олимпик лион – Kurir.mk

ВИДЕО: Откажано француското дерби – Нападнат автобусот на Лион, Гросо заврши со крвава глава

Ивона Петрова — Sun, 29 Oct 2023 20:30:18 +0000

Големото дерби на Франција, Олимпик Марсеј - Олимпик Лион, беше откажано поради хаос надвор од стадионот и напад на автобусот на гостински играчи. Во нападот повреден е тренерот на гостинската екипа, славниот Италијанец Фабио Гросо (45), на кој мораше веднаш да му се укаже медицинска помош. Дел од стаклата од искршените прозорци на автобусот завршија во лицето на Гросо, по што повредите морале да му бидат санирани.

The Lyon bus has been attacked and the manager Fabio Grosso has been injured. 😱pic.twitter.com/9RnDDIC8Go
— Football Tweet ⚽ (@Football__Tweet) October 29, 2023

-Гросо не можеше да зборува и имаше парчиња стакло на лицето. Многу сме лути, бидејќи нашите играчи и нашиот тренер се подготвуваа за вечерва, изјави сопственикот на Лион, Американецот Џон Текстор.

🚨 Olympique Marseille vs Olympique Lyon game called OFF after shocking case of team coach attacked with stones.
This was Fabio Grosso right after in @lequipe picture. 😳📸 pic.twitter.com/5VjxHw5lg2 — Fabrizio Romano (@FabrizioRomano) October 29, 2023

-Не побарав откажување на натпреварот. Од лигата не известија дека ќе разговараат со нас, а ние бевме подготвени да играме. Одлуката (да се одложи) не беше на нас, бидејќи се се случуваше надвор од стадионот. Фудбалот не треба да се игра вака. Ја поддржуваме одлуката на судијата, додаде тој.

Шефот на Лион повторно изрази незадоволство од прекинувањето на Лига 1

Ивона Петрова — Fri, 05 Jun 2020 08:51:57 +0000

Претседателот на Олимпик Лион го повика судот да ја разгледа и поништи одлуката за завршување на сезоната порано во Франција. Жан-Мишел Ола ја нарече „апсурдна“ одлуката да се стави крај на првенството во Лига 1. Раководството на Лион го однесе случајот во окружниот суд во обид да ги натера фудбалските власти во земјата да наредат доигрување на преостанатите десет кола во сезоната. – Апсурдно е Лигата да заврши на овој начин додека другите земји ја завршуваат сезоната. Германија веќе го игра своето првенство и Шпанија ќе започне следната недела. Лигата ја донесе таа одлука, но може да ја откаже. Јас сум шокиран што дискутираме дали да играме фудбал или не, категоричен е Ола пред француските медиуми. Тој е на мислење дека се уште може да има плеј-оф во сезоната 2019-2020. – Можеме да тренираме три или четири недели и да го завршиме шампионатот до средината на август. Лион ќе ги продолжи своите активности на 8 јуни и ќе ги следи сите здравствени протоколи одобрени од надлежните, рече претседателот на Олимпик Лион. Одлуката за суспендирање на Лига 1 е донесена на 30 април, а Пари Сен Жермен повторно стана шампион во Франција. Првенството беше присилно прекинато кон средината на март поради пандемијата „Ковид-19“.

Фудбалерот што преживеа три терористички напади потпиша за Лион

Ивона Петрова — Tue, 21 Aug 2018 12:25:42 +0000

Белгискиот фудбалер Џејсон Денајер го напушти Манчестер Сити и пристигна во Олимпик Лион, објави на веб-страницата францускиот клуб. Како што е соопштено, 23-годишниот дефанзивец потпиша четиригодишен договор, за сума од 10 милиони евра. Денајер пред две години остана неповреден при терористички напади во Анкара и Истанбул, а потоа се извлекол и при терористички атак на аеродром во Брисел. Тој во Сити дојде 2013 година, кога имаше 18 години, но никогаш не доби шанса да дебитира. Клубот од „Етихад“ го испрати на заем во Селтик, Сандерленд и Галатасарај во два наврати, за да биде конечно продаден оваа година. Минатата година играше 22 натпревари за турскиот клуб, додека за репрезентацијата на Белгија бележи осум настапи. МИА

Депај ќе биде казнет поради отсуство од тренинг

Дарко Андоновски — Wed, 04 Jul 2018 14:59:14 +0000

Тренерот на Олимпик Лион, Бруно Женесио, потврди дека холандскиот фудбалер Мемфис Депај ќе биде казнет бидејќи не се појави на тренингот на почетокот од подготовките. Лион веќе ги започна подготовките за новата сезона, а Депај не дојде на прозивката и тренингот. - Драго ми е што повторно се собравме. Од 27 играчи не дојде само еден, а тоа е Мемфис Депај. Тој ќе биде парично казнет. Имаше пет седмици одмор како и сите останати, истакна тренерот на Лион. Минатата сезона на 36 натпревари Депај постигна 19 голови, а непојавувањето на тренингот само ги засилија гласините за негов евентуален трансфер во Милан. Тој во јануари 2017 година од Манчестер Јунајтед премина во Лион и потпиша четиригодишен договор.