олга лозановска – Kurir.mk

Лозановска до Владата: Само ја уназадувате Македонија, укинавте железнички линии на релација Скопје – Битола, во здравството нема никаква инвестиција

Ивона Петрова — Thu, 26 Oct 2023 15:56:32 +0000

Се укинаа термини за железничката линија Битола – Скопје – Битола, претходно беа укинати Скопје – Кочани – Скопје, нема Скопје – Белград – Скопје, зошто се прави тоа кога се знае дека тоа е исплатлив и еколошки превоз, го праша министерот за транспорт и врски, Благој Бочварски, Олга Лозановска, пратеник од ВМРО-ДПМНЕ на денешната собраниска седница посветена на пратенички прашања. Лозановска се осврна на уште две теми труд и социјала, поточно згрижување на децата со атипичен развој во градинките и на областа здравство. „Ветувавте инклузија на децата во градинките, како и кога ќе ја спроведете инклузијата на децата во градинките деца со атипичен развој. Родителите велат да запишат дете во градинка е научна фантастика и укажуваат дека во градинките нема соодветен кадар како логопеди и дефектолози. Прашањето ми е, како може да важат исти услови за упис на деца и со типичен и со атипичен развој“, ја праша Лозановска, министерката за труд и социјална политика, Јованка Тренчевска. Лозановска укажа што се не направила Владата предводена од СДСМ, а ветувала дека ќе направи во здравството. „Ветувавте се е и сешто во здравството, а нема ништо. Ветувавте бесплатно болничко лекување за граѓаните, инвестирање во јавните здравствени установи, зголемување на основна плата на здравствени работници за 100 проценти за да се задржат во земјава, ветувавте мрежа на здравствени установи со цел покриеност на цела територија.... Ветувате и многу други работи како медицински стоматолошки и фармацевтски факултет во Клиничка болница Битола, па до каде сте со тоа“, ја праша Лозановска, заменик министерката за здравство Маја Манолева.

Лозановска: Граѓаните на Република Македонија се против уставни измени

Катерина Бојаџиева — Fri, 18 Aug 2023 09:36:27 +0000

Граѓаните на Република Македонија се против уставни измени. Претседателот професор д-р Христијан Мицкоски, ВМРО-ДПМНЕ и коалицијата ќе ја испочитуваат волјата на граѓаните. Борбата за независна и суверена Република Македонија продолжува, вели Олга Лозановска, пратеник од ВМРО-ДПМНЕ. -Нашите предци успеале да го сочуваат идентитетот, јазикот, културата, да создадат независна, суверена држава. Ќе успееме сите заедно! Вечна Македонија! Вечно ВМРО-ДПМНЕ!, пишува Лозановска на Фејсбук.

Лозановска: Двоецот СДС-ДУИ прави само корупција и криминал, граѓаните и државата не ги интересираат

Ивана Ефремовски — Mon, 22 May 2023 15:43:15 +0000

Владата направила договор за коридорите врз основа на неспостоечки закони, во меѓувреме ништо не се работи, ама се плаќаат пенали досега 120 милиони евра, рече пратеничката од ВМРО-ДПМНЕ, Олга Лозановска на денешната собраниска дебата по пакетот закони за коридорите. Лозановска укажа дека Владата покажува само интерес да ги стави парите на граѓаните во џеб. „Има желба само за многу пари. Притоа се што е во државава се отфрла. Се исклучува примената на одредбите на македонското законодавство во случај на спор, се прави договор за кој треба да се менуваат низа на закони и треба да се интервенира во закони со одредби кои не се ниту ни согласно уставот, ниту меѓународните стандарди“, рече Лозановска. Според пратеничката никој од власта не се грижи за јавниот интерес, овде се грижат само за личните и партиските интереси. „Двоецот СДС-ДУИ се интересираат само за себе и прават само криминал и корупција. Се интересираат само да ги стават парите во џеб, да ги украдат граѓаните“, рече Лозановска. Лозановска рече дека власта прави се на слепо и оти тоа е многу опасно за државата и граѓаните. „Тоа е како хирируг да влезе на операција, а да не знае ниту што му е на пациентот, ниту што треба да прави. Знаете тоа колку е опасно“, рече Лозановска и додаде дека оваа власт ако малку се грижеше за граѓаните немаше да плаќа пенали туку ќе набавеше барем лекови за граѓаните. Како што не се грижат за граѓаните, така ја злоупотребуваат и ЕУ. „Власта ќе ми зборува дека е за ЕУ, вие само ја злоупотребувате таа Европа со која ви се полни устите“, заклучи Лозановска.

Лозановска: Национален и стратешки интерес е да се слуша гласот на народот, а не гласот на Артан Груби

Катерина Бојаџиева — Wed, 17 May 2023 14:25:01 +0000

„Денес зборуваме за предлог на закон за измени и дополнување на Законот за работни односи по скратена постапка во кој закон се менуваат некои членови кои што се однесуваат на местото и начинот на исплата на платата на работниците кои што работат на проекти од национален и стратешки интерес, прекувремената работа, работа во недела. Во изминатите неколку денови сведоци сме на како Владата по брза постапка без дебата во Собранието носи закони спротивни на голем број начела и уставни одредби. Ваквото носење на законски измени по скратена постапка со европско знаменце е насилна, криминал кој Владата го прави“, истакна Олга Лозановска, пратеник од редовите на ВМРО-ДПМНЕ на денешната собраниска седница. Лозановска додаде дека стратешки и национален интерес е да се зачуваат добрата на државата, шумите, плодното земјиште, езерата, а не да се уништуваат. „За каков национален интерес зборувате, кога се откажавте од историското наследство на македонскиот народ“, запраша пратеничката. Таа посочи дека национален и стратешки интерес е и да се слуша гласот на народот, а не гласот на Артан Груби. „Иако беше потенцирано од претставништвото на ЕУ во Македонија дека државата е должна да го почитува договорот за стабилизација и асоцијација што со други зборови значи овозможување на конкуренција и транспарентност на процесот, Владата тоа не го прави. Законот за работни односи е противуставен, Уставниот суд цитирам донесе одлука за укинување на оспорениот член бидејќи е во спротивност со темелната вредност владеење на правото предвидена во член 8 став 1 алинеја 3 од Уставот како спротивен на членот 9 според кој граѓаните пред Уставот и законите се еднакви. Уставниот суд оцени дека со овој член се повредува правото на дневен и неделен одмор односно дека е во спротивност со членот 32 став 4 од Уставот, се наведува во соопштението на Уставниот суд. Таквата одлука на Уставниот суд е конечна“, потенцираше Лозановска. Пратеничката запраша дали непочитувањето на одлуката на Уставниот суд не е кривично дело.

Лозановска: Од ветувањата на власта добивме уназадување на здравството, ЕУ не оценува со нула за напредок во здравствениот систем

Ивана Ефремовски — Wed, 19 Apr 2023 05:48:04 +0000

„За жал со СДСМ и ДУИ се е можно. Ова се повторува затоа што веќе е видено во 2006-та година, истото и тогаш беше како што е и сега. Тогаш се сеќавам кога имав дежурство во аптеката, многупати имам кажано си купував лекови за итни случаеви и одев на дежурство, затоа што немав обичен лек којшто чини 10 денари. Така да и сега истото се случува со нашето здравство, за жал тоа е така. Здравството ни е девастирано, во изминатите шест години не видовме ништо во здравствениот систем да оди напред. Од сите оние ветувања што ги даваа за жал назадување во здравството добивме. И Европската Унија не оценува со оценка нула за напредокот во здравствениот систем“, истакна Олга Лозановска, пратеник од редовите на ВМРО-ДПМНЕ во гостување во емисијата „Заспиј ако можеш“ на Алфа телевизија. Лозановска додаде дека КОВИД пандемијата ги извади сите недостатоци на површина што ги има во здравствениот систем. Македонија како се справи со КОВИД пандемијата говорат бројките, бројот на починати. Па тука говори и самото набавување на вакцини, колку вакцини се набавија, па немаше ниту КОВИД тестови. „КОВИД пандемијата беше лекција која што СДСМ за жал воопшто не ја научи. Власта и понатаму продолжува со истото темпо на менување на министри, а здравството уназадува наместо да оди напред. Не видовме ниту една реформа во здравството, ниеден закон не видовме освен закон за легализација на марихуана, законот за приватизација на радиодијагностика, приватизација на трансплатација. Имаме примарно, секундарно и терциерно здравство, примарното здравство кај нас воопшто не функционира. Немаме скрининг тестови за малигни заболувања, за хронични заболувања. И најстрашно нема инсулин, нема ленти за мерење на шеќер, нема Трикафта“, нагласи Лозановска. Таа посочи дека само осум пациенти со цистична фиброза ќе го примат лекот Трикафта, но што ќе се случи со другите луѓе. Кој ја направи таа селекција кој да го прими лекот, запраша пратеничката.

Лозановска до Ковачевски: Енергетска револуција има само за вас неколку во власта кои произведувате струја, а во државата ЕЛЕМ е доведен до загубар, се краде струја од европската мрежа, се увезува струја, се увезува јаглен, мазут

Катерина Бојаџиева — Fri, 24 Feb 2023 17:22:40 +0000

Дали Таравари влегува во оваа влада за да го поддржува криминалот и корупцијата на оваа неспособна влада. Втората дилема која што ја имам во врска со кандидатите е следна, трите предлози како што се Кренар Лога Фатмир Меџити, Азир Алију работеле во владата на ВМРО-ДПМНЕ, за која премиерот кажа дека е криминална, криминални фотелји итн., и сега мојата дилема е зошто ги внесува овие три министри во владата. Зошто, затоа што таа влада беше успешна, вие неуспешни па тие тројца сакате да ви погнат малку од малку да ви се крене авторитетот како влада, нагласи пратеничката Олга Лозановска. Пратеничката од ВМРО-ДПМНЕ нагласи дека нема енергетска револуција како што вели премиерот Ковачевски, туку ЕЛЕМ е доведен до загубар, во 5 те најголеми загубари во државата, се краде струја од европската мрежа, се увезува струја, се увезува јаглен, мазут. „Да се навратам на експозето , ќе започнам од енергетската револуција која што сте ја направиле, можеби имате енергетска еволуција вие од власта неколку луѓе кои што се занимавате со производство на електрична енергија меѓутоа Македонија односно ЕЛЕМ е доведен до загубар. Во 5 те најголеми загубари во државата. Колку што знам крадете струја од европската мрежа, увезувате струја увезувате јаглен увезувате мазут. Меѓутоа рекетот очигледно ви е поинтересен отколку да произведувате струја за таква револуција зборуваме? Тоа не знам каква енергетска револуција е“, нагласи Лозановска.

Лозановска: Корупцијата највеќе го поттикнува иселувањето на младите во државата, ако сеуште остане оваа Влада на власт тогаш бројот на граѓани во дијаспората ќе биде многу поголем

Тале Кристо — Wed, 22 Feb 2023 20:44:38 +0000

Еден од факторите кои го потикнува иселувањето на младите е корупцијата, ова е кажано според институтот за добро управување и евроатлански перспективи на Република Македонија. Ако продолжи власта да владеее во државата тогаш бројот на граѓани во дијаспората ќе биде многу поголем од бројот на резидентно население кое ќе живее тука во Република Македонија, изјави пратеничката од редовите на ВМРО-ДПМНЕ Олга Лозановска на денешната собраниска седница. Таа посочи дека власта дошла со „Шарената Револуција“ на власт но таа ги изневери граѓаните. „Власта дојде на власт со „Шарената Револуција“ меѓутоа мора искрено да се каже дека граѓаните бескрајно ги изневеривте и покрај тоа што им ветувавте живот и правда за секого. Катастрофата до која ја доведовте државата ве повикува на одговорност меѓутоа вие од Владата одчигледно таа одговорност ја немате“, вели Лозановска. Лозановска е децидна дека милиони пари годишно се излеваат низ коруптивните канали. „Милиони евра годишно се излеваат од земјата низ коруптивните канали ако државата ревносно го стопираше тоа ќе останеа доволно пари за изграба на нов клинички центар и за пругата до Бугарија или други проекти кои се ветувани од власта. Доктори нема, ама во администрација нововработени колку да сакаш. Плата нема заради хакерскиот напад на ФЗО“, рече Лозановска. Таа додаде дека осен заклучоци и препораки власта нема ништо направено а седма година е на власт „Седум години СДСМ и ДУИ се власт во државата и освен заклучоци и препораки на комисии ништо немаат превземено без ниту еден капитален проект, без денар вложен за животната средина и справување со загадувањето во Македонија, само 0,7% од буџетските расходи во 2023-та година се планирани за заштита на природата“, ијави Лозановска

Лозановска: Власта сака да формира нова „Пазар 3“ Влада за да купи ден повеќе за да биде на власт

Катерина Бојаџиева — Mon, 20 Feb 2023 16:46:39 +0000

„Сега на „Пазар 3“ на принцип "на ти го дај ми го" или "колку пари ми даваш за пратениците да гласаат за тебе" итн власта сака да формира една Влада за да купи ден повеќе, месец повеќе или неколку месеци да биде на власт. Меѓутоа едно треба да знаете Република Македонија не е ваша сопственост, бидејќи таа е сопственост на граѓаните“, рече пратеничката од редовите на ВМРО-ДПМНЕ Олга Лозановска на денешната собраниска седница. Таа кажа дека во изминатите 6 години Владата нема направено ништо затоа што наместо да ги засукаше ракавите и нешто да направи таа се занимаваше со тендери и зделки во 4 очи. „Власта користејќи само празни флоскули, добрососедски односи и уставни измени, како и европеизација го донесe народот во една агонија да не знае што ќе се случува утре или по еден месец или пак по една година и им дава отровни кнедли. Зарем вака се влегува во елитниот клуб на европските земји како што власта кажува дека е за влез во елитен клуб во Европа“, кажа Лозановска. Лозановска посочи дека Македонија е давастирана и растурена со свиткана кичма, апатична во агонија, како и надворешно и внатрешно руинирана. Тоа е затоа што не функционираат институциите на државата внатрешно ниту однадвор. Како ваква никогаш нема Македонија да седне на столчето во Европската Унија. „Република Македонија е болна а дијагнозата е дисиминирана со неопластичен процес, етиологија СДСМ и ДУИ а терапија се избори. Да го прашаме народот дали сака да продолжи да оди по оваа провалија или сака да оди по правиот пат по Европска Унија меѓутоа не ваква каква што е сега затоа што оваа Влада како што се однесува поданички кон соседите го уништи цел македонски народ“, рече Лозановска.

Лозановска: Власта не исполни ништо од она коа го ветуваше во предизборната кампања, тоа доведе до уништување на здравствениот систем

Ристе Здравков — Thu, 16 Feb 2023 13:56:24 +0000

Олга Лозановска, пратеничка во Собранието на Република Македонија на денешната собраниска седница зборуваше за состојбите во здравството и потенцираше дека денеска нема ништо од она кое власта го ветуваше во предизборната кампања. -Ќе започнам со програмата со која што дојдовте на власт, цитирам стабилен и модерен здравствен систем, па ве прашувам дали денес имаме стабилен и модерен здравствен систем. Ветувате лек за секој пациент, дали имаме денес лек за секој пациент? И тоа го немаме. Значи нема ништо од она кое што го ветувавте во вашата програма, рече Лозановска. Лозановска во текот на своето обраќање се осврна и на законите кои ги донесе власта во доменот на здравјето каде истакна дека тие закони важат само за лица блиски во власта. Таа исто така го спомена и немањето на лекови за одредени пациенти со малигни заболувања како и пациентите со ретки болести. -Сега ќе започнам со носење на закони. Донесовте закон за пензионирање на здравствени работници кој што закон го искористивте само за партиски луѓе, а останатите буквално ги избркавте од работа. Слушаме дека се наградувале вработени во министерството за здравство и тоа се луѓе лица блиски до власта, а другите без книшка или од друга партија не морат да се вработат, ги штедите најверојатно, се грижите за нив да не се мачат да работат. Пациентите со малигни заболувања немаат терапија, терапија за пациенти со ретки болести нема и тука бирократија била виновна. Формирање на комисија, па тендер, болните со цистична фиброза оставени сами на себе. Мој термин е мисловна именка, ако немаш пријател нема мој термин. Заминување на медицински кадар надвор од државата, без книшка од СДС и ДУИ нема вработување, ова било здравје за сите. Лекот за цистична фиброза ќе го набавеле само за 8 пациенти, па сакам да прашам кој ќе биде критериумот. Кој ќе понесе одговорност доколку им се случи на останатите, кажа Лозановска. Пратеничката на заклучи дека власта се што вети не исполни ништо, туку се спротивно направила и сето тоа води до уништување на здравството. -Вие се што ветивте сосема спротивно направивте. Чекор по чекор го уништивте здравството, но оваа влада односно ваши блиски основаат фирми за увезување на струја, за да ни ја наплаќаат поскапо, па нели се грижите за сите, живот за сите?, додаде Лозановска.

Лозановска: Поминаа 6 години од најавата на СДСМ за замена на филтрите на оџаците во РЕК Битола, но од тоа нема ни трага, ни глас

Катерина Бојаџиева — Thu, 24 Nov 2022 17:11:50 +0000

На денешната собраниска седница наменета за поставување пратенички прашања, пратеничката од редовите на ВМРО-ДПМНЕ Олга Лозановска упати две пратенички прашања. Првото пратеничкото прашање кое таа го упати до премиерот Ковачевски е поставено од група граѓаните од Битола, за тоа што се случи со тој помпезно најавуван проект за замена на филтри во РЕК Битола од повеќе милиони евра и зошто нема никакви активности и реализација на така капитален проект за заштита на животната средина? „До денес приказната за животната средина за Битола и Битолчани остана само одамна пропадната флоскула. Во програмата „Можеме“ на СДСМ се велеше дека нивната цел во наредните години ќе биде ревитализација и модернизација на сите 3 блока во РЕК Битола со редукција на прашина и десулфуризација, но од тоа ништо нема. Ревитализација и модернизација на блок 1 во РЕК Битола за намалување на емисии и јаглен диоксид и отворање на можност за употреба на различни типови гориво, и од тоа нема ништо“, рече Лозановска. Лозановска посочи дека уште пред изборите во 2016-та година СДСМ постојано кажувале дека е неопходно да се заменат филтрите на оџаците на РЕК Битола. Таа додаде дека сега сведоци сме дека поминаа веќе 6 години, а од филтри за РЕК Битола нема ни трага, ни глас. Второ прашање кое таа го упати е до Министерот за економија, за тоа колку од доделените дозволи за изградба на фотоволтаични централи се на земјоделско земјиште и од која категорија? Лозановска ова го прашува поради реакцијата од страна на земјоделците. „Сите бевме сведоци особено од Овчеполието кои имаа барање да не се поставуваат фотоволтаици на обработливо земјиште. Исто така имаше низ медиумите информација дека приватни инвеститори откупувале големи површини земјоделско земјиште и барале пренамена“, кажа Лозановска. Таа додаде дека земјоделците алармирале дека не требало да има купување на квалитетно земјоделско земјиште. „Земјоделците алармираа дека не треба и дека има се почесто купување на квалитетно земјоделско земјиште кое се пренаменува. Значи нивниот став е дека тие не се против поставување на фотоволтаични централи, но треба да се внимава затоа што тоа не треба да се прави на земјиште од 1,2,3 и 4-та категорија“, вели Лозановска.