Оливија Њутн-Џон – Kurir.mk

По смртта на Оливија Њутн Џон се огласи љубовницата на нејзиниот поранешен сопруг

Ивона Петрова — Sun, 14 Aug 2022 13:47:21 +0000

Актерката Оливија Њутн Џон почина на 8 август, а веста за нејзината смрт ја потврди нејзиниот сопруг. Синди Џесап, поранешна дадилка, поради која актерката во 1994 година беше напуштена од тогашниот сопруг, се прости од Оливија, која пак, никогаш не ја наведе како причина за разделувањето. -Светот загуби вистински ангел. Оливија вистински се грижеше за луѓето и планетата. Имаше неверојатна добрина во себе и секогаш им помагаше на другите, изјавил Синди. Синди била љубовница на Мет Латанзи, а во моментот кога ја чувала ќерката на Оливија и Мет имала 23 години. Кога ќерката Клои имала седум години, Синди се преселила во нивниот дом во Австралија. Парот четири години подоцна се венчал тајно, но нивниот брак не траел долго. Синди денес е мажена, живее во Калифорнија.

„Не почина ненадејно“: Внуката на Оливија Њутн Џон ја откри причината за смртта на славната актерка – еве низ што поминала последните денови

Ивана Ефремовски — Thu, 11 Aug 2022 07:08:25 +0000

Според внуката на покојната Оливија Њутн Џон, Тоти Голдсмит, познатата актерка воопшто не умрела ненадејно. Набргу по ширењето на тажната вест, таа зборуваше на оваа тема за „Australia's 9 Now News“ и истакна дека ракот на дојката е секако „проблем број еден“, но дека Сенди од „Брилијант“ се борела со многу повеќе. -Не и го одзеде животот само ракот. Имаше компликации. Имунитетот ѝ беше целосно слаб, лежеше во болница, имаше инфекции. Во последните пет- шест дена се тргна надолу, со тешко срце изјави Тоти. Актерката пред смртта била и на канабиноиди, но не можела да се ослободи од болката. -Тоа беше корисно, но дојде момент кога дозата не беше доволна. Навистина се трудеше, објаснила внуката, а потоа продолжила да зборува за моментот кога ја известиле дека починала: „Тоа не беше шок за нас. Низ што минуваше во тие денови... Некако, знаевме дека е крајот. Не можев навреме да одам во Америка за да ја видам, па го замолив Џон (нејзиниот сопруг) да ја слушне барем по телефон. Сепак, тој се одлучи за „Фејстајм“, па на некој начин ја видов последен пат, еден ден. Сè што сакав да и кажам, и кажав. Знаев дека ќе не остави... Но, исто така чувствував дека и самата била свесна“. -Ја прашав дали се плаши од смртта, а таа ми одговори: „Не, не се плашам. Во мојот живот направив толку многу и постигнав повеќе отколку што можев да сонувам“ – со тага во гласот откри таа на крајот.

ТАЖНА ВЕСТ: Почина актерката Оливија Њутн-Џон

Катерина Бојаџиева — Mon, 08 Aug 2022 20:11:14 +0000

Познатата холивудска актерка Оливија Њутн Џон почина на 73-годишна возраст. Актерката утрово починала на својот ранч во Јужна Калифорнија, опкружена со семејството и пријателите, пишува „Дејли Мејл“. Нејзиниот сопруг Џон Истерлинг ја објави нејзината смрт на неговата Фејсбук страница. – Бараме сите да ја почитуваат приватноста на семејството во овој многу тежок период, напишал тој. – Оливија е симбол на триумф и надеж повеќе од 30 години во нејзиното патување со ракот на дојката. Нејзината исцелителна инспирација и пионерско искуство со хербалната медицина продолжува со Фондацијата Оливија Њутн-Џон, посветена на хербалната медицина и истражувањето на ракот, додал сопругот. Семејството побарало наместо цвеќе да се донираат донации за нејзината организација за рак. Оливија е родена на 26 септември 1948 година во Велика Британија и беше австралиска пејачка, текстописец, актерка, претприемач и активист. Таа е четирикратен добитник на Греми наградата, чија музичка кариера вклучува пет хитови број еден и уште десет топ 10 хитови на „Billboard Hot 100“. Најпозната е по улогата на Сенди Олсон во филмот „Брилијантин“, каде глумеше со Џон Траволта, а беше и страстен борец за зачувување на животната средина и правата на животните.

ФОТО: 41 година од филмот „Брилијантин“, Траволта и Оливија на повторна средба

Ивона Петрова — Mon, 16 Dec 2019 08:41:43 +0000

Актерите Џон Траволта и Оливија Њутн-Џон се појавија на повторната средба по повод 41-годишнина од филмот „Брилијантин“, во кој 1978 година глумеа заедно. Настанот се одржа во Вест Палм Бич во јужна Флорида, САД. – Првпат во вакви костими откако го снимивме филмот. Многу е возбудливо, напиша Оливија на својот профил на Инстаграм до фотографијата на којашто позира во легендарниот жолт комплет.

View this post on Instagram

Grease will ALWAYS be the word.

A post shared by John Travolta (@johntravolta) on Dec 15, 2019 at 3:10pm PST

Оливија инаку таа кожна јакна ја продаде во хуманитарни цели (за 250.509 долари), но анонимниот купувач ѝ ја врати и ја замоли да ја искористи за некој нов таков проект.

View this post on Instagram

#Grease is still the word. Opening night of #MeetNGrease at the @coralskyamp in West Palm Beach!

A post shared by John Travolta (@johntravolta) on Dec 13, 2019 at 8:48pm PST

Костим на Оливија Њутн-Џон од „Брилијантин“ продаден за 405.700 долари

Ивона Петрова — Mon, 04 Nov 2019 08:38:14 +0000

Комплетот кој актерката Оливија Њутн-Џон го носи во последната сцена од филмот „Брилијантин“ беше продаден на аукција, Беверли Хилс, Калифорнија, за 405.700 долари, двојно повеќе од очекуваното. Името на купувачот не се соопштува. Оригиналното сценарио кое ѝ припаѓало нејзе исто така е меѓу предметите продадени на аукцијата. Филм „Брилијантин“ е филм од 1978 година, во кој Њутн-Џон ја глумеше тинејџерката Сенди, партнерка на „лошото момче“ Дени кого пак, го глумеше Џон Траволта. Прочуениот црн костим меѓу другото ја овековечи песната „You’re the one that I want”. Тесните кожени панталони биле веќе две децении стари кога таа ги облече за филмот. Актерката изјавуваше дека тие ја ставиле во посебен режим на исхрана. Розовиот фустан што го носеше на премиерата на филмот е продаден за 18.750 долари. Глумицата моментно се лекува од рак на дојка и дел од средствата од наддавањето ќе се одат на сметката на нејзиниот центар за лекување рак во Австралија.

Оливија Њутн Џон ги продава панталоните од „Брилијантин”

Ивона Петрова — Fri, 18 Oct 2019 09:42:16 +0000

Актерката и пејачка Оливија Њутн Џон, најпозната по улогата во филмот „Брилијантин” каде глумеше покрај Џон Траволта, ќе продаде околу 500 свои предмети на аукција. Меѓу нив и славните црни панталони од завршните сцени од филмската класика. На аукцијата ќе биде понудена и виолетовата јакна што таа ја носеше во филмот, како и црната кожена јакна со која ја видовме на крајот од истиот. Сиот приход од наддавањето ќе оди во добротворни цели. Познатата глумица, инаку, со години се бори со рак на дојката, што првпат ѝ беше дијагностициран 1992 година.

Популарната актерка искрено: „Болката е неиздржлива, не сакам да знам уште колку време ми останува“

Ивона Петрова — Tue, 01 Oct 2019 11:16:08 +0000

Оливија Њутн Џон (71) за време на гостувањето во емисијата „The Morning“ со водителката разговарала за борбата со канцерот кој го има. Низ ваква ситуација познатата Сенди од „Брилијантин“ минува третпат. Ракот на дојки првпат и бил дијагностициран во 1992 година, на денот кога починал нејзиниот татко. Во 2013 година, актерката дознава дека ракот се проширил. Замина во ремисија, велки Оливија, повторно се врати пред години кога и било соопштено дека канцерот е во четвртиот стадиум. -Болката е некогаш неиздржлива. Често плачам од болка, но не сакам да разговарам за тоа колку време од животот ми останува. Во секој случај решѓена сум да живеам подолго од прогнозите на докторите. Не сакам да зборувам за смртта. На крајот на краиштата, може и утре да загинам во некој несреќа, на пример да падне некое дрво на мене, вели Оливија. Посочува и дека фактот што е во својот дом и може да медитира многу и ја олеснува ситуацијата.

Славната актерка се бори со рак: „Не сакам да знам уште колку време ми останува“

Предраг Кукиќ — Wed, 07 Aug 2019 11:01:49 +0000

Оливија Њутон Џон (70) се бори со сериозна болест. Кон крајот на минатата година, дознала дека ракот на дојка се вратил по трет пат, а на шоуто „60 минути“, зборуваше за нејзината борба. – Кога ќе откриете дека имате сериозна болест, веднаш добивате временски распоред. Не сакам да верувам во овие ограничувања затоа што кога некој верува во нив, тие лесно можат да се остварат, верува таа. Таа продала кожна јакна и панталони што ги носела на „Брилијантин“ за да инвестира пари во истражување за третман на рак со канабис. Самата актерка користи канабис за лекување на нејзината болест и вели дека и помага.

Ѕвездата на „Брилијантин“ преживува голгота, по трет пат се бори со ракот

Ивана Ефремовски — Tue, 11 Sep 2018 07:59:04 +0000

Ѕвездата од мјузиклот „Брилијантин“ Оливија Њутн-Џон ќе мора по третпат да се лекува од рак на градите. Австралиската глумица која е веќе на прагот од осмата деценија од животот изјави во интервју за австралискиот „Канал 7“ дека одбива болеста да ја нарекува „битка со ракот“. - Наместо „извојување битка“, претпочитам да го викам тоа „повторна победа“. Битката потсетува на бесот кои многу и не ни се допаѓаат. Јас повторно ќе извојувам победа, изјави таа. На четирикратната добитничка на Греми, првпат ракот и беше дијагностициран во 1992 година, а по ремисијата, таа повторно беше дијагностицирана во 2013 година.

Траволта и Оливија Њутн танцуваа на 40-тиот роденден на „Брилијантин“

Ивона Петрова — Sun, 19 Aug 2018 07:46:13 +0000

Глумците Џон Траволта (64) и Оливија Њутн Џон (69) го прославија 40-тиот роденден на познатиот мјузикл „Брилијантин“, во кој ги играа главните улоги. Траволта и Оливија танцувале за време на свечената проекција на филмот. На проекцијата присуствувал и режисерот на филмот, Рендал Клајсер. Филмот „Брилијантин“ е адаптација на бродвејски мјузикл и изобилува со музички хитови.