Олуја – Kurir.mk

Силно невреме во Јапонија: Загинаа три лица, наредена евакуација на 850.000 луѓе

Ивона Петрова — Wed, 28 Aug 2019 07:15:07 +0000

Невреме проследено со силни врнежи предизвика поплави и свлечишта на југот од Јапонија во кои загинаа најмалку три лица. Властите наредија евакуација на речиси 850.000 луѓе. Маж загина откако надојдена вода му го однела автомобилот. Друг починал кога бил однесен од вода откако излегол од својот автомобил, јавуваат медиумите. Жена била пронајдена без знаци на живот во својот автомобил кој паднал во река. Владиниот портпарол на прес-конференција побарал од населението да превземе мерки за рана евакуација за да ги заштитат своите живот.

Оркански удари на ветрот на подрачјето на Сплит корнат дрва

Предраг Кукиќ — Mon, 24 Sep 2018 13:59:56 +0000

Изненадувачки силна бура дува денеска на широкотo подручје на Сплит, каде орканските удари на ветрот достигнуваат брзина од 122 километри на час. Во Подвелебитскиот канал брзината на ветровите е 150 километри на час, соопшти хидрометеоролошката станица Марјан. Бурата крши гранки и корне од корен цели стебла. Урнати стебла има во Каштел Сучурац, на Марај, а поради бурата откорнат е кров на автобуска станица. Поради орканските удари на ветрот и грмотевиците проблеми има и во воздушниот сообраќај. (МИА)

Олујата Елеанор ја покосила Западна Европа, три лица загинале

Александар Михаилов — Thu, 04 Jan 2018 12:14:28 +0000

Олујхата Елеанор, четврта во сезоната која ја зафатила Западна Европа, со ветер со јачина до 160 километри на час, предизвикала смрт на едно лице во Франција и еден пар во Шпанија. Силен ветер и налети на дожд ги покосиле Англија, Ирска, Швајцарија, Германија, Белгија, Холандија, Франција и Шпанија. Пар Шпанци загинале во средата кога ги однел голем бран додека стоеле на пристаништето во крајбрежно село во Баскија. На француските Алпи, 21-годишен скијач загинал при пад на стебло во ски центарот Морилон. Десетици повредени во Франција и Швајцарија Во олујата биле повредени 26 лица, меѓу кои четири тешко во Франција, каде аеродромите се парализирани, а возовите сопрени. Во средата навечер околу 35.000 домови уште биле без струја. Во централниот дел на Швајцарија, осум лица биле повредени откако поради силниот ветер се превртел еден вагон во Ла Ленк. Во швајцарскиот кантон Фрибург, на западот на земјата, неколку кровови на приватни и јавни згради се урнале при што, за среќа, немало повредени. Во неколку земји блокиран е воздушниот сообраќај. Во Холандија, за прв пат сите пет брани кои ја штитат земјата од водата од Северното море, привремено биле затворени во средата за да се избегнат поплави. Поради посебно интензивните налети на ветер воздушниот сообраќај е блокиран во неколку држави. На парискиот аеродром Шарл Де Гол, 60 проценти од летовите доцнеле со полетувањето до 9 часот, а третина доцнеле со слетување.