини, на фаункионерите на власт. Во продолжение еве ја реакцијата на ОК ВМРО-ДПМНЕ Берово: Ја знаете онаа приказната за осумте „ничии деца“ кои што требаше да одат на обука за контролори, меѓутоа порaди тоа што не беа партиски деца, сакаа да испратат „нивни“ деца? Одговорност има затоа што сакаа да наместат партиски кадри од ДУИ и СДС, но не им помина поради тоа што криминалот и местенката излезе во јавност… Да, таа приказна каде осумте деца кои биле најдобри на тестирањето спроведено од Еуроконтрол (го правела независна лиценцирана фирма од Данска), не сакаа да ги пуштат да се образуваат за контролори на лет во Данска затоа што на тестовите осумте најдобри не беа партиски кадри. Не беа деца на партиски функционери. Не ги бива по бадентер и по балансер. Е затоа државата се обиде осумте ничии деца да ги репресира, срамота е во нашата држава да бидеш најдобар, ако има партиски поподобен за одредена позиција. Е кај нас приказната „Роди ме мајко со членска од СДС и фрли ме во Берово“ врви одлично, толку добро, што не само што се’ е местенка, туку имаме одличен пример за непотизам низ нашите институции. Досега по допрен глас требаше да превземат мерки одредени институции на кои тоа им е работа, но и тие се заглавени до гуша со партиски кадри. Да се потсетиме како оди вработувањето во наше Берово: Да почнеме од градскиот татко, „Елитните Пекевски“, кој за да не оди неговата сопруга во Струмица на работа, едно доаѓање во фотелјата, прв проект за доброто на Општина Берово беше вработувањето на неговата сопруга во ООУ „Дедо Иљо Малешевски“. Да не заборавиме да потсетиме дека и во Струмица беше партиски вработена, не затоа што е подобна. Подобните и паметните не седат без работа да чекаат партиско вработување. Но фамилијарното вработување не завршува тука, туку зет му од неговата сестра е вработен како магационер во комуналното претпријтие во Берово. Снаата за брат на неговиот зет е експресно прибрана во детската градинка како сметководител. Не можеше да заврши работа на својата роднина по кумова линија, па затоа снаата од брат на крштелниците се погоди најподобна за вработување во Општината. Тука е и другарката на сопругата, не и се погоди во образованието во основното училиште, ама затоа експресно доби решение во општината. Сите до еден кој од кој поголем експерт во својата област. Со малку дискутабилно образование и дискутабилен просек од тоа високо образование, ама за тоа друг пат. И сите дошле од претходни институции со разни шпекулации за нивните работни способности, ама затоа општината ги става на прав пат, ги дооформува да бидат експерти во несоодветни области. Да го чепнеме малку и претседателот на СДС во Берово. Кланот Рунтевски. Вработен во ЈПКР, изберен од градскиот татко за директор на истото претпријатие два пати, претседател на СДС. Не е интересно да имаш само три функции, мора да се дојде до уште една државна позиција, па така неговата сопруга која инаку има дипломирано на Албански јазик, заврши на работно место каде на друго место, ако не во општината. Уште да имаше работа соодветна на нејзиното образование, ќе беше барем погодена за позицијата за која ќе се испотепаат во западната половина од државата. Првиот братучед на директорот на ЈПКР, кој со судни маки дипломираше после десетина години како социјален работник, исто експресно заврши како вработен во Центарот за социјални работи. Тука не знаеме како се сложиле градоначалникот и директорот на комуналното претпријатие долгогодишниот студент да биде избраниот за социјален работник, бидејќи неговиот татко, години наназад висок функционер од СДС, беше еден од избрканите од работа од општината, благодарение на Пекевски. Неговите оценки бркаат луѓе од работа и тоа благодарение на неговиот потпис, не на никој друг, па после општината сноси трошоци за да ги врати пак по судски пресуди и да го исплати она другото во меѓувреме. Ама веројатно тоа било награда за синот, поради бркањето на таткото. Иако уште не ни е јасно со каков просек е социјалниот работник што студирал јубилејно на факултет. За блокадата на општината поради долгот од Пелагонија, во кој процес е вмешан тој висок функционер од СДС друг пат, има интересни пресметки таму и интересни бизниси. Инаку, и тука кај претседателот на СДС во Берово работи добро другарската линија како и кај Пекевски, па затоа сопругата на својот другар е експресно прибрана кај него во неговото јавно претпријатие. Интересен е за споменување секретарот на СДС на локално ниво. Освен што е претседател на ОФК Малеш, тој е член на управен одбор во здравниот дом во Берово, ама држи и сигурно работно место во општината, иако повеќе е „теренски“ активен за време на работното време надвор од општината. Малку се три позиции, затоа неговата сопруга веројатно ќе биде вработена во домот за стари лица во Берово како физиотерапевт. Освен ако роднина на Пекевски не преовлада за тоа работно место, тоа уште не знаеме, ќе видиме во 2023 година кога ќе решат да го пополнат. Уште не одговорил колку и како се прибрани и на кој начин потрошени средствата за фудбалскиот турнир што тој лично го организираше. Не, ни случајно да не сте помислиле дека тука има корупција или нешто не е како што треба. Во организаторите на турнирот имаме претходно „работно“ искуство како се краде општинска струја. Па веројатно и тоа е дел од „нормалното“. Побогу, зошто да преиспитуваме? Да не ја заборавиме и поранешната пратеничка, пардон, поранешната министерка Шахпаска. Онаа која не знае колку пари чинат одредени продукти. Да да, таа што не знае колку пари чинат 2 кг месо. Нејзината золва е во првовработените во општината. Додека пак на сопругот на золва и, несуден градоначалник на Берово, не му се погоди во Македонски Шуми, ама затоа ептен му се погоди во домот за стари лица. Сите со членска од СДС. Покрај членската од СДС, сите непотистички поврзани едни со други. „La Famiglia“ бизнисот цвета во Берово. Не само што ги партизираа институциите во Берово, туку и ги приватизраа. Ова не е се’. Допрва ќе разјасниме како клиентелизмот, елитизмот и непотизмот формираат несоодветни партиски кадри за државни работни места. За одредени лица кои треба да влезат на работа во одредена институција дури и систематизации се менуваат специјално, ама веќе кажавме за тоа. Само што Пекевски има подобра школа од овие со авиосообраќајот. Тие се јавиле во данската школа за контролори за летање да бараат отчет зошто осумте најдобри деца се примени, а не се наоѓаат на ничиј список. Побарале отчет зошто не се примени „нивните“ деца. Затоа Пекевски оди на сигурно, на „неговите“ партиски кадри дава листи со прашања, да одат спремни на интервју за работа, да не случајно се засрамат, оти тој ќе треба да реагира. Берово сме полоши во последните пет години и од тетовската болница, и од автобските трагедии… „Каблите од болниците“ ни се под партиски тепих сместени. Перцепција за корупција, непотизам и елитизам? Не, нема перцепција, живееме во тој свет, така да погрешното го гледаме секојдневно и го прифаќаме, за жал. Полна им е устата со транспарентност и отчетност, ама затоа организиран криминал, непотзам и корупција им е мантра. Системот ни фунционира беспрекорно, поделби на работни места, поставување на директори по партиски линии, вработување на „наши деца“, „наши кадри“, јавни набавки од „наши луѓе“ (ако сте неподобен овде, ќе ви се јават по телефон да не се пријавувате на тендер оти не сте од нивнте!) Продолжува…

ОК ВМРО-ДПМНЕ Берово: Градоначалникот Пекевски злоупотребува општинско возило и вработени за поставување политички материјал (ФОТО)

Магдалена Андонова — Fri, 01 Oct 2021 17:31:26 +0000

ОК ВМРО ДПМНЕ Берово, обвинува дека денес од страна на градоначалникот Пекевски, било злоупотребено службено возило на Општина Берово, за поставување банери и политички материјал низ градот.Од партијата потенцираат дека со ова се уште актуелниот градоначалник Пекевски ја злоупотребува службената должност и во работно време ангажира вработени во општината за сопствен политички маркетиг во предизборната кампања. Денес се виде транспарентноста на градоначалникот Пекевски со ангажирање на општински службеници во работно време за поставување на банери на неколку локации во градот. Со ова Пекевски ја злоупотребува службената должност и функцијата градоначалник која сеуште ја има, ја користи за политички цели во предизборната кампања.Општинското возило денес беше во служба на политичко самопрестваување на градоначалникот Звонко Пекевски, што е недозволиво – додадоа од ОК ВМРО-ДПМНЕ Берово.