олабавување на мерки – Kurir.mk

Црна Гора ги попушта мерките за празниците

Магдалена Андонова — Tue, 21 Dec 2021 09:58:56 +0000

Црна Гора одлучи делумно да ги ублажи мерките за време на претстојните празници. Црногорската министерка за здравство Јелена Боровиниќ Бојовиќ рече дека моменталната ситуација со коронавирусот во земјата е подобра од претходните недели, но со оглед на тоа што сојот омикрон е откриен и во Црна Гора, мора да се биде внимателен, но да не се паничи. Боровиниќ Бојовиќ рече дека препораката за трета доза на вакцината треба да биде задолжителна. - Ќе инсистираме да се почитуваат елементите на ковид потврдата. Третата доза од вакцината е дополнителна заштита од сојот омикрон. Црна Гора застана во ред да ги купи најновите лекови против коронавирус, односно таблети - рече министерката. Кои мерки ќе се ублажат? Таа додаде дека во меѓувреме, свесна за фактот дека граѓаните се многу уморни поради хроничното траење на пандемијата и се што таа носи, а имајќи го предвид психосоцијалниот статус како еден од важните елементи на здравјето, како и актуелната поволна епидемиолошка состојба во земјата Црна Гора одлучи внимателно, минимално и со ригорозна контрола да ги ублажи актуелните мерки во периодот од 22 декември 2021 до 12 јануари 2022 година. Тоа значи дека ќе може да се организираат венчавки во угостителски објекти со поседување на барем еден од елементите на потврдата за ковид, во присуство до 100 лица, на тој начин што еден гостин може да биде на 4м2. Родендени и други прослави се дозволени со задолжително поседување на потврда. Присуството на публиката на спортските настани на отворено и на затворено е можно со најмалку еден од елементите на сертификатот за ковид, со ограничен број на гледачи на една третина од расположливите места, на тој начин што ќе има две празни места помеѓу секој гледач. - Угостителските објекти ќе работат по полноќ за време на празниците, за дочекот на Новата година 31/01. јануари, како и на 01.02. и 02/03. јануари 2022 година. Нема да има ограничувања на работното време на угостителските објекти за деновите на Божиќ 24/25, 25/26. декември 2021 година, како и 07.06. и 07.08. јануари 2022 година – рече министерката. Таа потсети дека дигиталната сертификат на Ковид подразбира еден од следниве елементи: 1) дека лицето е целосно вакцинирано со пропишаниот број на дози на вакцина против коронавирус, издаден од овластена здравствена установа и дека не поминале повеќе од шест месеци од последната доза на вакцината; 2) негативен резултат од PCR тест не постар од 72 часа; 3) позитивни резултати од PCR тест постари од 10 дена и не постари од шест месеци; 4) негативен резултат од брз антиген тест не постар од 48 часа.

Можно олабавување на мерките во престојниот зимски период ?!

Магдалена Андонова — Mon, 27 Sep 2021 10:20:50 +0000

Министерот за економија Крешник Бектеши очекува олабавување на рестриктивните мерки во претстојниот, зимски период доколку граѓаните и угостителските објекти ги почитуваат протоколите. Тој не прецизира дали ќе има олеснувања или евентуални укинувања, но уште еднаш повтори дека Владата се држи до препораките на Комиисјата за заразни болести. -Ако сите ги почитуваме мерките, бројките ќе паднат и ќе има можност за олабавување. Убеден сум дека ќе има олеснувања во зимскиот период ако вака се почитуваат мерките како сега, и од страна на угостителските објекти и од страна на граѓаните, но не можам да кажам дали ќе се укинат. Ние секогаш ќе ги почитуваме препораките на Комиисјата за заразни болести, истакна Бектеши, одговорајќи на новинарски прашања на настанот по повод Светскиот ден на туризмот, 27 Септември. (МИА)

Во Шведска се укинуваат сите мерки против коронавирусот

Магдалена Андонова — Tue, 07 Sep 2021 20:20:45 +0000

Шведска ќе ги укине речиси сите преостанати епидемиолошки мерки на 29 септември, објавија официјалните претставници на денешната прес -конференција. Одлуката за укинување на веќе благите мерки наскоро се заснова на високата стапка на вакцинација и ниската стапка на смртност од „Ковид 19“. До 7 септември, 70 проценти од возрасната популација во Шведска примиле две дози од вакцината, а вкупно 81,6 проценти од граѓаните над 18 години добиле барем една доза. Според податоците на ЕЦДЦ, Шведска има трета најниска стапка на смртност од „Ковид 19“ во Европа (по Лихтенштајн и Словачка) во последните две недели, и оваа ситуација трае од почетокот на летото. - Долго време бевме принудени да живееме под ограничувања за да ги заштитиме животите и здравјето на граѓаните. Благодарение на успешната кампања за вакцинација, изминавме долг пат и сега нашето општество е во подобра ситуација. Така, се движиме кон нормален секојдневен живот. Ние сме дека ограничувањата имаат мал ефект врз борбата против инфекцијата , рече министерката за јавно здравје Лена Халенгрен, најавувајќи мерки за ублажување. Од 29 септември, нема повеќе ограничувања. Исто така, беа укинати ограничувањата за приватни собири во затворени простории, на кои не можеа да присуствуваат повеќе од 50 луѓе. Најголемото изненадување е повлекувањето на препораката за работа од дома, што значи дека многу компании, јавни и државни институции ќе ги поканат вработените да се вратат во своите канцеларии по полна година и пол. - Се покажа дека вакцинацијата е важна и дека даде резултати. Имаме добра покриеност и јасно го гледаме ефектот од вакцинацијата. Имаме најниска стапка на смртност во Европа. Вакцинираните лица од 29 септември можат да живеат како порано, додека оние кои не се вакцинирани се изложени на ризик да добијат сериозна болест , рече Џон Чарлсон, директор на Институтот за јавно здравје. Инфекцијата во Шведска не исчезна и дневниот просек е нешто повеќе од илјада нови инфекции. Според Чарлсон, болеста главно ги погодува луѓето кои не биле вакцинирани, така што интензивната кампања за вакцинација продолжува на сите возрасти, особено кај тинејџерите на возраст од 16 до 18 години.

Олеснувањето на анти-ковид мерките во Франција е можно на 15 мај

Дарко Андоновски — Wed, 14 Apr 2021 12:56:33 +0000

Во интервју за БФМТВ, францускиот министер за економија Бруно Ле Мер беше претпазлив околу датумот за олеснување на анти-ковди мерките, односно отворањето на продавниците и другите активности, навестувајќи ја средината на мај како некаков можен тајминг, што беше кажан од Емануел Макрон во неговиот последен говор, јави дописникот на МИА. -Нема да дадам временски распоред, повтори францускиот министер за економија, додавајќи дека 15 мај „е една од претпоставките“. Според тоа, „хипотеза“ во оваа фаза, која може да се промени во зависност од здравствената состојба, рече тој. Голем број фактори мора да бидат земени во предвид за да се подготват за следните недели: „подготовката за повторно отворање значи прво да гледате во календарот, да разгледувате различни активности – ресторан со тераса не е исто со затворен ресторан, хотел, бар – и погледнете ги здравствените протоколи кои го придружуваат повторното отворање за да тоа биде успешно“ , наведе министерот. Бруно Ле Мер уште еднаш повтори дека помошта за професионалци ќе се одржува „се додека постојат здравствени ограничувања“, за да се избегнат банкроти. Потоа, тие постепено ќе се повлекуваат, како што укажа Оливие Дисопт министерот за финансии во интервју за „Фигаро“. Доколку датумот 15 мај се потврди, на пример, министерот се залага целата помош што е предвидена за рестораните во мај, да остане и таа ќе се намалува во следните месеци. Министертсвото за економија исто така ја следи „исклучително внимателно“ еволуцијата на долгот на претптијатијата и ќе стори „максимум“ за да избегне банкрот. Ширењето на долгот или откажувањето на дел од долгот се меѓу проучуваните хипотези. За неколку недели треба да се претстави „систем за консултации и помирување“ за да се овозможат понудени „по мерка“ решенија на компаниите кои се соочуваат со „ѕид на долгови“. Франција ќе мора да вложи напори, откако здравствената и економската криза навистина ќе завршат, да ги врати своите јавни финансии, рече министерот. Приврзан за повеќегодишното правило, Ле Мер сака износот на трошоците да се утврдува на почетокот на секој петгодишен мандат и тимот што е на власт да го почитува тоа, „освен за исклучителни настани или кризи“.

Олабавувањето на мерките и укинувањето на карантинот во Грција ќе оди во неколку фази

Магдалена Андонова — Wed, 18 Nov 2020 11:06:12 +0000

Постепено, во неколку фази, прво со отворање на училиштата, потоа на продавниците, а на крај рестораните и кафулињата, ќе биде олабавувањето на рестриктивните мерки и укинувањето на карантинот во Грција, според портпаролот на грчката Влада Стелиос Пецас, јави дописничката на МИА од Атина. Говорејќи за грчката телевизија „Скај“, Пецас ги објасни главните насоки на планот на Владата за декември, односно по завршувањето на карантинот на 30 ноември. Рече дека ќе се отворат сите училишта и основните и средните, а рестораните, кафулињата и слично, планот е да почнат со работа пред Божиќ, но тоа нема да важи и за ноќните клубови и барови каде што се создава гужва. Портпаролот на грчката Влада посочи дека во следните денови, ќе биде соопштен целосниот план за укинување на рестрикциите. За вакцината, повтори дека ќе биде беспатна и рече дека до крајот на првата половина на 2021 година ќе постои можност, со обезбедените 25 милиони вакцини да биде вакцинирано целото население. (МИА)

Мерките се олабавуваат, почнаа со работа моловите, обложувалниците, стоматолошките ординации

Ивона Петрова — Thu, 14 May 2020 05:49:41 +0000

Мерките во земјава почнаа да се олабавуваат, а од вчера согласно одлуката на Влада почнаа со работа дел од моловите, спортските обложувалници и автошколите. Веќе од вчера преку центрите за едукација за возрасни може да се спроведуваат обуки и семинари. Се отворија и автоиспитните центри и Заводот за рехабилитација на слух, говор и глас во Скопје. По препорака на Комисијата за заразни болести од вчера почнаа со работа и стоматолошките ординации во земјава кои се должни да се придржуваат кон протоколите и упатствата за работа. Моловите ќе работат секој ден освен во недела, со ограничено скратено работно време од 10 до 18 часот, но не е дозволено примање гости во рестораните и кафулињата освен преку систем на нарачка или достава. Мерките попуштија и во однос на службените патувања надвор од земјата за избрани и именувани лица заради координација и други итни причини кои не трпат одлагање, но со почитување на протоколите на Комисијата за одржување потребно растојание. Се очекува Владата идната недела да го донесе планот за отворање на угостителските објекти, но тоа ќе зависи од епидемиолошката состојбата и почитувањето на мерките. Попуштањето на рестриктивните мерки како процес ќе се одвива во три фази согласно развојот на епидемиолошката состојба. Првата фаза е тековно функционирање на стопанските дејности во време на прогласена вонредна состојба и ограничено движење на населението на целата територија на државата со постепено намалување на времето за забрана на движење. Втората фаза како транзициона фаза е иницијално воспоставување на работните активности со почитување на препорачани мерки и стриктни протоколи за работа во услови на превенција и спречување на појава и ширење на Ковид-19. Третата фаза предвидува потполно враќање на редовниот работен процес со почитување на основните мерки за одржување лична хигиена и физичко дистанцирање. Меѓу секоја фаза ќе следи преглед и проценка на актуелната ситуација и одново одлука дали се исполнети условите да се продолжи олабавувањето на мерките во секоја следна фаза. Сите следни чекори ќе зависат од три критериуми – дали пандемијата е ставена под контрола, дали здравствениот систем е во состојба да се справи со повторно појавување на случаи и дали системот за надзор на јавното здравство може да ги открие и да управува со случаите и контактите и да идентификува повторување на случаи. Владата се уште не размислува за скратување на полицискиот час, но може да се наметне потребата во периодот што доаѓа посебно заради тоа што економските оператори постепено ќе се враќаат во функција. Премиерот Оливер Спасовски вчера изјави дека Владата прави проценки дали ќе се продолжи вонредната состојба.

Почнува олабавувањето на мерките, од денес работат моловите и спортските обложувалници

Ивона Петрова — Wed, 13 May 2020 05:40:58 +0000

Од денеска почнуваат со работа моловите, спортските и други обложувалници преку шалтер, центрите за едукација, обука и семинари за возрасни, автошколи, автоиспитни центри, а се отвора и Заводот за рехабилитација на слух, говор и глас – Скопје. Во моловите се уште нема да биде дозволено примање гости во рестораните и кафулињата освен преку систем за нарачка и достава. Тие ќе работат со ограничено скратено работно време од 10 до 18 часот со исклучок во недела кога ќе бидат затворени. Ова е согласно планот што вчера го донесе Владата за попуштање на рестриктивните мерки како процес кој ќе се одвива во три фази согласно развојот на епидемиолошката состојба. Првата фаза е тековно функционирање на стопанските дејности во време на прогласена вонредна состојба и ограничено движење на населението на целата територија на државата со постепено намалување на времето за забрана на движење. Втората фаза како транзициона фаза е иницијално воспоставување на работните активности со почитување на препорачани мерки и стриктни протоколи за работа во услови на превенција и спречување на појава и ширење на Ковид-19. Третата фаза предвидува потполно враќање на редовниот работен процес со почитување на основните мерки за одржување лична хигиена и физичко дистанцирање.Намалувањето на рестрикциите ќе се спроведува низ повеќе фази, а меѓу секоја фаза ќе следи преглед и проценка на актуелната ситуација и одново одлука дали се исполнети условите да се продолжи олабавувањето на мерките во секоја следна фаза. Сите следни чекори ќе зависат од три кртиериуми – дали паднемијата е ставена под контрола, дали здравствениот систем е во состојба да се справи со повторно појавување на случаи и дали системот за надзор на јавното здравство може да ги открие и да управува со случаите и контактите и да идентификува повторување на случаи. Согласно заклучоците на Владата, дозволено е и службено патување надвор од земјата на избрани и именувани лица со почитување на протоколите на Комисијата за одржување потребно растојание, заради координација и други итни причини кои не трпат одлагање Се очекува Владата следната недела да го донесе планот за отворање на угостителските објекти, но тоа ќе зависи од епидемиолошката состојбата и почитувањето на мерките. Во овој момент Владата не размислува за скратување на полицискиот час, но може да се наметне потребата во периодот што доаѓа посебно заради тоа што економските оператори постепено ќе се враќаат во функција. Министерот за здравство Венко Филипче вчера состојбата со коронавирусот во земјата ја оцени како стабилна. Со новозаболените 10 случаи, и петте оздравени пациенти, вкупниот број на дијагностицирани од почетокот на епидемијата, досега во државава се 1.674, оздравени се 1.205, починати 92, а активни се 377 случаи. На Клиниката за инфективни болести почина 60-годишен пациент од Делчево, кој имал и малигни болести. Бројот на оздравени здравствени работници расте, и од вкупно дијагностицираните 242, 217 се оздравени, што е близу 90 проценти и со тоа, како што рече Филипче, практично се враќа во нормала функционирањето на сите здравствени установи од каде беа здравствените работници. Расте и бројот на општини кои немаат активни случаи. На Инфективната клиника се хоспитализирани 41 пациент. Во Градската општа болница „8 Септември“ вкупно се хоспитализирани 25 пациенти. На инфективните одделенија во Битола, Штип, Прилеп, Велес, Куманово, Тетово и Охрид се хоспитализирани 64 пациенти. Од денеска почнува скринигот и тоа на вработените во градинките, како и на одредени критични категории. Филипче вчера најави дека ќе почнат со вработените од градинките кои се на близу 2000 со цел изготвување на протоколот за работа на градинките за нивно ставање во функција. Скринингот се планира да се прави со истите ПСР тестови како и досега, а целта е со ПСР техниката да се идентификуваат асимптоматските носители. Според планот со скринингот треба да бидат опфатени вработените во градинките, во болниците, домовите за стари лица, пациентите со хронични болести, пациентите на биолошка терапија, вработените во ЈСП и други од десетината ризични групи

Џонсон: Мерките ќе се олеснуваат со „детски чекори“

Ивона Петрова — Tue, 12 May 2020 09:29:30 +0000

Британскиот премиер Борис Џонсон рече дека олеснувањето на рестриктивните мерки за спречување на ширењето на новиот коронавирус ќе се одвива со „детски чекори“. Премиерот Џонсон исто така предупреди дека може да се вратат мерките доколку стапката на заразени повторно се зголеми, пренесува британскиот весник „Индипендент“ на својата веб-страница. Во Велика Британија се заразени 223.060 лица, починаа 32.065, најголем број во Европа, а се излекуваа 43.512 пациенти.