Олимпија Милано – Kurir.mk

Милано подготвува отказ за трофејниот стратег?

Бошко Тасиќ — Thu, 02 Nov 2023 05:09:13 +0000

Олимпија Милано се наоѓа во голема резултатска криза и сѐ уште не може да го пронајде „рецептот“ за успех, иако летово беа доведени неколку исклучително големи и ѕвездени имиња. Тимот забележа четири порази во последните пет натпревари, а тоа е доволна причина за вклучување на „алармот“ кај управата. Челните луѓе наводно веќе размислуваат за промена на тренерот, а тоа значи дека Еторе Месина би можел многу наскоро да ја заврши својата авантура во италијанскиот евролигаш. Во моментов Олимпија има скор од 1-4 во Евролигата, а се чини дека последната капка на незадоволство дојде откако тимот загуби на домашен терен од Макаби со 98-90. Месина беше многу незадоволен и изјави дека одбраната на овој натпревар била трагикомична. „Примивме скоро 100 поени на натпревар во кој имавме 25 асистенции и шут за три поени од 40%. Силната одбрана е нашиот идентитет, но на овој меч комплетно го загубивме компасот. Макаби нѐ наттрча и нѐ натскока, поентираше од „пик енд рол“, а нашата одбрана беше срамна“, изјави Месина по мечот со израелската гордост.

Никола Миротиќ потпишува за Олимпија Милано

Бошко Тасиќ — Mon, 31 Jul 2023 04:03:53 +0000

Сагата околу Никола Миротиќ и неговиот нов клуб откако си замина од Барселона, конечно е завршена. Миротиќ во новата сезона ќе го носи дресот на италијанскиот шампион Олимпија Милано, објави порталот „Ла Преалпина“. Според овој медиум Миротиќ ја прифати понудата на италијанскиот тим одд 1.52 милион евра по сезона. Миротиќ имаше договорено речиси се со Партизан, но поради заканите кои ги добиваше, одлучи да не потпише за Црно-белите. Шпанскиот репрезентативец кој е роден во Црна Гора, исто така ја одби понудата на Панатинаикос вредна осум милиони евра за две сезони.

Никола Миротиќ пред потпис со Олимпија Милано

Бошко Тасиќ — Fri, 28 Jul 2023 04:27:37 +0000

Никола Миротиќ оваа лето предизвика голема бура, дури и повеќе од очекуваното, откако се дозна дека нема да ја продолжи соработката со Барселона, односно дека договорот ќе биде раскинат. Веднаш потоа се поврзуваше со Олимпија Милано, но во еден момент се чинеше дека италијанскиот гигант се откажа од крилниот центар, откако во трката се вклучија Панатинаикос, Олимпијакос, Монако, Партизан и Црвена Звезда. Во еден момент беше речиси сигурно дека тој ќе го облече дресот на Партизан со кој постигна начелен договор. Но, по официјалното раскинување на соработката со Барселона, Миротиќ наеднаш се предомисли, наводно поради закани по живот упатени кон него. Веднаш по раскинувањето на соработката со каталонскиот клуб, во трката за негов потег се вратија Панатинаикос, Монако и Олимпија, со многу богати понуди. Сепак, ПАО изгледа повторно се повлече, а Миротиќ најверојатно нема желба да му се приклучи на Кемба Вокер во Монако, па се чини дека повторно е најблиску до Олимпија Милано. Наредните денови се очекува да стави потпис на договорот.

Кевин Пангос во „аут“ месец и пол

Бошко Тасиќ — Sun, 27 Nov 2022 06:05:07 +0000

Олимпија Милано по 10 одиграни средби е закован на дното на табелата со учинок од само три победи и седум порази. Причина за неуспехот се константните повреди, а работите за „манекените“ нема да се подобрат ни по новата повреда на клучен играч. Станува збор за Кевин Пангос кој на мечот со Фенербахче заработи повреда на лигаментите на коленото и ќе биде во „аут“ во следниот месец и пол.

„Во второто полувреме од Евролигашкиот натпревар во четвртокот портив Фенербахче, Кевин Пангос заработи повреда на лигаментите на десното колено. Играчот веќе го започна процесот на рехабилитација“, стои во соопштението на миланскиот клуб.

Милано го потврди трансферот на Пангонс

Бошко Тасиќ — Thu, 28 Jul 2022 05:25:50 +0000

Канаѓанецот Кевин Пангос во наредните две сезони ќе го носи дресот на Олимпија Милано. Пангос минатата сезона ја започна во Кливлен Кавалирс, а на 23 февруари потпиша договор со ЦСКА Москва. За „армејците“, поради руската инвазија врз Украина не одигра ниту еден натпревар. Претходно беше член на Зенит од Санкт Петербург, Барселона и Жалгирис, во Евролигата има просек од 13,5 поени и 6,7 асистенции по натпревар.

Шампионот Ефес направи брејк во Милано

Бошко Тасиќ — Tue, 19 Apr 2022 21:09:21 +0000

Турскиот тим Анадолу Ефес направи брејк во првата плејоф рунда од кошаркарската Евролига откако вечерва славеше во Милано со 48-64. Шејн Ларкин и Василија Мициќ со по 16 поени го предводеа победничкиот состав, додека кај само еден играч имаше двоцифрен број поени, а тоа беше Николо Мели Вториот натпревар во серијата ќе се игра в четврток во Милано.

Олимпија Милано го освои третото место во Евролигата

Бошко Тасиќ — Sun, 30 May 2021 18:38:19 +0000

Италијанскиот кошаркарски тим Олимпија Милано e освојувач на бронзата во Евролигата, откако во мечот за третото место славеше со 83-73 против актуелниот шампион руската ЦСКА Москва. Мицов и Родригез со по 14 поени беа најпрецизни кај победниците, а кај ЦСКА Москва прв стрелец беше Шенгеља со 18 поени. Во големото финале од 20:30 часот ќе се соочат Барселона и Анадолу Ефес.

Милано резервира билет за Келн

Бошко Тасиќ — Tue, 04 May 2021 21:09:07 +0000

Кошаркарите на Олимпија Милано ја добија „мајсторката“ против Баерн со 92:89 и со вкупен резултат од 3-2 се пласираа на Ф4 турнирот во Евролигата кој оваа година ќе се одржи во Келн. Избраниците на тренерот Еторе Месина не дозволија Баерн Минхен да станат првиот тим во историјата кој се вратил од негатива од 0-2 во серијата. Шилдс со 34 и Дилејни со 16 поени го предводеа Милано во оваа победа, додека најефикасен кај Баерн Минхен беше Рејнолдс со 19 поени.