олимпик марсеј – Kurir.mk

ВИДЕО: Откажано француското дерби – Нападнат автобусот на Лион, Гросо заврши со крвава глава

Ивона Петрова — Sun, 29 Oct 2023 20:30:18 +0000

Големото дерби на Франција, Олимпик Марсеј - Олимпик Лион, беше откажано поради хаос надвор од стадионот и напад на автобусот на гостински играчи. Во нападот повреден е тренерот на гостинската екипа, славниот Италијанец Фабио Гросо (45), на кој мораше веднаш да му се укаже медицинска помош. Дел од стаклата од искршените прозорци на автобусот завршија во лицето на Гросо, по што повредите морале да му бидат санирани.

The Lyon bus has been attacked and the manager Fabio Grosso has been injured. 😱pic.twitter.com/9RnDDIC8Go
— Football Tweet ⚽ (@Football__Tweet) October 29, 2023

-Гросо не можеше да зборува и имаше парчиња стакло на лицето. Многу сме лути, бидејќи нашите играчи и нашиот тренер се подготвуваа за вечерва, изјави сопственикот на Лион, Американецот Џон Текстор.

🚨 Olympique Marseille vs Olympique Lyon game called OFF after shocking case of team coach attacked with stones.
This was Fabio Grosso right after in @lequipe picture. 😳📸 pic.twitter.com/5VjxHw5lg2 — Fabrizio Romano (@FabrizioRomano) October 29, 2023

-Не побарав откажување на натпреварот. Од лигата не известија дека ќе разговараат со нас, а ние бевме подготвени да играме. Одлуката (да се одложи) не беше на нас, бидејќи се се случуваше надвор од стадионот. Фудбалот не треба да се игра вака. Ја поддржуваме одлуката на судијата, додаде тој.

Џенаро Гатузо официјално е нов тренер на Олимпик Марсеј

Бошко Тасиќ — Thu, 28 Sep 2023 05:36:01 +0000

Џенаро Гатузо е нов тренер на Олимпик Марсеј. Марсеј пред некое време се раздели со шпанскиот стручњак Марселино и во изминативе денови бараше негов наследник, па изборот падна на Гатузо. „Многу сум среќен и горд што му се приклучувам на Олимпик Марсеј. Тоа е клуб и стадион, „Велодром“ каде што имав можност да играм како играч, прославен низ цела Европа за страста и жарот“, изјави Гатузо.

Санчез заминува од Интер

Бошко Тасиќ — Tue, 02 Aug 2022 04:04:43 +0000

Алексис Санчез по вторпат во неговата кариера ќе ја напушти Италија и Серија А со тоа што ќе остане во Топ 5 лигите во Европа. Информациите кои ги пренесуваат повеќе медиуми велат дека Санчез и Интер постигнале договор за раскин на соработката што значи дека сега Чилеанецот како слободен играч ќе ја избере новата средина. Нов тим на напаѓачот се очекува да биде Олимпик Марсеј, состав кој го води Игор Тудор.

Хорхе Сампаоли официјално на клупата на Олимпик Марсеј

Бошко Тасиќ — Sat, 27 Feb 2021 06:34:08 +0000

Францускиот фудбалски клуб Олимпик Марсеј ја официјализира соработката со аргентинскиот тренер Хорхе Сампаоли до јуни 2023 година. Аргентинскиот стратег ја презеде клупата која остана празна по оставката на Анде Вилаш-Боаш, а веќе в недела Сампаоли го очекува тежок меч. Сампаоли ќе треба дебитира на мечот против Лион во недела навечер. „Марсеј е клуб на луѓето и се совпаѓам во оваа жештина. Не дојдов тука да се кријам, туку да му помогнам на клубот. Не се двоумев да ја прифатам понудата, тука сум бидејќи Марсеј е многу стравствен клуб и одвај чекам да почнам со работа“, истакна Сампаоли за официјалната клупска веб-страница. Олимпик Марсеј се наоѓа на осмото место на табелата во Лига 1 со 38 бода по 26 одиграни натпревари.

Познато е кој е новиот тренер на Олимпик Марсеј

Магдалена Андонова — Tue, 23 Feb 2021 15:40:30 +0000

Аргентинскиот фудбалски стратег Хорхе Сампаоли е назначен за нов тренер на прволигашот Олимпик Марсеј, јавија денеска француските медиуми. Сампаоли на „Велодром“ доаѓа од редовите на Атлетико Минеиро, предводејќи го бразилскиот прволигаш од март минатата година. Својот последен натпревар на клупата на Атлетико Минеиро, 60-годишниот Сампаоли ќе го има в четврток, во последното првенствено коло против Палмеирас, по што Аргентинецот ќе се пресели во Марсеј како наследник на Андре Вилас-Боаш. Францускиот прволигаш на почетокот на овој месец му врачи отказ на Вилас-Боаш, откако португалскиот тренер на конференција за новинари ги критикуваше спортскиот директор и клупското раководсво незадоволен од нивното ангажирање во текот на јануарскиот трансфер пазар на фудбалери. (МИА)

Балотели пред тешка казна, може да биде и дисквалификуван- ова е причината

Катерина Бојаџиева — Wed, 10 Apr 2019 16:47:08 +0000

Напаѓачот на Олимпик Марсеј, Марио Балотели може да биде дисквалификуван до крајот на сезоната во француската Лига 1. Причината е неспортското однесување на Италијанецот во последниот шампионатен натпревар против Бордо, изгубен со 0:2, кога го удри со лакт дефанзивецот на Бордо – Пабло Кастро, иако настанот остана незабележан од главниот судија. Однесувањето на Балотели ќе биде разгледано од Дисциплинската комисија на Француската фудбалска федерација, откако доведе до кршење на носот на Кастро. Ако биде прогласен за виновен, тој може да биде со запрени права за осум натпревари, што значи дека ќе го пропушти и стартот на следната сезона, ако воопшто остане во Франција.

ВИДЕО: Тројца повредени во тепачка помеѓу фанови на Лацио и Олимпик Марсеј

Предраг Кукиќ — Thu, 25 Oct 2018 14:28:25 +0000

Фанови на Лацио и Олимпик се степаа на улиците на Марсеј пред дуелот помеѓу двата тима од групната фаза на Лигата на Европа. Тројца приврзаници се повредени, од кои двајца се навивачи на „орлите“, а еден на Олимпик, соопштува „Ла Провенс“. Француската полиција интервенираше и со солзавец ги растера двете групи. Причината е перцепцијата за идеологиите на навивачите кои се крајно спротивставени. Приврзаниците на Лацио се познати по фашистички изјави, додека оние на ОМ се антифашисти. Пред нивната посета на Марсеј, „лацијалите“ најавија дрес код, а сите фанови на тимот треба да се облечени во црно.

Marseille and Lazio fans clashed in the Old Port district of the southern French city last night. According to local media reports, two people were injured. pic.twitter.com/ozqKlWhjzK
— Hools (@Hoolsnet) October 25, 2018

Им беше главен приоритет, а го испуштија за вистинската ситница: Како Марсеј не дојде до Балотели поради 1.5 милиони евра

Матеја Петровски — Tue, 21 Aug 2018 11:47:18 +0000

Марио Балотели минатава вечер одлучи околу својата иднина. Трета сезона по ред тој ќе игра во дресот на Ница, на место кое потполно се вклопува со неговиот не баш најсигурен карактер. Клупските челници биле апсолутно коректни кон црномурестиот голгетер, кои имаше отворени раце себеси да си пронајде нова средина ова лето, но на крајот одлучи да остане во клубот до крајот на следната сезона, кога и официјално му истекува договорот. Во игра беше и Олимпик Марсеј, кој на крајот според зборовите на претседателот на Ница, Жан Пјер Ривер го испуштил Балотели поради сума од 1.5 милиони евра. -Клубот имаше џентлменски договор со играчот да го пушти ова лето. Имаше отворена врата доколку би се исполниле одредени услови во износ меѓу 4 и 5 милиони евра. Марсеј прво не понуди ништо, а потоа стигна понуда од 2.5 милиони евра. Ништо повеќе од тоа... Марио беше нивниот главен приоритет, но го пропуштија поради 1.5 милиони евра, вели Ривер. Балотели во Ница пристигна летото 2016-та година, откако му истече договорот со Ливерпул. Во минатите две сезони постигна 43 гола на 66 натпревари во сите натпреварувања.

Олимпик Марсеј се соочува со едногодишна суспензија поради навивачите

Ивона Петрова — Thu, 26 Jul 2018 06:13:57 +0000

На Олимпик Марсеј му се заканува едногодишна суспензија од европските натпреварувања, доколку однесувањето на неговите навивачи не се подобри. Европската фудбалска унија соопшти дека францускиот клуб првиот натпревар во Лига Европа на домашен терен ќе го игра без навивачи и дека ќе плати казна од 100.000 евра. Олимпик Марсеј е казнет за безредијата што ги предизвикаа неговите навивачите на натпреварите од Лига Европа против Лајпциг и Салцбург. Воедно на клубот од Марсеј му е наложено да стапи во контакт со Олимпик Лион и да се договори околу надоместот на штетата предизвикана од навивачите. Од УЕФА наведуваат дека суспензијата е условна во следните две години и дека може да биде активирана доколку навивачите предизвикаат нови инциденти. Освен Марсеј, за однесувањето на навивачите казна од 8.000 евра доби и Ливерпул, кои на „Енфилд“ во полуфиналето oд Лигата на шампионите против Рома палеа факели и фрлаа разни предмети на теренот.

Руди Гарсија: Нема потреба да се срамиме од овој пораз

Дарко Андоновски — Thu, 17 May 2018 06:48:33 +0000

Тренерот на Олимпик Марсеј, Руди Гарсија, беше разочаран по поразот од Атлетико Мадрид (0:3) во финалето на Лигата на Европа, но тој смета дека неговите играчи не треба да се срамат од него, бидејќи изгубија од многу силен ривал. - Ги пропуштивме нашите шанси во првото полувреме. Имавме одлични шанси да го отвориме, а набргу потоа направивме грешка која доведе до гол во корист на противникот. Среќата не беше со нас ниту во второто полувреме кога Митроглу погоди статива. Атлетико е одличен тим и нема потреба да се срамиме од овој пораз, рече Гарсија. Тренерот на Марсеј кажа дека го презел ризикот да го стави во игра Димитри Паје, кој не беше во оптимална состојба пред натпреварот. - Решив да го започнам натпреварот со Паје, кој е еден од нашите најдобри играчи. Сепак, тој не издржа, а без него не сме истиот тим.