Олта Џачка – Kurir.mk

Министерката Џачка во посета на Атина за прашањето за морската граница

Ивана Ефремовски — Fri, 02 Dec 2022 09:56:04 +0000

Албанската министерката за Европа и надворешни работи Олта Џачка денеска престојува во официјална посета на Атина. Според медиумите, двајцата министри Дендиас и Џачка ќе имаат двочасовна средба по што следува средба на двете делегации. -Се дознава дека меѓу двете делегации ќе се разговара за некои прашања кои ги преокупираат билатералните односи, како што се училишните учебници, прашањето за гробиштата на загинатите Грци во Втората светска војна на територијата на Албанија, како и за забрзување на решавањето на морската граница, процес кој страните веќе го испратија на решавање до меѓународниот суд во Хаг, јави Топ чанел. На средбата меѓу двајцата министри нема да бидат изоставени прашањата од регионот и грчката поддршка за европскиот пат на Албанија. (МИА)

Министерката за одбрана на Албанија, Олта Џачка во посета на Македонија

Ивана Ефремовски — Mon, 25 Feb 2019 07:10:06 +0000

Во официјална посета во Министерството за одбрана денеска ќе престојува министерката за одбрана на Албанија, Олта Џачка.

Како што соопштија од МО, по церемонијата за пречек пред Министерството, предвидена е тет-а-тет средбата на министерките Радмила Шекеринска и Олта Џачка, како и средба на двете делегации.

Министерките ќе имаат средба и со премиерот Зоран Заев по која ќе дадат изјави за медиумите во медија центарот во Владата.

Министерката за одбрана на Албанија, Џачка ќе се сретне и со претседателот на Собранието, Талат Џафери.

Албанија сака американска воена база на своја територија

Ивона Петрова — Wed, 18 Apr 2018 05:53:01 +0000

Албанија сака САД да изградат воена база на нејзина територија за да спречат влијание на Русија, изјави албанската министерка за одбрана Олта Џачка. – Милсма дека треба да испратиме силна порака дека Западен Балкан е регион ориентиран кон Западот, дека споделуваме исти принципи и вредности што треба да се бранат, изјави таа при посетата на Пентагон каде имаше средба со американскиот министер за одбрана Џејмс Матис. Таа предложи военоморска база на САД или НАТО во Јадранското Море. Министерката посочи дека Русија „се обидува да го зголеми влијанието, дестабилизацијата и акциите преку тајни служби, инвестиции или пропаганда“, но исто така и „Кина, Иран, па дури и Турција“. МИА