оле гунер солскјер – Kurir.mk

Клуб Бриж заинетерсиран за Солскјер

Дарко Андоновски — Fri, 07 Apr 2023 07:43:18 +0000

Оле Гунар Солскјер е подготвен да стане главен тренер на Клуб Бриж, објави „ Manchester Evening News“. Педесетгодишниот фудбалски стручњак е во потесниот круг кандидати за преземање на тренерската функција во белгискиот клуб. Поранешниот тренер на Лајпциг и Баерн, Дино Топмелер, како и тренерот на Стандард, Рони Дејл, се исто така претенденти за оваа работа. Солскјаер е без ангажман од 2021 година, кога беше отпуштен од менаџерската функција на Манчестер јунајтед.

Манчестер Јунајтед го отпушти тренерот Солскјер

Дарко Андоновски — Sun, 21 Nov 2021 12:21:59 +0000

Норвешкиот стратег Оле Гунар Солскјер денеска очекувано доби отказ на местото тренер на Манчестер јунајтед, ден по високиот пораз на премиерлигашкото гостување против Ватфорд (1-4). Одлуката за предвремено раскинување на соработката со Солскјер беше објавена по претпладневниот итен состанок на клупското раководство. Како што е соопштено, Јунајтед привремено ќе го води тандемот Дарен Флечер и Мајкл Карик, а британските медиуми наведуваат дека долгорочно решение на клупата најверојатно ќе биде поранешниот тренер на Реал Мадрид, Французинот Зинедин Зидан.

Солскјер: Конкуренцијата во Премиер лигата сега е многу поголема отколку во мое време

Дарко Андоновски — Tue, 18 May 2021 11:35:18 +0000

Тренерот на Манчестер јунајтед, Оле Гунар Солскјер зборуваше за нивото на конкуренција во англискиот шампионат. – Сега конкуренцијата во Премиер лигата е многу поголема отколку во мое време. Сега од 3 до 5 екипи се борат за првите две места на табелата. Во изминатите неколку години овие позиции ги имаа истите тимови. Добро е што оваа сезона успеавме да ја смениме ситуацијата, го цитира „Гол“ Солскјер. Вечер од 20 часот, Манчестер јунајтед ќе игра против Фулам во натпреварот од 37. коло во Премиер лигата. Манчестер јунајтед по 36 кола го зазема второто место во поредокот со освоени 70 бода.

Солскјер: Го имаме еден од најдобрите голмани на светот

Дарко Андоновски — Fri, 07 May 2021 07:07:51 +0000

Тренерот на Манчестер јунајтед, Оле Гунар Солскјер го пофали настапот на Давид Де Геа на реваншот од полуфиналето на Лига Европа против Рома. Англискиот тим синоќа на гостувањето во Рим загуби со 3:2, но оди во финалето поради победата на свој терен со 6:2. – Премногу често ја губевме топката во тешки ситуации, но за среќа имаме еден од најдобрите голмани во светот. Исто така го имаме и Кавани, напаѓач кој е желен да постигнува голови. За време на мечот имавме и подеми и падови. Второто полувреме не беше добро за нас, но стигнавме до финалето, изјави Солскјер. Манчестер јунајтед во финалето во Лигата на Европа, каде ќе се сретне со Виљареал на 26 мај во Гдањск.

Вудворд му подготвува отказ на Солскјер

Дарко Андоновски — Sun, 11 Oct 2020 08:35:39 +0000

Извршниот потпретседател на Манчестер Јунајтед, Ед Вудворд е подготвен да му врачи отказ на менаџерот Оле Гунар Солскјер доколку резултатите на тимот не се подобрат, пренесуваат медиумите на Островот. „Црвените ѓаволи“ загубија два од своите три натпревари во Премиер лигата во новата кампања, а непосредно пред интернационалната пауза беа поразени со 6-1 среде „Олд Трафорд“ од Тотенхем. Поранешниот менаџер на Спарс, Маурисио Почетино е главниот кандидат за местото на Солскјер, а според „Мирор“, Вудворд „инсистирал лично“ дека е подготвен да го отстрани Норвежанецот од својата позиција доколку формата на Јунајтед продолжи да се влошува. Во извештајот се тврди дека Вудворд го користел Ливерпул како пример. Легендата на клубот на „црвените“, Кени Далглиш беше отпуштен во 2012 година поради незадоволителни резултати, оставајќи ги „црвените“ на осмото место во поредокот. Силниот човек во Јунајтед се плаши од ваков развој на настаните. Солскјер се чини дека се соочува со застрашувачка задача во текот на следните неколку недели, бидејќи Јунајтед се соочува со Пари Сен Жермен и РБ Лајпциг во Лигата на шампионите, а домаќин е на Челси и Арсенал во Премиер лигата. Покрај сето ова, „црвените ѓаволи“ имаа тежок летен преоден рок во кој не успеаја да земат ниту една од нивните главни цели, вклучувајќи го и Џејден Санчо.

Солскјер: Јунајтед сè уште не е подготвен да се бори против Ливерпул и Сити

Дарко Андоновски — Wed, 24 Jun 2020 17:15:56 +0000

Манчестер Јунајтед ги стабилизираше своите настапи оваа сезона, но според менаџерот Оле Гунар Солскјер, неговиот тим сè уште не е подготвен да се бори против Ливерпул и Манчестер Сити за титулата. Пред пандемијата, „црвените ѓаволи“ беа без пораз во серија од 11 последователни натпревари и се борат за место во ЛШ. – Покажавме добар развој пред паузата. Ако ги додадете Пол Погба и Маркус Рашфорд во тогашната постава, си велите себеси: „Не сме толку далеку“. Тоа ме прави среќен, вели Норвежанецот. Вечерва Јунајтед е домаќин на својот директен конкурент Шефилд Јунајтед и во случај на победа тие ќе бидат 2 бода поблиску до четвртиот Челси. – Ќе мора да потрошиме пари ако сакаме да земеме нови играчи кои ќе нè направат посилни. Јас сум задоволен сум од мојата моментална постава, затоа што оди во вистинската насока. Но, сè уште не сме таму каде што сакаме да бидеме, имено доволно близу до нивото што би ни дало можност да спориме за титулата. Очигледно е дека во последните две сезони Ливерпул и Сити многу ја кренаа границата. Ние одиме чекор по чекор. Да се надеваме дека сега можеме да се бориме за трофејот во Лига Европа, ФА Купот и место во топ 4. После тоа ќе видиме колку би можеле да инвестираме во нови играчи, посочи Оле.

Солскјер: Напаѓачите на Јунајтед дават сè од себе за да ја подобрат својата игра

Ивона Петрова — Tue, 14 Jan 2020 11:27:44 +0000

Тренерот на Манчестер јунајтед, Оле Гунар Солскјер зборуваше за подготовките за натпреварот во ФА Купот против Вулвс. Средбата ќе се одржи утре (15 јануари). -Веројатно ќе го имаме истиот состав како и во претходното коло од Премиер лигата против Норвич. Баји тренираше зад затворени врати денес, па затоа е многу блиску до целосно закрепнување, но потребни се уште неколку дена. Рашфорд, Гринвуд и Марсијал вложуваат максимални напори за подобрување на нивната игра. Ние сакаме конзистентност и мислам дека ќе ја видиме нивната најдобра игра, затоа што тие се сè уште многу, многу млади. Натпреварот Манчестер јунајтед се игра на „Олд Трафорд“ со почеток во 20:45 часот.

Мнозинството навивачи на Манчестер Јунајтед сакаат Солскјер да си замине

Ивона Петрова — Wed, 09 Oct 2019 09:36:25 +0000

Британски „Сан“ спроведе анкета меѓу навивачите на Манчестер јунајтед за можното разрешување на тренерот Оле Гунар Солскјер. Според резултатите, 64,4 отсто од навивачите сакаат заминување на 46-годишниот Норвежанец. Останатите 35,6 проценти од испитаниците му дадоа поддршка на тренерот. Во истражувањето учествувале 4.400 фанови на Јунајтед. Претходно, раководството на клубот од „Олд Трафорд“ изрази поддршка за Солскјер. По осум кола во Премиер лигата, Манчестер јунајтед има само девет бода или два повеќе од екипите кои с е наоѓаат во зоната на испаѓање.

Солскјер пред реваншот со ПСЖ: Манчестер имал големи враќања

Дарко Андоновски — Mon, 04 Mar 2019 19:04:11 +0000

Тренерот на Манчестер јунајтед, Оле Гунар Солскер, ги искажа неговите очекувања за претстојниот натпревар од осминафиналето на Лигата на шампионите против ПСЖ. Првиот натпревар одигран во Манчестер заврши со резултат 2:0 во корист на парижаните. -Манчестер јунајтед имал толку многу големи враќања. Па ние имаме осум победи во низа на гостински терен. Убедени сме во нашите способности, изјави Солскјер. Норвешкиот стручњак соопшти дека Марсијал не е целосно подготвен за натпреварот со ПСЖ. -Не мислам дека можеме да ризикуваме со неговото здравје. Тој се уште не е подготвен, соопшти предводникот на Јунајтед. Натпреварот ќе се игра в среда (6 март) во Париз.

Солскјер: Секој играч на Јунајтед треба да ја добие својата шанса

Предраг Кукиќ — Fri, 21 Dec 2018 10:15:20 +0000

Новиот тренер на Манчестер јунајтед, Оле Гунар Солскјер изјави дека ќе му треба време да ги увиди можностите на сите играчи. Тој истакна дека ќе даде шанса на секој да се докаже. -Потребно ни е да покажеме резултати. Секој играч треба да знае дека ќе ја добие својата шанса. Природата на играта и календарот во Англија е таква што сега ни е потребна целата моќ. Мојата задача е да ги набљудувам играчите, да ги научам, да го оценам квалитетот. Се разбира, гледав натпревари од МЈ од Норвешка, кога имав слободно време. Но сега морам да ги запознам сите играчи и да дознам како да ја подобрам играта на тимот, изјави Солскјер. Норвежанецот е поставен на тренерската функција во Манчестер јунајтед на местото на отпуштениот Жозе Мурињо кој не ги задоволи очекувањата на раководството и навивачите на англискиот фудбалски великан.