оклахома – Kurir.mk

Василије Мициќ за 23,5 милиони долари потпишува за Оклахома

Бошко Тасиќ — Sat, 01 Jul 2023 17:15:47 +0000

Откако Саша Везенков потврди дека се договорил со Сакраменто, уште една голема ѕвезда на европската кошарка оди во НБА лигата. откако Василије Мициќ се договорил со Оклахома за тригодишен договор вреден 23.500.000 долари, пренесува инсајдерот Адријан Војнаровски. Двократниот шампион во Евролигата реши да го направи најголемиот чекор во кариерата и заминува во НБА. Мициќ ја смени агенцијата за американскиот пазар што беше најава дека има намера да оди во најсилната кошаркарска лига на светот.

Седум тела, меѓу кои и две исчезнати тинејџерки, пронајдени во градот Оклахома

Тале Кристо — Tue, 02 May 2023 13:05:44 +0000

Тела на седум лица се пронајдени на фарма во американската сојузна држава Оклахома за време на потрага по две исчезнати тинејџерки, потврдија државните истражители. Меѓу починатите се и телата на двете исчезнати тинејџерки и регистриран сексуален престапник, во чиј дом биле пронајдени жртвите. Телата се пронајдени во близина на градот Хенриета, источно од Оклахома Сити, изјави портпаролот на Истражното биро во Оклахома, Џералд Дејвидсон. Тој додаде дека во тек е идентификација на жртвите и дека е прекината потрагата по тинејџерите и човекот со кој се претпоставувало дека е со двете девојчиња. Претходно беше започната потрага по Ајви Вебстер (14) и Бритни Брауер (16), кои наводно биле видени со регистрираниот сексуален престапник Џеси Мекфејден. Мекфејден беше осуден за силување од прв степен во 2003 година и ослободен во октомври 2020 година. Тој вчера требаше да се појави пред судот под обвинение за подведување и поседување детска порнографија.

Две лица загинаа во невреме со торнадо во Оклахома

Тале Кристо — Thu, 20 Apr 2023 12:54:55 +0000

Најмалку две лица загинаа во округот Меклејн, во Оклахома, кога силно невреме проследено со торнадо зафати неколку региони во централниот дел на САД, соопштија локалните власти. Спасувачките екипи им помагаат на повредените и заробените во нивните домови, објави на Фејсбук Управата за итни случаи на округот Меклејн, апелирајќи до жителите да ги напуштат погодените области. Националната метеоролошка служба издаде предупредување за силни грмотевици, град и торнадо за вечер во делови од централниот дел на САД, вклучувајќи ги Оклахома, Канзас и Ајова.

ТРАГЕДИЈА ВО ОКЛАХОМА: Осум тела пронајдени во изгорена куќа, се сомнева дека се работи повеќекратни убиства!

Магдалена Андонова — Fri, 28 Oct 2022 11:11:46 +0000

Осум лица се пронајдени мртви во изгорена куќа во предградието на Тулса во американската сојузна држава Оклахома, а полицијата истражува дали се работи за повеќекратно убиство. Пожарот избил вчера во мирното предградие Броукен Ероу. Според тамошната полиција, иако се истражуваат околностите како дошло до смртта, вклучувајќи ја и можноста за потенцијално убиство, се верува дека не постои непосредна закана за јавната безбедност. Како што појасни портпаролот на полицијата Итан Хачинс, очевидци наведуваат дека во куќата живеело осумчлено семејство, две возрасни лица и шест деца, но, нивните тела засега не се идентификувани. – Се разбира, ова е шок за Броукен Ероу. Се работи за безбедно место. Броукен Ероу нема секојдневно вакви ситуации, додаде Хачинс. (МИА)

Во Оклахома потпишан еден од најрестриктивните закони за абортус во САД

Ивона Петрова — Wed, 04 May 2022 05:39:39 +0000

Републиканскиот гувернер на Оклахома, во јужниот дел на САД, Кевин Стит информираше за потпишаниот закон, со што се забранува абортус по шестиот месец од бременоста. Медиуми нагласуваат дека станува збор за еден од најрестриктивните закони во земјата, додека Врховниот суд се подготвува да го преиспита тоа право на федерално ниво. „Ги застапувам сите четири милиони жители на Оклахома, а големото мнозинство од нив, посакува да го заштити нероденото дете“, напиша тој на Твитер. Тој го стави својот потпис, откако во четвртокот по гласањето, законот го донесе Парламентот на сојузната држава. Со новиот закон се предвидува медицински исклучоци во пристапот кон абортусот, но, не и во случаи на силување и на инцест. Изминатите месеци, во конзервативната сојузна држава, влегувале илјадници жени од Тексас за да абортираат, бидејќи сличен закон е донесен и во таа соседна земја. Тексас во септември донесе закон за забрана на абортус, од моментот кога на ултразвучниот преглед ќе може да се чуе чукањето на срцето на детето. Тоа е, отприлика, околу четири недели по зачнувањето. Врховниот суд изминатите месеци истражува дали овие документи се законски. „Политико“ во понеделникот објави документ од Врховниот суд околу ова прашање. Според документот, на државите може да им се врати правото да одлучуваат за абортусот, нешто, што е, речиси 50 години, легално низ САД. Објавениот документ предизвика протести низ Вашингтон. Судот потврди дека станува збор за вистински документ, но, одлуката не била конечна.

ВИДЕО: Гилџис со луда тројка ги шокира Клиперси

Ристе Здравков — Sun, 19 Dec 2021 09:11:21 +0000

Кошаркарите на Оклахома Сити Тандер ја запишаа само деветата победа во новата сезона во НБА лигата, откако во луд натпревар пред својата публика славеа над екипата на Лос Анџелес Клиперс, со резултат 104-103. Дуелот во „Пејком Центарот“ донесе многу возбудувања и пресврти, а победникот беше решен буквално во последните секунди. Оклахома на десет секунди до крајот, при негатива од два поени, имаше напад за најмалку продолженија, но Шај Гилџис Александер со луда тројка од голема далечина ги шокира гостите и на својата екипа ѝ донесе голема победа. Канаѓанецот мечот го заврши со 18 поени и 6 асистенции, а попрецизен од него во таборот на Оклахома беше Дорт со 29 поени. Кај Клиперси се истакна Кенард со 27 поени. Стеф Кари по фантастичните настапи во претходните кола, ноќва не беше во протоколот за натпреварот против Торонто Репторс, кој неговиот Голден Стејт Вориорс го загуби со 119-110. Ковид-19 влезе и во редовите на Вориорси, а тоа ги чинеше пораз во Канада од еден од најслабите тимови во Источната конференција. Пораз забележа и тимот на Милвоки Бакс, кој исто така без својата прва ѕвезда Гркот Јанис, беше немоќен против Кливленд Кавалирс и загуби со убедливи 90-119.

Џинџер баланс има, ваксајнс ска

Љупчо Цветановски — Fri, 26 Mar 2021 11:22:55 +0000

Спокојно, народе! Смирете се, целта е остварена. Црпнатиот премиер Зоран ќе донесе баланс во ѓумбирот, не тревожете се. Само мирно, полека... И така, по објавата на муртинскиот шутрак дека донел ЏИНЏЕР-БАЛАНС во државата, Македонија се успокои. Уфффффф, гласно здивнаа сите и се ничкосаа од олеснување. Тежок камен падна од плеќата на Македонците, кои дерман не ги фаќаше поради ѓумбирот... А сето ова дојде толку нормално, небаре очекувано. Никој не се изненади. Па зборуваме за дилајлата која - додека тие веќе се фрлаат во некои земји, се’ уште нема поим како да донесе ВАКСАЈНС. ГРОМОЗОРНО, што би рекол ЗЗ, биљмезот кој како опозиционер изјави дека сме премногу ФРИГИДНИ ко држава во политиката, па со северна влезе во политичко-сексуална активност до бескрај, соодветна на ороспии... Да, тоа е истиот аналфабет кој зборуваше за „Село ПОД седумте јасени“, визионер кој својот прецедник Стево го промовираше како СИДРО кое ќе не влече напред. И беше во право, за првпат. Не повлекоа, ама наназад, за сите пари... Необразованиот демагог има милион гафови, за него би ни требал формат на „Војна и мир“ за да ги пренесеме сите негови црни бисери. Но проблем не се гафовите, проблем се Заев и неговата опортунистичка направија СДССССССССССС кои направија хаос во и со Македонија, Македонците, македонштината, историјата... Но не грижете се, забавата е секогаш загарантирана со ЗЗ, тој ќе тресе, ние ќе се смееме со црепот, ќе гледаме сеир на сурушот, ќе се подбиваме со шушумигата, ќе тераме шеги со копукот, итн. итд. и др. И? И ние и натаму ништо нема да правиме... Во 16-от век, живеел Парацелзус, доктор и алхемичар. Но не правел злато или сребро, туку вештачки човек. Човече кое требало да го одземе целото зло од оригиналот. Ефектот би бил фантастичен. Само замислете, крадете, тепате, затворате, а тие на кои им крадете, ги тепате и ги затворате ви се смејат и само ве гледаат со блажени фацички, затоа што не гледаат никакво зло кај вас. Ви текнува на еден таков случај? Еден што ве умира со/без вакцини, ве ништи национално, здравствено, човечки, историски, економски и секако, а вие му се смеете ли смеете? Да, според легендата, сето зло си оди кај вештачки створеното човече, т.н. Хомункулус на Парацелзус. Е, сега, треба само да откриеме каде Заев го крие својот Хомункулус, нели, па ќе ја оправиме државата и македонштината. Шегата на страна, затоа што во Македонија шегата одамна ја однесе ѓаволот, но вака барем би имале логично објаснување на нашето однесување. Нашето неоднесување... Полошо е тоа што ЗЗ хомункулусот не постои, Парацелзус не успејал во својата намера. Значи, до нас ќе да е. Всушност, па зошто и да правиме нешто? А? Ајде, ќе му се смееме на Муртинхаузен, абе цепки е дилајлата...

Оклахома се избори за мајсторка со Хјустон, Мајами поведе против Милвоки

Дарко Андоновски — Tue, 01 Sep 2020 07:22:03 +0000

Во НБА плејофот, ноќта понеделник кон вторник на распоредот беа две средби на кои победи забележаа Оклахома и Мајами. Тимот на Оклахома ги задржи шансите за пласман во второто по победата над Хјустон со 104:100. Сега резултатот е изедначен на 3-3, па „мајсторката“ ќе го одлучи патникот во конференциското полуфинале во Западната конференција. Победникот таму ќе се сретне со Лос Анџелес лејкерс. На Исток, веќе се во тек натпреварите од полуфиналето. Бостон води против Торонто со 1-0, а ист е резултатот и на пресметката меѓу Мајами и Милвоки. „Жешките“ ноќеска го совладаа Милвоки со 115:104. Вечер играат: Торонто – Бостон (втор натпревар 2. коло) и Денвер – Јута (мајсторка 1. коло).

Оклахома го победи Лејкерс за прв пат оваа сезона, Торонто до седми триумф во низа

Магдалена Андонова — Thu, 06 Aug 2020 07:43:40 +0000

За прв пат од почетокот на сезоната 2019/20, кошаркарите на Оклахома сити забележаа победа над Лос Анџелес лејкерс, тим кој веќе го обезбеди првото место во Западната конференција. Белег на ноќта во најсилната светска кошаркарска лига стави и актуелниот шампион Торонто кој стигна до седмата победа во низа. Резултати: Јута – Мемфис 124:115 Сан Антонио – Денвер 126:132 Вашингтон – Филаделфија 98:107 ЛА лејкерс – Оклахома 86:105 Орландо – Торонто 99:109 Бостон – Бруклин 149:115. Пласман Западна конференција: ЛА лејкерс 51-16 (победи-порази), ЛА клиперс 45-22, Денвер 45-23, Јута 43-25, Хјустон 42-25, Оклахома 42-25,…. Пласман Источна конференција: Милвоки 54-14, Торонто 49-18, Бостон 45-23, Мајами 43-25, Индијана 42-26, Филаделфија 41-27,…(МИА)

Крис Пол: Без разлика колку ни недостасува кошарката, безбедноста доаѓа на прво место

Дарко Андоновски — Mon, 13 Apr 2020 08:45:43 +0000

Кошаркарот на Оклахома, Крис Пол, кој истовремено е и претседател на синдикатот на играчи, рече дека безбедноста е врвен приоритет во контекст на пандемијата на коронавирус. – Без разлика колку ни недостасува кошарката и колку и да сакаме да играме, безбедноста е пред сè за нас сега најважна. Не само безбедноста на нашите играчи, туку и на сите како целина. Останете дома, порача Пол. НБА лигата како и најголемиот број првенства ширум светот се прекинати и не се знае кога ќе продолжат.