ол стар – Kurir.mk

Ол-стар натпреварот во НБА во 2023 година со најмала ТВ гледаност на сите времиња

Тале Кристо — Wed, 22 Feb 2023 17:36:58 +0000

НБА Ол-стар натпреварот во 2023 година привлече најмал број гледачи во историјата на настанот. Мечот на ѕвездите одигран викендот во Солт Лејк Сити имаше оценка 2,2 и публика од 4,59 милиони на TNT и TBS, според „Sports Media Watch“. Јанис Адетокунбо го напушти теренот во првата минута од натпреварот, бидејќи имаше повреда на скочниот зглоб. Леброн Џејмс заработи повреда на прстот на натпреварот и не играше во вториот дел. Стеф Кари беше надвор од теренот поради повреда. Минатата сезона рејтингот на настанот беше 3,1, а бројот на гледачи 6,28 милиони. Претходниот анти-рекорд беше поставен на Ол-стар натпреварот во 2021 година, кој покажа рејтинг од 3,1 и собра телевизиска публика од околу 6 милиони гледачи.

Познати сите кошаркари кои ќе учествуваат на НБА Ол-стар мечот

Бошко Тасиќ — Sat, 05 Feb 2022 06:19:58 +0000

НБА лигата ги објави учесниците на Олстар натпреварот на најголемите кошаркраски ѕвезди на светот што ќе се одржи во Кливленд на 20 февруари.Прво беа обелоденети стартерите на натпреварот, кои се бираат со собирање на гласовите од фановите (50%), новинарите (25%) и активните играчи во лигата (25%). Исток стартери: Кевин Дурант (Бруклин), Јанис Антетокумпо (Милвоки), Џоел Ембид (Филаделфија), Тре Јанг (Атланта) и Демар Дерозан (Чикаго) Запад стертери: Леброн Џејмс (ЛА Лејкерс), Никола Јокиќ (Дневер), Ендрју Вигонс (Голден Стејт), Стеф Кари (Голден Стејт) и Џа Морант (Мемфис) Сега од лигата ги обелоденија и имињата на останатите учесници на Ослар натпреварот, коишто беа избрани од тренерите на 30 екипи во лигата. Исток резерви: Џими Батлер (Мајами), Дариус Гарланд (Кливленд), Џејмс Харден (Бруклин), Зек Лавињ (Чикаго), Крис Мидлтон (Милвоки), Џејсон Тејтум (Бостон), Фред Ван Флит (Торонто) Запад резерви: Девин Букер (Феникс), Крис Пол (Феникс), Лука Дончиќ (Далас), Руди Гобер (Јута), Донован Мичел (Јута), Дрејмонд Грин (Голден Стејт), Карл-Ентони Таунс (Минесота) Џејмс и Дурант, како двајца со најголем број добиени гласови од навивачите, се назначени за капитени на двата тима и наизменично ќе избираат по еден кошаркар кој ќе биде во нивниот тим. Доколку некој од кошаркарите избрани за настап на Олсатр натпреварот не е во состојба да игра поради повреда, претсдателот на Лигата, Адам Силвер ќе избере негова замена.

ВИДЕО: Тимот на Леброн го победи тимот на Дурант на „Ол-стар“ натпреварот во НБА

Тале Кристо — Mon, 08 Mar 2021 06:56:10 +0000

На „Ол-стар“ натпреварот во НБА одигран ноќеска, тимот на Леброн Џејмс ја победи екипата на Кевин Дурант со 170:150. Средбата се одржа во Атланта. Ова беше 70. Ол-стар натпревар во историјата на лигата. Кај победниците најефикасен беше Јанис Адетокунбо со 35 поени. Бредли Бил се истакна во поразениот тим со 26 поени. За најкорисен играч на натпреварот (МВП) е прогласен Адетокунбо. Гркот од Милвоки бакс, воедно постави рекорд на мечот на ѕвездите на НБА. Ги реализира сите 16 удари и стана првиот кошаркар на „Ол стар“ што не промашил 10 или повеќе удари. Во натпреварот за најдобро забивање победи Анферни Симонс од Портланд, додека во тројки најпрецизен беше Стеф Кари од Голден Стејт. Литванецот од Индијана, Домантас Сабонис победи во натпреварот за вештини.

👀🌟📸

The TOP PLAYS from the 2021 #NBAAllStar Game! pic.twitter.com/UYd1Dai0Iy
— NBA (@NBA) March 8, 2021

Тимот на Леброн триумфираше во Атланта, Стеф Кари победи во шутирање тројки,Јанис МВП (ВИДЕО)

Бошко Тасиќ — Mon, 08 Mar 2021 06:06:22 +0000

Големите кошаркарски имиња се собраа оваа година во Атланта каде се играше овогодинешниот меч. Интересна средба каде на крајот триумфираше тимот на Леброн Џејмс над екипата на Кевин Дурент со 170-150. Средбата беше решена во втората четвртна каде тимот на Леброн ја доби со 19 разлика и на полувреме се отиде со 20 поени разлика. Јанис Адетукомбо ја доби наградата МВП за најкорисен играч на мечот.Грчкиот кошаркар постигна 35 поени и имаше шут од игра 16 од 16 .Згора на тоа имаше 7 скока и 3 асистенции. Кај победникот ефикасна вечер имаше и Демијан Лилард кој стигна до бројката од 32 поени.Џејлен Браун реализираше 22 поени, а пак Стеф Кари 18 коша.Лука Дончиќ ,ечот го заврши со 8 поени, исто толку асистенции и три скока,додека Никола Јокиќ имаше 6 поени,7 скока и пет асистенции. Во поразената екипа Бредли Бил постигна 26 поени,Кајри Ирвинг 24 ,Џејмс Харден 21 поени колку што постигна и Џејсон Тејтум. Никола Вучевиќ заврши со пет поени,седум скока и една асистенција. https://twitter.com/i/status/1368746010466521090 https://twitter.com/i/status/1368749063202603008 https://twitter.com/i/status/1368752201313685508 https://twitter.com/i/status/1368764511876956160 Пред мечот се одигра натпреварот во вештини ,на кој триумфираше литванскиот кошаркар Домантас Сабонис кој беше подобар од Црногорецот Никола Вучевиќ. https://twitter.com/i/status/1368727270114869254 Веднаш потоа се одржа натпреварот во шутирање на тројки.Според очекувањата победи бекот на Голден Стејт Вориорс Стеф Кар со 28 поени.До триумфот дојде благодарение на последниот шут со шарената топка и со неа имаше поен повеќе од одличниот Мајкл Конли кој постигна 27 поени. https://twitter.com/i/status/1368727970643345410 На полувреме се одржа натпреварот во забивање.Првата награда ја освои руки играчот на Портланд Анфејмиј Сајмонс кој буквално фалеше да го бакне обрачот во последниот обид. https://twitter.com/i/status/1368759165343195136

Конли ќе го замени Букер на „Ол-стар“ мечот

Бошко Тасиќ — Sat, 06 Mar 2021 08:25:30 +0000

Кошаркарот на Јута џез, Мајк Конли, ќе го замени кошаркарот на Феникс Санс, Девин Букер во составот на Кевин Дурент за „Ол-стар“ натпреварот на НБА лигата, соопштено е на официјалниот Твитер . Букер нема да може да учествува на Ол-стар натпреварот поради повреда. Токму Конли ќе го замени Букер и во натпреварот во шутирање тројки. „Ол стар“ мечот ќе се одржи во Атланта . За 33-годишниот Конли, учеството во мечот на ѕвездите ќе биде прво во неговата кариера.

Без „Ол стар“ натпревар во НБА сезоната 2020/21

Тале Кристо — Thu, 26 Nov 2020 08:14:53 +0000

НБА објави дека „Ол стар“ натпреварот во Индијанаполис во 2021 година е одложен за февруари 2024 година. Мачот на ѕвездите од најсилната кошаркарска лига на светот првично закажан за 12-14 февруари 2021 година, ќе се одржи на 16-18 февруари 2024 година. Во 2022 година „Ол стар“ натпреварот во НБА ќе се одржи во Кливленд, во 2023 година – во Солт Лејк Сити. Сезоната 2020/21 во НБА започнува на 22 декември.

НБА „Ол-стар“ натпреварот со осум отсто поголема гледаност од ланскиот

Ивона Петрова — Tue, 18 Feb 2020 09:04:20 +0000

Раководството на НБА лигата објави дека „Ол-стар“ натпреварот во просек го гледале 7,3 милиони гледачи, што е за осум проценти повеќе во однос на минатата година. Четвртата четвртина која се играше без пауза за ја следеле во просек осум милиони гледачи. Натпреварот се играше во неделата во Чикаго. Ова беше 69. натпревар на сите ѕвезди на кој тимот на Леброн Џејмс го надигра тимот на Јанис Адетокумбо со резултат 157:155.

Тимот на Леброн поуспешен од екипата на Адетокунбо

Ивона Петрова — Mon, 17 Feb 2020 07:12:47 +0000

На 69. „Ол стар“ меч од НБА-лигата одигран ноќеска во Чикаго, победа забележа тимот предводен од Леброн Џејмс кој беше поуспешен од селекцијата на Јануис Адетокунбо со 157:155 (53:41, 30:51, 41:41 и 33:22). Некарактеристично за ваквите ревијални натпревари, гледачите можеа да проследат „сериозен“ меч со цврсти одбрани, посебно во последниот период. Најефикасен цво победничкиот состав беше Каваи Ленард со 30 поени, Леброн Џејмс и Крис Пол застанаа на 23. Адетокунбо беше најефикасен во поразениот тим со 25, Кемба Вокер постигна 23 поени. Каваи Ленард го доби признанието МВП кое се доделува на најкорисниот играч.

Леброн и Јанис ги избраа своите тимови за „Ол стар“ натпреварот

Ивона Петрова — Fri, 07 Feb 2020 11:01:49 +0000

Леброн Џејмс знае колку е вреден Ентони Дејвис, па токму затоа го избра својот тимски колега на Лејкерс прв во „драфтот“ за Натпреварот на ѕвездите. Втора година по ред, Џејмс и актуелниот МВП на лигата, Јанис Адетекумбо, како капитени на двата тима во „Ол стар“ натпреварот ги избраа своите состави, избрани по гласовите на навивачите и тренерите во НБА. „Кралот“ ќе бара трета победа како капитен на 16 февруари во Чикаго. Како играч со најмногу гласови од фановите, Џејмс имаше можност да го направи првиот избор и не се двоумеше да го избере Дејвис. „Знам дека сите сте изненадени“, рече тој за време на изборот што се емитуваше директно на телевизија. Адетекумбо се запре на Камерунскиот центар Џоел Ембид, кој гонарече „мојот африкански брат“, за првиот избор. Потоа, Џејмс ја презеде ѕвездата на градскиот ривал, Л.А. Клиперс, Каваи Ленард, додека Адетекумбо, грчки државјанин со нигериско потекло, избра друг Камерунец, Паскал Сикам, од шампионот Торонто Рапторс. Џејмс ризикува со неговиот следен потег со избирање на Лука Дончиќ од Далас Маверикс, и покрај тоа што словенечката ѕвезда во подем, моментално лекува повреда на глуждот. „Кралот“ за последен стартер го избра лидерот по бројот на постигнати поени сезонава Џејмс Харден од „ракетите“ на Хјустон, додека Jанис ги надополни своите пет најдобри со Кемба Вокер од Бостон Селтикс и Треј Јанг од Атланта Хокс. Кога стигнаа до резервите, Адетекумбо отвори со неговиот тимски колега од Милвоки Бакс, Крис Мидлтон, додека Џејмс го избра Дамјан Лилард од Портланд Трејблејзерс. Во тимот на Јанис се најдоа и Бам Адебајо и Џими Батлер (Мајами Хит), Руди Гоберт и Донован Мичел (Јута џез), Кајл Лори (Торонто Рапторс) и Брендон Инграм (Њу Орлеанс Пеликанс). Џејмс ги додаде Бен Симонс (Филаделфија 76-еrs), Никола Јокиќ (Денвер), Џејсон Тејтум (Бостон Селтикс), Крис Пол (Оклахома Сити Тандер), Расел Вестбрук (Хјустон Рокетс) и Домантас Сабонис (Индијана пејсерс). „Нема погрешен избор. Има причина зошто сите тие се во Натпреварот на ѕвездите“, рече Џејмс. Од НБА лигата минатата недела објавија дека на „Ол стар“ викендот ќе му се оддадепочит на легендата на играта Коби Брајант, неговата 13-годишна ќерка Џана и седум други жртви на хеликоптерската несреќа во близина на Лос Анџелес на 26 јануари. Тимот Леброн ќе носи маици со број 2 – број што го носеше ќерката на Брајант за својот кошаркарски тим. Тимот Јанис ќе го носи бројот 24 во чест на Коби. Сите екипи ќе имаат девет sвезди за да ги одбележат жртвите од несреќата.

ФОТО: Играчите ќе носат специјални дресови на „Ол-стар“ натпреварот во чест на Коби

Дарко Андоновски — Sat, 01 Feb 2020 14:33:24 +0000

НБА играчите ќе носат специјални дресови за време на „Ол-стар“ натпреварот во чест на трагично починатата легенда Коби Брајант, неговата ќерка и на уште седуммина жртви на хеликоптерската несреќа, која се случи во неделата во близина на Лос Анџелес, објавија од НБА. Тимот на Леброн Џејмс ќе игра со број 2, со кој играше Џана Брајант, а екипата на Jaнис Антетокунбо ќе биде со бројот 24 на Коби Брајант. Покрај тоа, двата тима ќе имаат на своите дресови 9 ѕвезди, колку беа и лицата, кои ги изгубија своите животи во несреќата. Овогодинешниот „Ол-стар“ ќе се одржи во Чикаго на 16 февруари. Специјалните дресови ќе ги носат сите учесници на „Ол-стар“ викендот. Ник Нерс, кој ги изведе Торонто Репторс до титулата во НБА лигата во својата прва сезона на кормилото на тимот, ќе биде тренер на екипата, чиј капитен е Jaнис Антетокунбо. Тој го заменува Мајк Буденхолцер, кој го предводи Милвоки Бакс, бидејќи беше тренер на еден од тимовите во минатогодишниот Натпревар на ѕвездите.. Тренерот на Лос Анџелес Лејкерс, Френк Вогел, ќе ја предводи селекцијата на капитенот Леброн Џејмс.