омикрон – Kurir.mk

„Кракен“ откриен и во Србија

Ивона Петрова — Tue, 14 Feb 2023 20:45:56 +0000

Во Србија е детектиран Кракен, подваријанта на Омикрон на вирусот на Ковид-19 што шири низ целиот свет, објави Јуроњуз Србија повикувајќи се на Институтот за молекуларна генетика и генетско инженерство. „Подваријантата XBB 1.5 (Кракен) е откриена во примероци во Србија“, изјави д-р Сања Јеремиќ, заменик директор на Институтот за молекуларна генетика и генетско инженерство, каде што сега се врши секвенционирање на коронавирусот. Во Србија во изминатите 24 часа биле тестирани 10.350 лица за присуство на коронавирус, од кои вирусот е потврден во 825. Од заразата починале две лица. Светската здравствена организација (СЗО) предупреди дека подваријантата XBB.1.5 е „најпреносливата подваријанта досега откриена“. Лекарите се загрижени дека „Кракен“ ги избегнува постоечките антитела во телото, кои се добиени како резултат на претходни инфекции со коронавирусот. Колку брзо се пренесува најдобро кажуваат податоците од САД. На крајот на октомври во државата Њујорк беше откриена нова подваријанта на омикрон, а до декември повеќе од 40 отсто од случаите на Ковид 19 во таа земја биле предизвикани од сојот XBB.1.5, покажуваат податоците на американските центри за Контрола и превенција на болести.

СЗО: Патниците да носат маски на долгите летови поради појавата на нов подвид на омикрон

Катерина Бојаџиева — Tue, 10 Jan 2023 17:52:49 +0000

Земјите треба да размислат да им препорачаат на патниците да носат маски на летовите на долги релации поради појавата на нов подвид на омикрон кој брзо се шири во САД, соопшти денеска Светската здравствена организација. Во Европа, новиот подвид на корона, кракен, е откриен во мал број земји, соопштија претставници на СЗО за Европа, објави „Ројтерс“. Тие рекоа дека патниците треба да се советуваат да носат маски на подолги летови, рече високиот претставник на СЗО за итни случаи во Европа, Кетрин Смолвуд.

Во Грција потврдени случаи на новите подваријанти на омикронот-BQ.1 и BQ.1.1, кои се очекува да станат доминантни во Европа

Катерина Бојаџиева — Wed, 26 Oct 2022 08:22:58 +0000

Во Грција се потврдени вкупно 15 случаи на подваријантите BQ.1 и BQ.1.1 на сојот омикрон, за кои Европскиот центар за превенција и контрола на болести (ЕЦДЦ) очекува до средината на ноември и почетокот на декември да станат доминантни кај повеќе од половината потврдени случаи, јави дописничката на МИА од Атина. Станува збор за подваријанти на варијантата ΒΑ.5 на мутацијата Омикрон, а во Грција, според податоците од Националната организација за јавно здравје, во периодот од 1 септември до 18 октомври биле потврдени десет случаи на BQ.1 и пет на BQ.1.1. Од Европскиот центар за превенција и контрола на болести во петокот соопштија дека во некои земји на Европската унија е откриена подваријантата BQ.1, која од 20 октомври 2022 година, ЕЦДЦ ја означи како варијанта на интерес (VOI). Согласно нивните модели, се очекува до средината на ноември и почетокот на декември над 50 отсто од заразените со Ковид-19 да се должат на BQ.1/BQ.1.1, а до почетокот на 2023 година, кај повеќе од 80 отсто од случаите да бидат доминантни овие варијанти. -Оваа варијанта (BQ.1) и нејзините подваријанти веројатно ќе придонесат за дополнително зголемување на случаите на Ковид-19 во Европската Унија и Европската економска зона во следните недели и месеци, соопштија од ЕЦДЦ во петокот и додадоа дека врз основа на ограничените достапни податоци, нема докази дека подваријантата BQ.1 е посериозна од постоечките варијанти BA.4/BA.5. Освен новите подваријанти, во конкретниот период во Грција се потврдени и 35 случаи на подваријантата BA.2.75 на BA.2, позната како Кентаур, а во земјата има вкупно 66 случаи на ова подваријантата.

Во Грција почнува имунизација со прилагодените вакцини за новите подваријатни на Омикрон

Ивона Петрова — Mon, 03 Oct 2022 08:15:37 +0000

Од денеска во Грција започнува имунизација со ажурираните и прилагодените вакцини против Ковид-19 кои заштитуваат од подваријантите БА.4 и БА.5 на мутацијата Омикрон, јави дописничката на МИА од Атина. Конкретните вакцини, кои минатата седмица пристигнаа во Грција, ќе се користат само како прва или втора бустер доза, односно само за оние кои се веќе вакцинирани до две или три дози. Во четвртокот се отвори платформата за закажување термин за вакцинација, а според грчката новинска агенција АНА-МПА, за само еден ден биле закажани 12.185 термини. Пред 20 дена започна имунизацијата со вакцините наменети за варијантата Омикрон БА.1, а приоритет и за двете ажурирани вакцини имаат граѓаните над 60-годишна возраст и лицата од 12 до 59 години со здравствени проблеми. Новите вакцини може да се примат три месеци по вакцинацијата или по прележан Ковид-19, а се наменети само за вакцинираните, додека пак оние кои се невакцинирани, ќе се имунизираат со постоечките вакцини.

Европската Агенција за лекарства одобри две верзии вакцини против Омикрон сојот на коронавирусот

Магдалена Андонова — Thu, 01 Sep 2022 15:32:29 +0000

Агенцијата за лекарства на Европската унија (ЕМА) денеска одобри верзии на вакцини против коронавирусот прилагодени на омикрон сортата, развиени од фармацевтските компании „BioNTech/Pfizer“ и „Moderna“. Агенцијата појасни дека Комитетот за хумани медицински производи на ЕМА препорачал одобрување две вакцини приспособени да обезбедат поширока заштита од Ковид-19 како засилувачка доза. Вонредната седница на Агенцијата беше свикана за да се донесе одлука пред почетокот на есенските кампањи за вакцинација. „Овие вакцини се адаптирани верзии на оригиналните вакцини Comirnaty (Pfizer/BioNTech) и Spikevax (Moderna) за да ја таргетираат подваријантата Omicron BA.1 како додаток на оригиналниот вид коронавирус“, се објаснува во соопштението на ЕМА. Според проценката на Агенцијата, односните вакцини може да предизвикаат силни имунолошки реакции против „Omicron BA.1“ и оригиналниот вид на „SARS-CoV-2“ кај луѓето кои претходно биле вакцинирани. Во јуни EMA започна со преглед на адаптираните акции на „Moderna“ и „BioNTech/Pfizer“. Сепак, тие вакцини се развиени за заштита од постарата подваријанта на омикрон, а не од соевите „BA.4“ и „B.5“ што брзо се шират, а се одговорни за повеќето инфекции со коронавирус во Европа во моментот. ЕМА моментално собира информации од клиничките испитувања за друга вакцина „BioNTech/Pfizer“ прилагодена на подваријантите „BA.4“ и „B.5“. (МИА)

Ефикасна е против омикрон: Британија прва одобри бивалентна вакцина против коронавирус

Ивана Ефремовски — Mon, 15 Aug 2022 12:37:55 +0000

Велика Британија стана првата земја што ја одобри вакцината против Ковид-19 која е ефикасна и против оригиналната и против микронската варијанта на корона вирусот. Британската Регулаторна агенција за лекови и здравствени производи (MHRA) ја одобри таканаречената бивалентна вакцина произведена од американската фармацевтска компанија Модерна, како бустер вакцина за возрасни, објави Ројтерс. Одлуката на агенцијата се заснова на податоци од клиничките испитувања, кои покажаа дека вакцината предизвика силен имунолошки одговор против Омикрон (БА.1) и оригиналниот вирус од 2020 година, се вели во соопштението. MHRA исто така изјави дека анализата покажала дека вакцината генерирала добар имунолошки одговор против моментално доминантните омикронски соеви BA.4 и BA.5. Првата генерација на вакцина против Ковид-19 што се користи во Обединетото Кралство продолжува да обезбедува важна заштита од болести и спасува животи, се вели во соопштението на извршниот директор на MHRA, Џун Рејн. Според неа, оваа бивалентна вакцина ќе ги заштити луѓето од корона, додека вирусот продолжува да се развива. (МИА)

Доминантната верзија на омикрон е сепак поопасна од претходната: Еве кој е под помал ризик

Магдалена Андонова — Wed, 10 Aug 2022 10:51:26 +0000

Сегашниот доминантен тип на коронавирус, омикрон БА.5 има дури три пати поголеми шанси да ве однесе во болница од неговата претходна варијанта, покажува новото истражување, пренесува „Експрес“. Истражувањето на тим од Португалија покажа дека оние кои биле вакцинирани имале седум проценти шанси за хоспитализација кога варијантата BA.2 била доминантна, но овој процент се зголемил на 23 проценти во случајот со сојот омикрон BA.5. Тоа значи дека постои 3,3 пати поголем ризик од хоспитализација. Како дел од студијата објавена во списанието „Медрксив“, истражувачите анализирале здравствени досиеја на повеќе од 27.000 случаи на пациенти. Од примероците земени помеѓу 25 април и 10 јуни 2022 година, 55,5 проценти беа класифицирани како BA.2, а останатите како BA.5. Се покажа дека луѓето кои ја примиле бустер вакцината имале значително помала веројатност да бидат хоспитализирани или да умрат од ковид. - Кај заразените со омикрон БА.5, бустер вакцинацијата беше поврзана со 88 отсто намален ризик од хоспитализација и смрт од ковид, но дефинитивно поголеми шанси за реинфекција беа забележани во случаите на БА.5 во споредба со БА.2, наведуваат во студии. Некои од симптомите на BA.5 се разликуваа од претходните варијанти на корона вирусот. Како што е објавено во здравствената студија „ZOE“, 10-те најчести симптоми на варијантите BA.4 и BA.5 се во ред: -Настинка -Воспалено грло -Главоболка -Кашлање -Кивање -Необична болка во зглобовите -Грозница -Зарипнат глас -Moрници

Плеврис: Кон средината на август може да бидат одобрени новите ажурирани вакцини за сојот омикрон

Катерина Бојаџиева — Fri, 05 Aug 2022 11:31:14 +0000

Според информациите што ги имаме од компаниите е дека кон средината на август може да биде фазата на одобрување на вакцините кои се ажурирани за сојот омикрон, односно не само што штитат од тешко заболување, туку и од инфекција со омикрони, а малку подоцна ќе ги вклучат и варијантите четири и пет, кои сега доминираат, рече министерот за здравство на Грција Танос Плеврис во интервјуто за грчкото радио „Скај 100,3“, јави дописничката на МИА од Атина. Објасни дека токму поради новата, ажурирана вакцина која ќе заштитува и од омикрон, повеќето од нивните нарачки на вакцини ги префрлиле за кон крајот на есента. Во однос на текот на пандемијата во земјата, министерот за здравство истакна дека во овој момент постои стабилизирање на новиот бран што зема замав во јуни и јули и оцени дека во следните седмици ќе има пад на бројот на заразени. -Очекуваме дека од септември веројатно ќе има нов бран, исто како што досега функционираше пандемијата, но единствената разлика што ја имаме во споредба со претходниот период е што имаме имунизациска покриеност на населението и имаме антивирусни лекови за широка употреба, објасни Плеврис.

Здравствената состојба на Бајден се подобрува

Ивона Петрова — Sat, 23 Jul 2022 19:29:59 +0000

Американскиот претседател Џозеф Бајден веројатно се заразил со лесно пренослив сој на коронавирусот и сега има болки во телото и грлото, објави денеска неговиот лекар. Видот, познат како БA.5, е изданок на сојот омикрон што се појави кон крајот на минатата година и се верува дека со него се заразени повеќето од позитивно тестираните на коронавирусот во земјата. Лекарот на американскиот претседател, Кевин О’Конор, кажа дека претходните симптоми на Бајден, кои вклучуваат течење на носот и кашлица, станале „помалку проблематични“. Виталните знаци на Бајден, како што се крвниот притисок и брзината на дишење, „остануваат сосема нормални“, напиша докторот. О’Конор додаде дека прелиминарните резултати од секвенционирањето што укажуваат на варијантата BA.5 не влијаеле на планот за лекување на Бајден „на кој било начин“. Бајден излезе позитивен на коронавирусот во четвртокот наутро, соопшти Белата куќа, додавајќи дека 79-годишниот претседател почнал да зема паксловид, антивирусен лек што треба да ја ублажи формата на болеста. Претставници на американската администрација истакнаа дека неговите симптоми биле благи бидејќи има примено четири дози од вакцината.

Најновата омикрон варијанта на коронавирусот може да биде најлоша досега?

Магдалена Андонова — Thu, 14 Jul 2022 09:56:34 +0000

Британски „The Sun“ пишува дека најновата омикрон подваријанта што се шири во Велика Британија би можела да биде најлошата варијанта досега. БА.5 го води летниот бран на Ковид-19, а американскиот лекар Ерик Топол изрази загриженост за неговата способност да го наруши имунитетот и преносливоста. Докторот вели дека подваријантата BA.5 има многу подобра способност да навлезе во клетките, што објаснува зошто оваа верзија на вирусот предизвикала толку многу проблеми. Не само што припаѓа на семејството омикрон, туку има сличност со видот делта, кој покажа потешки симптоми и повисоки стапки на хоспитализација. - Сепак, бројни студии досега покажаа дека омикрон предизвикува полесни форми на болеста. Затоа, рано е да се каже дали варијантата БА.5 ќе предизвика потешки клинички симптоми, но тоа може да се очекува поради неговата заразност на клетки слични на сојот делта - изјави д-р Топол. Д-р Топол додаде дека е тешко да се дефинира колку ќе биде распространета новата омикронска подваријанта во споредба со претходните видови, бидејќи постои „ѕид на имунитет“. Тој вели дека подваријантата БА.5 омикрон е најслична на делта сој досега, а најефективната форма и понатаму е носење маски, растојание, вентилација на просторијата, вентилација и вакцинација. Бројот на заразени со коронавирусот е во пораст и во Европа, Азија и Америка, а Светската здравствена организација објави дека бројот скокнал за 30 отсто во последните две недели.