ОК ВМРО-ДПМНЕ Прилеп – Kurir.mk

ОК ВМРО-ДПМНЕ Прилеп: Нема ниту работници, ниту машини кои работат на изградба на милијардерскиот автопат (ВИДЕО)

Тале Кристо — Wed, 17 May 2023 17:22:13 +0000

Денес се наоѓаме на лице место каде Димитар Ковачевски и Артан Груби пред само некој ден организираа приватна забава пред камерите. Еве тука, денес најдобро се гледа дека нема ниту работници, ниту машини кои работат на изградба на милијардерскиот автопат, за кој веќе се исплатени пари, велат од ОК ВМРО-ДПМНЕ Прилеп. -Димитар Ковачевски кој е познат по бегањето од дебата со претседателот на ВМРО-ДПМНЕ Христијан Мицкоски, на јавноста и даде до знаење дека Коридорите ќе чинат повеќе од 1.3 милијарди евра и дека не постои ниту основен проект за градба. Јавноста заслужува одговор колку пари се досега исплатени за проектот за кој освен сликање на функционери од СДСМ и ДУИ, не видовме ништо друго? Јавноста заслужува одговор на прашањата, колку пари беа потрошени за циркусот од пред некој ден кој се одржа во близина на Прилеп? Заслужува одговор како е можно да се ветува отпочнување со градба на нешто за кое нема ниту основен проект? Каде испарија багерите кои очигледно послужија само за снимање на реклама на Ковачевски со која се замајува народот по социјални медиуми? Колку средства се залудно потрошени од граѓаните за лаги и манипулации, за прескапо платен ПР, кој преку видеа и реклами треба да го поправа очајниот рејтинг на Димитар Ковачевски? Народот е свесен дека во моментот Македонија ја води најнеспособната, најкриминалната централна власт, која не работи апсолутно ништо, за подобрување на животот на граѓаните. Македонија ја води власт која освен национални предавства и масовен грабеж, не знае да сработи ништо друго. Криминалот нема да го исперат со кршењето на закони, со суспендирањето на собранието или со фрлените пари за гол маркетинг и популизам. Поразот на следните парламентарни избори е неминовен. Очајните обиди на премиерот и најнеспособната влада, се уште еден доказ дека ќе бидат збришани на избори. После поразот следуваат одговорите на многу прашања, следува одговорност од која нема бегање!, додаваат од ОК ВМРО-ДПМНЕ Прилеп.

ОК ВМРО-ДПМНЕ Прилеп: Криминалниот хаос во Прилеп продолжува – петто опожарување на автомобил во само еден месец!

Тале Кристо — Thu, 21 Jul 2022 13:58:41 +0000

Криминалниот хаос во Прилеп продолжува! Не помина ниту еден ден од палењето петто опожарување на автомобил во само еден месецна автомобилот на пратеникот Петар Ристески, за прилепчани повторно да посведочат за ново опожарување на автомобил. Ова е , нешто кое не е запаметено во минатото!, велат во партиското соопштение од ОК ВМРО-ДПМНЕ Прилеп. Очигледно присуството на полициските службеници од Скопје и припадниците на неколкуте полициски единици во текот на вчерашниот ден, не ги одврати сторителите од своите најлоши намери. Тоа е уште еден доказ дека криминалот е навлезен толку длабоко, во секоја општествена пора, што за негово искоренување е потребна сериозна и макотрпна работа. Прилеп благодарение на централната власт и МВР предводено од Оливер Спасовски, е претворен во град на мафијата, насилството и безредието. Што ли уште треба да се случи во нашиот град, за Оливер Спасовски да покаже лидерски способности и да се охрабри да постави вистински луѓе на вистинско место кои успешно ќе се носат со предизвиците? Полицијата и обвинителството мора да бидат вистински сервис на граѓаните кои ќе реагираат брзо, навремено и со сите свои механизми ќе ја штитат безбедноста и сигурноста. За жал, нивните заложби во овој момент се покажуваат како неуспешни. Затоа е потребна итна смена на централната власт и поставување луѓе со искуство и знаење на позиции, кои ќе помогнат во надминување на оваа хаотична состојба во која е доведен нашиот град. Борбата со криминалот мора да биде бескомпромисна, без исклучоци!, се вели во соопштението на ОК ВМРО-ДПМНЕ Прилеп.

Честитка на ОК ВМРО-ДПМНЕ Прилеп по повод денешниот празник

Магдалена Андонова — Sat, 23 Oct 2021 13:22:52 +0000

Денеска е 23-ти Октомври - Денот на Македонската револуционерна борба, и по тој повод ОК ВМРО-ДПМНЕ Прилеп упати честитка која во продолжение ви ја пренесуваме интегрално:

„Нека е честит овој голем празник! Празник кој претставува симбол за еден континуитетот на една одамна започната борба за самостојна, независна, суверена Република Македонија. Овој вековен идеал го наследивме од нашите предци, овој вековен идеал треба да го негуваме за нашите идни поколенија. Нека ни е вечен Денот на Македонската револуционерна борба!“

ОК ВМРО-ДПМНЕ Прилеп: Јованоски прави низа законски повреди поради кои ќе одговара пред надлежните органи

Катерина Бојаџиева — Thu, 14 Oct 2021 10:47:43 +0000

Градоначалникот Илија Јованоски последните денови од својот катастрофален мандат ги поминува во изведба на неумешни правни маневри, како да се избегне одговорност од незаконски поништена донација со која е оштетен имотот на општина Прилеп, велат од ОК ВМРО-ДПМНЕ Прилеп во врска со отпочнатата постапка од ОЈО Прилеп против Илија Јованоски. -Имено, во 2018 година и покрај донесена одлука на совет на Општина Прилеп за прифаќање на донација – патничко возило Мерцедес, склучен договор за реализација на донацијата и решение од министерство за правда со кое се потврдува донација од јавен интерес, Илија Јованоски се става себеси над законот и еднострано одлучува од само нему познати причини дека нема да изврши прием на возилото кое сега веќе е општински имот. Во меѓувреме од 2018 до 2021 година со овој движен имот не располага општината туку трето лице. Во Септември 2021, после отпочната истражна постапка од ОЈО Прилеп, градоначалникот прави уште една повреда на законите и со надеж дека ќе спаси што може да се спаси го раскинува договорот за донација на возилото и со помош на советничката група на СДСМ на совет донесува одлука за поништување на донацијата и покрај утврдениот јавен интерес. Со ова Илија Јованоски прави низа законски повреди поради кои ќе одговара пред надлежните органи. Никој не е над законот! Не е ни Илија Јованоски! Отчет пред правдата и граѓаните мора да има, стои во нивната објава.

ОК на ВМРО-ДПМНЕ Прилеп: Филипче нека се охрабри да дојде во болницата во Прилеп да види како пациентите молат за помош

Катерина Бојаџиева — Thu, 18 Mar 2021 16:49:24 +0000

Во што ли се претвори болницата во Прилеп? Во хорор ли? Знае ли менаџментот да менаџира со болницата? Со полна уста се зборува за модуларната болница а таа не е во функција. Бројот на починати достигна до 291. Активните случаи се над 800 . Дали овој нов бран ги изненади властите? Или како што велат вината е во граѓаните кои не се придржувале до препораките?, прашуваат од ОК на ВМРО-ДПМНЕ Прилеп. -Пациентите ли се виновни што мора да чекаат со денови за да се тестираат? Пациентите ли се виновни што за преглед мора да чекаат со часови и часови? Пациентите ли се виновни што не можат да закажат специјалистички преглед преку „ мој термин“ речиси една година? Дали е вистина дека докторите добиле усна наредба да примаат само итни случаи? Ќе излези ли менаџментот да каже колку здравствени работници се позитивни на корона вирусот и дали болницата е ново жариште ? Наместо, министерот Венко Филипче да објавува секојдневна статистика за број на заразени починати и оздравени и да ретерира околу набавката на вакцини, нека се охрабри да дојде во болницата, а не во Општината, за да види како стојат работите на терен, да види како пациентите со часови чекаат во редица и молат за помош. Да провери на што ли се должи високата смртност?, подвелкуваат и додаваат: „Им изразуваме поддршка на лекарите, медицинските сестри и другиот персонал во нивната заложба за зачувуање на животите на граѓаните. И патем менаџментот да одговори дали за сите е исплатена ветената награда? Апелираме властите да станат сериозни, да ја менаџираат здравствената криза и да го зачуваат здравјето на граѓаните“.

Петкоски: Јовановски додека се занимава со вработување на партиски послушници, граѓаните револтирани од неисчистените улици од снег

Катерина Бојаџиева — Mon, 15 Feb 2021 16:13:17 +0000

Секојдневно сведочиме за неспособноста на власта, како на централно така и на локално ниво. Тоа не е ништо ново власта која потфрли во секој поглед на сите полиња во сите области. И наместо процесот на вакцинација да се одвива најнормално како кај повеќето европски држави, навремено, со средена законска регулатива, ние сме заглавени во бирократски лавиринти и си играме држава, на штета за жал на животот и здравјето на нашите сограѓани, вели Влатко Петкоски, портпарол на ОК ВМРО-ДПМНЕ Прилеп. -Наместо да набавуваме самите вакцини, ние служиме за потсмев на останатите држави, затоа што власта на Зоран Заев, не е способна да прими ниту донација на едно пакетче со вакцини, за која што вчера гледавме церемонии од невиден размер која што ја покажуваат мизеријата во која е вовлечена оваа држава. Македонија благодарение на централната и локалната власт на СДСМ е првак во корупција и криминал, за што покажуваат сите релевантни меѓународни извори. Нема ден, а да не излезе на виделина уште еден срамен и голем скандал поврзан со владеењето на СДСМ. За жал, тука во Прилеп локалната власт, речиси по ништо не се разликува од горната централна власт, освен што заедничко за двете е нивната неспособност. Граѓаните и понатаму се револтирани од неисчистените улици од долго најавуваното невреме, кое што и овојпат ги изненади локалните служби. Освен што се исчистени некои од главните улици, споредните и периферните подрачја како да не постојат за локалната власт предводена од Јованоски. За тротоарите по кои поминуваат пешаците, да не станува ни збор. Но затоа новиот булевар и мостот во Сточен Пазар, се исчистени со внимание за да можат граѓаните подобро да видат на каде се трошат огромните украдени пари. Освен тоа што власта се занимава со вработување на најблиските роднини, пријатели и партиски послушници, нема реализирано ниту еден значаен проект за општото добро на Прилеп и прилепчани. Го нема долго најавуваниот спортско рекреативен центар со затворен базен, ја нема ветената реконструкција на чаршијата, гасификацијата, изградбата на обиколници и ред други предизборни проекти на Илија Јованоски. Но затоа има затворени дуќани на секој чекор, беда, сиромаштија и излажани тутунари, кои што оваа реколта ќе ја паметат како една од најлошите со мизерна откупна цена со која што не можат да ги покријат нивните основни трошоци. За среќа, крајот на ова ненародно владеење доаѓа. Уште неколку месеци не делат од локалните избори на кои што СДСМ ќе го доживее најголемиот пораз и граѓаните ќе ја казнат неспособноста и преспиениот мандат од четири години. Доаѓаат подобри денови, за Прилеп и прилепчани, затоа што ние го заслужуваме тоа!, додава тој.

ОК на ВМРО-ДПМНЕ Прилеп: Aрамиите од СДСМ на Еурокомпизит им ветуваа нов живот, а се фатени во длабок криминал?

Тале Кристо — Mon, 04 May 2020 16:40:57 +0000

Криминалната власт и кадри на СДСМ цели три години си поигруваат со судбината на вработените во Еурокомпозит. Денеска прашуваме до каде е кривичната постапка во Основното Јавно обвинителство за поранешниот директор на Еуркомпозит, Граороски и неговиот советник од Струмица, кои се осомничени за злоупотреба на 80.000 евра, за испорака на производи за фирма во Република Гана? Ќе има ли правна завршница за овој случај кој одекна во јавноста и ги згрози вработените во компанијата? Дали Талески, Јованоски и Сугарески конечно ќе соберат храброст и ќе кажат нешто за криминалците во своите редови кои ја бетонираат судбината на нивните сограѓани, или можеби и тие се дел од тоа? Наместо да глумат хуманитарци и да купуваат гласови со сомнителни пакети во време на пандемија, да излезат со трајни решенија и конкретна помош за граѓаните погодени од кризната состојба! Цели 5 месеци вработените во Еуркомпозит се оставени без ниту денар примања, без здравствено осигурување и без никаква надеж дека нешто би можело да се промени. Фабриката е без струја, без чуварска служба, а во последно време зачестија и кражбите на делови од машини. Власта им вели да седат дома, а не знаат од што да живеат. Се водат како вработени, а не земаат плата. Ова е жалната вистина за Прилеп, што СДСМ пробува да ја прикрие со пакети чие потекло на производите останува непознато. https://www.facebook.com/okprilep/posts/2991660830922698

Ристески: Сопартијците го наместија Николовски да лаже пред дивоградбата во сопственост на роднини на градоначалникот

Катерина Бојаџиева — Mon, 27 Jan 2020 15:24:29 +0000

Викендов тука пред дивоградбата, за која самиот градоначалник призна дека припаѓа на негови роднини, Генералниот секретар на СДСМ повторно се обиде да манипулира и да ги лаже прилепчани. Неговите сопартијци и функционери го наместија Николовски токму од тука, од местото каде најдобро се гледа како функционира власта на СДСМ, да зборува за некаков нов “план за живот”, за кој патем никој повеќе не им верува, истакна Петар Ристески, претседател на ОК ВМРО-ДПМНЕ Прилеп. -Кога веќе беше тука, добро би било да го праша градоначалникот Јованоски, на кои се’ локации гради фирмата на неговите роднини, за која тој наводно дозна од нас од oпозицијата. Добро би било да го праша министерот Сугарески за хаосот кој постои во прилепската чаршија, која е окупирана од објекти во сопственост на луѓе од СДСМ. Николовски треба да ги праша Миле Талеки, Илија Јованоски и Горан Сугарески, како тоа се легализираат објекти на крајно сомнителен начин во Прилеп? Кога веќе се фали дека тутунарите од Прилеп и прилепско биле задоволни од откупот и цената на тутунот, тогаш нека го праша и генералниот директор на Тутунскиот Комбинат, Кире Станкоски, зошто и дали дел од откупните пунктови се затворени пред законскиот рок?, запраша Ристески и додаде: „Дали директорот си ја покачил платата од 80 на 110.000 денари и дали вакви покачувања има и кај останатите негови блиски соработници, околу 20тина на број од вкупно 230 вработени во Тутунскиот Комбинат? Кога се капиталните проекти се во прашање, на Николовски како мачка да му го изела јазикот, па заборави да каже кој капителен проект го направи СДСМ за Прилеп во изминативе 3 години. Таков нема! Како бара гласови од Прилеп кога Владата на СДСМ и министерот Сугарески целосно ја стопираа изградбата на експресниот пат Прилеп-Градско? Како очекува прилепчани да гласаат за СДСМ, кога локалната власт и градоначалникот Илија Јованоски ги зголемија сметките за вода за 60%, а ветуваа дека ќе ги намалат за 20%? Како граѓаните да гласаат за СДСМ кога нема ниту една нова фабрика, нема ниту едно ново отворено работно место, а вработувањата во институциите им припаѓаат исклучиво на роднините и пријателите на функционери од власта?“. За крај, потенцираше тој, укажуваме дека до ВМРО-ДПМНЕ секојдневно пристигнуваат документи и докази за незаконското работење на ова злосторничко здружение на СДСМ во Прилеп. -Сите овие укажувања и сомнежи за сторен криминал ќе бидат детално разгледани, а после 12-ти април следува одговорност за секој кој се ставил над законите.

Ристески: Наместо да се фрлаат милионски суми преку Фондот за иновации, веднаш да им се помогне на земјоделците погодени од невремето

Даниел Василев — Fri, 27 Jul 2018 12:54:15 +0000

Претседателот на Општинскиот комитет на ВМРО-ДПМНЕ во Прилеп, Петар Ристески изјави денеска дека локалната власт треба да ги сослуша барањата на жителите на Големо и Мало Коњари, Кадино село и околината, област која беше погодена од силно невреме. Според него 100 отсто од културите кои биле засадени на 300 хектари површина сега се уништени. -Земјоделието е основна дејност за овие жители, со кои ја прехрануваат својата фамилија, па така како резултат на ова силно невреме, истите трпат огромна штета, без можност чесно да го заработат своето парче леб. Токму затоа треба да се слушнат нивните барања и потреби, а тоа е дека им е неопходна помош за да преживеат, помош која би значела обештетување на овие земјоделци. И не е доволно само комисијата за елементарни штети при Советот на Општина Прилеп да свика седница и да оформи комисија што ќе направи проценка за настанатата штета, туку да се изнајде начин преку општината и министерството за земјоделие, да се обештетат овие луѓе кои деновите ги минуваат во агонија и исчекување, истакна Ристески. Потенцира дека преку Фондот за иновации и технолошки развој се фрлаат милионски суми за новоформирани претпријатија кои се блиски со СДСМ и оти наместо тоа, власта ќе мора да го реши проблемот на земјоделците. -Сведоци сме дека преку фондот за иновации се фрлаат милионски суми за новоформирани претпријатија, фирми поврзани со најблиските луѓе од СДС, за некакви чудни проекти кои треба да се реализираат во иднина. Ова не е никаков иден проект, ова е моментален проблем кој не смее да трпи одлагање, проблем кој не смее да останe нерешен, и токму затоа барам во најскоро време да им се помогне на земјоделците, рече Ристески. Вели дека советничката група од ВМРО-ДПМНЕ и Коалицијата бара итно свикување на итна седница на Советот на општина Прилеп на која би присуствувал и министерот за земјоделство, шумарство и водостопанство, Љупчо Николовски со цел да се изнајде начин како да се обештетат земјоделците.