Оле Гунар Солскјер – Kurir.mk

Погледнете како Роналдо се прости од Солскјер (ФОТО)

Магдалена Андонова — Mon, 22 Nov 2021 10:30:19 +0000

Оле Гунар Солскjер по скоро три години повеќе не е тренер на Манчестер Јунајтед. Веста во неделата на своите официјални страници ја објави англискиот великан. Роналдо од Солскјер се прости преку Инстраграм. - Тој беше мој напаѓач кога првпат дојдов на „Олд Трафорд“ и мој тренер откако се вратив во Манчестер Јунајтед. Но, пред се, Оле е извонредно човечко суштество. Му посакувам се најдобро во се што му резервирал неговиот живот. Со среќа пријателе.Ти го заслужуваш тоа, се вели во објавата на Роналдо со две фотографии. Едната е направена неодамна, а другата е од нивните заеднички играчки денови.

View this post on Instagram

A post shared by Cristiano Ronaldo (@cristiano)

Солскјер вчера по отказот изјави: - Многу сум горд на се, го остварив сонот. Уживав од првата до последната минута. Благодарност и до управата на тоа што ми даде прилика, благодарам и на играчите и навивачите што ме поддржуваа. Ќе доаѓам и понатаму на стадион да гледам натпревари. Овие момци имаат голем потенцијал, знам дека ќе поминат преку ова и ќе зачекорат напред, заклучи тој.

Солскјер е веќе минато на Манчестер Јунатед, познато е привременото решение

Бошко Тасиќ — Sun, 21 Nov 2021 07:18:30 +0000

Англискиот фудбалски гигант Манчестер Јунајтед наскоро ќе добие нов предводник. Оле Гунар Солксјер доби отказ од менаџерската позиција во Манчестер јунајтед по попладневниот пораз од Вотффорд со 4-1. Бордот на директори донесе одлука и спортскиот директор му ги соопшти негативните вести на норвешкиот стратег. Поразот од Ливерпул и Сити,Лестер и Јанг Бојс, како и нејасната физиономија на игра, го чинеа поранешниот напаѓач на „ѓаволите“ отказ. Солкјсер дојде на клупата на Манчестер Јунајтед во 2018 година, освои вицешампионска титула, играше финале на Лига Европа, но не успеа да освои ниту еден трофеј. Привремено решение ќе биде Дарен Флечер кој веројатно ќе го води тимот против Виљареал во вторник, а потоа ќе биде назначен перманентен менаџер. Имињата на Зидан, Роџерс и Манчини се појавија во јавноста последните недели.

Изненадувачко име се појави како можно решение за тренерската позиција во Манчестер Јунајтед

Ристе Здравков — Sun, 07 Nov 2021 08:19:47 +0000

Многумина веруваат дека по вчерашниот пораз од Манчестер Сити (0:2) и новото очајно издание, Оле Гунар Солскјер ги потрошил сите кредити, па за време на интернационалната пауза ќе заработи отказ од клубот. Норвежанецот иако доби што посака на трансфер пазарот, не успеа да состави конкурентен тим кој по 11 кола се откажа од освојување на Премиер лигата затоа што заостанува прилично многу зад врвот на табелата. И додека во јавноста се шпекулира кој ќе го наследи Солскјер, од Германија пристигна информација дека Ралф Рагник е заинтересиран да го преземе тренерското столче на „Олд Трафорд“. 63 годишниот Германец има богато тренерско портфолио, но нема водено клуб од 2019 година кога седеше на клупата на Ред Бул Лајпциг, по што се префрли во раководството на клубот. Од Манчестер Јунајтед ја пропуштија шансата да го ангажираат Конте, а сега отворена стои можноста да се ангажира Зинедин Зидан кој со неговото пристигнување би го убедил Погба да остане на „Олд Трафорд“.

Солскјер: Јунајтед е клуб број еден во Манчестер

Ивана Ефремовски — Sat, 06 Nov 2021 09:04:05 +0000

Тренерот на Манчестер јунајтед, Оле Гунар Солскјер одговори дали може да замисли Манчестер сити да ги надмине „црвените ѓаволи“ со трофеи. -Не, не можам. Но, во исто време, ние мора да го почитуваме она што Манчестер сити го направи во изминатите 10 години, со оглед на начинот на кој доминираа во Англија и Европа. Но, ние сме Манчестер јунајтед и секогаш ќе се враќаме на своето место. Јунајтед е клуб број еден во Манчестер, истакна Солскјер. Денес со почеток во 13 часот и 30 минути на стадионот „Олд Трафорд“ ќе се одигра натпреварот од 11. коло од шампионатот на Англија помеѓу градските ривали Манчестер јунајтед и Манчестер сити. По 10 кола во Премиер лигата, Јунајтед е на петтото место со 17 бодови. Сити освои 20 бода и е на третата позиција. (МИА)

Солскјер задоволен од триумфот над Тотенхем

Ивона Петрова — Sun, 31 Oct 2021 10:22:19 +0000

Тренерот на Манчестер јунајтед, Оле Гунар Солскјер изрази задоволство од саботниот триумф од 3-0 на гостувањето кај лондонски Тотенхем, оценувајќи дека неговите фудбалери одиграле брилијантен натпревар. – Кога ќе победите со 3-0 и притоа ќе ја држите топката далеку од сопствениот гол, тоа е задоволително. Во фудбалот некогаш работите ви одат од рака, а понекогаш се против вас. Напорно работевме оваа недела и играчите беа брилијантни, изјави Солскјер. Јунајтед поведе во 39. минута преку Кристијано Роналдо, кој потоа му асистираше на Едисон Кавани за 2-0 во 64. минута, а конечниот резултат го постави Маркус Рашфорд во 87. минута на асистенција на Немања Матиќ.

Се огласи Руни: Фудбалерите се виновни за слабите резултати на Јунајтед

Ивона Петрова — Fri, 29 Oct 2021 11:35:08 +0000

Поранешниот фудбалер на Манчестер јунајтед, а сегашен тренер на Дерби Каунти, Вејн Руни, во изјава за британските медиуми оцени дека одговорноста за слабите резултати сезонава на неговиот поранешен клуб не е во тренерот Оле Гунар Солскјер, туку во играчите и нивната недоволна ангажираност на теренот. Солскјер е под силен притисок по минатонеделниот висок пораз во Манчестер од Ливерпул со 5-0, а овој викенд го очекува тешко гостување против лондонски Тотенхем. – Тие играчи имаат голема одговорност. Тоа се фудбалери од светска класа, настапуваат за своите репрезентации, но за клуб каков што е Јунајтед треба повеќе. Мора да ги заболи кога ќе загубат натпревар. Гледам премногу играчи, кои не сакаат да трчаат назад, да покриваат во одбрана и не го даваат својот максимум. Тоа е неприфатливо. Премногу е лесно менаџерот да преземе одговорност, но, од друга страна тие што се платени, и тоа многу скапо, очигледно не си ја вршат својата работа, изјави Руни.

Солскјер се спаси од отказ и ќе добие уште една шанса!

Ристе Здравков — Tue, 26 Oct 2021 10:34:33 +0000

Тренерот Оле Гунар Солскјер се наоѓа под голем притисок, а навивачите бараат негов отказ бидејќи клубот има лоши резултати, сепак „Атлетик“ објави дека Норвежанецот го преживеал итниот состанок во Манчестер и ќе добие последна шанса на кормилото на Јунајтед. „Црвените ѓаволи“ доживеаа дебакл против Ливерпул (0-5) во Премиерлигата, па сите очекуваа отказ за Солскјер, но Норвежанецот ќе го предводи тимот и против Тотнем, кој се игра следниот викенд, а во случај на лош резултат, тогаш ќе му нема спас на тренерот. Како замена за Солскјер се споменува Антонио Конте, кој во моментов нема работа, но кажа дека не би сакал да презема тим сред сезона.

Конте подготвен за Манчестер јунајтед, но сака тригодишен договор

Ивона Петрова — Tue, 26 Oct 2021 07:06:54 +0000

Италијанскиот фудбалски тренер Антонио Конте останува приоритетна опција на Манчестер јунајтед во случај на отпуштање на Оле Гунар Солскјер. Според новинарот Николо Шира, Италијанецот се согласува да го води тимот, но сака да потпише тригодишен договор. Раководството на Манчестер јунајтед се очекува во блиска иднина да донесе одлука за иднината на Солскјер. Англиските медиуми шпекулираат дека Норвежанецот сигурно ќе добие отказ, особено по поразот од Ливерпул во неделата на домашен терен со убедливи 5:0.

ВИДЕО: Навивачите на Јунајтед му простија на Солскјер, бараа автограми по поразот од 5-0!

Ристе Здравков — Mon, 25 Oct 2021 08:10:03 +0000

Манчестер беше демолиран од Ливерпул со 0-5, добар дел од навивачите предвреме го напуштија „Олд Трафорд“, но има и такви кои сè уште му веруваат на Оле Гунар Солскјер. Доказ за тоа е видеото од социјалните мрежи, дел од навивачите на Јунајтед и покрај „петката“ од Ливерпул, побрзаа да добијат автограм од Солскјер по катастрофалниот пораз.

Even after - in his own words - being at “rock bottom” today, Ole Gunnar Solskjaer is still outside signing autographs at Old Trafford pic.twitter.com/MITrCg4Yzt
— Rob Harris (@RobHarris) October 24, 2021

Солскјер нема намера да даде отказ, верува во себе и тоа што го работи

Ристе Здравков — Mon, 25 Oct 2021 06:24:28 +0000

Ливерпул го прегази Јунајтед во дербито на денот во Премиерлигата, дебакл на клубот од Манчестер на „Олд Трафорд“, пораз со 5-0 кој ја продлабочи кризата, а Оле Гунар Солскјер е под голем притисок. Сепак тренерот на Јунајтед нема намера да даде отказ, на потег е клубот. „Верувам во себе, блиску сме до тоа што го сакаме во клубот, поразот боли, тешко е, ја прифаќам одговорноста“ – рече Солскјер. Навивачите се разочарани, очекуваат реакција од раководството на клубот, но се чини дека Солскјер останува и натаму на клупата.