ок вмро-дпмне битола – Kurir.mk

ОК ВМРО ДПМНЕ-Битола: Скандалите од епски размери што ги прават СДСМ и ДУИ продолжуваат во АД ЕСМ!

Тале Кристо — Sun, 17 Sep 2023 15:20:45 +0000

Скандалите од епски размери што ги прават СДСМ и ДУИ продолжуваат во АД ЕСМ! Во последниот тендер за набавка на јаглен кој бил распишан во јули минатата година во вредност од 22 милиони евра, прашуваме од колкави размери е направен криминал во РЕК Битола? И се функционира според нивната добро позната матрица. Прашуваме дали е точно дека деновиве за прикривање на овој криминален скандал се врши терор врз инженерскиот кадар во РЕК Битола и деградирање на пониски позиции? Гледајќи ги криминалите на власта, а загрижени за своите работни места, тие го известиле менаџерскиот тим и колегите! Но, наместо одговорна реакција, се жртва на казни и притисоци! Како што предупредуваме подолг период за намерните хаварии и криминали во енергетскиот сектор, наместо јагленот кој се барал на тендерот, се носи висококалоричен битуменозен јаглен од Албанија кој предизвикал оштетувања во опремата на блоковите и чести застои во производството, особено затоа што термоцентралите во Битола и Кичево не се приспособени да користат ваков тип на гориво. Најпроблематичен е јагленот што доаѓа од рудникот Селеница во Албанија. Тој содржи битумен. Како дошло до тоа да се користи битуменозен јаглен кога и во тендерот строго било наведено дека се бара лигнит – не е познато и сето тоа надлежните институции имаат обврска пред граѓаните да го проверат. На тендерот на ЕСМ од јули минатата година, увоз на јаглен вршеле три фирми, од кои една е албанска енергетска компанија наречена „Хај Тауерс“ и две се микрофирми од Скопје основани од ист човек, извесен А.И. (Аљибер Ибраими) од Мала Речица. Едната фирма, наречена „Куантум Солушнс“, ја формирал непосредно пред да се распише тендерот, а другата, „Енергија Икс“, по објавувањето на тендерот. Тендерите за неговите фирми со вкупна вредност од над девет милиони евра се всушност прва работа што односните фирми воопшто ја добиле. Не се знае како ја извршувале работата, кога ниту имале возен парк, ниту пак отворени канцеларии! Иако ВМРО ДПМНЕ јавно ги бараше, ЕСМ не ги достави договорите на увид на јавноста. Од овде јавно го повикуваме Јавното обвинителство, другите надлежни институции веднаш да реагираат и да ги преземат соодветните дејствија! Одговорност за трошњето на народните пари е неизбежно, сите граници се поминати!!!, обвинуваат од ОК ВМРО ДПМНЕ-Битола.

ОК ВМРО ДПМНЕ-Битола: Локалниот лидер на СДС во Битола да одговори за состојбата во Затворот во Битола

Тале Кристо — Mon, 19 Jun 2023 12:08:42 +0000

Локалниот лидер на СДС во Битола, конечно да одговори за состојбата во Затворот во Битола. Кулминацијата на траумата од долгиот опозиционерски стаж и екстремно лошото, за среќа, кусо практикување локална власт, колку што се поизвесни парламентарните избори станува поекстремна и кулминираше деновиве. И повторно, исклучиво со лаги, манипулации и лични дискредитации. Господо од СДС, немојте да мислите дека граѓаните и јавноста имаат кратко памтење. Цело време зад партиската говорница фрлате отров и чисти лаги и инсинуации, а Вашиот локален лидер, Драган Крајовски, остана нем и затворен, скриен и не се одважи да им одговори на ниту едно поставено прашање на граѓаните. Ако, во меѓувреме е променет од позицијата, барем тоа требаше да го обзнани. Така е чесно и одговорно. Ама, ајде што да правиме кога тоа не е ваша одлика. И во оваа прилика, во името на вистината, повторно го прашуваме претседателот на СДС Драган Крајовски: - дали тој лично одлучува кој ќе ги користи бенефициите и кој ќе престојува во отвореното одделение? - дали е вистината дека дисциплината во Затворот е катастрофална? - кој е исходот од контролата од Управата за извршување санкции? - дали и натаму го оштетува буџетот на Затворот, заради тоа што вработените своите прекувремено одработени саати се принудени да си ги наплаќаат преку суд? За вас едно дополнително и клучно прашање: - директоре Крајовски, дали е во функција пречистителната станица во Затворот и дали тоа значи очигледна еколошка катастрофа за Битола и битолско ? Крајно време е да одговорите на поставените прашања Барем тоа и го должите на јавноста.

ОК Битола до Ковачевски: Да им објасните на битолчани зошто прифаќате за 100 милиони евра кредит да го затворите РЕК Битола и да оставите 4.000 луѓе на улица

Магдалена Андонова — Tue, 25 Oct 2022 15:50:48 +0000

Силно и одлучно кон иднината господине заменски премиер, сигурно не е планот за затворање на РЕК Битола и РЕК Осломеј, сигурно не е оставањето на улица на илјадници граѓани и директен и неизбежен економски колапс на Битола и битолчани. Одговорете им на битолчани зошто сте се обрзале со потпишувањето на кредитот од 100 милиони евра, дека до крајот на 2023 година ќе го затворите Осломеј, а до крајот на 2027 ќе го затворите и РЕК Битола. Свесни сте дека тоа директно значи 4 илјади луѓе без леб, а уште дури четириесеттина илјади луѓе сериозно ќе бидат економски загрозени, велат од ОК ВМРО-ДПМНЕ Битола. Тие му порачаа на Ковачевски дека на Битола и должи одговори за двојното повисоката електрична енергија што ќе ја плаќаат граѓаните оваа зима, и за енормно зголемените цени на нафтените деривати. - Битолчани, повеќе од пет години, го чекаат ветуваниот пат Битола – Меџитлија, за коj пред многу кратко време, се пофали несреќно и вашиот нов претседател на општинската организација. Силно и одлучно кон иднината господине заменски премиер, е вашата навика за цело страшно владеење на СДС најмалку четири пати да ги менувате и санирате филтрите на РЕК Битола. Да го носите цело време образованието и здравството во провалија. Да ги носите граѓаните дефинитивно на работ на основната гола животна егзистенција. Да им го уништувате постојано националното достоинство. Заменски премиере, очекуваме вечерва во Битола да им објасните на битолчани за аферата „тајни имоти“, аферата „броила“, за криминалот, за мафијата со марихуаната, за поделбата на пазарот на електрична енерија. И така, вечерва доаѓате, убаво е на земјоделците да им објасните зошто сеуште не ги добиле субвенциите? Зошто директно и вулгарно како централна власт се вмешувате во ингеренциите на локалната власт, водени од чисто партиски интереси, запрашаа од ОК ВМРО-ДПМНЕ Битола. Тие исто така му порачаа дека во градот каде со векови се спојувале Истокот и Западот, градот со повеќе од 14 вековна урбана традиција дека должи објаснување за понудата и планот културата да биде забавна категорија. - Господине, заменски премиер, вашиот пат, единствено силно и одлучно кон иднината е вашето што поскоро заминување во опозиција, додадоа од ОК ВМРО-ДПМНЕ Битола.

ВМРО- ДПМНЕ Битола: Крајовски и симболично ќе го означи крајот на СДСМ во Битола преку уште еден загарантиран пораз на претстојните парламентарни избори

Катерина Бојаџиева — Tue, 15 Mar 2022 22:12:44 +0000

СДСМ продолжува да се “реформира”, за жал на потврдениот и веќе добро познат начин - анонимуси да ги заземаат лидерските позиции, по принципот на Ковачевски, популарно викан Таче. Тоа што се случува во СДСМ и во држававата аналогно се пресликува и во Битола, велат од ОК ВМРО ДПМНЕ Битола. -Освен што јавноста знае дека младиот Драган Крајовски бил на семинар во Португалија, знае и дека неговото име како прв човек на битолскиот затвор е врзано со повеќе скандали за местени тендери, нехуман третман на затвореници позитивни на КОВИД 19, присуство на опојни дроги во затворските простории… И толку е CV, толку е профилот на кадарот кој што ќе го води СДСМ во Битола. Почитувани, на крајот на краиштата еве и да кажеме дека тоа е нивна внатрешно - партиска грижа, сепак и покрај целата разочараност од нив, од нивната неспособност и неработа, распродажбата на националните и индивидуалните интереси на секој од нас, несправувањето со страшната здравствена и енергетска криза, предизвикувањето на комлетниот економски колапс и на Државата и на граѓаните - на сите нас, не може, а да се премолчи фактот дека продолжуваат несериозно и со огромна доза на потценување и ароганција да се однесуваат кон ситуацијата, уништувањето на земјата и кон секој граѓанин на Македонија и Битола, поединечно. Едно време, барем беа добри за опозиција, сега се во тотален хаос, многу лоша и погубна власт се, тоа од минута во минута се потврдува, а изборот на вакво локално водство е врв на нивната хипокризија. Дали вистина, Крајовски и симболично, ќе го означи и крајот на СДСМ во Битола преку уште еден загарантиран пораз на претстојните парламентарни избори тоа Вие го одлучувате почитувани битолчани, додаваат од ОК ВМРО ДПМНЕ Битола.

Нов коруптивен скандал во ЈП Стрежево?

Катерина Бојаџиева — Fri, 05 Mar 2021 14:58:58 +0000

Иако изминаа повеќе од 10 дена од кога во јавноста беа обелоденети скандалозните злопотреби на службената положба и овластувања кои ги направавивте каде сте жив фатен во непотизам колку и да се обидувате да ја игнорирате целата таа ситуација или да се правдате, нема да можете бидејќи извршивте класична злоупотреба на службената положба и затоа ќе треба надлежните институции да се произнесат. Доколку истите не се произнесат ќе дојде ден кога надлежните институции ќе се ослободат од овој „хибриден режим„ и одговорност ќе има за секој кој се огрешил пред законот, велат ОК ВМРО ДПМНЕ-Битола. -Исто така Ве повикуваме да објасните како „случајно„ направивте промоција на купениот “дрон за снимање” од фирмата на сопругот на Мила Царовска на денот кога во посета на Битола беше токму Министерката за образование и наука во владата на аболицираниот криминалец и ваш шеф Зоран Заев. Дали при посетата на Битола, Мила Царовска со службено возило на Министерството за образование го достави “дронот” во просториите на ЈП Стрежево? Денес ВМРО ДПМНЕ ќе поднесе претставка до Државната комисија за спречување на корупција со цел да се произнесе за погоре наведените наводи. Во меѓувреме Ве повикуваме да соберете храброст и да поднесете оставка од директор на ЈП Стрежево, дополнуваат од таму.

ОК ВМРО-ДПМНЕ – Битола: Институциите на системот работат транспарентно кога овозможуват засегнатите страни и јавноста да има навремен пристап до информациите кои ги креираат!

Тале Кристо — Tue, 12 Jan 2021 12:12:51 +0000

Институциите на системот работат транспарентно кога овозможуват засегнатите страни и пред се јавноста да има навремен пристап до информациите кои ги креираат овие институции, реагираат од ОК ВМРО-ДПМНЕ - Битола на прес-конференцијата на СДСМ за транспарентноста на општина Битола.. Какво однесување една институција како општината ќе продуцира во јавноста, во голема мера зависи и дали на време ги завршила обврските кон граѓаните. А дури потоа и колку ќе им го подобри животот на битолчани во конкретниов случај. Тука забележуваме дали создале транспарентно услови за нови странски инвестиции за задржување на нашето младо и работоспособно население. Уште со доаѓање на власт ја изгубивте довербата на битолчани. Јасни се вашите намери. Може да се пофалите со вашата НЕтранспарентност, пристрасност кон поединци за што говорат и посочуваат многу факти. Свежо ни е сеќавањето од вчерашните полавени улици, неисчистени шахти и лоша инфраструктура. Сето тоа не потсети на сеуште неисплатените штети од поплавите од јули минатата година. Важно општинската комисијата за штети во состав: Александар Цуцуловски, Митре Стојановски, Стефче Митревски, Елизабета Колевска и Марјан Јовановски ги доби своите паушали. Да не зборуваме за конкурсот за велосипеди, итн. Срамно и жално е да се лажат битолчани. ТРАНСПАРЕНТНОСТ ... тоа е ваша лоша страна, се вели во реакцијата на ОК ВМРО-ДПМНЕ - Битола.