олтар – Kurir.mk

Идна невеста го прашува дедо си дали ќе ја испрати до олтарот заедно со татко ѝ (Емотивно ВИДЕО)

Ристе Здравков — Tue, 01 Nov 2022 10:35:55 +0000

Внуците честопати оформуваат специјална врска со своите баби и дедовци. Кога Тинал Еске требало да зачекори кон олтарот за да го каже судбоносното „Да“, знаела дека не сака да го направи тоа без да го има дедо си покрај себе. Идната невеста го покани дедото да ја испрати заедно со нејзиниот татко до олтарот, а емотивниот маж не можеше да си ги задржи солзите. Моментот беше снимен, а видеото стана хит на TikTok со повеќе од 1,8 милиони прегледи. „Сонував за овој момент со дедо од мало девојче. Конечно го прашав дали ќе ме испрати до олтарот заедно со татко ми. Тој е најскапоцениот човек со кого имам специјална врска целиот мој живот. Тој ми даде многу љубов и поддршка. Едвај чекам да го споделам мојот специјален момент со него в година. Го сакам многу“ – напиша Еске во видеото.

@tenealeske My precious grandy, I love you 💛 #weddingtiktok #weddingplanning #walkingdowntheaisle #fyp ♬ Turning Page (Instrumental) - Sleeping At Last

Не се толку површни колку што мислевте: Еве кои 2 причини ги наведуваат мажите да мислат на застанување пред олтар

Ристе Здравков — Thu, 14 Oct 2021 18:58:59 +0000

Со децении, ние сме навикнати на „воспоставени приказни“ за машките емоции, нескршливите срца и бракот до кој можат да доведат години, луда заљубеност или очекувања. Реалноста кога станува збор за емотивниот избор, одлуките и пресудите се малку поинакви, особено ако зборуваме за зрел, исполнет и самоуверен човек. Иако момчињата сонуваат за совршена венчавка, семејство и љубов што го менуваат светот многу поретко отколку жените за време на младоста, постојат 2 причини кои би го довеле посилниот пол до судбоносниот чин. Тие во вас ја гледаат мајката на нивните деца и столбот на семејството На мажите ќе им треба повеќе време да одлучат дали сте вие „вистинската“, и во моментот кога ќе го сфатите тој факт, вашите мисли ќе одат во една насока, иако нема да ве прашаат веднаш. Неопходно е врската да стане достојна за свршувачка и брак. Бидете трпеливи и приврзани, и бајковитата љубовна приказна нема да се пропушти. Страв од губење сакана личност Иако овој факт може да изгледа површно и помалку важен на прв поглед, посилниот пол тајно се плаши дека нема да можат да ги задоволат потребите на своите избраници и со овој потег можат да обезбедат љубов до крајот на животот во текот на која ќе ги поправи сите недостатоци. Покрај овие две водечки причини за влез во брачна заедница, на листата се придружуваат навика, вистинска емоција, татковски инстинкт, традиција ….

Му се одмаздила пред олтарот: Наместо предбрачни завети, ги читала прељубничките пораки на свршеникот

Ивона Петрова — Thu, 02 Jan 2020 11:59:28 +0000

Откако застанала пред олтарот, една Американка, наместо најавените предбрачни завети, почнала да ги чита прељубничките интернет-пораки на својот несуден сопруг. Девојката ја добила преписката сосем случајно… На претсвадбената забава со своите деверици, добила порака на својот телефон. Притоа мислела дека тоа е уште една од низата честитки, но од таа и од следните пораки, ја дознала непријатната вистина. Испраќачката била самата љубовница на свршеникот со којашто се среќавал со месеци. Другарките на „идната невеста“ ја молеле да ја откаже венчавката, но таа се одлучила на одмазда. Така, денот на венчавката почнал според планот… Но, кога девојката стигнала до олтарот, се свртела кон гостите и ги известила дека нема да има венчавка затоа што нејзиниот иден сопруг не е личноста што таа мислела дека е. Семејството и пријателите биле вџашени, а младоженецот се обидел да ја зграби неговата невенчана сопруга за рака, но таа се оттргнала и почнала да ги чита пораките што ги добила од неговата љубовница. Момчето веднаш истрчало од црквата, во придружба на неговиот кум. Невестата потоа повторно им се обратила на гостите: „Ве сакам сите и без оглед колку е страшно, драго ми е што денеска сте тука. Нема да имаме свадба, но ќе ги прославиме вистината, наоѓањето на вистинска љубов и верувањето во своето срце и покрај болката”.

Момчето ја остави пред да го каже судбоносното „ДА“: Нејзиниот живот стана неверојатна приказна

Ивана Ефремовски — Fri, 05 Oct 2018 17:12:36 +0000

Облечена во венчален фустан, Американката Кејти Колинс стоеше пред олтарот и го чекаше својот младоженец, но тој никогаш не се појави. Нејзината долгогодишна љубов ја остави на денот на вечавката, вели приказната која ја пренесе „Дејли Мејл“. Скршена од срам и од болка, Кејти купила авионски билет во еден правец за Југоисточна Азија. Не знаела што ја чека кога тргнала во обиколка на Тајланд, Индија и Непал и оти на патувањето ќе го оствари својот детски сон, да стане писател. -Сите мислеа дека сум полудела. Не можеа да разберат како сега јас самата ќе патувам по светот, а јас всушност си се пронајдов себе си, изјави Кејт за „Дејли Мејл“. Приказни од своите патешествија, таа редовно објавувала на нејзиниот блог наречен: „Не сум мажена, не сум ни мртва“. Овој блог, набрзо стана голем интернет хит. -Луѓе кои го читаат мојот блог постојано ми праќаа мејлови со поддршка. Добивав и пораки од жени, но и мажи кои исто така биле оставени пред олтар, а јас сум им станала инспирација. Ако си оставен, тоа не мора да значи дека треба да се сожалуваш и да јадеш големи колични на сладолед, додаде Кејт. Таа почнала со неколку поглавја, без да планира дека тоа е почеток на нов роман. -Целта ми беше да ги пренесам впечатоците за тоа како го доживеав Таџ Махал, како пешачев на подноќјето на Хималите, и едноставно сите овие приказни ги претворив во книга. Голема промена се случи кај мене од пред 5-6 месеци кога размислував за бракот. Ова е мојата втора шанса која решив да ја искористам, раскажала писателката. Денеска е среќно мажена и го очекува второто дете Од тогаш, таа со ранецот на грб патува по светот. Беше на патување по Јужна Азија шест месеци, а потоа живееше во Франција предавајќи англиски јазик. Живееше во мало француско рибарско село кога доби понуда за издавање на книгата. -Иронијата е во тоа што понудата за издавање на книгата ја добив на истиот ден кога дечкото ме остави пред олтар, само три години подоцна. Тој повик беше награда што бев храбра и горда и почнав да живеам живот каков што од секогаш сум сакала, вели таа. Нејзиниот прв роман публиката го нарече „Бриџит Џонс на пат“. Денес, таа е среќно мажена, мајка е на една ќерка и бремена е со второ дете.