Олександр Усик – Kurir.mk

Откажана борбата меѓу Фјури и Усик

Бошко Тасиќ — Thu, 23 Mar 2023 06:00:03 +0000

Нема да има ништо од големата пресметка меѓу Олександр Усик и Тајсон Фјури. Боксерската пресметка требаше да се одржи на 29. април на „Вембли“. Менаџерот на украинскиот боксер Егис Климас потврди дека нема што да се бори за обединување на сите титули во тешка категорија со Фјури. По неколкумесечни преговори, Фјури и Усик се договорија за меѓусебен меч, што го потврди и промотерот на ВБА. Но, засега ништо од тоа. Менаџерот и долгогодишен советник на Украинецот Климас тврди дека борбата нема да се одржи на објавениот датум и дека Усик се врти кон други борби. Усик се врти кон одбраната на титулата на ВБА во тешка категорија против Даниел Дубоа.

Боксерски спектакл во сабота: Џошуа против Усик

Катерина Бојаџиева — Fri, 24 Sep 2021 16:18:53 +0000

Сè е подготвено за саботниот боксерски спектакл во Лондон меѓу светскиот првак, Британецот Ентони Џошуа (31) и предизвикувачот, Украинецот Олександр Усик. Џошуа против Усик ќе ги брани титулите во тешка категорија во верзиите WBA, IBF, WBO и IBO, а борбата на стадионот „Хотспар“ ќе биде пресметка и меѓу двајца поранешни олимписки шампиони. Британецот го освои златниот медал во супертешка категорија на Олимпијадата во Лондон 2012, додека Украинскиот боксер на истите Игри се закити со златното одличје во тешка категорија. Џошуа претходно оваа година требаше да се бори против сонародникот Тајсон Фјури за обединување на сите пет титули во тешка категорија, но нивната борба во Саудиска Арабија не се одржа, откако американскиот суд му наложи на Фјури дека мора да ја испочитува клаузулата од договорот и по трет пат да се бори против Американецот Деонтај Вилдер за титулата во WBC верзијата. Украинецот Усик влегува во рингот против Џошуа со ефект од 18 професионални победи во исто толку настапи, од кои 13 со нокаут. Меѓу Џошуа и Усик постои длабоко меѓусебно почитување, поради што прес-конференција во Лондон мина без вообичаеното лажно непрјателство.

Познато е кога и каде ќе боксуваат Џошуа и Усик

Ивана Ефремовски — Tue, 20 Jul 2021 19:51:06 +0000

Бокс мечот меѓу бранителот на титулата светски првак во тешка категорија, Британецот Ентони Џошуа и Украинецот Олександр Усик ќе се одржи на 25 септември на стадионот на англискиот прволигаш Тотенхем во Лондон, со капацитет од 60.000 гледачи. Џошуа е актуелен сопственик на шампионските појаси во верзиите WBA, WBO и IBF, откако во декември лани го победи Бугаринот Кубарт Пулев. Британскиот боксер претходно во јуни 2019 година го претрпе единствениот пораз во кариерата, кога беше совладан од Мексиканецот Енди Руиз, кому подоцна истата година му се реваншираше. Мечот против Џошуа за Украинецот Усик ќе биде прва борба во кариерата за титулата во тешка категорија. (МИА)