ок вмро дпмне охрид – Kurir.mk

Донев: Колекторот е нефункционален и е надвор од употреба, фекалии се слеваат во Охридско Езеро

Катерина Бојаџиева — Fri, 19 Mar 2021 14:38:07 +0000

СДСМ ветуваа комплетна санација на колекторскиот систем во Охридско-Струшкиот регион, но граѓаните единствено добија двојно повисоки сметки за колектор, нов менаџмент на новото јавно претпријатие и нови непродуктивни вработувања, истакна Сашо Донев, претседател на ОК ВМРО-ДПМНЕ Охрид. -Граѓаните во 2017-та година за еден метар кубен вода потрошен плаќаа надоместок за колектор во висина од 10 денари. СДСМ во 2018-та година тој надоместок го покачи за колектор на 16 денари. За сега со формирањето на новото јавно претпријатие да видиме дека истиот надоместок за колектор од 16 денари пораснал на 21 денар, во ова четиригодишно владеење на СДСМ во услови на тешка економска криза, стопанство на колена и зголемен процент на невработеност во Охрид, надоместокот за колекторот е пораснат двојно, односно 100%. Од 10 денари на 21 денар, вели Донев и додава: „Токму поради тие причини сметките на граѓаните се двојно зголемени. За иронијата да биде поголема вонредниот инспекциски надзор на министерство за животна средина заклучи дека повторно колекторскиот систем на определени места не функционира, дека повторно од колекторскиот систем излеваат фекалии во Охридското Езеро“.

Донев: СДСМ и Георгиески се однесуваат како општина Охрид да е нивна приватна фирма, па исплатата на штетите оди по партиска основа

Катерина Бојаџиева — Fri, 25 Jan 2019 14:55:50 +0000

В.д. градоначалникот Константин Георгиески во недостиг на идеи, проекти и желба за работа се фали и ја замајува јавноста со процедурални активности кои тој и да не сакаше, стручната администрација и истражните органи мораа да ги преземат. Го повикуваме Георгиески да одговори: Кој овозможил исплата на финансиски средства од Буџетот на РМ на лица кои не се баратели на штети?, запраша Сашо Донев, претседател на ОК ВМРО-ДПМНЕ Охрид. -Георгиески наместо стабилна и услужна општина за сите граѓани дозволи неа да ја треси финансиски земјотрес. Дали е точно дека спротивно на закон, се исплатени парични средства на име надомест на штета од земјотрес, во износ од над 30.000 денари, на лицето Илија Пиперкоски, „шеф на кабинет на градоначлникот“ кој е надворешно лице ангажирано во општина Охрид, иако не е подносител на барање за причинета штета од земјотресите во Охрид? ВМРО-ДПМНЕ го советува в.д. градоначалникот доколку работи во интерес на граѓаните да побара од Пиперкоски, да ги врати назад исплатените без основ парични средства. Дали случајно епицентарот на земјотресот беше лоциран во куќата на Илија Пиперкоски, на кој му е проценета и исплатена драстично повисока штета во споредба со другите граѓани на кој им се исплатени по 2.000 до 3.000 денари? Охриѓани најтранспарентно треба да знаат кој колку пари зел за оштета. Дали исплатите се вршат на лица кои од позиција на моќ даваат налози за такви исплати?, праша Донев и додаде: „СДСМ и Георгиески се однесуваат како општината да е нивна приватна фирма, па исплатата на штетите оди по партиска основа. За овој криминал обелоденет од страна на ВМРО-ДПМНЕ тие мора да сносат одговорност затоа што најмногу страдаат охриѓани кои и после две години не зеле пари за да ги санираат објектите. Гледајќи го овој криминал охриѓани нема да премолчат и за брзо ќе победат, а СДСМ ќе биде поразен заради сите овие неправди коишто им ги нанесува на граѓаните“.

Божиновски: СДСМ ја понижи просветата, а образованието го девастира- оценката за Стојаноски и Лазаревска како просветни работници е недоволен (1)

Катерина Бојаџиева — Mon, 26 Nov 2018 12:24:07 +0000

СДСМ ја понижи просветата, а образованието го девастира, оценката за Стојаноски и Лазаревска како просветни работници е недоволен (1), истакна Перчо Божиновски, портпарол на ОК на ВМРО-ДПМНЕ Охрид. Во продолжение следува интегрален текст од пре-конференција на Перчо Божиновски, портпарол на ОК. Оценката за Стојаноски и Лазаревска како просветни работници е недоволен (1). Ја понижија просветата, а образованието го девастираа. Градоначалникот Стојаноски за една година во образованието создаде голем хаос. Поради таквото несериозно и неспособно раководење МОН ја блокира сметката за исплата на средствата од блок дотациите. Дури после 6 месеци се реагира за тоа и на крајот од ноември ja известува Општината. Нема посветени наставници, мотивирани ученици и позитивни родители. Вака ли се мотивираше и наградуваше Лазаревска замислувајќи се просветен работник со најголеми партиски опструкции во образованието? Ова ли е европско образование и наставничка професија во 21 век? Граѓаните треба да знаат дека според Деловникот на Општината и член 34, став 1 од Статутот за контрола на законитоста на прописите кои ги носи советот дека задолжен е Градоначалникот. Додека за законитоста на предлог прописите кои доаѓаат на совет задолжени се предлагачите. Со какво лице признават дека донесувањето на одлуката е спротивна од Колективните договори за основно и средно образование, а се оградуваат дека за оваа грешка најмалку се одговорни токму главните партиски фукционери од СДСМ? Тоа што го трпат сите вработени во образованието не е грешка, ниту недоразбирање - туку вина која треба да повлече одговорност за недоследностите. СОНК и ДПИ да ги заштитат вработените во оброзаванието кои треба веднаш да ја добијат својата чесно заработена плата. Големиот борец Лазаревска зошто селективно реагира и се крие да одговори дека професорите од Академијата за филм веќе неколку месеци не добиваат плата, додека студентите се оставени без настава? Едно зборуваа и правеа во опозиција, сега кога се на власт нема ништо од ветувањата, туку само празни зборови. Пародијата што ја направи СДСМ со образованието ќе добие неизбежна казна, казна од народот.

Коњаноска: Охрид не само што не е подобро поврзан со светот, туку станува поизолиран

Предраг Кукиќ — Sat, 18 Aug 2018 11:48:28 +0000

Втората половина на август во Охрид е период од годината кога се сумираат првичните резултати од тековната туристичка сезона, или во најмала рака се прави пресек на истата. Ако се има предвид долгата листа на предизборни ветувања на сегашните властодршци во Охрид и нивната содржина, ова требаше да биде сезона, ова требаше да биде година, која ќе ја одбележат многубројни и значајни промени на добро во овој град, истакна на прес-конференција д-р Гордана Коњаноска советник во Советот на град Охрид од редовите на ВМРО-ДПМНЕ и додава: „За жал, промените кои ни се случуваат не сѐ она што беше ветувано, не се на добро и не го водат Охрид во насока на развиен и просперитетен град кој ќе ги врати назад младите, ќе привлече повеќе туристи или ќе ја продолжи сезоната. Охрид не само што не е подобро поврзан со светот, туку станува поизолиран. Наместо проширена листа на редовни авионски врски на Охрид со значајни европски центри која беше ветена, ние наскоро ја губиме редовната линија за Лондон. Автопатот ќе го чекаме уште долги 4 години. И ништо нема да им промени на оние кои евентуално требаше да дојдат од Лондон или да отпатуваат таму, никакво објаснување за транспарентност, тендери, три плика итн. Ја повикуваме јавноста да преброи колку пати оваа година Охрид се најде на насловни страни на специјализирани списанија и магазини за туризам со светска читаност? Kолку репортажи за Охрид беа објавени во глобални медиуми, колку промоции за Охрид беа направени и во колку европски престолнини?“ Коњаноска запраша конечно, на кој начин ја промовираме како туристичка дестинација и земјата и Охрид, како замена на толку критикуваната меѓународна промоција која ја испраќаа во најглобалниот етер рекламните спотови од типот на „Македонија вечна”? - Беше ветена обмислена стратегија за заразвој на туризмот во овој град. Наместо тоа, ги гледаме првите луѓе на некои јавни претпријатија кои се должни да направат сѐ, ама баш сѐ што е потребно, градот да им го претставиме на туристите во своето најдобро светло, како излегуваат на медиуми и се жалат дека туристите не ни биле највоспитани па ни го валкале градот повеќе отколку што треба. Излишно е по којзнае кој пат да се споменува урбаната опрема, крофните, скарите и начинот каде и како се распослани. Она пак, на кое мора постојано да се потсетува се секако ветувањата кои стигнаа и од локалната и од централната власт дека ќе дојде до брзо решавање најгорливиот проблем на градот, на колекторот. Колку што беше гласно и повеќекратно истото ветувано, толку е позглушлив сега молкот кога се поставуваат прашања поврзани со колекторот, независно дали се испровоцирани со некакви прелевања кои не смеат да ни се случуваат, или не се. Вака со сигурност не се гради просперитетна локална заедница, вака не се гради ниту општество за сите, ниту се создаваат услови за живот кои ќе ги привлечат назад во Охрид оние кои единствено можат да му обезбедат иднина на овој град, младите и способните, додаде на прес-конференцијата советничката Коњаноска.

Пецаков: Жителите на Стар град не бараа рампи и не се должни да плаќаат за картички

Даниел Василев — Wed, 18 Jul 2018 11:04:42 +0000

Локалната власт предводена од градоначалникот Јован Стојаноски повеќе не е глас на разумот, гласот на граѓаните и глaсот на Охрид. Без разум и совест во период кога туристичката сезона е започната повторно се поставени рампите во центарот на градот и Горна порта. Градоначалникот Стојаноски веднаш да го поништи донесеното решение бидејќи ќе трпат станоиздавачите, туристите, угостителите и жителите на Стар град. Ова денеска го изјави членот на ИК на ВМРО-ДПМНЕ во Охрид Кирил Пецаков, прашувајќи зошто власти наместо општество за сите – ги дели граѓаните со специјални пропусници. -Знаеме дека немаат сите жители на Стариот дел на своите дозволи место на живеење токму од Стар град, а за туристите воопшто да не стане збор. Која е логиката да плаќаат за картичките по 150 денари? Ова е директен удар врз туризмот. Има сопственици на имот од овој дел што живеат надвор од Охрид. Како ќе го остварат тие своето право на картички за да можат да влезат во стариот дел на градот?, праша Пецаков. Вели дека СДСМ еднаш ја призна грешката со начинот на управувањето на паркинзите што ја поремети туристичката сезона и живеењето. Пецаков праша зошто ја повторуваат истата грешка која доведува до финансиска загуба кај народот. -Свесно ги зголемувате трошоците за живот на охриѓани и трошоците на престојот на гостите кои го посетуваат Охрид. Го повикуваме градоначалникот Стојаноски секој проект кој како Локална самоуправа сакаат да го спроведат, да се направи сериозна анализа од сите аспекти коишто ќе доведат до издржано решение а не избрзан проект проследен со низа недостатоци како зонското пракирање и режимот на сообраќај во стариот дел на градот, потенцира Пецаков.

ВМРО-ДПМНЕ Охрид ги повика сограѓаните на големиот антивладин протест: Време е да падне оваа ненародна власт

Даниел Василев — Fri, 01 Jun 2018 17:46:38 +0000

Дојде време да ја победиме темнината којашто надвиснала врз нашата Татковина. Секаде каде што има обединување таму е и победата. Време е да падне оваа ненародна власт. Дали охриѓани живеат подобро во однос на претходната година? Дали има повисока пензија? Дали младите имаат повеќе пари и повеќе работа? Овие прашања денеска ги постави претседателот на Општинскиот комитет на ВМРО-ДПМНЕ, Сашо Донев, потенцирајќи дека СДСМ ветуваше живот и општество за сите, но оти животод дошол само за тие во врвот на таа партија. - Една година централна и шест месеци локална власт исполнети со хаос, лицемерие и неработење, безидејност, политичка агонија, незнаење, бркање од работа на долгогодишни искусни вработени и брутална партизација на локалните и државни институции. С`е што вети СДСМ не оствари. Охрид и Македонија со СДСМ на власт тонат. Од животот кој го ветуваше СДСМ досега само се видоа планови за поскапување, зголемени трошоци за живот и осиромашување на граѓаните. Скандалозна одлука за поскапување на водата, за охриѓани нема ниту денар, ниту пак солидарност како обештетување за штетите од земјотресите, назначување на членови на управни и задзорни одбори спротивно на законот, цвета бизнисот на урбаната мафија која експресно воскресна. Охриѓани со поплавите имаа директни штети и загуби поради неспособното менаџирање и ненавремената реакција на Власта и АД Елем, рече Донев. Вели дека поминала една година откако СДСМ е на власт и неосновано ја стопираше изградбата на автопатот Кичево-Охрид. Прекината е изградбата на затворениот базен. Стопирана е и изградбата на специјалната боница Свети Еразмо. Прекинат е проектот за Центарот за култура како и изградбата на Конгресниот центар. Дали прекинувањето на овие значајни проекти за Охрид, значат живот за Охрид и охриѓани? За Македонија и за нашата иднина вреди да се бориме. ВМРО-ДПМНЕ ги поканува сите обесправени, разочарани и излажани од СДСМ утре во 15 часот кај Суна да се приклучиме заедно сплотени за масовно присуство на големиот антивладин собир вечерта во 20 часот пред Владата на Република Македонија. Да тргнеме во оваа битка и конечно да ја поразиме оваа ненародна власт којашто и се случува на нашата Татковина. Да ја одбраниме честа, достоинството и иднината на нашите поколенија, вели Донев.

Пецаков: Охриѓани по 8 месеци немаат добиено обештетување за штетите од земјотресот, СДС манипулира

Катерина Бојаџиева — Mon, 15 Jan 2018 11:24:33 +0000

СДС продолжува да ги манипулира граѓаните. Чисто политиканство без конкретни нови мерки и преземени активности за решавање на проблемите кои ги мачат граѓаните. Охриѓани и по осум месеци немаат добиено обештетување за штетите од земјотресите. За нив, нема ниту денар, ниту пак солидарност. Околу 870 семејства чекаат финансиска помош од државата за да ги санираат штетите во домовите. 15 од нив немаат ни каде да живеат поради тоа што земјотресот од 3 јули им направил оштетувања од дури петти степен, истакна претседателот на ОК ВМРО-ДПМНЕ Охрид, Кирил Пецаков. -Владата и Локалната самоуправа предводени од СДС треба да се изјаснат зошто се уште нема одговор и покрај тоа што претходната Општинска комисија за проценка на штети, изготвила елаборатот и истиот бил доставен до Владината комисија уште на 30 август. Зошто кoмисијaтa е рaзрешенa? Зошто по бaрaњетo не е постапено? Свесно ли се прави тоа за да трае тоа долго се дo пoвтoрнo именувaње нa нов сoстaв нa кoмисијaта?, запраша Пецаков. Се покажува, додаде тој, вистинското лице на СДС и пратениците од Охрид, Томислав Тунтев и Жаклина Лазаревска коишто пак претходно не го прифатија интервентниот амандман од 2 милиони евра со цел за располагање на граѓаните коишто претрпеа штети. -ВМРО-ДПМНЕ бара од СДС да покаже совест и грижа за граѓаните и паричните средства во најкус можен рок да бидат исплатени на граѓаните. Охриѓани заслужуваат искрено внимание и помош од власта и локалната самоуправа која има одговорност за нив, а не нивна злоупотреба само кога од тоа се собираат политички поени во време на политички кампањи.