олимписки игри – Kurir.mk

Олимписките игри во Лос Анџелес од 14. до 30. јули 2028

Тале Кристо — Tue, 19 Jul 2022 13:54:58 +0000

Организаторите на летните Олимписки игри 2028 во Лос Анџелес го одредија датумот за одржување на најголемиот спортски настан, објавувајќи дека американскиот град ќе им биде домаќин на светските спортисти од 14 до 30 јули. Церемонијата на свеченото отворање ќе се одржи на 14 јули на „SoFi“ стадионот во Лос Анџелес, а градот ќе биде домаќин и на Параолимписките игри 2028, чие отворање е закажано за 15 август. – Утврдувањето на датумот на одржување на Игрите сега на Лос Анџелес му дава цврст рок до кој ќе мора да биде подготвен за најголемиот спортски настан, изјави на прес-конференција извршната директорка на Меѓународниот олимписки комитет, Никол Ховертц Лос Анџелес претходно два пати беше домаќин на Летните Олимписки игри, во 1932 и 1984 година. Следната летната Олимпијада ќе се одржи во 2024 година во Париз.

ЗОИ: Медали освоија 29 држави, Норвешка убедливо пред сите

Ивона Петрова — Sun, 20 Feb 2022 10:42:10 +0000

Норвешка е најуспешна нација на 24. Зимски олимписки игри (ЗОИ), кои денеска завршија во Пекинг, со рекорден број златни медали во конкуренција на 29. држави, кои освоија одличја. На последниот ден од Игрите, Тереза Јохаунг го освои и 16. златен медал за Норвешка, чиј спортисти во Пекинг се закитија и со осум сребрени и 13 бронзени одличја. Конечна табела на освоени медали на Игрите во Пекинг: Норвешка 16 8 13 37 Германија 12 10 5 27 Кина 9 4 2 15 САД 8 10 7 25 Шведска 8 5 5 18 Холандија 8 5 4 17 Австрија 7 7 4 18 Швајцарија 7 2 5 14 Русија 6 12 14 32 Франција 5 7 2 14 Канада 4 8 14 26 Јапонија 3 6 9 18 Италија 2 7 8 17 Јужна Кореја 2 5 2 9 Словенија 2 3 2 7 Финска 2 2 4 8 Нов Зеланд 2 1 0 3 Австралија 1 2 1 4 Велика Британија 1 1 0 2 Унгарија 1 0 2 3 Белгија 1 0 1 2 Словачка 1 0 1 2 Чешка 1 0 1 2 Белорусија 0 2 0 2 Шпанија 0 1 0 1 Украина 0 1 0 1 Естонија 0 0 1 1 Летонија 0 0 1 1 Полска 0 0 1 1.

Планови за величествено отворање на ЛОИ во Париз со 200 бродови на Сена

Ивона Петрова — Tue, 14 Dec 2021 10:23:03 +0000

Организацискиот комитет на Летните олимписки игри (ЛОИ) во Париз 2024 го усвои проектот за церемонијата на свеченото отворање, која за прв пат во историјата на олимпизмот нема да се одржи на стадион, туку на реката Сена во самиот центар на француската престолнина. Организаторите најавија дека земјите – учеснички ќе продефилираат на свеченото отворање со околу 200 бродови, а поворката ќе плови по Сена во должина од околу шест километри. Завршната церемонија ќе се одржи на плоштадот Трокадеро. За присутните на церемонијата крај реката Сена ќе бидат поставени монтажни трибини и гледачите ќе мораат да платат влезници, додека на Трокадеро публиката ќе има бесплатен пристап до церемонијата. Поради опасност од можни терористички напади, како што јавија локалните медиуми, француските власти надлежни за безбедноста сакаат да го ограничат бројот на гледачи на 250.000 луѓе, додека организаторите и локалната власт во Париз целат кон церемонија од отворен тип за околу два милиони гледачи.

Русија повика да не се политизираат Олимписките игри

Дарко Андоновски — Tue, 07 Dec 2021 15:34:04 +0000

Официјална Москва порача денеска дека политиката треба да стои настрана од олимпискиот спорт, ден откако САД објавија дипломатски бојкот на Зимските олимписки игри закажани за во февруари идната година во Пекинг поради наводно кршење на човековите права во Кина. – Администрацијата на Бајден нема да испрати дипломатско или официјално претставништво на Зимските олимписки игри и Параолимписките игри во Пекинг 2022 имајќи го предвид геноцидот што се врши во Народна Република Кина и злосторствата против човештвото во Ксинџијанг, како и другите случаи на кршење на човековите права, изјави вчера портпаролот на Белата куќа, Џен Пекси. Со одлуката не се опфатени американските спортисти. „Предлагаме олимписките прашања да останат ослободени од каква и да е политика“, изјави попладнево портпаролот на Кремљ, Димитриј Песков, додавајќи оти најважно е што американските спортисти не се погодени од бојкотот. Паралелно со ова, официјален Пекинг денеска му се закани на Вашингтон со одмазда и преземање „одлучни контрамерки“, без да прецизира какви тие ќе бидат.

Олимпиското село Пекинг 2022 ќе биде отворено на 27 јануари

Ивона Петрова — Wed, 27 Oct 2021 06:45:27 +0000

Заменик-градоначалникот на Пекинг Џан Џиандун изјави дека отворањето на Олимпиското село за Игрите во 2022 година е закажано за 27 јануари 2022 година. – Официјалното отворање на Олимпиското село ќе се случи на 27 јануари следната година за да ги пречека спортистите од целиот свет. На 2 февруари ќе тргне штафетата на олимпискиот факел, изјави Џиандун. Зимските олимписки игри 2022 година во главниот град на Кина ќе се одржат од 4 до 20 февруари 2022 година. Организаторот на Олимпијадата, вчера го прикажа дизајнот на медалите кои ќе се доделат на најуспешните спортисти.

ТАГА ВО ОЛИМПИСКИОТ СВЕТ: Почина спортистот кој го познаваше речиси целиот свет

Дарко Андоновски — Sun, 29 Aug 2021 17:29:42 +0000

Поранешниот долгогодишен претседател на Меѓународниот олимписки комитет (МОК), Жак Рог, почина на 79-годишна возраст, соопшти денеска МОК. Белгиецот Рог, кој настапи на три последователни олимписки игри (1968, 1972, 1976) во дисциплината едрење, а во младоста беше и рагби играч, застана на чело на олимпиското движење во јули 2001 година, наследувајќи го на функцијата Бразилецот Хуан Антонио Самаранч, – Целото олимписко движење е во длабока жалост поради загубата на голем пријател и страстен љубител на спортот, изјави претседателот на МОК, Томас Бах, кој го наследи Рог на должноста во 2013 година. – Прво и најважно, Жак беше вљубеник во спорот и беше со спортистите, пренесувајќи ја својата страст кон спорот на сите што го познаваа. Неговата радост во спорот беше заразна. Тој беше успешен претседател, кој помагна во модернизација и трансформација на МОК, истакна Бах.

Табела на медали: Кина во водство пред САД и Јапонија

Дарко Андоновски — Fri, 06 Aug 2021 17:48:28 +0000

Пред завршниот викенд на Олимписките игри во Токио спортистите од Кина и натаму се најуспешни со 36 освоени златни медали. Табела на медали: З С Б Вк.

Кина 36 26 17 79
САД 31 36 31 98
Јапонија 24 11 16 51
Велика Британија 18 20 20 58
Русија 17 23 22 62
Австралија 17 6 21 44
Италија 10 10 18 38
Германија 9 11 16 36
Холандија 9 10 12 33
Франција 7 11 9 27.

ОИ: Италијанската штафета приреди сензација во трката на 4×100 метри

Дарко Андоновски — Fri, 06 Aug 2021 15:47:58 +0000

Италијанската машка штафета на 4×100 метри сензационално го освои златниот медал на крајот од претпоследниот натпреварувачки ден на Олимписките игри во Токио. Лоренцо Пата, Марсел Јакобс, Есеоса Десалу и Филипи Торту ќе бидат запишани во италијанската олимписка историја како први освојувачи на златен медал во штафетната трка на 4×100 метри. Италијанците дојдоа до златниот медал со една стотинка предност пред британската штафета и со време на нов италијански рекорд (37:50). Бронзениот медал како и пред пет години во Рио де Женеиро го освои канадската штафета.

НАЧЕВСКИ И НИКОЛОВ ГО СУДАТ РАКОМЕТНОТО ФИНАЛЕ ВО ТОКИО

Ристе Здравков — Fri, 06 Aug 2021 12:00:16 +0000

Ѓорѓи Начевски и Славе Николов се избрани да го судат финалето на машкиот ракометен турнир на Олимписките игри во Токио, во кое за златото ќе се борат Франција и Данска. Тоа е големо признание за најдобриот македонски ракометен судиски тандем, нешто што не им успеа и на Марјан и Драган Начевски кога беа на врвот на кариерата. Ова следува година и пол откако тие го водеа финалето на Европското првенство за ракометари во Австрија, Норвешка и Шведска. Начевски и Николов претходно беа дел и од Олимписките игри во Лондон во 2012 и во Рио де Жанеиро во 2016 година.

Борачот Нуров утре го заокружува настапот на македонските олимпијци во Токио

Дарко Андоновски — Thu, 05 Aug 2021 19:56:35 +0000

Македонскиот олимписки состав утре рано наутро ќе го има својот последен претставник на Игрите во Токио во борачот Магомедгаџи Нуров, кој ќе настапи во категоријата 97 килограми слободен стил. Нуров допатува во Токио со обезбедена олимписка норма, а негов прв противник во квалификациите ќе биде Тунижанецот Мохамед Садуи. Доколку го совлада Садуи, македонскиот борач во четвртфиналето ќе се бори со победникот од дуелот меѓу Александар Хуштин од Белорусија и Кубанецот Раинерис Перез Салас, а во полуфиналето потенцијален противник може да му биде „рускиот тенк“ и најголем фаворит за златниот медал Абдулрашид Садулаев, кој ќе се бори со Шариф Шарифов од Азербејџан. Првата борба на Нуров е закажана за утре наутро со почеток во 4:30 часот.