олигарси – Kurir.mk

Руските олигарси загубија дури 95 милијарди долари

Ивона Петрова — Tue, 03 Jan 2023 10:15:31 +0000

Најбогатите руски олигарси изгубија дури 95 милијарди долари како резултат на санкциите на Западот, воведени поради руската агресија врз Украина. Тоа значи дека од почетокот на војната до сега губеле по 330 милиони долари дневно. Најмногу загубил поранешниот сопственик на англискиот фудбалски клуб Челзи, Роман Абрамович – 57 отсто и сега неговото богатство изнесува 7,8 милијарди долари, покажуваат податоците на американски Блумберг. Абрамович беше еден од првите олигарси санкционирани од Велика Британија. Британските власти го опишаа како некој со „јасни врски“ со режимот на рускиот претседател Владимир Путин. Богатството на инвеститорот во енергетскиот сектор и близок пријател на Путин, Генадиј Тимченко, е помало за 48 отсто и сега изнесува 11,8 милијарди долари. Богатството на другиот партнер на Путин, Сулејман Керимов, е за 41 отсто помало и сега изнесува девет милијарди долари. Како што пишува британскиот весник Гардијан, британската влада ги замрзна средствата на олигарсите и други Руси во вредност од 18 милијарди фунти. Санкционирани се 1,27 илјади луѓе, меѓу кои и вториот најбогат Русин Владимир Потанин, кого го нарекуваат и „крал на никелот“.

Јапонија ги замрзна имотите на уште 17 Руси, вклучувајќи и милијардер

Ристе Здравков — Tue, 15 Mar 2022 10:37:35 +0000

Јапонија одлучи да ги замрзне имотите на уште 17 руски физички лица, со што вкупниот број на санкционирани Руси се искачи на 61, соопшти Министерството за финансии, пренесува Ројтерс. Чекорот беше преземен откако САД во петокот воведоа санкции за мноштво руски поединци, вклучително и милијардерот Виктор Векселберг и 12 членови на Думата, долниот дом на рускиот парламент. Векселберг исто така беше цел на санкциите на Јапонија, како и 11 членови на Думата и пет членови на семејството на банкарот Јуриј Ковалчук, соопшти Министерството за финансии. Јапонија ќе дејствува во согласност со другите земји од Групата седум (Г7) за санкциите, изјави високиот владин портпарол Хироказу Мацуно. „Што се однесува до санкциите во иднина, ние ќе продолжиме да ги следиме условите и, заедно со другите земји од Г7, ќе одговориме соодветно“, рече Мацуно на новинарите на прес-конференција. Токио, исто така, воведе санкции против руската централна банка и седум приватни банки, меѓу другите организации, како и разни белоруски поединци, банки и организации од земјата поради нејзината поддршка на руската инвазија на Украина. Министерот за надворешни работи Јошимаса Хајаши им рече на новинарите дека украинската криза ја покажа потребата од реформирање на Советот за безбедност на ОН, каде Русија има постојано седиште, и рече дека Јапонија ќе изврши притисок врз нејзиниот случај да стане постојана членка. Како дел од посилните ограничувања против Москва, Јапонија исто така соопшти дека ќе ја прошири забраната за извоз во Русија со вклучување на 31 ставка како што се полупроводници, комуникациска опрема, сензори и радари, како и 26 технолошки пакети од петок.

Николоски: Градоначалниците на СДСМ за Скопје се деца на олигарсите на транзицијата

Тале Кристо — Thu, 07 Oct 2021 18:19:50 +0000

Мислам дека тука покажавме една големина и една широчина како политичка партија што и всушност ова раководство не го прави првпат. Покажуваме дека сакаме да шириме и дека сакаме да вклучиме што повеќе квалитетни луѓе како би можело добро да се менаџира, истакна Aлександар Николоски, потпретседател на ВМРО-ДПМНЕ во емисијата „Само интервју“ на Канал 5 телевизија за поддржување на Данела Арсовска за кандидат за градоначалник на Скопје. Николоски додаде дека Данела Арсовска да биде поддржана мислам дека е зрел потег на ВМРО-ДПМНЕ иако ВМРО-ДПМНЕ имаше преку 10 луѓе кои што можеа успешно да се натпреваруваат. Но ВМРО-ДПМНЕ препозна дека претседателката на Сојузот на стопански комори, најголемата комора во Македонија во која што членуваат најголем дел на фирмите во Македонија е менаџерско решение кое што може да го среди Скопје. -Има една работа која што не е искомуницирана досега во јавноста, но мислам дека е многу карактеристична за овие избори и исцртува една јасна линија. А, тоа профилот на кандидати најмногу за Скопје од СДСМ. Тоа се деца на транзиционите олигарси и богаташи. Значи тоа се деца на оние кои што ја покрадоа Македонија во темната приватизација од 1991/92 до 1997/98 година, заклучи Николоски. Николоски за пример го посочи кандидатот за градоначалник на СДСМ во Аеродром, Александар Филиповски кој што е син и внук Благоја и Илија Филиповски. Кои што постарата генерација ги памети по тоа што беа главни во приватизацијата и затворањето на фабрики во Македонија. Беа првите двајца кои што изградија хациенди на Водно надвор од она што комунистите го поделија на функционерите. И беа синоним за таа транзиција која што се случуваше тогаш. -Во исто време фирмата која што е во нивна сопственост „Техно Комерц“ има добиено 15 милиони евра тендери од 2017 –та до 2021 година и тоа од Владата на Зоран Заев. Со тоа што од 2020 и 2021 појачуваат до 2020-та се три милиони, а најверојатно кога се договориле дека ќе го кандидираат, им дале уште 10.7 милиони евра. Значи син на олигархијата која што остави 300.000 луѓе без работа во Македонија сега се натпреварува за Аеродром, нагласи Николоски. Николоски додаде дека тука е и синот на еден од двајцата директори кои што го пропаднаа „Жито Лукс“, сега е кандидат за Бутел. Или синот на Зоре Темелковски за кој што не треба да зборува многу е кандидат за Кисела Вода. Пописот е актуелен, еве наместениот попис од 2002 година беше со потпис на Дончо Герасимовски, кој што е татко на актуелниот кандидат за градоначалник на Центар.