Оливера Наковска – Бикова – Kurir.mk

Ковачевски и честиташе на македонската параолимпијка Оливера Наковска Бикова за освоениот златен медал

Ивона Петрова — Tue, 15 Nov 2022 13:34:36 +0000

Премиерот Димитар Ковачевски упати честитки до нашата параолимпијка Оливера Наковска Бикова од Битола која го освои златниот медал на Светското првенство во стрелаштво во Ал Аин и титулата светски шампион во дисциплината „П4-пиштол слободен избор“ кое се одржува во Обединетите Арапски Емирати. -Искрени честитки за македонската параолимпијка Оливера Наковска Бикова за освоениот златен медал на Светското првенство во стрелаштво во Ал Аин и титулата светски шампион. На Оливера и на сите параолимпијци им посакувам успеси и во иднина. Вие сте нашата гордост, пример како се бранат македонските бои и најголем промотор на Република Северна Македонија во светот, истакна Ковачевски во честитката на социјалните медиуми.

ЗЛАТО ЗА МАКЕДОНИЈА: Параолимпијката Наковска-Бикова со голем успех на Светското првенство во стрелаштво

Ивана Ефремовски — Mon, 14 Nov 2022 17:12:41 +0000

Македонската параолимпијка Оливера Наковска-Бикова оствари фантастичен настап на Светското првенство во стрелаштво за спортисти со инвалидитет во Ал Аин и го освои златниот медал во дисциплината пиштол – слободен избор 25 метри. Наковска Бикова во квалификациите на Светското првенство, што се одржува во Обединетите Арапски Емирати, со испукани 538 кругови го постигна најдобриот резултат во својата кариера и како второрангирана се пласираше во финалето. Предводена од нејзиниот тренер Бранимир Јовановски и асистентот Драган Дојчиновски, во мошне квалитетно и драматично финале, Наковска-Бикова по првите пет истрели се најде на второто место на табелата, а веќе по завршување на втората серија од пет истрели ја презеде лидерската позиција и успеа да ја одржи до последниот куршум. Со овој триумф, Наковска Никова ги комплетираше златните медали од сите големи натпреварување – Европско првенство, Светско првенство и Параолимписки игри, а два пати во кариерата поставуваше и светски рекорд. (МИА)

Оливера Наковска Бикова е светски првак!

Дарко Андоновски — Mon, 14 Nov 2022 13:07:36 +0000

Оливера Наковска Бикова, една од нашите најистакнати параолимпијки од Светското првенство во Обединетите арапски емирати се враќа со големо признание. Името таа предводена од нејзиниот тренер Бранимир Јовановски и асистентот Драган Дојчиноски, го освои златниот медал на Светското првенство во стрелаштво во Ал Аин и титулата светски шампион во дисциплината П4-Пиштол слободен избор. За одбечежување е и тоа што Оливера во квалификациите испука одличен резултат од 538 што е најдобар во нејзината кариера

Орденот „8 Септември“ за четворица врвни македонски спортисти

Бошко Тасиќ — Thu, 08 Sep 2022 06:04:55 +0000

Претседателот Стево Пендаровски по повод Денот на независноста на Република Северна Македонија, 8 Септември, на свечена церемонија ќе одликува со Орден „8 Септември” четворица македонски спортисти. Со Орден „8 септември” ќе бидат одликувани: Оливера Наковска-Бикова, за својата извонредна, богата и успешна спортска кариера во параолимпиското и во спортското стрелаштво. Наковска-Бикова постигнува бројни успеси на натпревари во стрелачки спортови. Таа е повеќекратна државна шампионка и апсолутна рекордерка на Република Северна Македонија во дисциплината воздушен пиштол. Во оваа дисциплина го освојува златниот медал на Летните параолимписки игри во Лондон, со што придонесе за меѓународна афирмација и за угледот на државата. Бранимир Јовановски, за извонредните резултати во својата 20-годишна спортска кариера. Тој е првиот македонски параолимпиец кој освоил златен медал на една параолимпијада. Во текот на својата кариера, покрај златниот параолимписки медал, освоил и други сребрени, златни и бронзени медали на разни европски првенства и на меѓународни натпревари. Значаен е неговиот огромен успех како тренер и како селектор, а избран е и за најдобар тренер на македонската репрезентација во стрелаштво за лица со попреченост. Неговиот придонес за меѓународна афирмација и за угледот на државата е огромен. Шабан Трстена, за освојувањето златен медал во борење на Летните олимписки игри во 1984 година, запишувајќи се со златни букви во историјата на македонскиот и на светскиот спорт како најмлад олимписки шампион, како и за освојувањето на сребрениот медал на Олимпијадата во Сеул во 1988 година и на бронзениот медал на Светскиот шампионат во борење во 1982 година. Трстена е повеќекратен младински и сениорски првак на Југославија. Тој е прогласен за спортист на XX век на Република Северна Македонија. Шабан Трстена е пример како со извонреден успех може да се стане симбол на својата земја и на таков начин да се придонесе за нејзина меѓународна афирмација. Дејан Георгиевски, за постигнување историски најголем и повеќекратен успех во сферата на спортот од независноста на нашата држава. Со освојувањето на сребрениот медал на Олимписките игри во Токио во теквондо, е прогласен за најдобар спортист на Република Северна Македонија за 2021 година. Воедно, тој е добитник и на неколку сребрени и бронзени медали, со што придонесува за меѓународна афирмација и за угледот на државата.

Пендаровски се сретна со Оливера Наковска – Бикова, европската шампионка во стрелаштво

Ивона Петрова — Mon, 21 Mar 2022 11:28:25 +0000

Претседателот Стево Пендаровски денеска ја прими македонската параолимпијка Оливера Наковска –Бикова, која го освои златниот медал на Европското првенство во стрелаштво во Хамар, Норвешка. Честитајќи и за постигнатиот успех, претседателот Пендаровски на средбата со Наковска – Бикова истакна дека нејзиното постигнување е гордост за целата нација и инспирација за сите млади спортисти во нашата држава. Според претседателот Пендаровски, особено радува фактот што Наковска – Бикова го повтори својот успех, 21 година по освојувањето на златниот медал на Европското првенство во Данска во 2001 година и ја надополни импресивната листа на своите спортски достигнувања на државно и на меѓународно ниво, меѓу кои е и освоениот златен медал на Параолимписките игри 2012 година во Лондон. На средбата Наковска – Бикова ги престави и плановите за своите идни настапи.

Претседателот Пендаровски упати честитка до македонската параолимпијка која освои златен медал на ЕП

Тале Кристо — Thu, 17 Mar 2022 15:01:48 +0000

Претседателот Стево Пендаровски упати честитка до македонската параолимпијка Оливера Наковска-Бикова, која на Европското првенство во норвешкиот град Хамар, го освои златниот медал во дисциплината 10 метри воздушен пиштол. Претседателот на својот фејсбук профил истакна дека македонската параолимпијка претставува инспирација за идните спортисти. -Златниот медал на Европското првенство во Норвешка на нашата најуспешна параолимпијка е огромен успех и инспирација за младите луѓе и идни спортисти во нашата татковина, стои во објавата.

Оливера Наковска Бикова европска првенка во воздушен пиштол

Тале Кристо — Wed, 16 Mar 2022 18:25:19 +0000

Најуспешната македонска параолимпијка Оливера Наковска Бикова постигна огромен успех на Европското првенство во норвешкиот град Хамар, освојувајќи го златниот медал во дисциплината 10 метри воздушен пиштол. До својата втора европска титула во кариерата, Наковска Бикова дојде со одличен настап во финалната серија, откако во квалификациите заврши третопласирана. Честитки по повод европската титула до Наковска Бикова и нејзиниот тренер, прославениот македонски параолимпиец Бранислав Јовановски, испрати Агенцијата за млади и спорт, најавувајќи свечен прием за идната недела.

Стрелачката Наковска – Бикова шестопалсиарана во првиот настап на ПОИ во Токио

Ивона Петрова — Tue, 31 Aug 2021 08:49:24 +0000

Единствениот македонски претставник на Параолимписките игри (ПОИ) во Токио, стрелачката Оливера Наковска – Бикова, претпладнево го освои шестото место во финалето во дисциплината воздушен пиштол од 10 метри. Наковска – Бикова, која влезе во финалето како осмопласирана, настапот го заврши со резултат од 147.9 кругови. Македонската параолимпијка на Игрите во Токио ја очекуваат уште два настапи, в четврток во дисциплината спорт пиштол од 25 метри и пиштол слободен избор од 50 метри, в сабота.