Оливер Илиевски – Kurir.mk

Илиевски му ја честиташе победата на Димитриевски

Магдалена Андонова — Sun, 31 Oct 2021 20:26:37 +0000

Кандидатот за градоначалник на Куманово од СДСМ, Оливер Илиевски, вечерва му ја честиташе победата на противкандидатот , актуелниот градоначалник Максим Димитриевски, од граѓанската иницијатива „За наше Куманово“. Тој објави дека разликата во гласови е околу 6.000 во корист на Димитриевски. - Во овој момент сакам да им честитам на победниците и да порачам Куманово да го управуваат добро, да инвестираат и нашата програма ќе им стои на располагање. Сакам да ве информирам дека СДСМ освои 19.470 гласа, додека независниот кандидат заедно со ВМРО-ДПМНЕ и коалицијата, има освоено 25.470 гласови. Ова се неофицијални податоци што ги добивме од нашиот изборен штаб, од сите гласачки места, кажа Илиевски на прес-конференција по вториот круг од локалните избори. Тој се заблагодари на сите граѓани на Куманово, кои гласаа и изборниот процес да помине во фер и демократска атмосфера. Илиевски кажа дека Димитриевски и во Советот на Општина Куманово најверојатно го има мнозинството со 17 советника, заедно со ВМРО-ДПМНЕ и Алијансата за Aлбанците.

Димитриевски до Илиевски: Што бара багер на јавно претпријатие да копа на приватни објекти? Зошто државни ресурси се искористуваат во приватни цели?

Тале Кристо — Thu, 28 Oct 2021 10:03:54 +0000

Независниот кандидат за градоначалник на општина Куманово Максим Димитриевски, во вчерашното гостување во емисијата Клик Плус на телевизија 21 го праша кандидатот за градоначалник од редовите на СДСМ Оливер Илиевски што бара багерот на ЈП Стопанство да копа на приватни објекти во Карпош и зошто државни ресурси се искористуваат во приватни цели? Во емисијата, Димитриевски потенцираше дека успеал да врати долгови на општина Куманово во висина од 11 ипол милиони евра и најави дека во следните 4 години ќе бидат реализирани 800 проекти.

Илиевски: Ново училиште за Гимназијата Сами Фрашери и средното техничко училиште и нови 6.5 милиони евра инвестиции во образованието

Тале Кристо — Tue, 26 Oct 2021 16:20:36 +0000

Гимназија Сами Фрашери и средното техничко училиште нема елементарни услови за учење, нема услови за изведување на настава. Самото училиште излегува на главната сообраќајница спротивно за Законот за средни училишта. Проблем кој се провлекува наназад години и години. Како СДСМ и коалиција ветуваме пред граѓаните дека локалната самоуправа ќе изготви проект и дозвола за градба и ново училиште се со цел наставниците да имаат модерни услови за образованието во Куманово, изјави денеска кандидатот за градоначалник од редовите на СДСМ за општина Куманово Оливер Илиевски. -Самите ученици и граѓани ќе одлучат каде треба да биде лоцирано училиштето. Ние не можеме да наметнуваме решение, туку самите граѓани да ги наметнуваат решенијата на општината. Реализација на проектот ќе биде преку Министерство за образование, со тоа што со донесување на буџет за 2022 година ќе бидат предвидени средствата за изградба на модерни училишта. Ние не можеме да зборуваме за дигитализација на училиштата а да немаме елементарни услови за учење. Овие средства од училиштето не влегуваат во 6.5 милиони евра што во наредните 4 години ќе ги донесеме за образованието со кои ќе ги реконструираме сите училишта во Куманово, ќе изградиме нови спортски сали во училиштата и модерни услови за одвивање на наставата, истакна Илиевски.

Илиевски до „шepифот“: Heма да дозволиме Димитриевски да и ги затемни стаклата и на Општината

Магдалена Андонова — Thu, 21 Oct 2021 15:30:09 +0000

Димитриевски и на Општината ќе ги затемни стаклата, нема да дозволиме, регираше вечерва кандидатот за градоначалник на Куманово од СДСМ, Оливер Илиевски. -Шерифот Максим Димитриевски, како во досегашното владење со дивите градби и корупцијата, работата за неговите бизниси, тој денеска докажа дека вози на “диво” и кола со затемнати стакла. МВР спроведува сообраќајни контроли, а јас би го прашал, зошто Димитриевски со затемнети стакла? Дали е таа истата кола каде што твоите соработници купуваа гласови по 500 денари, па затемниле стакла за да бидат по “сигурни” во купопродажните зделки на гласови? Дали е таа иста кола која ги тера и вози вработените на општината со сила и уцени да гласат за вас?, напиша Илиевски на Фејсбук.

Максим Димитриевски ги нападна за криминал функционерите блиски до Спасовски (ФОТО)

Ивана Ефремовски — Tue, 27 Aug 2019 11:48:22 +0000

Градоначалникот на Куманово, Максим Димитриевски од СДСМ, излезе со обвинувања за криминал, на сметка на своите сопартијци. Имено, тој ги нападна за криминал функционерите блиски до министерот за внатрешни работи, Оливер Спасовски. Неговиот Фејсбук статус следува во продолжение: Уморен сум веќе од нарачани текстови и интригашења од луѓе кои ај што абер си немаат од работата, не растурија и девалвираа по сите основи, освен за сликање и сплеткарање за друго не ги бива, и по некое евро на портали да тутнат и порачки да си прават. - Сега прочитав текст за наводна моја вмешаност во експлоатација на песок во сепарацијата на Шупљи Камен. Инспекторката Лидија нити сум ја видел ниту пак ја знам, ако мислите на Бобан да генерација ми беше и ако погрешил нека одговара, но дефинитивно општината нема никаква врска ниту пак надлежност во делот на експлоатација на песок. Освен што знам и со мои очи сум видел дека реката Пчиња на таа локација поради енормен ископ е претворена во Дунав а на други места во моментов личи на поток, знам и дека концесијата експресно се даде од страна на Водостопанство и управниот одбор на фирма која секојдневно експлоатира песок во огромни количини. До мене пристигнале голем број на поплаки од граѓани и правни лица, но за жал без надлежност секогаш беа препратени во МВР и Водостопанство. - Мене бизнисот не ме интересира, тоа е надлежност на државата, но дефинитивно БАРАМ ОДГОВОРНОСТ за несреќниот случај во кој минатата недела едно момче го изгуби својот живот токму на таа локација каде што се врши неконтролиран ископ на песок или како што поединци велат уредување на речното корито. За Телма дадов објективна изјава зад која што стојам до последен збор, тоа што надлежните молчат е дополнителен простор за шпекулации. Дно дна сте поединци, јас за оваа ниту се борев ниту пак режим рушев, вие да грабате на сите страни и воедно да се правите Орлеанки а преку платени текстови да жигосувате други, направивте конгломерат на безрбетници кој многу брзо заедно со истомислениците ќе го скршам и демонтирам во корен. Нема сегмент од живеењето во кој што не пуштивте корен, епа ДОСТА БЕШЕ! Искрено немам време за вашите интриги и сценарија, имам и премногу работа во Куманово со битни работи кои не засегаат сите. - Да не заборавам да прашам, оваа е локацијата каде што се вади песокот, чив е багеров? Дали е на Водостопанство и ако е, што бара тука?“-напиша Димитриевски. Инаку, директор на ЈП Водостопанство „Кумановско-липковско поле“, подружница Куманово е Оливер Илиевски. Тој е човек близок до највисоките структури на СДСМ, особено до Оливер Спасовски. Во партијата е на функција секретар на ОО СДСМ.