Дрон со бомба погоди танкер со нафта во близина на Оман

Магдалена Андонова — Wed, 16 Nov 2022 10:59:36 +0000

Дрон кој носел бомба погоди танкер со нафта поврзан со израелскиот милијардер Идан Офер во близина на брегот на Оман, соопшти денеска претставник на одбраната на Блискиот Исток. Нападот се случил доцна синоќа, а воените структури на Велика Британија, кои го следат поморскиот сообраќај во тој регион, соопштија дека се „свесни за инцидентот и моментално го истражуваат нападот“. Службеникот го идентификуваше нападнатиот брод како танкер за превоз на нафта „Пацифик Циркон“. Со танкерот управува компанијата Истерн Пацифик Шипинг (Eastern Pacific Shipping) со седиште во Сингапур и во сопственост на израелскиот милијардер Ајдан Офер. Досега никој не ја презеде одговорноста за нападот. (МИА)

Во Оман измерена највисока ноќна температура досега во светот

Дарко Андоновски — Sat, 30 Jun 2018 09:10:14 +0000

Во оманскиот град Куријат неодамна е регистрирана највисоката ноќна температура во историјата, кога се измерени 42,6 степени Целзиусови. Податокот е од 26 јуни, а станува збор за највисока температура во период од 24 часа во Куријат, кој има 50.000 жители. И претходниот таков температурен рекорд е забележан во Оман, на аеродромот во Касаб, 600 километри од Куријат, во близина на границата со Обединетите Арапски Емирати. Метеорологот на Си-Ен-Ен, Брендон Милер изјави дека причина за тоа се неколку фактори. Куријат и Касаб се наоѓаат во Оманскиот залив, каде температурата на водата редовно достигнува 30 степени. Кога ќе се соединат високите температури од Арапскиот Полуостров и топлиот влажен воздух од Оманскиот залив се добива екстремно висок топлотен индекс и исклучително високи температури во текот на ноќта, бидејќи воздухот ноќе не може да се разлади поради влажноста, објаснува Милер. МИА

оман – Kurir.mk

Дрон со бомба погоди танкер со нафта во близина на Оман

Во Оман измерена највисока ноќна температура досега во светот