олдтајмери – Kurir.mk

БИЗАРНА СМРТ: Милионер загина на парада на олдтајмери во Велика Британија

Дарко Андоновски — Mon, 04 Nov 2019 13:01:32 +0000

Рон Кари, милионер од Канада, загинал во сообраќајна незгода на собир на стари возила во Велика Британија. Кари (80), инаку, е основач на нафтената компанија Џеј-ен-ел саплај, и страстен колекционер на стари автомобили. Во мигот на несреќата, тој со својот „Нокс“, стар 116 години, се судрил со друг автомобил, што, исто така, присуствувал на парадата Лондон – Брајтон. Како што објави „Дејли мејл“, во возилото била присутна и неговата сопруга Били, која има повреди во пределот на главата и е пренесена в болница. Таа е во стабилна здравствена состојба. На парадата долга 60 милји секоја година присуствуваат стотици вљубеници во стари возила.

Изложба на олдтајмери во Охрид, најстариот експонат од 1923-та година (ВИДЕО)

Ивана Ефремовски — Sun, 26 May 2019 10:04:32 +0000

Во Охрид на паркингот од хотелот Unique Resort & Spa Изложба на олдтајмери. Станува збор за рели на Група туристи пасионирани љубители на ојдтајмери од Холандија, информира порталот Охрид1. „Рели Адриатик“, како што е насловено ова рели пред да дојде кај нас биле во Хрватска, Црна Гора и Албанија. Релито тргнало од Трст, Италија па преку Словенија, Хрватска, Босна и Херцеговина, Црна Гора, Албанија и Македонија продолжува во Грција, од каде од пристаништето Игуменица повторно ќе се вратат во Италија, во пристаништето Анкона. Пред хотелот Unique, исложени се вкупно 36 модели на автомобили. Најстарите експонати се два автомобили од 1923 год. Станува збор за автомобил Бентли Суперспорт. Останатите експонати се од 1924, 1929, 1931. 1936 … Видеото објавено од Охрид 1 ви го пренесуваме во продолжение:

Изложба на олдтајмери, некои од нив за првпат во Македонија

Ивана Ефремовски — Sun, 14 Oct 2018 07:19:14 +0000

Несекојдневни олдтајмери и моторцикли од кои дел за првпат ќе бидат видени во Македонија денеска ќе бидат изложени на плацот кај авиончето во скопската населба Аеродром. На настанот „Skopje Classic Day“ се очекува да бидат изложeни 50-тина луксузни олдтајмери и 20-тина моторцикли, а меѓу нив ќе има и 10-тина автомобили донесени од соседните држави. Возилата ќе бидат постари од 35 години што е услов за да се класифицираат како олдтајмери. Организаторите Игор Стефановски и Благоја Петровски, кои неодамна во Скопје го организираа по третпат „Distinguished Gentleman's Ride“, во разговор за МИА најавија поразлична изложба од досега организираните во Македонија. - Ќе има индивидуално претставување на секое возило и ќе се обидеме да ангажираме девојки кои ќе имаат соодветен аутфит со периодот од кој потекнува возилото со цел да се добие целосен впечаток за тој временски период. Селектираме автомобили и моторцикли бидејќи идејата не е да одиме на квантитет, туку на квалитет, велат Стефановски и Петровски. Замислено е да има динамична и статична презентација на возилата со кратка приказна за возилото, а планирано е да се додели и награда за најдобра целосна презентација. - Секој има приказна врзана за своето возило - како го нашол, колку време му било потребно да го рестарвира возилото......, вели Петровски. Слични вакви изложби има организирано во соседните држави.(МИА)

Меѓународна изложба на олдтајмери утре во Скопје

Ивана Ефремовски — Fri, 28 Sep 2018 11:00:01 +0000

Меѓународна изложба на олдтајмери ќе се одржи утре од 9 до 17 часот на улицата „Михаил Цоков“ до општина Центар. Изложбата „Олдтајмер Ревија Скопје-Центар 2018“ е организирана од страна на „Олдтајмер Клуб Класик АВЈ“ - Скопје. Поради одржувањето на манифестацијата ќе бидат воведени мерки за посебен сообраќаен режим во близина на оваа сообраќајница.

Прво рели со олдтајмери во Скопје

Ивона Петрова — Wed, 26 Sep 2018 07:32:13 +0000

АКК Примо авј и О.К. Класик под покровителство на Општина Центар ов сабота (29 септември) рганизираат манифестација од еднодневен карактер Олдтајмер Рели Скопје 2018. Ревијата се состои од два дела. Првиот дел е изложба на олдтајмер возила и моторцикли, во кој учество ќе земат 20 странски и 35 домашни претставници на ексклузивни олдтајмер возила поделени во два периоди до 1970 година и од 1971 до 1984 година. Возилата ќе бидат оценети и наградени од стручна техничка комисија. Вториот дел е олдтајмер рели кое за прв пат се организира во Скопје. Стартот (12 часот) и целта е пред Општина Центар, по точно одредена рута со претходно изготвена патна книга. Возилата ќе бидат поделени во две класи, а победниците наградени. Возилата ќе бидат поделени во две класи: Класа 1 возила произведени до 1970 година Класа 2 возила произведени од 1971 до 1984 година Организаторите ќе ги прогласат најдобрите во категориите за најстаро возило, најоригинално реновирано и на кабриолет возила.

Најевтиниот чини 18,5 милиони долари: Ова топ 10 најскапи автомобили продадени на аукции (ФОТО)

Даниел Василев — Thu, 17 May 2018 17:41:11 +0000

Некои колекционерски примероци на класични и олдтајмер автомобили достигнуваат астрономски цени кои се мерат во десетици милиони долари. Погледнете ја најновата листа на десет најскапи автомобили кои се продадени на аукции. Со оглед на тоа дека многу трансакции се вршат директно меѓу колекционерите, податоците за нивните цени воглавно не се достапни на јавноста, а експертите тврдат дека такви примери се дури поскапи од оние кои се појавуваат во каталозите на аукциските куќи. Поради тоа на листата на најскапо продадени автоомобили најчесто се наоѓаат возилата кои сопствениците ги промениле на некоја аукција. 10.Ferrari 250 GT SWB California Spider од 1961: 18,5 милиони долари (продаден во 2015.)

9.Alfa Romeo 8C 2900 B Lungo Spider од 1939: 19,8 милиони долари (продаден во 2016.)

8.Jaguar D-Type од 1955: 21,8 милиони долари (продаден во 2016.)

7.Aston Martin DBR1 од 1956: 22,5 милиони долари (продаден во 2017.)

6.Ferrari 265 GTB/C Speciale од 1964: 26,4 милиони долари (продаден во 2014.)

5.Ferrari 275 GTB/ 4 S NART Spider од 1967: 27,5 милиони долари (продаден во 2013.)

4.Ferrari 290 MM од 1956: 28 милиони долари (продаден во 2015.)

3.Mercedes-Benz W196 од 1954: 29,7 милиони долари (продаден во 2013.)

2.Ferrari 335 S од 1957: 35,7 милиони долари (продаден во 2016.)

1.Ferrari 250 GTO од 1962: 38,1 милиони долари (продаден во 2014.)