ок вмро дпмне гази баба – Kurir.mk

Каровски до градоначалникот Георгиевски: Дали мислите дека имињата на народните херои Стеван Наумов Стив и Дане Крапчев не заслужуваат да бидат барем на едно од училиштата на нашата територија?

Магдалена Андонова — Wed, 16 Dec 2020 16:23:18 +0000

Живееме во време кога сме се сведоци за обиди за деструкција на државноста на Република Македонија и распродажба сето она што не разликува како Македонци. Под паролата за некаква „посветла иднина“, како и многу пати досега се обидуваат да ги релативизираат нашите идентитетски обележја. Пред дваесетина дена бевме сведоци дека за жал овие обиди доаѓаат директно од премиерот Зоран Заев. Деновиве слушаме информации дека премиерот бил спремен на секакви отстапки, само за да го спречи ветото од соседна Република Бугарија, изјави Александар Каровски, потпретседател на ОК ВМРО-ДПМНЕ Гази Баба. -Општина Гази Баба е пример за соживот помеѓу различни националности кои што се горди на своите придобивки од народноослободителната и антифашистичката борба во Македонија. Иако поминаа повеќе од дваесет дена од скандалозното интервју на премиерот Зоран Заев на едно од бугарските телевизии, за жал нема никаква реакција од страна на градоначалникот на општина Гази Баба, господинот Борис Георгиевски. Затоа ние како најголема политичка партија во општината и дел од коалицијата која обединува граѓани од различна националност го прашуваме господинот градоначалник Борис Георгиевски дали конечно ќе се одважи да се огради од ставовите на својот партиски шеф без притоа да се грижи за својата лична кариера?, прашува тој. -Господине градоначалник низ училиштата на територијата општина Гази Баба кои носат имиња на некои од народните херои од НОБ се школувале генерации и генерации ученици: Македонци, Албанци, Турци, Бошњаци, Власи, Роми, Срби. Дали мислите дека имињата на народните херои Стеван Наумов Стив и Дане Крапчев не заслужуваат да бидат барем на едно од овие училишта на нашата територија? Или за вас и вашата партија се навредливи имињата на Вера Јоциќ и Алија Авдовиќ, народни херои кои што дел од својот животен пат го поминале во нашата општина, додаде Каровски. - Не сакам ни да помислам дека се обидувате да го дислоцирате споменикот на Методија Андонов Ченто - првиот претседател на Президумот на АСНОМ, кој што се наоѓа во истоимената населба, во нашата општина. Господине градоначалник имате една и единствена шанса да направите една позитивна работа во вашиот мандат како градоначалник на општина Гази Баба, а тоа е веднаш јавно да се дистанцирате од ставовите на вашиот партиски шеф, бидејќи тоа е најмалку нешто што им го должите на сите оние граѓани од нашата општина кои ви ја дадоа довербата, заклучи тој.

ОК на ВМРО-ДПМНЕ Гази Баба: Нека е честит и вечен 23ти Октомври, Денот на Македонската револуционерна борба

Катерина Бојаџиева — Tue, 22 Oct 2019 21:01:27 +0000

Општинскиот комитет на ВМРО-ДПМНЕ Гази Баба во соработка со Унијата на жени и Унијата на Млади сили, организираше настан по повод 23ти Октомври, Денот на Македонската револуционерна борба. -Салата беше претесна за да ги собере поддржувачите на ВМРО-ДПМНЕ од Гази Баба кои присуствуваа на овој настан. Нека е честит и вечен 23ти Октомври, Денот на Македонската револуционерна борба!, велат од ОК на ВМРО-ДПМНЕ Гази Баба.

ФОТО: Додека граѓаните се оставени сами на себе да се борат со огнената стихија на Скопска Црна Гора, Заев и Георгиевски промовираат гол популизам

Катерина Бојаџиева — Fri, 06 Sep 2019 21:07:51 +0000

Додека граѓаните на Виниче, Страчинци и останатите населени места се оставени сами на себе да се борат со огнената стихија на Скопска Црна Гора, Зоран Заев и Борче Георгиевски промовираат гол популизам со реконструкција на улица Благоја Стефковски која во 2013та година беше реконстуирана, велат од ОК на ВМРО-ДПМНЕ Гази Баба. -Граѓаните на општина Гази Баба го препознаваат популизмот и неспособноста на апсолутната власт на СДСМ и затоа ќе ги казнат на предвремени парламентарни избори!

Стефковски: На самоволието и безвластието во Гази Баба им нема крај- во општината владее анархија, а надлежните на чело со Георгиевски не превземаат ништо

Катерина Бојаџиева — Thu, 08 Aug 2019 18:32:36 +0000

На самоволието и безвластието во Општина Гази Баба им нема крај. Во општината владее анархија, а надлежните локални власти на чело со Борче Георгиевски не превземаат ништо, изјави Боби Стефковски од ОК на ВМРО-ДПМНЕ Гази Баба. -Се наоѓаме во заштитениот појас на парк шумата Гази Баба, а како што може да видите позади нас е направена огромна дива депонија. Жителите од овој регион уште пред повеќе од 15 дена реагираа за носење на шут и извршување на градежни работи на оваа локација која се наоѓа во зелен појас и заштитена зона. Но и покрај тоа депонијата не е расчистена и земјиштето не е вратено во првобитната положба. Оттука јавно го прашуваме Борче Георгиевски : - дали е дозволиво во централно градско подрачје, заштитена зона на парк шумата Гази Баба да има ваква депонија или паркинг простор за товарни возила ? - дали е точно и дали е вистина дека виновникот за оваа депонија претходно добил усна дозвола од локалните власти и во каква конекција е Георгиевски со истиот ? - дали непревземањето на конкретни активности се должи на тесно партиски и бизниз интереси ?, рече Стефковски и додаде: „Граѓаните заслужуваат одговор на овие прашања. Доколку во најкус можен рок не се превземат конкретни активности и не се расчисти оваа депонија, ќе повикаме на мирен граѓански протест. Најверојатно така ќе предизвикаме внимание кај градските и локалните власти и ќе ги разбудиме од зимскиот сон во кој се наоѓаат и конечно ќе го послушаат гласот на народот“.