Олексиј Резников – Kurir.mk

Телефонски разговор Остин-Резников, посветен на ветените тенкови Абрамс

Катерина Бојаџиева — Thu, 26 Jan 2023 07:43:15 +0000

Американскиот секретар за одбрана Лојд Остин телефонски разговараше со украинскиот министер за одбрана Олексиј Резников. Цел на разговорот била преземената обврска на САД за испорака на тенковите Абрамс на Украина. Разговорот меѓу двајцата министри, исто така, претставува продолжение на минатонеделната средба на Контакт група за одбрана на Украина, која испорача досега невидено ниво на донации од сојузниците и партнерите. Секретарот Остин и министерот Резников разговараа и за ситуацијата на теренот во Украина и се обврзаа да останат во близок контакт, се наведува во соопштението на американското Министерство за одбрана. Американскиот претседател Џо Бајден, на вчерашната прес-конфренција, најави дека САД ќе испратат 31 тенк „Абрамс“ во Украина, потенцирајќи дека помошта е наменета за да и се помогне на Украина да ја одбрани и заштити својата земја.

Резников на Фејсбук: Кремљ сè уште не сака да го признае своето фијаско, но овој пат тоа е речиси тука

Ивана Ефремовски — Sun, 06 Mar 2022 10:46:34 +0000

Украинскиот министер за одбрана Олексиј Резников денеска во нов пост на Фејсбук соопшти дека „расте незадоволството и деморализацијата кај руските окупаторски сили“, пренесе Укринформ. „Ситуацијата на позициите е контролирана. Навистина, имаме загуби. Но, секое име, секој херој ќе биде запаметен. Исто како и секој убиец што нема да биде заборавен. Ја разбираме вредноста на животот и слободата. Животот на секој Украинец е бесценет“, напиша Резников на Фејсбук. Во одредени правци, украинските бранители веќе почнуваат и со контранапад. Непријателот губи со десетици механизирани единици. Еноставно ги остава и бега, додава украинскиот министер во постот наменет за храбрење на армијата и граѓаните во борбата со помоќниот непријател. „Ние на овој начин го надополнуваме нашиот возен парк. Непријателот ќе умре од сопственото оружје. Кремљ сè уште не е подготвен да го признае своето фијаско, но овој пат тоа е речиси тука. Расте незадоволството и деморализацијата кај руските окупаторски сили. Тие почнуваат јасно да ги гледаат работите, исто како и некои руски олигарси“, истакна Резников. Според него, Кремљ конечно ги отфрли обидите да ги скрие своите намери. „Тие дојдоа да ја уништат нашата земја, да го уништат нашиот народ. Нема да успеат. Водат војна против жени и деца. Не успеаја да ги победат бранителите на Харков и почнаа да се борат против Универзитетот во Харков. Русите се обични терористи. И терористите ќе бидат ликвидирани. […] Правиме максимални напори да обезбедиме хуманитарни коридори, да ги извадиме нашите луѓе од гранатирање, да обезбедиме испорака на хуманитарна помош“, додаде Резников. (МИА)

Резников: Загубите на руската армија надмина 10.000 војници, неминовно се наближува победата на Украина

Ивона Петрова — Fri, 04 Mar 2022 08:10:28 +0000

Украинскиот министер за одбрана, Олексиј Резников соопштува каква е состојбата во земјата по 196 часа одбрана од руските напади. Посочува дека нивните сили веќе втора недела ги одбиваат, како што вели, руските окупатори. -Времето на пробив бара концентрација, посебна концентрација. Нашите бранители го запреа непријателот во повеќето правци. Некои беа успешно спротивставени од вооружените сили. Ситуацијата на југ и понатаму е тешка, каде што непријателот во последните часови ја гранатира нуклеарната централа Запорожје. Но, борбениот дух на луѓето е таков што окупаторите се осудени на пораз. Харков стои како непобедлива тврдина. Цела Украина со болка го гледа руското гранатирање. Но, сега цела Европа знае дека Харков не е само интелектуален и индустриски центар, туку и горд град на храбри граѓани. Суми и Чернихов се борат. Го спасуваат Киев од опсадата. Се додека не се наруши управувањето со државата и армијата, непријателот нема шанси, нагласува Резников. Посочува дека според податоците кои ги имаат загубите на руската армија надминале 10.000 убиени и ранети. -Ликвидирањето на најмалку еден руски генерал е потврдено. Руското општество почнува да ги чувствува и сфаќа овие загуби. Уништените руски оклопни возила веќе не се мерат по единици, туку по баталјони и бригади. Вооружените сили добија речиси повеќе тенкови и оклопни возила како трофеи отколку што има добиено украинскиот воено-индустриски комплекс во последните 8 години. Нашите бранители запленија неколку возила со гранати до МЛРС, со кои руските воени злосторници ги гранатираат нашите мирни градови. Сите овие гранати ќе му се „вратат“ на непријателот, порача министерот за одбрана. Резников додека и дека Украина трпи загуби, дека речиси секој час имаат информации дека Русите убиле украински цивили. Загуби има и меѓу украинските војници. -Деновиве се донесени многу тешки одлуки. Моравме да маневрираме за да ја спасиме армијата. Но, ќе ја вратиме целата наша земја. Со болка гледаме на уништените згради по руското гранатирање. Ќе обновиме се. Главната работа сега е да се спротивставиме. Сите се уморни, многу луѓе се исцрпени, шокирани од загубата. Сè уште претстои многу тежок период. Ни треба многу сила и издржливост. Но, сакам да им кажам на сите. Украинци - вие сте неверојатни! Непријателот е збунет и исплашен. Сè уште не сме го победиле. Но, овој пат неминовно се наближува победата, порача Резников.

Украинскиот министер за одбрана: „Остануваме сигурни и смирени“

Ивона Петрова — Tue, 22 Feb 2022 08:40:19 +0000

Украинскиот министер за одбрана Олексиј Резников денеска изјави дека „остануваме самоуверени и смирени“, по потегот на Русија да нареди војници во два сепаратистички промосковски региони во источна Украина. Во твит Резников додаде дека со признавањето на двата региони како независни, „Кремљ ја призна сопствената агресија врз Украина“. „Ние сме подготвени и способни да се браниме себеси и нашиот суверенитет“, додаде тој.