оливер зафировски – Kurir.mk

Зафировски и вечерва меѓу граѓаните на Карпош

Ивана Ефремовски — Fri, 15 Oct 2021 21:05:53 +0000

„Последниот терен пред победата“, пишуваат поддржувачите на кандидатот за градоначалник на ВМРО-ДПМНЕ за општина Карпош, Оливер Зафировски. Тој вечерва е меѓу своите сограѓани од кои ја бара довербата во недела, на локалните избори.

Зафировски: Целосна ревитализација на салата ,,Партизан,, изградба на 5 нови еколошки катни гаражи и нов мултифункционален пензионерски дом

Ристе Здравков — Tue, 12 Oct 2021 19:25:18 +0000

Кандидатот за градоначалник на Општина Карпош, Оливер Зафировски, во гостување на Телевизија Сонце, истакна дека од капитални инвестиции предвидува нови 20,000 до 30,000 м2 зеленила и целосно обновување на зелените површини низ целата општина. Тој посочи дел од проектите за развој на Општина Карпош, а тоа се следните : -Се обврзуваме за целосна ревитализација на салата ,,Партизан,, -Се обврзуваме за изградба на 5 нови еколошки катни гаражи со што ќе се реши проблемот за паркирање на територија на Општина Карпош. -Потребно е целосно обновување и изградба на нови зелени површини низ целата општина, исто така потребно е изградба на нов мултифункционален пензионерски дом. -Се обврзуваме за доделување на стипендии на студентите кој што се едни од подобрите во гимназиите. Тој додаде дека потребни се нови велосипедски патеки, и токму затоа предвидува изградба на нови велосипедски патеки , т.н трим патеки од Долно Нерези до црвката Св ,,Пантелејмон,,

Зафировски: Време е да се каже СТОП на урбанизација во Карпош, време е да се посветиме на спортот и културата

Ристе Здравков — Tue, 12 Oct 2021 18:49:39 +0000

„Моја одредба е што повеќе хуман простор да има во Карпош, знаеме што се случи со дивеењето и урбанизацијата која што излезе од контрола. Така да навистина треба да се размисли малку до каде се ова ќе оди. Бидејќи долго време работам на темата климатски промени и аерозагадувањето и се гледаме дека се повеќе данок зема климатските промени, особено аерозагадувањето кој што знаеме дека во зимските месеци Скопје може да биде меѓу првите најзагадени градови во светот“, истакна Оливер Зафировски, кандидат за градоначалник на општина Карпош во дебатната емисија на МРТВ. Зафировски додаде дека во еден дел во Карпош има голем број на згради и сето тоа доведува до немање на паркинг простор и поголема загаденост. А, зелените површини воопшто ги нема. „Поради лошото раководење со општината во последниве четири години можеме да забележиме дека зеленилото во Карпош исчезнува. Карпош се повеќе заличува на пустина“, нагласи Зафировски. Зафировски посочи дека тој и неговиот тим биле во месната заедница Бардовци каде што може да се забележи дека има хуман начин на живеење, со куќи, простор за движење. „Приоритет за мене е здравјето на граѓаните, здравјето на повозрасната група на луѓе и секако спортот и културата на кое што ние заборавивме. Ветуваме дека во прв момент од моето доаѓање како градоначалник ќе земам да ја обновам спортската сала „Партизан“ која што со години и години стои руинирана“, вети Зафировски. Зафировски рече дека треба да се посвети на спорт, култура, а не на урбанизација. Време е да се каже СТОП на урбанизација во Карпош.

Зафировски: Создаваме нова иднина, во Карпош мора да има нула толеранција за урбаната мафија и конечно ќе се стави крај на малверзациите со градежни парцели

Дарко Андоновски — Tue, 12 Oct 2021 13:30:32 +0000

Кандидатот за градоначалник на општина Карпош од редовите на ВМРО-ДПМНЕ, Оливер Зафировски преку интервју вели дека мора да се создаде нова иднина во Карпош. На кој начин и како се вклучивте во политиката? Што ве „натера“ да се впуштите во така комплексна професија која скоро и да нема допирни точки со медицината? Веројатно самата наша професија си го прави своето. Да, на прв поглед медицината и политиката немаат ``допирни точки``, но сите ние сме политички суштеста, а Македонија е крајно политизирана држава народски кажано. Политиката извира од секоја пора на општеството. Последните 20-тина години постои позитивен тренд на пратеничките листикако и кај кандидатите за градоначалници да има многу доктори, поради тоа што даваме позитивен пример во општеството. Тој тренд очекувам да се зголеми во иднина токму поради Корона кризата. Луѓето знаат дека здравствените работници се во првата линија на одбрана откако започна пандемијата. Докторите создаваат доверба кај граѓаните. Секако и идеолошкиот предзнак е доста важен, затоа што секој од нас носи свои ставови и убедувања како може Република Македонија подобро да изгледа. Кој е Оливер Зафировски професионално? Во својата професионална кариера можам да вбројам повеке проекти и активности. Четири години бев Заменик генерален директор и единаесет години Генерален директор на ЈЗУ ``Институт за белодробни заболувања кај децата``- Козле. Оснoвач сум на Македонската и Балканската школа за педијатрија. Исто така сум и еден од основачите на институтот за цистична фиброза. Јас и мојот тим менaџиравме со изградбата на новиот објект ЈЗУ ``Институт за белодробни заболувања кај децата`` -Козле, набавивме најдобра опрема и обезбедивме врвна едукација за вработените по европски стандарди. Автор сум на повеќе меѓународни трудови и книги. Колку проекти се планирани во вашата програма ? Гарантирам дека главна задача ќе ни биде да се реализира тоа што сум го ветил во програмата и да ги исполнам ветувањата што сум ги дал кон граѓаните. Во оваа програма ќе видите многу проекти што ќе го разубават Карпош од секоја сфера на општественото живеење. Со нив ќе се подобри и унапреди стандардот на живеење во нашата општина. Сакам да нагласам дека во наредниот период ќе се фокусираме на отворање нови работни места со помош на општината, нови општински развојни зони во кои ќе може да се реализираат нови капацитети, кои ќе носат нови вработувања и ќе се создадатможности за искористување на природните ресурси за отворање капацитети во кои ќе се вработуваат луѓе, со поддршка на приватната иницијатива и развој на бизнисот. Ќе се осврнеме и на инфраструктурните проекти од секој вид кои ќе ја модернизираат општината и ќе го променат ликот на местото во кое живееме градејќи го во модерно европско населено место. Ќе бидеме во постојана комуникација со граѓаните, бидејќи сакаме да внесеме што поголема демократија и свежина во локалното донесување одлуки. Во нашата општина ќе биде отфрлен стереотипниот начин на донесување одлуки во затворени канцеларии и кабинети. Локалните претставници ќе бидат секојдневно на терен меѓу вас граѓаните, спроведувајќи една од најдобрите светски практики за подобрување на распределбата на локалните буџетски средства. Тоа е партиципативното буџетирање. Со него сите граѓани ќе имаат еднакви можности да бидат вклучени во донесувањето одлуки за намената на општинските финансии. Преку партиципативното донесување одлуки граѓанинот го добива местото што го заслужувал отсекогаш: тој е централна клетка од која поаѓаат и се разменуваат информации меѓу креаторите на локалната политика и корисниците на услугите. За сето тоа што е ветено, остварено, потрошено, општина Карпош ќе оддава отчет пред граѓаните. Тоа ќе се одвива на најтранспарентен начин при што секој може бесплатно да пристапи кон информациите за донесените одлуки, акти и буџет. Само со ентузијазам и со посветеност се постигнуваат резултати кои граѓаните високо ги ценат и вреднуваат. Горд сум на постигнатото во својата докторска кариера, но имам уште многу идеи и иницијативи кои ќе ги исполнам со помош на граѓаните. Во нашата програма се опфатени повеќе од 100 проекти. Тие ги опфаќаат сите целни групи. Проекти за деца и млади, за социјално загрозени групи но и за највозрасните - пензионерите ... Буквално програма во која ќе се пронајде секој од нас. Тоа е програма од граѓаните, но и за граѓаните. Програмата е внимателно направена поради тоа што е составувана прецизно во последните 2 години. Со истата се нудат решенија за проблемите кои секојдневно ги загрижуваат карпошани. Колку проекти и кои ќе бидат први на листата за реализација? Искрено зборувајќи сметам дека општината заслужува да има насмеани деца, вредни и задоволни родители, згрижени стари лица, заинтересирани и вклучени пензионери. Едноставно сакам сите да бидат задоволни и среќни. Во Карпош мора да има нула толеранција за урбаната мафија и конечно ќе се стави крај на малверзациите со градежни парцели. Тоа се начелата по кои се водиме и ќе се водиме. Веројатно по моја проценка и по проценка на мојот стручен тим, ќе започнеме со решавање на најкрупните и најтешките проблеми. Под број еден е ревизија на штетните ДУП-ови, онаму каде е потребно. Со оглед на тоа што има многу дечиња кои не се запишани во градинка веднаш мора да се започне со проектите за нова градинка, секако и клон градинки таму каде што е потребно. Реконструкција на најоштетените улици и градење на пензионерски дом и мултикултурен центар ќе бидат исто меѓу приоритетите. Во предвидените проекти се и петкатни гаражи, две народни кујни, многу нови зелени површини, континуирани мерки против аерозагадувањето, еко акции и активности за подобра и поздрава животна средина. Дефинитивно ќе создадеме нова поубава иднина за карпошани! Колку проекти и кои од нив планирате да бидат реализирани за време на 4 годишниот мандат? Во идниот четиригодишен период ќе се соочиме со многу предизвици за модернизација на нашата општина Карпош. Во овој четиригодишен период ќе спроведеме сериозна агенда и доследно и посветено ќе ги реализираме ветените проекти во сите области значајни за локалната самоуправа. Јас како градоначалник на Карпош, нема да бидам задоволен доколку барем 80 % од ветеното во програмата не биде реализирано. Секако освен проектите кои се ветени во програмата, секогаш оставаме простор и за проекти кои дополнително ни ги доставуваат граѓаните, а се од суштинско значење за нашата Општина. Тоа се грубо кажано, околу 85 проекти за граѓаните на Карпош. По кои начела ќе се водите во работата како градоначалник на oпштина Карпош ? Мојата визија за Карпош не е во просечното туку во тековното одржување на општината. Тврдам дека е време да ја надминеме скромноста и летаргијата и наместо да се задоволуваме со povremeno асфалтирање улички и редење бетонски плочки, време е за нови идеи, за нова енергија, а промената во комбинација со посветеност и со одржување на дадениот збор секогаш вродува со дела. Карпош е една од најубавите општини во Скопје и заслужува одговорна локална самоуправа, а граѓаните заслужуваат вистински партнер во градоначалникот. Градоначалник што знае да ги препознае потребите и проблемите и да понуди решение. Градоначалник со визија и со реален план за исполнување на дадените ветувања. Човек со доследност и истрајност, човек со вреден тим зад кој стојат принципите: ветено – исполнето. Секогаш се водам од срце, искрено и храброно чесноста и транспарентноста ми се на прво место. Можеби немам многу време за одмор, но секогаш сум достапен на сите на кои сум им потребен. Кое е вашето мото што ве води во животот? Живеј го животот со полни гради и биди најдобрата верзија на себе. Можеби звучи како клише но навистина е така. Лично сметам дека нема цел која е недостижна доколку се работи посветено. Секојдневието ми е исполнето со многу обврски и затоа ми е потребна многу позитивна енергија. Малку спијам, а најголемиот дел од денот ми е посветен на работните обврски. Секогаш наоѓам време за семејството и пријателите, дали тоа е семеен ручек или кафе дружба не е важно, но важно е да се видиме . Што ве прави среќен? Под број еден е секогаш семејството. На професионален план најмногу ме прави среќен да им помагам на луѓето, затоа и станав доктор со посебен акцент на децата - бидејќи тие се нашата иднина и нашето најголемо богатство. Верувам дека токму желбата да им помагам на луѓето ми даде дополнителна мотивација да се кандидирам за градоначалник на Карпош. Сакам да ги видам моите карпошани горди и среќни на својата општина. Заедно ќе го направиме Карпош најубава општина и заедно ќе создадеме нова иднина.

Зафировски во посета на пазарџиите во Тафталиџе: Карпош ќе добие нов современ пазар по европски стандарди! (ФОТО)

Тале Кристо — Sat, 09 Oct 2021 18:13:46 +0000

Кандидатот за градоначалник на општина Карпош од редовите на ВМРО-ДПМНЕ, Оливер Зафировски во рамките на недовите дневни предизборни активности ги посети пазарчиите во Тафталиџе, притоа ветувајќи дека Карпош ќе добие нов современ пазар по европски стандарди! -Денеска ги посетив пазарџиите на пазарот Тафталиџе. Разговаравме за проблемите со кои се соочуваат! Во лоши временски услови на студ тие се секогаш тука да ни обезбедат свежа органска храна! Од ова место ветувам дека ќе ги подобрам условите во кои што работат! Вратите на општината секогаш ќе бидат отворени за нив! Карпош ќе добие нов современ пазар по европски стандарди!, пишува во својата објава на социјалната мрежа на Фејсбук Зафировски.

Зафировски: Ветувам комплетна ревизија на финансиско работење на Општината и изградба на мултифункционален културен центар

Дарко Андоновски — Sat, 09 Oct 2021 09:03:58 +0000

„Комплетна ревизија на финансиското работење на во самата Општина, да видиме бидејќи во досегашните настапи цело време двајцата мои противкандидати се обвинуваат за големи суми на пари. Потребни ни се проекти, конкретни работи за подобрување на квалитетот на животот на граѓаните во смисол на спорт, култура. Ние во програма имаме отворање на еден голем мултифункционален културен центар кој што ќе биде на задоволство како на возрасната група така и на помладите бидејќи стварно децата немаат катчиња за да творат. На пример во Шведска има цела програма за да можете во таков културен дом да го оставите своите дете кое што низ игра со возрасните луѓе ќе научи многу“, истакна Оливер Зафировски, кандидат на ВМРО-ДПМНЕ за градоначалник на општина Карпош во јавување за „Стадион“ на Канал 77.

Зафировски додаде дека таков мултифункционален центар ќе се изгради, бидејќи граѓаните затоа плаќаат даноци, да им се подобри квалитетот на животот во општината.

„Поради недомаќинското работење на актуелниот градоначалник Стефан Богоев, долгот на Општината односно сметката е зголемена“, нагласи Зафировски.

Зафировски: Создаваме нова иднина – Изградба на 2 нови паркови за домашни миленици во Карпош

Тале Кристо — Thu, 07 Oct 2021 17:10:31 +0000

Кандидатот за градоначалник на Општина Карпош Оливер Зафировски денес промовираше проект за изградба на 2 нови парка за миленици во Карпош. Во консултација со граѓаните, активистите и здруженијата за заштита на правата на животните тој понуди неколку идеи кои се дел од неговата програма: -Системско решение за подигнување на свеста кај сите граѓани за односот кон животните -заедничко организирање настани за љубители на миленици во општина Карпош -акции за вдомување на миленици Тој порача дека милениците се тие кои играат улога на социјални помагачи, позитивно влијаат на нашето психофизичко здравје, се користат како терапија за многу специфични болести, го намалуваат стресот, а пред сè даваат многу љубов. Токму затоа согласно барањата на граѓаните и здруженијата освен горе наброентие ке се преземат уште многу други и активности.

Зафировски доби поддршка од Борко Ристовски (ФОТО)

Ивана Ефремовски — Tue, 05 Oct 2021 14:06:32 +0000

Докторот Оливер Зафировски, кандидат на ВМРО ДПМНЕ за градоначалник на општина Карпош доби поддршка од Борко Ристовски. Зафировски истакна дека спортот е важен дел од неговата програма. „Спортот го гради и јакне телото, а со тоа и духот! Во здраво тело здрав дух. Благодарам на Борко и комисијата за спорт на ВМРО-ДПМНЕ за поддршката која ја добивам“ - истакна тој.

Зафировски: Со мојот тим ја изработивме најобемната програма со над 100 проекти за Карпош

Катерина Бојаџиева — Tue, 05 Oct 2021 08:59:44 +0000

Јас сум д-р Оливер Зафировски, специјалист педијатар, вработен во детсктата болница Козле. Во изминатите 2 години со мојот тим ја изработивме најобемната програма. Таа е на 60 страни и во неа има над 100 проекти. Во периодов пред нас јас и мојот тим ќе го посетиме секој дом и ќе ви ја доставиме програмата, вели кандидатот за градоначалник на општина Карпош од ВМРО-ДПМНЕ. -Затоа ве повикувам на 17 октомври да го заокружите бројот 7, за да можеме да градиме нова иднина. За нови #проекти, за нови #промени, за нови #победи! Ве повикувам да создадеме нова иднина.

Зафировски: Ќе имам 0 толеранција за урбаната мафија и конечно ќе ставам крај на малверзациите со градежни парцели

Магдалена Андонова — Mon, 04 Oct 2021 18:32:26 +0000

Кандидатот за градоначалник од ВМРО – ДПМНЕ за општина Карпош, Оливер Зафировски, вечерва гостуваше во ,,Само вистина” на Канал 5 кадешто дебатираше со своите противкандидати од другите политички партии. Тој истакна дека еден од главните проблеми но и опасност за здравјето на жителите на општина Карпош е неконтролираното градење од страна на урбаната мафија кое се случува години наназад. - Граѓаните нас нѐ бираат за да ги заштитиме а не да направиме промени во климатските услови. За 10 години ние сите ќе бегаме од Карпош. Температурата на Карпош е зголемена за 5 степени, ова лето почувствувавме што значи да се живее на бетон. Температурите достигнаа до 40 степени и тоа директно влијае на нашето здравје. Само од аерозагадувањето во Македонија умираат над 1300 луѓе и тоа е сериозна бројка. Само од личен интерес се направи бетонизација на Карпош без воопшто хуманост и ова мора да се стави под контрола. Она што мора да се гради ќе се гради, но не вакви џиновски чудовишта – истакна тој. Зафировски рече дека доколку победи на овие избори ќе има 0 толеранција за урбаната мафија и конечно ќе се стави крај на малверзациите со градежни парцели.