олимписки факел – Kurir.mk

ФОТО: Од Фукушима тргна факелот со олимпискиот оган, за 121 ден ќе помине низ 859 општини

Ивона Петрова — Thu, 25 Mar 2021 06:25:48 +0000

Олимписки факел тргна низ Јапонија, се наведува на официјалната веб-страница на организацискиот одбор на Олимписките игри во Токио. Штафетата со огнот стартуваше во префектурата Фукушима на стадионот „Ј-Вилиџ“. Прв учесник на настанот беше фудбалерот Азуса Ивашимизу, кој играше за репрезентацијата на Јапонија од 2006 до 2016 година. Факелот за 121 ден ќе помине низ 859 општини во сите 47 префектури на Јапонија и ќе трае до денот на отворањето на Олимписките игри – 23 јули. Предвидено е во церемонијата да учествуваат околу 10 илјади луѓе. Игрите во Токио требаше да се одржат од 24 јули до 9 август 2020 година. Сепак, поради пандемијата, Олимписките игри се одложени за оваа година од 23 јули до 8 август 2021 година.

Олимпискиот факел ќе пристигне во Токио

Катерина Бојаџиева — Fri, 20 Mar 2020 07:49:32 +0000

Олимпискиот факел денеска ќе пристигне во Токио, а потоа е планирано да помине низ цела Јапонија. Организаторите на Олимписките игри во Токио вчера го презедоа олимпискиот пламен во Атина, на церемонијаодржана без публика поради пандемијата со новиот коронавирус. Олимпискиот факел беше предаден на Олимпискиот срадион „Панатинаико“, каде се одржани првите модерни Игри во 1896 година. Олимпискиот факел беше запален пред седум дена, а неговото патување низ Грција беше стопирано 24 часа подоцна поради Ковид-19. Олимписките игри во Токио треба да се одржат од 24 јули до 9 август.

Примопредавањето на олимпискиот факел во Атина без присуство на деца

Дарко Андоновски — Fri, 06 Mar 2020 17:57:32 +0000

Свеченото испраќање на олимпискиот факел во Атина на 19 март ќе биде без присуство на деца поради епидемијата од коронавирус, како и свечениот дочек во Токио на 20 март, објави претседателот на организацискиот одбор на Игрите, Јоширо Мори. Истговремено нагласи дека олимписката инфраструктура во Токио е подготвена и покрај дилемите дали настанот можеби ќе биде одложен поради ширењето на новиот коронавирус. Последниот објект што требаше да заврши во февруари беше центарот за спортови во вода и рокот за негова изградба е испочитуван. Има капацитет за 15.000 гледачи и чинеше 523 милиони долари.