оливер шамбевски – Kurir.mk

Шамбевски за настапот на шпанскиот амбасадор во владината кампања „Ние сме Европа“

Тале Кристо — Wed, 30 Aug 2023 20:06:19 +0000

Секој дипломат, особено високи дипломати како во случајов шпанскиот амбасадор во Македонија, мора да биде свесен и за перцепцијата и имиџот кои ги остава за него и неговата земја, во земјата домаќин. Особено треба да е свесен за ова кога решил да настапува на настан кој не е ништо друго, иако формално организиран од Владата, освен маскирана партиска активност на една владеачка партија, дизајниран да го поларизира општеството, реагира преку социјалната мрежа на Фејсбук поранешниот амбасадор Оливер Шамбевски. Замислете во Шпанија, амбасадор на друга земја да настапува на такви настани на кои се клевети опозицијата, па и 80% од населението кое не се согласува со одредена политика на Владата. Притоа истиот настан да е под сериозен сомнеж за корупција... Верувам, незамисливо Ви е… ама амбасадоре бидете свесен дека, иако овде еве се случи, немојте да мислите дека е прифатливо тоа што се случи и дека му правите услуга на имиџот на кралството кое го претставувате. Јас, колега, во ваков случај, најискрено, професионално би се засрамил, макар и да имам формално оправдување за мојот настап, пишува Шамбевски во својата објава.

Шамбевски до Зајкова: Пратеничката да каже дали се согласува со срамната парола зад неа (ФОТО)

Дарко Андоновски — Wed, 08 Mar 2023 20:47:05 +0000

Оливер Шамбевски преку статус на Фејсбук пишува дека пратеничката Моника Зајкова мора да се огласи дали се согласува со срамната парола зад неа на денешниот протест за правата на жените. – Моника Зајкова, пратеничката и претседателката да каже со она зад неа дали се согласува? А да, само смешни и патетични сте со таквите пароли… и не, секако не ѝ помагате на каузата ваша со такви пароли… ако воопшто ја имате… вие си знаете… инаку… црквата го преживеала Диоклецијан и Сталин… ќе се снајде некако и со ваквите како вас де. Зајкова?, напиша на својот ФБ профил Оливер Шамбевски.

Шамбевски до Владата: Фирми се затворија и луѓе останаа без работа заради вашата неспособност да обезбедите енергетска сигурност и стабилност

Ивана Ефремовски — Wed, 11 Jan 2023 13:01:57 +0000

Поранешниот амбасадор Оливер Шамбевски реагира по последната добиена сметка за струја. Заедно со пресметката за потрошена електрична енергија му стигнало и пресметка за субвенција од македонската Влада. Тој вели дека Владата треба да одговори на други прашања... Неговиот Фејсбук статус го пренесуваме во продолжение: Вака сега… ова го добив со последната сметка за електрична енергија. Сериозно очекувам во следната да нема вакво нешто бидејќи…

Неспособноста на владата да обезбеди соодветно производство на електрична енергија го покрива со мои (наши) пари од буџетот.
Наместо ова во сметките за електрична енергија сакам да напишат колку пожарникарни, возила за брза помош, субвенции за земјоделието, проекти во културата и инвестиции во инфраструктурата се оневозможени зошто владата заради својата неспособност парите ги дава на ЕСМ.
Исто така наместо ова сакам во наредната сметка да добијам извештај колку заработиле фирмите на Заев, Ковачевски, Ахмети и останати од дубиозните трговии со ел. Енергија.
Бидејќи овие пари со кои се фали владата се мои (наши) ДКСК и ДИК сериозно да го разгледаат ова со сметкиве и да се произнесат оти ова сериозно наликува на предизборна корупција, и злоупотреба на државни средства за политичка примоција.
Ако тие не го направат ова, ги замолувам пратениците на опозицијата да го постават ова прашање до оној Бислимовски или како се викаше и до ЕВН и да бараат детално извештај како ова не е злоупотреба на системот за директен маркетинг.
За брзо ќе дојде време кога секој еден денар што го злоупотребивте во енергетскава криза ќе треба да го образложите така што… полека не трчајте пред време!!!

И за крај… знаете ли колку фирми затворија и колку луѓе останаа на улица заради вашата неспособност да обезбедите енергетска сигурност и стабилност во државава и вие уште се фалите злоупотребувајќи ја добрината на овој народ! Море мрш непрокопсани едни!

Шамбевски: Концептот на новиот патриотизам е оној концепт кој може да не обедини

Тале Кристо — Sat, 12 Nov 2022 11:30:24 +0000

Ние мора да дојдеме до еден заеднички содржател во ова општество кој што ќе не мотивира да го направиме општеството подобро. Мене многу ми се допаѓа ова што Христијан Мицкоски го нуди, јас не кријам дека сум близок до ВМРО-ДПМНЕ, но ова што Христијан Мицкоски го нуди во последниве неколку месеци, концептот на новиот патриотизам, кога тој концепт ќе биде соодветно образложен мислам дека навистина тука лежи одговорот на тоа како ова општество да го направиме подобро, како ова општество да го развиеме, затоа што вака како што е не се пишува добро на иднината на ова општество, не зборам за државата но зборам за општеството, истакна Оливер Шамбевски поранешен амбасадор во НР Кина и Италија во Вечерното шоу на Богдан Илиевски на Алфа телевизија. Тој дополнително го објасни овој концепт и сподели зошто според него ова е концептот кој нуди можност да го обедини општеството. -Ние мора да размислиме што е она што заеднички не собира во едно општество, што е тоа што прави ние да сакаме да живееме заедно тоа да го истакнеме. Дали е тоа слободата на говорт, дали е тоа мерит системот, дали е тоа економскиот развој, дали е сето ова заедно, дали е тоа слободата на вероисповед, дали е тоа инклузивноста на општеството или сето ова заедно е тоа. Ние мора да го развиеме, да го дефинираме со име и презиме и да застанеме зад тој концепт. Јас верувам дека само тој и таков концепт може ова општество прво да го извади од овој ќор сокак во кој што е длабоко навлезен и второ да го направи модерен, соодветен и составен дел на светот во кој што сакаме да припаѓаме, во случајов Европската Унија, рече тој.

Шамбевски: Оваа Влада мора да се прати во срамниот дел на историјата таму каде што припаѓа, а потоа да го залечиме и развиеме ова општество

Тале Кристо — Sat, 12 Nov 2022 10:41:46 +0000

Во текот на своето гостување на Вечерното шоу на Богдан Илиевски на Алфа телевизија, поранешниот амбасадор по во НР Кина и Италијанската Република, Оливер Шамбевски зборуваше околу длабоката поделенист во нашето општество, за апатичноста, за клиентелизмот и разочараноста на граѓаните во системот кој во последните 4 години го достигнал дното, но тој исто така кажа што според него е излезот од оваа ситуација. Граѓаните во Македонија заради ваквото однесување на властите пред се на Владата, на Собранието, на претседателот итн. Ги прави луѓето да се чувствуваат беспомошно, довербата во судството е на 8% веројатно и помалку епа тоа ги прави луѓето да се чувствуваат беспомошно, како што кажав неколку пати во емисијата против тоа треба да се бориме и се бориме. Светлото на крајот на тунелот е тогаш кога оваа Влада ќе биде поразена, ова сериозно го мислам притоа не алудирам на политички припадности. Нешто што мора да се случи во државава е оваа конкретна Влада да биде поразена, да биде пратена во историјата и тоа во срамниот дел онаму каде што припаѓа, да го залечиме општеството, да го најдеме тој најмал заеднички содржател на сите и да продолжиме да го развиваме интензивно, затоа што во крајна линија немаме време за губење, па макар и да звучи ова како флоскула, навистина немаме време за губење и навистина мораме што е можно побрзо да се интегрираме онаму каде што сакаме се интегрираме, рече тој.

„Треба да се направи вештачење дали премиерот навистина е ТРАЈНО НЕСПОСОБЕН!“

Тале Кристо — Mon, 19 Sep 2022 18:42:04 +0000

Добро, слободно да си проверите, така треба. Но, штом е ова, што го објавија политичките партии,точно како што потврдувате, исто така, треба да се направи вештачење дали премиерот навистина е ТРАЈНО НЕСПОСОБЕН и да се тргне веднаш од функцијОливер Шамбевскиата или ако е, дај Боже, сѐ во ред со здравјето да си поднесе оставка бидејќи ја лажел државата што денес ја води, за да ја избегне обврската што за сите била задолжителна во тоа време, да си даде оставка оти таквото лажење зборува за карактерот. Фејсбук статус на Oливер Шамбевски:

Шамбевски: Струјата не смее да биде достапна под различни услови за различни категории на граѓани

Ивона Петрова — Tue, 07 Jun 2022 07:37:12 +0000

Ова со предлогов да има различна цена за електричната енергија за оние што трошат повеќе е целосно нерационално и во крајна линија незаконско и неуставно, пишува на Фејсбук поранешниот амбасадор Оливер Шамбевски. Електрична енергија е производ, макар и да е стратешки и специфичен, во крајна линија е само производ, тоа тврдење е точно, но исто така е точно дека, денешната зависност на човештвото од овој ресурс ја прави повеќе од производ и на некој начин ел. енергија денес може да се смета за право. Токму од тие причини, истата не смее да биде достапна под различни услови за различни категории на граѓани. Тоа никако не смее да се случи кога цената е регулирана, а особено, тоа не смее да се случи заради владината неспособност да ја обезбеди во доволни количини за граѓаните на Македонија. За илустрација само, што ни се предлага… замислете да отидете во продавница да купите леб и човекот пред вас да го плати по 40 денари само затоа што купил два, а вие да го платите по 60 денари само заради тоа што сте купиле шест… секако ќе се побуните затоа што тоа не е праведно и ве доведува во нерамноправна позиција. Од тие причини, апелирам до Регулаторната комисија за енергетика и до Владата на Република Македонија да не се поигруваат со граѓаните. Таква одлука не смее да се донесе, таква одлука не е правилно да се донесе, не е законски и во крајна линија, заради нееднаквоста во која ги доведува граѓаните, таквата одлука ако се донесе ќе го прекрши Уставот на Република Македонија.

Поранешниот амбсдор во Рим жестоко удри по Ковачевски: Ќерка му не е принцеза во оваа држава па да има протоколарна улога

Тале Кристо — Mon, 23 May 2022 20:40:44 +0000

Јас сум исклучително против на вмешување на семејствата во политички пресметки, но во овој случај, за жал, непромислено, семејството си го вмешал самиот Ковачевски, реагира преку социјалната мрежа на Фејсбук поранешниот амбасадор во Рим Оливер Шамбевски Епа, треба да се каже дека ова е сериозна злоупотреба на позицијата, а и несериозно преставување на државата. Без разлика што тој лично мисли, сепак ќерка му не е принцеза во оваа држава па да има протоколарна улога. Додуша да… има уште еден ваков случај на злоупотреба (на сликата подолу) и тој воопшто не е ласкав за споредба, но е илустративен за многу состојби во државава. Ај… барем се прошетаа… ќе има со што да се фалат и да раскажуваат на училиште…, пишува Шамбевски во својата објва.

Шамбевски: Овој ден е историски за Македонија!

Ивана Ефремовски — Mon, 09 May 2022 21:24:17 +0000

Тоа е од Господ, и прекрасно е во очите наши. Ова е денот што го создаде Господ за да се зарадуваме и да се развеселиме во него. Псалм 118/23-24, цитира Оливер Шамбевски. „Одлуката на Вселенската Патријаршија во однос на Македонската православна црква е историска и е многу значаен чекор напред за ова многу важно прашање. И затоа Овој ден е историски за Македонија! Честитки за мудроста и трпението на нашиот поглавар, неговото блаженство г.г. Стефан и целиот Синод на МПЦ. Честитки за сите што се вложија себеси… голем, голем ден за Македонија е ова! Тоа е од Господ, и прекрасно е во очите наши. Ова е денот што го создаде Господ за да се зарадуваме и да се развеселиме во него. Псалм 118/23-24 П.С. На илустрацијата е Исус Седржителот од Бигорскиот Манастир! Нека бдее вечно над нас и над Македонија“ - пишува тој.

„Дали на пратениците ќе им исплатат дупла дневница или ќе ги казнат и ќе им затворат тоа фирмата со пломба од трудов инспекторат?“

Тале Кристо — Fri, 14 Jan 2022 17:07:46 +0000

Туку… во недела на пратениците ќе им исплатат дупла дневница или ќе ги казнат и ќе им затворат тоа фирмата со пломба од трудов инспекторат? М?, коментира на социјалната мрежа на Фејсбук Оливер Шамбевски.