Оливер Деркоски – Kurir.mk

Поранешниот претседател на ДИК, Оливер Деркоски, доби ослободителна пресуда

Тале Кристо — Fri, 14 Jul 2023 14:15:11 +0000

Основниот кривичен суд Скопје денеска донесе ослободителна пресуда за поранешниот претседател на Државната изборна комисија, Оливер Деркоски, кој беше обвинет за „злоупотреба на службената положба и овластување“. Покрај Деркоски, ослободени од обвинение беа и тројцата вработени во ДИК и еден управител на економски оператор кои се товареа дека извршиле „злоупотреба на службена положба и овластување“ при спроведување на две јавни набавки со што го оштетиле Буџетот за 1 312 409 денари или околу 21 илјада евра. Според Судечкиот совет, јавниот обвинител не докажал надвор од разумно сомневање дека обвинетите ги сториле делата за кои што се товарат. Според обвинението, тројцата вработени во ДИК, како членови на Комисијата за јавни набавки не го почитувале минималниот законски рок за поднесување понуди, не утврдиле дека економскиот оператор ДУНА ДОО Скопје не ги исполнува условите за учество во постапката и притоа не спровеле правилна постапка за евалуација на доставените понуди, туку понудата ја оцениле како прифатлива и доделиле максимален број на бодови. Процесот го водеше судијата Илија Трпков.

Деркоски: Досега нема пријавено инциденти

Ивона Петрова — Wed, 15 Jul 2020 10:07:10 +0000

На сите 3.480 избирачки места гласањето се одвива непречено, истакна на денешната прес-конференција претседателот на Државната изборна комисија, Оливер Деркоски. -Досега не се пријавени никакви инциденти на глаачките места. Се надевам дека вака денот ќе продолжи до крај. Ги повикувам граѓаните да си го остварат своето гласачко право, а исто така ги предупредувам членовите и замениците членови на избирачките одбори да ги почитуваат нашите упатства, инструкции и процедури онака како што ги почитуваат досега, да продолжат до крајот на изборниот ден се со цел овој изборен ден да помине онака како што треба, истакна Деркоски.

Деркоски: Граѓаните масовно да гласаат и да не се плашат за своето здравје

Магдалена Андонова — Fri, 10 Jul 2020 08:17:58 +0000

-Ги повикувам граѓаните масовно да излезат на гласање, да не се плашат за своето здравје затоа што ние се погриживме да ги снабдиме сите избирачки одбори со заштитен материјал, а деновиве се врши и дезинфекција на сите гласачки места во државата, изјави претседателот на Државната изборна комисија Оливер Деркоски. Деркоски како прв човек на ДИК утрово лично вршеше увид на дистрибуцијата на доверливиот материјалот за гласање што ќе се користи на претстојните вонредни парламентарни избори, а е изработен од АД печатница „Киро Дандаро“ – Битола. – Материјалот ќе биде доставен до сите општински изборни комисии, а тие пак во текот на утрешниот ден материјалот ќе го достават до избирачките одбори. Процесот се одвива непречено и со одлична организација, а тоа значи дека се ќе за заврши во предвидениот рок. Подготовките на ДИК за целиот изборен процес се одвиваат непречено, посебно сме посветени во делот врзан со заштитата на здравјето на граѓаните и ги повикувам граѓаните масовно да излезат на гласање, да не се плашат за своето здравје затоа што ние се погриживме да ги снабдиме сите избирачки одбори со заштитен материјал маски, за да и оние граѓани кои не можат да купат или не носат заштитна маска од кои било причини, сепак да добијат заштитна маска, да гласаат и да го остварат своето право на глас, истакна Деркоски. Деркоски посочи на мали проблеми поврзани со барањето за изземање на здравствени работници и нивно откажување за учество на гласањето што ќе се спроведе во понеделник, но тие проблеми како што рече се надминуваат и се ќе се одвива според роковникот и уредбата со законска сила. Во печатницата АД „Киро Дандаро“-Битола изработени се 1.814.263 гласачки ливчиња со висок квалитет и со 20 форми на заштита без никава можност за фалсификат, потврди директорот на печатницата во овој град Драги Милошевски. -Гарантираме за високата заштита на избирачкиот материјал, кусо изјави Милошевски. На претстојните вонредени парламентарни избори процесот на гласање ќе биде организиран на 3.390 избирачки места, информираа од Државната изборна комисија. (МИА)

Дерковски: На избирачкиот список има околу 1,8 милион гласачи

Тале Кристо — Mon, 29 Jun 2020 12:46:58 +0000

Претседателот на Државната изборна комисија, Оливер Деркоски, и министерот за внатрешни работи, Наке Чулев, на денешната заедничка прес-конференција истакнаа дека тие имаат високо ниво на соработка. Веројатно в среда ќе го заклучиме избирачкиот список. Се завршија сите потребни активности, обработката на податоците. Не можам да ви ја кажам точната бројка, но околу 1.814.000 гласачи ќе бидат на избирачкиот список на овие избори. В среда дефинитивно ќе ја соопштиме бројката“, изјави Деркоски. Тој одговарајќи на новинарско прашање, кажа дека засега нема голем број барања за замена на членовите и замениците од избирачките одбори. - Согласно Законот, познати се критериуми коишто треба да се исполнат за да бидете изземени од член и заменик-член на избирачкиот одбор. Јас сум задоволен од тоа што не е голема бројката на таквите барања. Сите треба да бидеме свесни дека треба да дадеме свој придонес како граѓани на оваа држава за да се спроведе избирачкиот процес на најдобар можен начин – изјави Деркоски. Членовите на избирачкиот список ќе можат да бидат изземени од изборите само доколку имаат сериозни здравствени причини, хронична болест од листата на хронични болести што е објавена на сајтот на Министерството за труд и социјална политика и сериозни семејни причини за кои треба да обезбедите докази. - Избирачкиот список е чист, ги содржи податоците на сите полнолетни граѓани кои имаат државјанство на Република Македонија. Сметам дека континуираното чистење на списокот во ДИК доведува до тоа овој список да има високо ниво на прочистеност, ако можам така да се изразам. Граѓаните не треба да се грижат дали избирачкиот список е во ред – изјави Деркоски. Дерковски соопшти дека избирачките места кои не ги задоволувале критериумите за овие избори се заменети со други локации за гласање. Во помалите рурални средини каде што нема услови, ќе се гласа во приватни закупени објекти. Гласачите од дијаспората не се пријавиле во доволен број и затоа тие нема да гласаат на овие избори. Дерковски истакна дека соработката на ДИК со МВР ќе продолжи и понатаму. Министерот за внатрешни работи, Наќе Чулев, ја потенцираше важноста на одржување демократски и фер парламентарни избори и се заблагодари на ДИК за соработката.

Чулев-Деркоски: Политичките чинители да водат фер и демократска кампања, граѓаните да пријават изборни нерегуларности

Ивона Петрова — Mon, 29 Jun 2020 11:26:26 +0000

Политичките чинители да ги почитуваат законите, да водат фер и демократска кампања, а граѓаните до Министерството за внатрешни работи да пријават секоја активност насочена кон кршење на избирачкото право или каква било нерегуларност. Да внимаваме сите во овој изборен циклус како се однесуваме, да обезбедиме фер, демократски и транспарентен процес на 10 – те парламентарни избори кои се разликуваат од сите претходни, затоа што земјава се соочува со пандемијата Ковид – 19. Ова е пораката од денешната заедничка прес-конференција на министерот за внатрешни работи Наќе Чулев и претседателот на Државната изборна комисија (ДИК), Оливер Деркоски, кои нагласија дека нивната соработка ќе продолжи и ќе се одвива на високо ниво. Улогата на МВР во изборниот процес е јасна, потенцира Чулев, и тоа е заштита на човековите права и слободи за време на изборниот процес, максимална безбедност на граѓаните, овозможување слободно изразување на правото на глас и отсуство на секаков вид толернација кон сторителите на кривични дела или прекршоци и нивно навремено откривање и спречување да вршат кривични дела или прекршоци насочени кон изборниот процес. – Изборите треба да поминат во мирна, фер и демократска атмосфера. Ние сме цврсто сме решени дека кога е регуларноста и закониста на изборниот процес во прашање, воопшто нема дилема и овие избори треба да бидат кристално чисти, истакна министерот Чулев. Чулев и Деркоски ги промовираа видео и печатените метријали за изборниот процес, со што, како што рекоа, испраќаат порака дека нема простор и толеранција за изборен поткуп и оти МВР соодветно ќе ги санкционира сите активности насочени кон каква било форма на притисок, заплашување и поткуп на граѓаните. – Евоиопскиот пат на кој се наоѓа нашата држава, интеграцијата на нашата земја во еворпското семејство е директно условена од регуларноста на овие изборите. Но, од нивната регуларност зависи и легитимитетот и кредибилитетот на идндта влада. Ниту една цел не е поважна од фактот дека пред се граѓаните заслужуваат мирни безбедни и демократски избори, рече Чулев. МВР, потенцира тој, ги има ставено на располагање сите капацитети со кои ја гарантира безбедноста на изборите. Информира дека веќе е формиран Републички изборен штаб со кој раководи директорот на БЈБ , а во фаза се обуките на полициските службеници за соодветно постапување во соработка со ОБСЕ. За Деркоски овие јубилејни 10 – ти избори се исклучително важни затоа што, како што рече, се клучот за нашиот влез на европската врата. Тој истакна дека треба да внимаваме на заштита на избирачкото право, но заради Ковид – 19 треба да внимаваме и на здравјето на изборните органи и на здравјето на граѓаните кои ќе го дадат својот глас. – Граѓаните да се чувствуаат безбедни и сигурни, да излезат и да гласаат на денот на изборите, затоа што исклучително е важно на овие избори да обезбедиме легитимитет за идната власт, која и да е. треба да победи најдобриот на овие избори, со добра излезност, граѓаните даодлучат на 15 јули, повика на прес-конференцијата претседателот на ДИК, Деркоски.

Прес-конференција на Чулев и Деркоски

Ивона Петрова — Mon, 29 Jun 2020 08:04:12 +0000

Министерот Наќе Чулев денес во 12:30 часот во просториите на Министерството за внатрешни работи ќе одржи прес конференција на која ќе присуствува и претседателот на Државната изборна комисија, Оливер Деркоски.

Дерковски го демантира Караџовски: Наместо протокол, од Комисијата добивме необрзувачки документ

Ивана Ефремовски — Mon, 15 Jun 2020 19:50:40 +0000

Претседателот на Државната изборна комисија, Оливер Деркоски го демантираше министерот за здравство Венко Филипче и претседателот на Комисијата за заразни болести, Жарко Караџовски во своето гостување во телевизија Алфа. Тој истакна дека од комисијата наместо протокол добиле необрзувачки документ со препораки за изборниот процес. Деркоски посочува дека се наоѓаме во период кога мора да се размислува како да се заштити здравјето на граѓаните и Караџовски и комисијата мора да обезбедат протокол зад кој ќе застанат со сето стручно познавање и интегритет. -Ќе морам по кој знае кој пат да ја демантирам Комисијата за заразни болести. Ние го бараме она што тие го најавија на нивна прес-конференција. Излезе министерот за здравство и доктор Караџовски на која што прес конференција кажаа дека изготвиле протокол за избори. Тоа го виде целата македонска јавност. На мејл добивме документ кој што има назив препораки. Ние сите сме таму правници и ако ништо друго знаеме да разликуваме што значи препорака. Тоа значи необврзувачки документ, и знаеме што значи протокол. Протокол на македонски преведено значи правилник кој што утврдува одредени процедури кои што се задолжителни за тој што треба да ги спроведува. Значи тоа е разликата. Разликата е во лоцирање на одговорноста. Ако вие велите дека имате протокол треба истиот да го доставите, да се потпишете на тој протокол и да гарантирате дека тоа што сте го потпишале во тој протокол е тоа што треба да биде заради вашата стручна и професионална дејност. Понатаму тој протокол треба ДИК да го преточи во своите процедури внимавјќи на изборниот процес и потпирајќи се на она што го пишува во тој протокол. Значи сега ситуацијата е таква да навистина мораме да внимаваме на здравјето на граѓаните, вели Деркоски

Заев бара избори на 5-ти jули, Деркоски оценува дека невозможно е изборните дејствија да се спроведат за 22 дена

Ивана Ефремовски — Thu, 11 Jun 2020 07:50:03 +0000

125 новозаразени и 7 починати од корона за Заев не е доволна причина за продолжување на вонредната состојба.И натаму инсистира за избори на 5 јули. Во изјава за Вечер вели дека до сега вонредната состојба била продолжувана заради економските мерки за помош на граѓаните и стопанството. Немало потреба од четврти сет мерки бидејќи третиот ќе се спроведувал до есен. -Нема никакви причини владата да бара нова вонредна состојба. Нема ни основ како да ја оправда. Затоа и роковите за избори остануваат онака како што е уставно и законски пропишано, а тоа е 22 дена од завршувањето на вонредната состојба, односно на петти јули, смета Заев. Од друга страна претседателот на ДИК, Оливер Деркоски, за Алфа вели дека не може да се зборува за петти јули или друг термин без прочистен избирачки список и без највисокиот изборен орган да има доволно време да ги спроведе изборните дејствија. -Мојот став е идентичен во континуитет. За изборните дејствија се потребни 35-50 дена без разлика дали збориме за 5 јули или друг термин. За 22 дена тоа е невозможно. Избирачкиот список мора од почеток да се преработи. Датумот за избори не се определува со уредба со законска сила. Тоа треба да го определи претседателот на собрание со решение без разлика дали е резултат на лидерите на партиите. Ако пред завршувањето на вонредната состојба биде одреден датум кој за неколку дена варира од минималните 35 дена ДИК ќе се потруди да ги исполни сите задачи, но нема да може да гарантира дека се е спроведено според прописите, потенцира Дееркоски. Опозицијата пак и натаму изборите не ги гледа како приоритет. Здравјето на граѓаните треба да биде во преден план. -Ставот на сите одговорни во државата треба да се води од стотиците новозаразени од смртоносниот вирус а не од политички позиции. За жал СДСМ во владата зазема став со политичка позадина, изјави Иванка Василевска од ВМРО-ДПМНЕ. Еврокомесарот Вархеји во дијалог со Мицкоски и Заев ќе се обиде да ги приближи ставовите. Од ВМРО-ДПМНЕ потврдуваат дека во фокусот на телефонскиот разговор на лидерот на партијата и комесарот ќе биде состојбата со корона вирусот како прв услов за консензус за датум за одржување избори. ДУИ пак освен предлози за гласање три дена, пензионери, луѓе во изолација па сите останати има и други приоритети. На голема врата ја промовираат идејата за премиер Албанец. “Првиот премиер Албанец ќе биде премиер на сите. Премиер наљ еднаквост , работни места, еднакви плати, премиер на еднаквите права и неселективна правда”, вели претседателот на ДУИ Али Ахмети. Одлуката за тоа дали ќе има нова вонредна состојба Пендаровски се очекува да ја донесе по седницата на советот за безбедност. Од тоа во голема мера може да зависи и изборниот датум. Извор: АЛФА

Деркоски за КУРИР: Нема да го потпишам избирачкиот список доколку се оди на избори 22 дена по завршување на вонредната состојба

Дарко Андоновски — Sat, 16 May 2020 10:42:04 +0000

Претседателот на државната изборна комисија Оливер Деркоски во интервју за КУРИР вели дека во овие два месеци апелирал до сите оние кои ќе донесат одлука за одржување на изборите да внимаваат како ги носат истите бидејќи нашата земја се наоѓа во пандемија. -Јасно е дека моменталната ситуација во која се наоѓа државата носи нови предизвици и јасно е дека треба да се внимава на секој чекор. Доколку се организираат избори во вакви услови ќе треба да се организираат најверојатно многу повеќе човечки ресурси и многу заштитни средства, а сето тоа подразбира повеќе финансиски средства, вели Деркоски. Тој додава дека ДИК доколку се донесе одлука ќе мора да ги спроведат изборите иако во оваа ситуација процесот ќе биде многу комплициран. -Не е возможно да се одржат избори за 22 дена затоа што нема избирачки список, со кој избирачки список би оделе на избори? Толкувањето на уредбата која е предмет на некои политичари, експерти и слично вели дека не треба да се продолжи 22-от ден пред денот на изборите. Уредбата вели дека се запираат дејствијата кои што беа дотогаш, а во вториот став се вели дека на ДИК и се дава задача ден по вонредната состојба да изготви ревидиран роковник, тоа значи дека ДИК ќе мора да ги предвиди овие рокови за избирачкиот список повикувајќи за на изборниот законик. Во тој роковник ние ќе ги предвидиме сите рокови кои се потребни за да се направат легални и легитимни избори, вели Деркоски. Тој додава дека доколку има таква хипотетичка ситуација тој како претседател на ДИК нема да го потпише тој избирачки список и се надева дека истото би го направиле и дел од колегите. -Тогаш би паднале во една поинаква криза и поинаква ситуација која ќе предизвика друга ситуација, затоа што јас не сакам да носам одговорност за нелегитимен процес и не може да ме натераат на тоа. Треба да се почитуваат законските прописи во државата, вели тој во интервјуто за КУРИР.

Претседателот на ДИК смета дека нема технички услови за организирани избори

Ивона Петрова — Mon, 11 May 2020 07:22:22 +0000

Одржувањето на избори по здравстевните препораки за социјална дистанца од 2 местри и под маски ќе биде тешко да се изведе за брзо време, токму затоа е потребно да не се брза со датумот за избори. Ова е личното предупредување на првиот човек на Државната изборна Комисија Оливер Деркоски за тоа дали технички изборите би можеле да с еорганизираат за брзиот термин кој се споменува. -Во оваа ситуација имаме 14,15 кандидатски листи, замислете по еден нивен претставник ќе има секако на избирачко место плус пет членови на избирачкиот одбор, тоа се отприлика 20 луѓе кои треба да ги дистанцираме на 2 метри. Многу е мал бројот на простории во државата каде се гласа, а може да се обезбеди такво дистанцирање. Поучени од искуството од Јужна Кореја која организираше избори, таму пред влезот на секое избирачко место имаше здравствено лице кое мереше температура на секој гласач, истакнува за Сител, Дерковски. Според него, ваквите избори ќе чинат и повеќе пари, а ќе бараат и повеќе човечки ресурси, што вакви услови на економски последици од Ковид-19 би било отежителна околност. За изборите на 12 април беа предивдени 7 милиони евра, од кои 4 милиони за реклами на партиите.