ОМО Илинден Пирин – Kurir.mk

ОМО Илинден Пирин: Има камери, бугарската полиција брзо да открие кој го скрши стаклото на македонскиот клуб во Благоевград

Ристе Здравков — Sun, 05 Feb 2023 12:12:09 +0000

Организацијата на Македонците во Бугарија ОМО Илинден Пирин бара од тамошната полиција да го истражи случајот со кршењето на стаклото на македонскиот клуб во Благоевград. „Веќе 17 години напади врз македонските клубови во Бугарија. Дали полицијата конечно ќе истражи овој пат и нема да одбие? Да видиме дали ќе ги најде сторителите откако неодамна постави камери над клубот на свој начин. Се надевам дека беше за безбедност, а не само за следење на доаѓањето. А има од каде да почне - нека го испрашуваат Виктор Стојанов, еден од организаторите на провокациите, кој истовремено беше во Благоевград со цела банда аверис“, стои во постот објавен на Фејбук страницата на ОМО Илинден Пирин. Во постот се означени премиерот Димитар Ковачевски, лидерот на ВМРО-ДПМНЕ Христијан Мицкоски, претседателот Стево Пендаровски, првиот човек на Левица Димитар Апасиев, министерот за надворешни работи Бујар Османи, вицепремиерот Бојан Маричиќ и претседателката на Европската комисија Урсула ван дер Лајен и комесарот Оливер Вархеи. Во објавите од вчера, ОМО Илинден Пирин информираше дека Македонците од Бугарија го одбележуваат раѓањето на Гоце Делчев и оти положиле цвеќе на споменикот во Благоевград, но исто така посочуваат и дека не им било дозволено да користат македонски знамиња. Прославата во чест на Гоце продолжила во Македонскиот културен клуб „Никола Вапцаров“.

ОМО “Илинден”- ПИРИН: И нашиот клуб во Бугарија на два пати беше искршен, но никој не беше казнет

Тале Кристо — Tue, 07 Jun 2022 19:51:29 +0000

Во 2007 у 2008 г. на два пати беше напаѓан клубот на ОМО „Илинден“-ПИРИН во гр. Гоце Делчев – скршени стакла, исцртани свастики и др. Полицијата одби да започне истрага зашто штетата не била доволно голема, медиумите не соопштија за настанот, властите не го осудија вандализмот и се разбира никој не беше казнет, реагираат Македонците од соседна Бугарија. -Разликата меѓу Македонија и Бугарија Пред неколку дена беше запален влезот бугарскиот културен клуб „Ванчо Михајлов“ во Битола. Настанот беше одразен во медиумите, актот беше осуден од македонските власти на владино ниво, веднаш беше започната истрага и за само неколку дена осомничениот е уапсен и притворен. Во 2007 у 2008 г. на два пати беше напаѓан клубот на ОМО „Илинден“-ПИРИН во гр. Гоце Делчев – скршени стакла, исцртани свастики и др. Полицијата одби да започне истрага зашто штетата не била доволно голема, медиумите не соопштија за настанот, властите не го осудија вандализмот и се разбира никој не беше казнет, реагираат Македонците од соседна Бугарија. Инаку, обвинителството побара притвор за Ламбе Алабаковски, бидејќи истиот имал македонско и американско државјанство. -Основното јавно обвинителство Битола поведе постапка против едно лице за кривично дело – Предизвикување општа опасност од член 288 став 1 од Кривичниот законик. Постои основано сомнение дека пријавениот 34-годишник на 4 јуни, во раните утрински часови, со пожар предизвикал значителна опасност по имотот од големи размери. Тој истурил бензин врз влезната врата од Културниот центар „Ванчо Михајлов“ во Битола, ставил фитил на прагот и го запалил. Бидејќи постои опасност осомничениот да се даде во бегство, особено со оглед на фактот што тој има двојно државјанство на Р.С. Македонија и на САД каде живеел до неодамна, јавниот обвинител до судијата на претходна постапка достави предлог за определување мерка притвор, стои во соопштението на обвинителството.

Македонците во Бугарија: Се срамиме од оваа анти-македонска Влада, да се исправиме пред неправдите и да избереме Обнова на Македонија

Ивана Ефремовски — Sun, 12 Jul 2020 13:13:23 +0000

Ви се обраќам во мое име и од името на моите истомисленици како активисти и поборници за правата на Македонците во Бугарија. Од комунистичкиот режим на Живков па до ден денешен нашата борба не запира за признавање на посебноста на Македонскиот народ во Бугарија! И нема да запре! Како одминуваа годините така ние Македонците бевме се поблиску до нашата цел т.е признавање на посебно македонско малцинство во Бугарија, порачува Иван Сингартијски, копретседател на ОМО Илинден Пирин. „Но се додека не се појави Зоран Заев! Тие и тој се откажаа од нас како Македонци па од малцинство станавме дијаспора без никакви права! Од мое лично име и од името на многу Македонци во Бугарија кои се срамат од оваа анти-македонска и квислиншка влада Ве повикувам на 15-ти Јули да се обединиме и да го дадеме нашиот и вашиот глас за ВМРО-ДПМНЕ предводено од Христијан Мицкоски. ВМРО-ДПМНЕ е единствената македонска опција која јасно и недвосмислено покажа и ќе покаже дека нема да ги напуштиме идеалите на Гоце и Јане! Да се исправиме пред неправдите и да избереме Обнова на Македонија“-порача тој од име на здружението!