Оксфам – Kurir.mk

Оксфам: За последните шест години екстремната глад двојно зголемена во климатските жаришта во светот

Тале Кристо — Fri, 16 Sep 2022 07:56:48 +0000

Двојно повеќе луѓе се соочуваат со екстремна глад во десет тешко погодени климатски жаришта во споредба со пред шест години, се наведува во истражување на Оксфам објавена денеска, јави ДПА. Сомалија, Хаити, Џибути, Кенија, Нигер, Авганистан, Гватемала, Мадагаскар, Буркина Фасо, Зимбабве, се земјите со најголем број апели до Обединетите Нации (ОН) предизвикани од екстремни временски случувања. Во истражувањето се наведува дека 48 милиони луѓе во овие земји моментално страдаат од акутна глад, што е зголемување од 21 милион од 2016 година, а 18 милиони од нив се соочуваат со ризик да починат од глад. Истовремено, според добротворната организација, профитот од компаниите за фосилни горива за 18 дена ќе ги покрие сите глобални хуманитарни потреби проценети од ОН за 2022 година. Како што покажуваат податоците на Оксфам, дневните профити изминатите 50 години во просек изнесувале 2,8 милијарди долари. Проценката на ОН е дека потребни се 49 милијарди долари за да се покријат хуманитарните потреби оваа година. Оксфам повика на посилно оданочување за компаниите што загадуваат. Како што изјави шефица на Оксфам, Габриела Бучер, „климатските промени веќе не се темпирана бомба, туку таа веќе експлодира пред нашите очи“. – Тоа ги прави екстремните временски услови, како сушите, циклоните, поплавите, што се зголемија петпати изминатите 50 години, почести и посмртоносни, додаде Бучер. Десетте жаришта беа најчесто погодени од екстремни временски услови изминатите две децении. – За милиони луѓе, веќе погодени од конфликтите што траат, дополнително ги истоштува ширењето на нееднаквоста, економските кризи, климатските шокови што се повторуваат. Нападот од климатски катастрофи сега ја надминува способноста на сиромашните луѓе да се справат со нив, туркајќи ги уште подлабоко во акутна глад, подвлече Бучер.

„Оксфам“ предупредува за глад во Источна Африка поради војната во Украина

Ивана Ефремовски — Tue, 22 Mar 2022 14:59:40 +0000

Невладината хуманитарна организација Оксфам предупредува за неизбежна криза со храна во Источна Африка, предизвикана главно од руската инвазија врз Украина, јави ДПА. Извршната директорка на организацијата Габриела Бухер изјави дека Етиопија, Кенија, Сомалија и Јужен Судан, меѓу другите, се најзагрозени земји. Дури овој месец да заврне дожд, состојбата нема целосно да се ублажи. Речиси 28 милиони луѓе би можеле да бидат погодени, додаде таа. Војната во Украина има двоен ефект врз Источна Африка, наведува Оксфам. Меѓународната заедница целосно се фокусираше на руската инвазија врз Украина и нема да одговори на ескалацијата на кризата во овој африкански регион, како што би можело во други околности. Покрај тоа, источноафриканските земји увезуваат до 90 отсто жито од Украина и Русија, а резервите ќе бидат погодени поради војната. -Ефектот од конфликтот во Украина врз глобалниот систем за храна ќе се почувствува низ целиот свет, но најсиромашните и најранливите луѓе ќе бидат најтешко и најбрзо погодени, истакна Бухер. Оксфам соопшти дека 21 милион луѓе во Источна Африка веќе се борат со гладот, а хуманитарната помош за регионот е недоволна. (МИА)

Шокантни податоци: Еден процент од најбогатите заработуваат 82% од парите на светско ниво

Ивона Петрова — Mon, 22 Jan 2018 13:49:05 +0000

Јазот помеѓу богатите и останатите во светот дополнително се проширил минатата година, бидејќи мал процент на моќници продолжи да акумулира се поголемо материјално богатство, наведува хуманитарната организација „Оксфам“. Околу 82 проценти од парите заработени минатата година отишле во рацете на најбогатите еден отсто жители, додека најсиромашната половина од светското население не забележала материјално подобување. „Оксфам“ истакнува дека бројките јасно покажуваат дека системот на дистрибуција на богатство во светот не е добар. Како главен виновник за огромниот јаз, организација го посочува избегнувањето на плаќање на данок (односно постоењето на даночни раеви), злоупотреба на работничките права и агресивното намалување на трошоците за производство. „Оксфам“ на оваа состојба предупредува веќе долго време, а минатата година организацијата пресметала дека осум најбогати поединци поседуваат исто толку колку и 50 проценти од светската популација. Извршниот директор Марк Голдринг вели дека ова ниво на нееднаквост е недопустливо.